کراچی (پی پی آئی)ملک بھر میں یوم دفاع و شہدا پاکستان ملی جوش و جذبے کے ساتھ منایا گیا اور اسی مناسبت سے کراچی میں مزار قائد گارڈز کی تبدیلی کی پروقار تقریب منعقد کی گئی۔پی پی آئی کے مطابق کراچی میں مزار قائد پر گارڈز تبدیلی کی تقریب کے مہمان خصوصی پی اے ایف اصغرخان اکیڈمی کے ائیرآفیسرکمانڈنگ ائیروائس مارشل غضنفر لطیف تھے۔ گارڈ ز تبدیلی کی تقریب میں 7 خواتین سمیت 57 کیڈٹس نے حصہ لیا جبکہ تقریب کے دوران مزار قائد پر پاک فضائیہ کے کیڈٹس نے گارڈز کے فرائض سنبھال لیے۔
کھلاڑیوں کا مورال بلند ہے،ٹیسٹ سیریز جیتیں گے:سہیل تنویر
برازیل میں معمر افراد کے20ویں ورلڈ ماسٹرز ایتھلیٹکس مقابلے جاری
جنوبی افریقہ کیخلاف ون ڈے سیریز،قومی کھلاڑیوں کا کیمپ جاری
دوسرا ٹیسٹ: بنگلہ دیشی ٹیم نیوزی لینڈ کیخلاف 282 رنز پر آو ٹ
دبئی انٹرنیشنل سٹیڈیم میں پاکستانی ٹیم اب تک ناقابل شکست
شہدادکوٹ: کاروکاری کے تنازعہ پر فائرنگ سے خاتون جاں بحق ،ایک شخص زخمی
تازہ ترین خبریں
- April 22, 2026
اشتہار
تازہ ترین
ن لیگ اپنے اندرونی اختلافات کا بوجھ پیپلزپارٹی پر نہ ڈالے:خورشید شاہ
کراچی (پی پی آئی) پاکستان پیپلزپارٹی کے سینئر رہنما خورشید شاہ نے مسلم لیگ ن پر شدید تنقید کرتے ہوئے کہا ہے کہ ن لیگ اپنے اندرونی اختلافات کا بوجھ پیپلزپارٹی پر نہ ڈالے۔پی پی آئی کے مطابق خورشید شاہ کا کہنا تھا کہ پاکستان مسلم لیگ (ن) کے اندر بڑی جنگ چل رہی ہے، پیپلزپارٹی پر تنقید بچکانہ حرکت ہے، اتحادی حکومت میں کئی بار اختلافات ہوئے مگر آصف زرداری نے شہبازشریف کی بھرپور مدد کی۔انہوں نے کہاکہ ن لیگ تنہا چلنا چاہتی ہے تو وہ فیصلے میں آزاد ہے، پیپلزپارٹی اداروں سمیت کسی سے لڑائی نہیں چاہتی، سیاست میں کبھی کوئی دوست، کبھی مخالف ہوتا ہے، میں نے نوازشریف سے کہا تھا کہ اتنا لڑو کہ آئندہ ساتھ بیٹھنا پڑے تو شرمندگی نہ ہو، نوازشریف سپریم کورٹ گئے، استعفوں کا مطالبہ کیا، بعد میں نوازشریف نے اپنی غلطی پر معافی بھی مانگی۔خورشید شاہ کا کہنا تھا کہ انتخابات میں تاخیر سے مسائل میں اضافہ ہوگا، جنوری میں بھی انتخابات ہو جائیں تو کوئی مسئلہ نہیں، ہر صورت ملک میں جمہوریت کو بحال ہونا چاہیے، امید رکھنی چاہیے کہ انتخابات بر وقت ہوں گے۔
پاکستانی ائیر پورٹس پر ای گیٹس کی تنصیب کے منصوبے پر کام شروع
