لاہور: پاکستان کرکٹ ٹیم کے باﺅلنگ کوچ محمد اکرم کا کہنا ہے کہ افغانستان سمیت کسی ٹیم کو نظرانداز نہیں کرسکتے۔قذافی اسٹیڈیم لاہور میں میڈیا سے بات چیت کرتے ہوئے قومی ٹیم کے باﺅلنگ کوچ محمد اکرم کا کہنا تھا کہ عرفان اچھا کھلاڑی ہے اور وہ ٹیم کااثاثہ ہے۔ کرکٹ میں انجریز ہوتی رہتی ہیں۔ انہوں نے مزید کہا کہ عمرگل کی کارکردگی میں دن بدن بہتری آتی جارہی ہیں عمر گل نے سری لنکا کیخلاف دو میچز میں عمدہ کارکردگی دکھائی تھی۔محمد اکرم نے مزید کہا کہ ایک اچھی ٹیم کے ساتھ بطور بالنگ کوچ کام کرنا ان کیلئے فخر کی بات ہے ۔ایک سوال پر ان کا کہنا تھا کہ ایشیاکپ میں افغانستان اور بنگلہ دیش کو نظر انداز نہیں کیا جاسکتا ،سب ٹیمیں اچھی ہیں۔ شائقین کو کانٹے دار مقابلے دیکھنے کو ملیں گے۔محمد اکرم کا مزید کہنا تھا کہ کھلاڑی ایشیا کپ اور ورلڈ ٹی ٹوئنٹی کیلئے کیمپ میں بھرپور محنت کررہے ہیں۔ گراﺅنڈ میں اترنے کے بعد کھلاڑیوں کو پرفارمنس دکھانا ہوتی ہے۔

سوچی: سوچی اولمپکس میں ناروے نے ایک مرتبہ پھر جرمنی کو پیچھے دھکیلتے ہوئے میڈل ٹیبل پر پہلی پوزیشن حاصل کر لی۔سوچی میں جاری گیمز کے لے بابزایونٹ میں کینیڈین ایتھلیٹس کی پرفارمنس شاندار رہی۔کیلی اور موئسے نے تین منٹ 50 اعشاریہ چھ ایک وقت کے ساتھ گولڈ میڈل اپنے نام کیا۔بیتھلون مکسڈ ریلے میں مقابلہ انتہائی دلچسپ رہا۔ ایتھلیٹس نے شاندار اسکی انگ کا مظاہرہ کیا، پھر شوٹنگ میں اپنی مہارت دکھائی۔ناروے کے سووینڈسن سب سے تیز رہے۔انہوں نے ایک گھنٹے نو منٹ سترہ سیکنڈز میں گولڈ میڈل جیت لیا۔ویمنز کے5000 میٹر اسپیڈ اسکیٹنگ کے فائنل میں بھی مقابلہ زوروں کا ہوا، جس میں چیک ری پبلک کی سیبلی کووا نے میدان مار لیا۔سلور میڈل نیدر لینڈ کی اسکیٹر نے جیتا۔ مینز آئس ہاکی کے کوارٹر فائنل میں روس نے فن لینڈ کے خلاف برتری تو حاصل کی لیکن اسے برقرار نہ رکھ سکی، فن لینڈ نے یکے بعد دیگرے تین گول بنائے اور میچ تین ایک سے جیت کر سیمی فائنل کیلئے کوالیفائی کر لیا۔دوسرے کوارٹر فائنل میں امریکا نے چیک ری پبلک کو آﺅٹ کلاس کر دیا، امریکی ٹیم نے دو کے مقابلے میں پانچ گول سے کامیابی اپنے نام کی۔ایک اور میچ میں کینیڈا نے لیٹویا کو سنسنی خیز مقابلے کے بعدایک کے مقابلے میں دو گول سے ہر ادیا۔میڈلز ٹیبل پر اب ناروے 9 گولڈ کے ساتھ پہلے نمبر پر آ گیا ہے، جرمنی 8 طلائی تمغوں کے ساتھ دوسرے اور امریکا تیسرے نمبر پر ہے۔

کراچی: ایشیا پیسیفک اسپیشل اولمپکس میں نمایاں کارکردگی دکھانے والے پاکستانی ایتھلیٹس کے اعزاز میں امریکی قونصل خانے میں رنگا رنگ تقریب کا انعقاد کیا گیا ۔تقریب میں امریکی قونصلر جنرل مائیکل ڈاڈمین نے کامیاب ایتھلیٹس میں اسناد تقسیم کیں ۔تقریب میں خصوصی بچوں نے سندھ گیتوں پر ٹیبلوز پیش کیے جس نے امریکی قونصل خانے کے افسران کو بھی رقص پر مجبور کردیا ۔