کراچی (پی پی آئی) فیڈرل بورڈ آف ریونیو نے ٹیکس دہندگان سے کہا ہے کہ اپنے سالانہ ٹیکس گوشوارے 30 ستمبرتک جمع کرادیں۔پی پی آئی کے مطابق ایف بی آر کے تمام فیلڈ دفاتر کو 30ستمبر بروز ہفتہ کو رات 8بجے تک ٹیکس اور ڈیوٹی جمع کرنے کی ہدایت بھی کی گئی ہے۔
بہتری کے نام پر آئی سی سی میں تین ملکوں کی اجارہ داری ہوجائیگی : عمران خان
انٹرنیشنل ہاکی فیڈریشن نے ورلڈ کپ 2014کا شیڈول جاری کردیا
چیف آف ایئراسٹاف گالف چیمپئن شپ: اسلام آباد کے محمد نذیر سرفہرست
کرکٹرمحمد عامرآئی سی سی کو اپنی سزا کی معافی کیلئے درخواست دینگے
فارمولا ون کے سابق عالمی چیمپئن مائیکل شوماکر کومے سے باہر آنے لگے
نیویارک :این بی اے باسکٹ بال ،اوکلوہاما تھندر سٹی فتح سے ہمکنار
تازہ ترین خبریں
- April 22, 2026
- April 22, 2026
اشتہار
تازہ ترین
دنیا بھر میں اعضا اور ٹشوز عطیہ دینے کا ہفتہ شروع 53.8 فیصد افراد موت کے بعد عطیہ دینے پر رضا مند
کراچی (پی پی آئی)دنیا بھر میں اعضا اور ٹشوز عطیہ دینے کا ہفتہ منایا جارہا ہے اس دوران کامیاب آگہی مہم کے باعث صرف اسکاٹ لینڈ میں 53.8 فیصد افرادنے موت کے بعد عطیہ دینے پر رضا مندی ظاہر کی ہے۔اسکاٹ لینڈ کی پبلک ہیلتھ منسٹر جینی مرو نے عوام سے اپیل کی تھی کہ وہ اعضا کا عطیہ دینے کیلئے خود کو زیادہ سے زیادہ تعداد میں رجسٹر کرائیں۔ پی پی آئی کے مطابق اسکاٹ لینڈ میں اعضا اور ٹشوز کا عطیہ دینے کا ہفتہ منایا جارہا ہے۔تازہ ترین اعدادو شمار کے مطابق اب تک 57.1 فیصد عوام نے اپنے اعضا کا عطیہ دینے یا نہ دینے کا فیصلہ درج کرایا ہے۔ ان میں 53.8فیصد نے عطیہ دینے پر اتفاق کیا ہے جب کہ3.3فیصد نے خود کو شامل نہیں کیا، اس کا مطلب ہے کہ42.9فیصد نے ابھی تک اپنا فیصلہ رجسٹریشن کیا۔ اسکاٹش منسٹر کا کہنا تھا کہ ہر فرد اپنے اعضا کا عطیہ دینے یا نہ دینے کا اختیار رکھتا ہے، تاہم اگر کوئی فرد جس کی عمر16سال سے زیاد ہے اور اس نے اپنا عطیہ نہ دینے کا فیصلہ درج نہیں کرایا تو اس کی موت کی صورت میں فرض کرلیا جائے گا کہ اس نے عطیہ دینے پر اتفاق کیا تھا۔ اعضا کا عطیہ دینے سے ایسے بے شمار افراد کی زندزگیاں بدل جاتی ہیں جو اس وقت مہلک بیماریوں کا شکار ہیں۔
شہر قائد میں جشن میلادالنبیﷺکی تیاریاں عروج پر،سبز پرچموں کی بہار
کراچی (پی پی آئی) شہر قائد میں جشن میلادالنبیﷺکی تیاریاں عروج پر ہیں جابجاسبز پرچموں کی بہار دکھائی دیتی ہے اور ہرسو درودو سلام کی صدائیں گونج رہی ہیں، شہر و مضافات برقی قمقموں سے جگمگانے لگے ہیں‘ پی پی آئی کے مطابق دعوت اسلامی، جماعت اہلسنت و دیگر دینی تنظیموں کی جانب سے شہر بھر میں سجاوٹ کی جا رہی ہے ۔ماہ میلادالنبی ﷺکے دوران مساجد و خانقاہوں میں محافل ذکر ولادت،جلسہ ہائے میلادالنبی،حسن نعت و قرات کے مقابلوں کیساتھ ساتھ تعلیمی اداروں، بازاروں،سرکاری و غیرسرکاری اداروں،دفاترمیں محافل درودوسلام کا انعقاد شروع ہے۔
جشن عید میلاد النبی پر میر واعظ محمد عمرفاروق کی فوری غیر مشروط رہائی کا مطالبہ
سری نگر/مقبوضہ جموں و کشمیر (پی پی آئی)مقبوضہ جموں و کشمیر ا کی حریت تنظیموں،نجمن اوقاف جامع مسجد سرینگر اور کشمیری عمائدین نے جشن عید میلاد النبی کے موقع پر غیر قانونی طورپر نظربند میر واعظ محمد عمرفاروق کی فوری غیر مشروط رہائی کا مطالبہ دہرایا ہے۔پی پی آئی کے مطابق ان تنظیموں کا کہنا ہے کہ کئی برس سے غیر قانونی طورپر نظربند سربراہ میر واعظ محمد عمرفاروق کی مسلسل اسیری قابض انتظامیہ کے آمرانہ رویے کا مظہر ہے جس کی ہر مکتبہ فکر کی جانب سے شدید مذمت کی جا رہی ہے۔
تلاش کریں
خبریں

