کراچی (پی پی آئی)بوٹ بیسن میں پولیس نے کارروائی کرتے ہوئے ایک ڈاکو کو گرفتار کر لیا، ایس ایس پی ساوتھ عمران قریشی کے مطابق گرفتار ملزم نے اقوامِ متحدہ کے نمائندے سے موبائل فون چھینا تھا۔پی پی آئی کے مطابق گرفتار ملزم کے قبضے سے مسروقہ موبائل فون اور اسلحہ برآمد ہوا ہے، گرفتار ملزم فرمان علی نشے کا عادی ہے۔
اسلام آباد (پی پی آئی)وفاقی حکومت نے سرکاری ملازمین کی ای میلز ہیک ہونے کے خدشے کے پیش نظر تمام متعلقہ وزارتوں اور محکموں کو الرٹ جاری کردیا۔ ہیکرز کی طرف سے سرکاری ملازمین کی ای میلز ہیک کیے جانے کا خدشہ ظاہر کیا گیا ہے، جس کے باعث وفاقی حکومت نے تمام سرکاری ملازمین کو ای میل کمیونیکیشن محفوظ بنانے کی ہدایت کی ہے،پی پی آئی کے مطابق اس سلسلے میں وفاقی حکومت نے تمام متعلقہ وزارتوں اور محکموں کو مراسلہ ارسال کر دیا۔وفاقی حکومت کی جانب سے جاری کردہ مراسلہ میں کہا گیا ہے کہ مخصوص سول اور ملٹری حکام کو ای میلز، فشنگ ٹیکنیکس کے ذریعے نشانہ بنایا جاسکتا ہے، مذکورہ ای میلز عہدے اور نام کے ساتھ اصلی کی طرح تشکیل دے کر بھجوائی جاتی ہیں، نتیجے کے طور پر ای میل موصول کرنے والا ٹریپ ہوجاتا ہے۔معلوم ہوا ہے کہ مراسلہ میں آفیشل ای میلز کو محفوظ بنانے کی تجاویز بھی دیتے ہوئے وفاقی حکومت کا کہنا ہے کہ کمزور پاس ورڈز استعمال نہ کریں، پاس ورڈ تبدیل کرتے رہیں، غیر متعلقہ افراد کو ای میل آئی ڈی دینے سے گریز کیا جائے، آفیشل ای میلز کیلئے ذاتی اکاؤنٹ استعمال نہ کیا جائے۔وفاقی حکومت نے مراسلہ میں احتیاطی تدابیر کے طور پر یہ بھی کہا ہے کہ موبائل فونز پر آفیشل ای میلز کا استعمال نہ کریں، ایسی ای میلز جن کے ساتھ کوئی لنک کا مواد منسلک ہوں انہیں کھولنے سے گریز کیا جائے، مشکوک ای میلز کا جواب یا کسی لنک پر کلک نہ کریں اور لائسنس یافتہ اینٹی وائرس کا استعمال کرکے آفیشل ای میلز کو محفوظ بنایا جا سکتا ہے۔
ا اسلام آباد (پی پی آئی)آبادی کے لحاظ سے پاکستان کے سب سے بڑے صوبہ پنجاب کی جیلوں میں غیرملکی قیدیوں کی تعداد 150 کے قریب پہنچ گئی ہے۔محکمہ جیل خانہ جات کے اعدادوشمار میں یہ بات سامنے آئی ہے کہ ان قیدیوں میں سے کئی ایسے ہیں جن کی سزائیں پوری ہو چکی ہیں لیکن اس کے باوجود وہ رہا نہیں ہو سکے۔ اعدادوشمار کے مطابق ان جیلوں میں سب سے زیادہ افغان شہری قید ہیں جن کی تعداد 92 ہے۔ ان کے علاوہ نائجیرین، انڈین، بنگلہ دیشی، برطانوی، ایرانی، ماریشس اور چینی شہری بھی قیدیوں میں شامل ہیں۔ حکام کے مطابق ’ان غیرملکیوں میں کم سے کم 38 قیدی ایسے ہیں جو اپنی سزائیں پوری کر چکے ہیں تاہم اس کے باوجود بھی وہ رہا نہیں ہو سکے۔‘ پاکستان نے 2021 میں ایلین ایکٹ کے نام سے ایک قانون پاس کیا تھا جس کے ذریعے غیرملکی قیدیوں کی جیلوں سے رہائی کے عمل میں آسانی پیدا کی گئی تھی۔ نئے قانون سے پہلے غیرملکی قیدیوں کو سزا پوری ہونے کے بعد صرف ایف آئی اے اور وزارت خارجہ کے ذریعے رہا کیا جاتا تھا۔تاہم اب کوئی بھی پاکستانی شہری سزا پوری کرنے والے غیرملکی قیدی کی شخصی ضمانت دے کر اسے رہا کروا سکتا ہے، لیکن تاحال اس قانون کا فائدہ ان قیدیوں تک نہیں پہنچ سکا۔
سکھر(پی پی آئی) سندھ بھرمیں آشوب چشم کی وبا ایک بار پھرتیزی سے پھیلنے لگی ہے۔ سرکاری و نجی ہسپتالوں میں مریضوں کی تعدادمیں اضافہ ہونے لگا ہے۔ ماہر امراض چشم ڈاکٹر شاہ نواز منعمی نے پی پی آئی کو بتایا کہ اس بیماری سے صحت یاب ہونے میں دس سے پندرہ روز لگ جاتے ہیں۔ ایسے مریضوں کو لوگوں سے ملنے میں احتیاط کرنی چاہئے کیونکہ یہ بیماری ہوا اور سانس کے ساتھ بھی پھیلتی ہے۔ مریض کا تولیہ الگ کر دینا چاہئے اور بچوں کو مریض سے دور رکھا جائے۔ پی پی آئی کے مطابق ماسک پہننے اور سینی ٹائزر کے استعمال سے بھی اس بیماری کے اثرات سے پچا جا سکتا ہے۔
ابوظہبی: پاکستان کرکٹ ٹیم کے کپتان مصباح الحق کا کہنا ہے کہ ابوظہبی ون ڈے میچ میں اوپنرز نے اچھا آغاز فراہم کیا مگر اختتام اچھا ثابت نہ ہوسکا۔۔ بیٹسمین ایک مرتبہ پھر ناکام رہے۔ جنوبی افریقہ کیخلاف تیسرے ون ڈے میچ میں شکست کے بعد انٹرویو دیتے ہوئے پاکستان کرکٹ ٹیم کے کپتان مصباح الحق نے کہا کہ ایک مرتبہ پھر پاکستانی بیٹسمینوں نے غیر ذمہ داری کا مظاہرہ کیا۔مصباح الحق کا کہنا تھا کہ آٹھویں وکٹ کی شراکت میں وہاب ریاض اور سہیل تنویر نے اچھی پارٹنر شپ قائم کی۔ کپتان مصباح الحق کے مطابق جنوبی افریقا جیسی ٹیم کو ہرانے کیلئے دو سو پچاس کے قریب رنز بنانا ضروری ہے تبھی انھیں شکست دی جاسکتی تھی۔
کولکتہ: کولکتہ ٹیسٹ میں روہیت شرما اور ایشون کی شاندر بیٹنگ بھارت کو ویسٹ انڈیز پر ایک سو بیس رنز کی برتری دلادی۔ ٹنڈولکرصرف دس رنز پر پویلین لوٹے۔ کول کتہ کے ایڈن گارڈنز اسٹیڈیم میں بھارت نے کھیل کے دوسرے روزاپنی ادھوری اننگز سینتیس رنز بغیر کسی نقصان کے شروع کی۔ ایک سو چھپن پر چھ وکٹیں گرنے کے بعد روہیت شرما اور ایشون نے ساتویں وکٹ کے لیے ایک سواٹھانوے رنز کی شراکت قائم کی۔ شرما نے کریئر کے پہلے ٹیسٹ میں سینچری بنائی وہ ایک سوستائیس رنز بناکر ناٹ آوٹ ہیں جبکہ ایشون کو سینچری کے لیے تیسرے روز صرف آٹھ رنز درکار ہوں گے۔ اس سے پہلے ٹنڈولکر دس، شیکھر دھون تئیس، مرلی وجے چھبیس، چتیش ور پجارا سترہ، ویرات کوہلی تین اور کپتان مہیندر سنگھ دھونی بیالیس رنز بناکر آوٹ ہوئے۔ ویسٹ انڈیز کے اسپنرشین شیلنگ فورڈ نے ڈیبیو ٹیسٹ میں چار کھلاڑیوں کا شکار کیا۔ بھارت نے دوسرے روز کے اختتام پر چھ وکٹ پر تین سو چون رنزبنالیے ہیں۔ جبکہ ویسٹ اندیز کی ٹیم پہلی اننگز میں دوسو چونتیس رنز بناکر آوٹ ہوئی تھی۔
ابوظہبی: پاکستان اور جنوبی افریقہ کے درمیان چوتھا ون ڈے آج (جمعہ) ابو ظہبی میں کھیلا جائے گا ،سیریز میں بقاکے لیے پاکستان کو لازمی فتح درکار ہے۔ پانچ میچوں کی سیریز میں جنوبی افریقہ کو دو ایک سے برتری حاصل ہے۔ دبئی میں کھیلے گئے پہلے میچ میں جنوبی افریقہ فاتح بنا تھا جبکہ دوسرا ون ڈے پاکستان نے جیت کر سیریز ایک ایک سے برابر کردیا لیکن ابوظہبی میں کھیلے گئے تیسرے ون ڈے میں پروٹیز نے پاکستان کو شکست دے کر سیریز میں ایک بار پھر سبقت لے لی ہے۔ سیریزمیں اب تک تمام میچوں میں کامیابی پہلی بیٹنگ کرنے والی ٹیم کے نام ہی رہی ہے۔ پاکستانی کپتان مصباح الحق کا کہنا ہے کہ کھلاڑیوں کو سیریز میں واپسی کے لیے اپنی ذمے داری نبھانی ہوگی۔ انہوں نے کہا کہ انہیں امید ہے کہ گرین شرٹس ضرور فائیٹ بیک کرے گی۔
میلبورن: آسٹریلوی کرکٹ ٹیم کے فزیوتھراپسٹ ایلکس کونٹورس نے کہا ہے کہ شین واٹسن ابھی انگلینڈ کے خلاف ایشز سیریز کے پہلے ٹیسٹ سے باہر نہیں ہوئے ،توقع ہے کہ وہ سیریز شروع ہونے سے قبل مکمل فٹ ہوجائیں گے ۔آسٹریلوی بلے باز شین واٹسن بھارت کے خلاف وون ڈے سیریز کے آخری میچ کے دوران ہمسٹرنگ کی انجری کا شکار ہوگئے تھے اور ان دنوں وہ بحالی صحت کے عمل سے گزر رہے ہیں ۔واٹسن کی انجری نے آسٹریلوی سلیکٹرز کو فکر مند کردیا ہے اور انہوں نے ٹیم کو متوازن کرنے کے لئے متبادل آل راﺅنڈر کی تلاش شروع کردی ۔ایلکس کونٹورس کا کہنا ہے کہ وہ باقاعدگی سے واٹسن کا معائنہ کررہے ہیں ،اگر واٹسن جلد ی سے فٹنس حاصل کرنے میں کامیاب ہوگئے تو ان کے انگلینڈ کے خلاف پہلے ٹیسٹ میں شرکت کے امکانات بڑھ جائیں گے ۔تاہم ان کی ٹیسٹ میں دستیابی کا فیصلہ اگلے ہفتے کیا جائے گا۔