کراچی (پی پی آئی)کراچی سمیت ملک کے تین اہم ائیر پورٹس پر ای گیٹس نصب کئے جائیں گے۔ سول ایوی ایشن اتھارٹی نے تنصیب کے منصوبے پر کام شروع کردیاہے۔پہلے مرحلے میں لاہور، اسلام آباداور کراچی ایئرپورٹ پر ای گیٹ نصب ہوں گے۔پی پی آئی کے مطابق ای گیٹ منصوبے سے متعلق نادرا،ایف آئی اے پاسپورٹ،ایف آئی اے امیگریشن سے بھی تجاویز حاصل کی گئی ہیں،۔ای گیٹ کے ذریعے مسافروں کو امیگریشن میں سہولت میسرآئیگی،ای گیٹ پر مسافروں کو نہ پاسپورٹ دکھانا پڑے گا اور نہ ہی ٹکٹ دکھانے کی زحمت ہو گی،مسافر ایئرپورٹ پر داخل ہوتے ہی ای گیٹ کے ذریعے پاسپورٹ اسکین،ٹکٹ سکین کرکے بورڈنگ کارڈ حاصل کر کے جہاز میں سوار ہوسکتے ہیں۔مسافر ای گیٹ کے ذریعے پاسپورٹ اور ٹکٹ سکین کر کے بورڈنگ کارڈ حاصل کر سکیں گے،ای گیٹ بائیو میٹرک پاسپورٹ کی چپ میں موجود ڈیٹا کا استعمال کرتے ہیں،جدید ٹیکنالوجی سے مسافروں کو عالمی سفری سہولت میسرآئے گی،ای گیٹ میں خود بخود سیلف سروس رکاوٹیں ہیں جو مسافر کی شناخت کی تصدیق کے لئے بائیو میٹرک پاسپورٹ میں چپ میں موجود ڈیٹا کو استعمال کرتی ہیں۔پی پی آئی کے مطابق مسافر چہرے، فنگر پرنٹ، آئیرس پہچان یا طریقہ کار کا مجموعہ استعمال کر کے بائیو میٹرک تصدیق سے گزرتے ہیں،شناخت کا عمل مکمل ہونے کے بعد، جسمانی رکاوٹ جیسے گیٹ یا ٹرنسٹائل گزرنے کی اجازت دینے کے لئے کھل جاتی ہے۔
یوم دفاع بھرپورجوش و جذبے کے ساتھ منایا گیا
کراچی (پی پی آئی) 6 ستمبر 1965کو دشمن کے دانت کھٹے کرنے پر ملک بھر میں 58 واں یوم دفاع ملی جوش و جذبے کے ساتھ منایا گیا۔ ستمبر 1965کو بھارت کے وزیر اعظم لال بہادر شاستری نے پاکستان کے خلاف جنگ کا اعلان کیا جبکہ برطانوی وزیر اعظم ہیرالڈولسن نے بھارتی جارحیت کا نوٹس لیتے ہوئے بھارت سے جنگ بندی کی اپیل کی۔فیلڈ مارشل محمد ایوب خان نے عزم کا اظہار کرتے ہوئے کہا کہ “ہم حالت جنگ میں ہیں، ہمارے بہادر سپاہی دشمن کا حملہ پسپا کرنے کیلئے آگے بڑھ چکے ہیں، ہماری مسلح افواج اپنی جرات اور بہادری ثابت کریں گی، ہماری بہادر افواج کا جذبہ ناقابلِ تسخیر ہے اور ہمارا عزم کبھی کمزور نہیں پڑا، افواج پاکستان دشمن کے ساتھ آہنی ہاتھوں سے نمٹیں گی”۔6 ستمبر 1965 کو بھارت کی جانب سے لاہور پر کیے گئے حملے کو پاک فوج نے بھرپور جوابی کارروائی کرتے ہوئے ناکام بنا دیا، پاک فوج کی واہگہ اور بیدیاں کے مقام پر بروقت کارروائی نے بھارتی حملہ پسپا کرتے ہوئے انہیں بھاری نقصان سے دوچار کیا، مو?ثر کارروائی کی وجہ سے بڑی تعداد میں بھارتی فوجیوں کو جنگی قیدی بنا لیا گیا۔پاک فوج کی بہترین حکمت عملی کے باعث لاہور کے محاذ پر متعدد بھارتی ٹینک، بندوقیں اور دیگر جنگی سازو سامان تباہ کر دیا گیا، جسر کے مقام پر گھمسان کی جنگ کے بعد دریائے راوی کا جنوبی علاقہ بھارتی تسلط سے آزاد کرا لیا گیا، بازیاب شدہ علاقہ بھارتی فوجیوں کی لاشوں سے اٹا پڑا تھا جبکہ لاشوں کی تعداد 800 تک رپورٹ کی گئی، بھارتی افواج کو چھمب کے مقام پر بھی بھاری نقصان اٹھانا پڑا۔