بہتری کے نام پر آئی سی سی میں تین ملکوں کی اجارہ داری ہوجائیگی : عمران خان
(February 1, 2014)
لاہور: قومی کرکٹ ٹیم کے سابق کپتان اور1992کرکٹ ورلڈ کپ کے فاتح عمران خان کا کہنا ہے کہ بھارت آسٹریلیا اور انگلینڈ آئی سی سی کی تشکیلِ نو کے نام پر تصادم کے بیج بو رہے ہیں جس سے صرف انہی تین ملکوں کی اجارہ داری قائم ہوگی۔ عمران خان نے ایک انٹرویو میں کہا کہ تین ملکوں کے اس مجوزہ مسودے نے انہیں ماضی کی یاد دلا دی ہے جہاں انگلینڈ اور آسٹریلیا کی اجارہ داری تھی۔ سابق کپتان نے کہا کہ انہوں نے 1993 میں آئی سی سی کے اجلاس میں شرکت کی تھی جہاں وہ انگلینڈ اور آسٹریلیا کی رعونت دیکھ کر حیران رہ گئے تھے۔ ’یہ وہ دور تھا جب ان دو ملکوں کو ویٹو پاور حاصل تھا اور اب لگتا ہے کہ وہ دور واپس لانے کی کوششیں ہو رہی ہیں۔‘ عمران خان کا کہنا تھا کہ پاکستان اور بھارت نے آئی سی سی میں جمہوریت لانے اور دو ممالک کی اجارہ داری ختم کرنے میں اہم کردار ادا کیا تھا لیکن اب بھارت اپنی مالی حیثیت اور انگلینڈ اور آسٹریلیا کی حمایت کے سبب آئی سی سی کو دوبارہ ماضی کی پوزیشن میں لے جانے میں مصروف ہے۔ عمران خان نے کہا کہ اگر وہ پاکستان کرکٹ بورڈ میں ہوتے تو اس نئے نو آبادیاتی نظام کی زبردست مخالفت کرتے۔ آئی سی سی کو کرکٹ کی بہتری کے لیے کام کرنے والا ادارہ بنانے کی ضرورت ہے اس میں چند ملکوں کی اجارہ داری نہیں ہونی چاہیے۔ عمران خان کا کہنا ہے کہ پاکستان کو اپنی کرکٹ کا معیار بلند کرنا ہوگا اور اس کے علاوہ ویسٹ انڈیز کو بھی یہی کچھ کرنے کی ضرورت ہے تاکہ شائقین اور براڈکاسٹرز انہیں اہمیت دے سکیں۔

