غزالی زماں،رازی دوراں علامہ احمد سعید کاظمی کا38واں عرس شریف منایا گیا

ملتان(پی پی آئی) آستانہ سعیدیہ کاظمیہ کے بانی غزالی زماں،رازی دوراں علامہ احمد سعید کاظمی کا38واں عرس شریف ملتان میں منایا گیا۔ جماعت اہل سنت پاکستان کے سربراہ علامہ مظہر سعید کاظمی نے اس موقع پر خطاب کرتے ہوئے کہا کہ علامہ احمد سعید کاظمی اتحاد امت کے داعی اور اسلام کی حقانیت وصداقت کے مبلغ تھے علم دین کا فروغ،اسلام کی اشاعت اور کلمہ حق کی سربلندی ان کا مقصد حیات تھا۔شاہی عید گاہ خانیوال روڈ میں سالانہ عرس سے خطاب کرتے ہوئے علامہ سید مظہر سعید کاظمی نے اس عزم کا اظہار کیا کہ علامہ سید احمد سعید کاظمی تبلیغی اور علمی مشن کو ہر حال میں جاری رکھا جائے گا جامعہ نظامیہ لاہور کے شیخ الحدیث مفتی عبدالستار سعیدی نے کہا کہ علامہ سید احمد سعید کاظمی تفسیر،حدیث، علم الکلام،معانی وبیان اور فلسفۂ ومنطق پرعبور رکھتے تھے، اس موقع پرصاحبزادہ حامد سعید کاظمی، علامہ ارشد سعید کاظمی، علامہ محمد فاروق خان سعیدی،،مولانا محمد اکرم سعیدی،،مفتی محمد احمد سعیدی،مولانا محمد قاسم فیضی،پروفیسر احمد رضا اعظمی،مولانا محمد قاسم سعیدی،مولانا محمد اقبال سعیدی اور مولانا انعام اللہ اشرفی نے بھی خطاب کیا،۔