کرا چی(پی پی آ ئی)کراچی میں بلدیاتی الیکشن ایک بار پھر ملتوی ہونے کے امکانات پیدا ہو گئے ہیں، کیوں کہ سندھ کابینہ نے مزید 90 روز کی تاخیر سے الیکشن کرانے کی تجویز منظور کرلی ہے۔صوبائی کابینہ نے بلدیاتی ایکٹ 2013 کے اختیارات کے تحت سرکولیشن کے ذریعے 90 روز تاخیر کی تجویز کی منظوری دی ہے، اور سندھ حکومت نے بلدیاتی الیکشن کے حوالے سے الیکشن کمیشن کو خط بھی لکھ دیا ہے۔
گزشتہ روز سندھ ہائی کورٹ کراچی اور حیدرآباد میں بلدیاتی الیکشن بار بار ملتوی کرنے پر برہم ہوگئی تھی۔