جماعت اسلامی سندھ کے تحت “علماومشائخ پانی کنونشن” آج منعقد ہوگا

کراچی،14مارچ (پی پی آئی)جماعت اسلامی سندھ کے تحت ہفتہ 15 مارچ کو قباء آڈیٹوریم میں “علماومشائخ پانی کنونشن” منعقد ہوگا جس کی صدارت جماعت اسلامی سندھ کے امیر کاشف سعید شیخ کریں گے۔جمعیت اتحاد العلماء   و مشائخ سندھ کے تحت ہونے والے اس کنونشن میں کراچی تا کشمور مختلف مکاتب فکر کے علما  کرام شرکت کریں گے۔علما  کرام دریائے سندھ سے متنازعہ نئی نہریں نکالنے پر قرآن و سنت کی روشنی میں اظہار خیال کریں گے۔علماء   و مشائخ کے صوبائی صدر حافظ نصر اللہ چنا کی قیادت میں ایک وفد نے پیر حسنین شامی اور پیر صاحبزادہ احمد عمران نقشبندی سے ملاقات کی اور انہیں کنونشن میں شرکت کی دعوت دی۔اس موقع پر جمعیت اتحاد العلماء   سندھ کے ناظم اعلیٰ علامہ حزب اللہ جکھرو بھی موجود تھے۔