جنگ کے دوران تقریباً 35 بھارتی فوجیوں کو جنگی قیدی بنا لیا گیا اور 6 کے قریب 25 پاؤنڈز فیلڈ گنز بھی قبضہ میں لے لی گئیں، پاک فضائیہ نے پٹھان کوٹ کے ہوائی اڈے پر کامیابی سے حملہ کرتے ہوئے بھارت کے 22 جہاز تباہ کیے، 1965 کی جنگ میں پاکستانی عوام کا جوش و خروش بھی دیدنی تھا، ہزاروں شہری اپنے فوجی جوانوں کے شانہ بشانہ نعرے لگا کر ان کا حوصلہ بڑھاتے رہے۔
تلاش کریں
خبریں
سگ گزیدگی کے بڑھتے واقعات سنگین خطرہ ہیں:پاسبان
(June 17, 2026)
وزیراعظم سے مسلم لیگ (ن) کی خواتین ارکانِ پارلیمنٹ کی ملاقات
(June 17, 2026)
کھورواہ میں جھگڑے کے دوران خاتون ہلاک ،، 2 مرکزی ملزمان گرفتار
(June 17, 2026)
کھلاڑیوں کا مورال بلند ہے،ٹیسٹ سیریز جیتیں گے:سہیل تنویر
(October 22, 2013)
دبئی: قومی کرکٹ ٹیم کے آل راﺅنڈر سہیل تنویر کا کہنا ہے کہ پہلے ٹیسٹ میں کامیابی کے بعد پاکستانی کھلاڑیوں کا مورال بلند ہے۔ مثبت حکمت عملی کے ساتھ کھیلیں گے تو سیریز میں ضرور کامیابی ملے گی۔ دبئی اور پاکستان کی کنڈیشنز ایک جیسی ہیں۔قومی کھلاڑیوں کو وہاں مشکلات کا سامنا نہیں ہونا چاہیے۔خصوصی گفتگو کرتے ہوئے آل راوندر نڈر سہیل تنویرکا کہنا تھا کہ جیت کیلئے پرعزم ہیں اور انشااللہ ٹیسٹ سیریز جیت کر قوم کو تحفہ دینگے۔
برازیل میں معمر افراد کے20ویں ورلڈ ماسٹرز ایتھلیٹکس مقابلے جاری
(October 22, 2013)
پورٹو الیگرے،برازیل: برازیل میں معمر افراد کے20ویں ورلڈ ماسٹرز ایتھلیٹکس مقابلے جاری ہیں جس میں 82 ممالک کے چار ہزار کھلاڑی حصہ لے رہے ہیں۔برازیل کے شہر پورٹو الیگرے میں جاری ورلڈ ماسٹرز ایتھلیٹکس مقابلوں 66 فیصد مرد اور34فیصد خواتین شریک ہیں جن کی عمریں پچاس سے چونسٹھ سال کے درمیان ہیں۔ جب کہ نوے سال کی عمر کے بھی چند ایتھلیٹس ان مقابلوں میں حصہ لے رہے ہیں۔معمر افراد دوڑ، جمپنگ اور نیزہ بازی سمیت مختلف ایونٹس میں حصہ لے رہے ہیں۔ یہ مقابلے ستائیس اکتوبر تک جاری رہیں گے۔
جنوبی افریقہ کیخلاف ون ڈے سیریز،قومی کھلاڑیوں کا کیمپ جاری
(October 22, 2013)
لاہور: جنوبی افریقہ کے خلاف ون ڈے سیریز کی تیاریوں کے لئے تربیتی کیمپ لاہور میں جاری ہے۔ شاہد آفریدی، وہاب ریاض اور عمر اکمل سمیت آٹھ کھلاڑی ٹریننگ میں مصروف ہیں۔ لاہور کی نیشنل کرکٹ اکیڈمی میں جنوبی افریقا کے خلاف ون ڈے سیریز کے لئے تربیتی کیمپ جاری ہے جس میں آٹھ کھلاڑی کوچز کی زیر نگرانی مشقیں کررہے ہیں۔ پروٹیز سے نمٹنے کے لئے شاہینوں نے بولنگ ، بیٹنگ اور فیلڈنگ کے تربیتی سیشنز میں حصہ لیا۔آل راونڈر شاہد خان آفریدی اور محمد حفیظ نے باﺅلنگ اور بیٹنگ کی مشقیں کی۔ سہیل تنویر ، وہاب ریاض بھی محنت کررہے ہیں۔ بلے بازی میں مہارت کے لئے صہیب مقصود، ناصر جمشید ، عمر اکمل نے بھی خوب محنت کی۔ وکٹ کے پیچھے سرفراز احمد نے پھرتی دکھائی۔جنوبی افریقہ کے خلاف ون ڈے سیریز کے لیے منتخب کھلاڑیوں کا تربیتی کیمپ چوبیس اکتوبر تک جاری رہے گا، سیریز یکم نومبر سے یو اے ای میں شروع ہوگی۔
دوسرا ٹیسٹ: بنگلہ دیشی ٹیم نیوزی لینڈ کیخلاف 282 رنز پر آو ٹ
(October 22, 2013)
میرپور: بنگلہ دیش کی ٹیم نیوزی لینڈ کے خلاف دوسرے ٹیسٹ کی پہلی اننگز میں 282 رنز بنا کر آﺅٹ ہوگئی۔ میرپور میں جاری میچ کے دوسرے روز میزبان ٹیم نے نامکمل اننگز228 رنز پانچ کھلاڑی آﺅٹ سے دوبارہ شروع کی تو اس کے بقیہ پانچ بیٹسمین اسکور میں صرف چوون رنز کے اضافے کے بعد آﺅٹ ہوگئے۔
دبئی انٹرنیشنل سٹیڈیم میں پاکستانی ٹیم اب تک ناقابل شکست
(October 22, 2013)
دبئی: پاکستان کرکٹ ٹیم دبئی انٹرنیشنل کرکٹ اسٹیڈیم پراب تک ناقابل شکست ہے۔پاکستان کرکٹ ٹیم گزشتہ چارسال سے ہوم سیریزمتحدہ عرب امارات کے نیوٹرل وینیوپرکھیل رہی ہے۔ متحدہ عرب امارات کے میدان پاکستان کیلئے خوش قسمت ثابت ہوئے ہیں۔ دبئی کے انٹرنیشنل کرکٹ اسٹیڈیم پرپاکستان ٹیم اب تک کوئی ٹیسٹ میچ نہیں ہاری۔ پاکستان نے 2010ءسے اب تک اس گراﺅنڈ پرچارٹیسٹ میچ کھیلے۔ تین جیتے جبکہ ایک ڈرا ہوا۔ 2010ءمیں پاکستان اورجنوبی افریقہ کے درمیان کھیلا گیا پہلا ٹیسٹ ڈرا ہوا جبکہ قومی ٹیم نے اگلے تین میچزمیں سری لنکا اورانگلینڈ کوشکست کا مزہ چکھایا۔
شہدادکوٹ: کاروکاری کے تنازعہ پر فائرنگ سے خاتون جاں بحق ،ایک شخص زخمی
(October 22, 2013)
شہدادکوٹ: شہداد کوٹ کے قریب کاروکاری کے پرانے تکرار پر فائرنگ سے خاتون جاں بحق جبکہ میاں زخمی ہو گیا ۔تفصیلات کے مطابق شہداد کوٹ کے قریب سنجر بھٹی تھا نے کی حدود گاﺅں پیر حسین شاہ میں بھٹی برادری کے دو فریقین میں کاروکاری کا پرانا تنازعہ چل رہا تھا جس کے باعث ایک فریق بلوچستان نقل مکانی کر گیا تھالیکن پیر کی شام چند مسلح افراد نے نادر بھٹی کے گھر پر دھاوا بول دیا اور فائرنگ شروع کردی جس سے وہ زخمی جبکہ ان کی اہلیہ چالیس سالہ حسینہ جاں بحق ہو گئی ، فائرنگ کی اطلاع ملتے ہی پولیس موقع پر پہنچ گئی اور نعش اور زخمی کو اسپتال منتقل کر دیا ، جہاں نعش کو پوسٹ مارٹم کے بعدورثا کے حوالے کر دیا گیا ،فائرنگ کے بعد ملزمان آسانی سے فرار ہونے میں کامیاب ہو گئے ،واقعہ کا مقدمہ تاحا ل درج نہیں کیا جا سکا ۔