کراچی: امریکی نشریاتی ادارے کے تعاون سے شروع ہونے والے ہیروز آف پاکستان کے عنوان سے دستاویزی فلموںکے مقابلے کے لیے ججز پینل کا اعلان کر دیا گیا۔امریکی نشریاتی ادارے ساﺅنڈ ویو کے چیف ایگزیکٹیوعباس ہاشمی نے پریس کانفرنس کر تے ہوئے کہا کہ گرین کارڑکیپٹل نامی فرم نے ساﺅنڈ ویو کے تعاون سے دستاویزی فلموں کے مقابلے کا آغازیکم نومبر سے کر دیا ہے جبکہ فلم اور انٹر ٹیٹمنٹ انڈسٹری سے تعلق رکھنے والی معروف شخصیات پر مشتمل جج پینل تشکیل دیا گیاہے ، پینل میں معروف فلم اینڈ ٹی وی ڈائرکٹر مہرین جبار ، فلم پروڈیو سر اینڈ رائٹر شہباز نواز ، فلم ساز ارم پروین بلا ل، ممتازحسین ،میتھیو نیوٹن ، مارکیٹنگ ایکسپرٹ سٹیفن ہیرالڈ ، معروف اداکارہ عائزہ فاطمہ ، ایم ٹی وی نیٹ ورک کی انٹر نیشنل کونٹیکٹ اینڈ پروڈکشن منیجر سارہ خان شامل ہیں ، مقابلے کی ڈیڈ لائن 31دسمبر تک بڑھا دی گئی ہے ، مقابلہ تین مراحل پر مشتمل ہوگاجس میں ابتدائی مرحلہ ،خارجی راﺅنڈ ہوگا، تیسرے مرحلے میں پہنچنے ولی دستاویزی فلموں کو گرین کارڑ کیپٹل کی ویب سائٹ پر اپ لوڈ کر دیا جا ئے گا، فروری 2014میں ججوں کے ساتھ ساتھ شہریوں کو مدعو کیا جائے گا ، اور مارچ 2014میں گرینڈ پرائز جیتنے والوں کااعلان کیا جائے گا ،عباس ہاشمی نے کہا کہ گرین کارڑ کیپٹل اور ساﺅنڈ ویو براڈ کاسٹنگ کی جانب سے منعقدہ مقابلے میںپاکستا ن بھر کے ابھر تے ہوئے فلم ساز اپنی ایک سے زائد پانچ منٹ دورانیے کی فلم جمع کر ائے جا سکیں گے ، مقابلے کا پہلا انعام ایک ہزار ڈالر ، دوسراانعام 500ڈالر ، تیسرا انعام 250ڈالرہو گا ، مقابلہ جیتنے والی فلموں کو امریکی نشریاتی ادارے ساﺅنڈ ویو پر بھی نشر کیا جائے گا جبکہ فاتحین کو اسی چینل میں انٹرن شپ کا موقع بھی مل سکتا ہے ، اعلامیے میں کہا گیا کہ فلموں کو باضابطہ طور پر گرین کارڑ کیپٹل کی ویب سائٹ پر اپ لوڈ کرنا ہوگا ، انھوں نے کہاکہ ان مقابلوں کو ہیروز آف پاکستان ، نو پین ،نو گین
کراچی: صو با ئی وزیر بلدیا ت و اطلا عا ت شر جیل انعا م میمن نے کہا ہے کہ اگر 27نو مبر کو بلدیا تی انتخا با ت ہو ئے تو پا کستا ن کی تا ریخ کے سب سے زیا دہ بد انتظا می الیکشن ہونگے ۔ صو با ئی وزیر نے کہا کہ الیکشن میں امیدوا ر وں کو تیا ر ی کے لئے اور مہم کے لئے کو ئی وقت نہیں دیا جا رہا ، انھو ں نے کہا کہ الیکشن کمیشن کو حد بندی کے بعد ووٹر لسٹو ں اور حلقہ بندیو ں کا معلو م ہی نہیں ،ایسی صو رتحا ل میں آئندہ بلدیاتی الیکشن سو الیہ نشا ن بن کر رہ جا ئیں گے اور عوا م کو ریلیف نہیں مل سکے گا