انٹرنیشنل ہاکی فیڈریشن نے ورلڈ کپ 2014کا شیڈول جاری کردیا
(February 1, 2014)
جنیوا: انٹرنیشنل ہاکی فیڈریشن نے رواں سال ہالینڈ میں ہونے والے مینز اور ویمنزہاکی ورلڈ کپ کے لیے شیڈول جاری کردیا ۔ ٹورنامنٹ31 مئی سے کھیلا جائے گا۔ چار مرتبہ کی عالمی چیمپئن پاکستانی ہاکی ٹیم میگا ایونٹ میں کوالیفائی نہ کرنے کے سبب شرکت سے محروم ہے۔

چیف آف ایئراسٹاف گالف چیمپئن شپ: اسلام آباد کے محمد نذیر سرفہرست
(February 1, 2014)
کراچی: اسلام آباد کے محمد نذیرشاندارکارکردگی پیش کرتے ہوئے72سکورکے ساتھ چیف آف ایئراسٹاف گالف چیمپئن شپ میں سرفہرست ہوگئے۔ پی اے ایف بیس کورنگی کے ایئرمین گالف کب میں 32لاکھ روپے انعامی مالیت کے دوسرے روز محمد نذیر نے غیر معمولی پرفارمنس دیتے ہوئے اپنے حریف کھلاڑیوں پربرتری حاصل کی۔ گزشتہ سال کے ڈی ایچ اے اوپن کے چیمپیئن نذیر72گراس اسکورکے ساتھ پروفیشنل کیٹگری میں ٹاپ پوزیشن پر پہنچ گئے ہیں۔ چیمپیئن شپ میں اسلام آباد کے شبیراقبال 71اسکورکے ساتھ دوسرے جبکہ لاہور کے امداد حسین ایک اسکور کے فرق سے تیسرے نمبر پر ہیں۔

کرکٹرمحمد عامرآئی سی سی کو اپنی سزا کی معافی کیلئے درخواست دینگے
(February 1, 2014)
لاہور: کرکٹرمحمد عامرجلد آئی سی سی کو اپنی سزا کی معافی کیلئے درخواست دینگے،ذرائع کا کہنا ہے کہ پی سی بی ان کی حمایت کرے گا۔ ذرائع کا کہنا ہے کرکٹرمحمد عامراپنی سزا کی معافی کیلئے جلد آئی سی سی کودرخواست دینگے،پی سی بی ان کی سزامعاف کرنے کیلئے درخواست کی حمایت کرے گا،آئی سی سی کے نئے بنائے گئے لیگل سسٹم کے تحت محمد عامرکومعافی مل سکتی ہے،امید کی جارہی ہے کہ محمد عامرکومعافی ملنے کے بعد ڈومیسٹک کرکٹ کھیلنے کی اجازت مل جائے گی،ذرائع کے مطابق محمد عامرکی اپیل آئی سی سی کی ریوائزکمیٹی دیکھے گی،آئی سی سی نے یقین دلایا ہے بگ تھری کے بعد اس معاملہ کو دیکھا جائے گا۔

فارمولا ون کے سابق عالمی چیمپئن مائیکل شوماکر کومے سے باہر آنے لگے
(February 1, 2014)
جنیوا: فارمولا ون کے سابق عالمی چیمپئن مائیکل شوماکر کومے سے باہر آنے لگے ۔شوماکر کے ترجمان کے مطابق ڈاکٹروں کی کوششیں رنگ لارہی ہیں اور شوماکر نے اپنی آنکھیں جھپک کر زندگی کی طرف واپسی کا عندیہ دیا ہے۔ یاد رہے کہ شوماکر ایک ماہ سے اسکیٹنگ کے دوران حادثے میں زخمی ہونے کے بعد کومے میں ہیں۔

نیویارک :این بی اے باسکٹ بال ،اوکلوہاما تھندر سٹی فتح سے ہمکنار
(February 1, 2014)
نیویارک: نیویارک میں جاری این بی اے باسکٹ بال چیمپئن میں اوکلوہاما تھندرسٹی نے نیوجرسی نیٹ کو 95 کے مقابلے میں 120پوائنٹ سے شکست دے دی۔ کیلی فورینا میں ڈیوس کپ ٹینس کے میچ میں انگلینڈ نے امریکہ کو دو صفر سے شکست دے کر اہم کامیابی حاصل کرلی۔