سندھ نے سستی بجلی کے لیے صوبائی گرڈ کا خاکہ پیش کیا؛ ڈنمارک کی سبز سرمایہ کاری پر نظر

لاہور(پی پی آئی)پنجاب اسمبلی میں سنی اتحاد کونسل کے نامزد اپوزیشن لیڈر ملک احمد خان بھچر نے حکومت پر کڑی تنقید کی ہے۔پنجاب اسمبلی کے باہر میڈیا سے گفتگو کرتے ہوئے رہنما سنی اتحاد کونسل ملک احمد بھچر کا کہنا تھا کہ صوبے میں لاقانونیت عروج پر پہنچ چکی ہے، یہ ٹک ٹاکر گورنمنٹ کاسمیٹکس طریقے سے کام کر رہی ہے، نالائق اور نااہل حکومت کو عوام کا کوئی خیال نہیں۔پی پی آئی کے مطابق انہوں نے کہا کہ رمضان کے پہلے ہفتے میں چوری، ڈکیتی کے 700 واقعات ہوئے ہیں، لاہور کے پانچ بڑے ہسپتالوں میں ادویات نہیں ہیں، شہر کے پانچ بڑے ہسپتالوں میں پائیوڈین تک نہیں، یہ فارم 47 کی مسلط کردہ حکومت ہے ان کو عوام کے حقوق کی پراوہ نہیں۔رہنما سنی اتحاد کونسل کا کہنا تھا کہ ہمارا لیڈر اور ہیرو ا?ج جیل میں ہے، آج کے دن پاکستان نے بہت بڑا سنگ میل عبور کیا تھا، آج کے دن پاکستان نے ورلڈکپ جیتا تھا، پاکستان اور پی ٹی آئی کیلئے آج کا دن بہت یادگار ہے۔