ؒؒاسلام آباد(پی پی آئی) نگران وزیر خزانہ ڈاکٹر شمشاد اختر نے کہاہے کہ آئی ایم ایف معاہدوں میں مزید سبسڈیز دینے کی گنجائش نہیں۔کمیٹی اجلاس کے بعد میڈیا سے بات چیت کرتے ہوئے نگران وزیر خزانہ ڈاکٹر شمشاد اختر نے کہا کہ نگران حکومت کو ملک کے غریب عوام کا بھرپور احساس ہے، نگران حکومت غریب طبقے کو مزید مشکلات سے دو چار نہیں کر سکتی۔شمشاد اختر نے کہا کہ آئی ایم ایف سے معاہدے گزشتہ حکومتوں نے کیے، آئی ایم ایف کے معاہدوں میں سبسڈیز دینا پہلے سے طے شدہ ہے، معاہدوں میں مزید سبسڈیز دینے کی گنجائش نہیں۔نگران وزیر خانہ نے کہا کہ نگران حکومت معیشت کے استحکام کیلئے منصوبہ بندی کر رہی ہے، معیشت کی بہتری کیلئے مربوط حکمت عملی پر کام کر رہے ہیں۔انہوں نے کہا کہ معاشی استحکام کے لیے ایسے اقدامات کریں گے جن سے ڈالر کے مقابلے میں روپیہ کا ریٹ مستحکم ہو۔
نیوزی لینڈ نے چوتھے ون ڈے میں ویسٹ انڈیز کو 58رنز سے ہرادیا
الیسٹر کک مسلسل 100ٹیسٹ کھیلنے والے پہلے انگلش کرکٹر بن گئے
تین ملکی ویمنز کرکٹ ٹورنامنٹ کےلئے قومی ٹیم کا تربیتی کیمپ کراچی میں جاری
ناقص کارکردگی سہواگ کے گلے پڑگئی ،آئی پی ایل سے نظرانداز ہونے کا امکان
سندھ اولمپک ایسوسی ایشن کے متوازی گروپوں میں تنازعہ شدت اختیار کرگیا
بارسلونا فیس بک پر 50ملین شائقین کے ساتھ دنیا کا پہلا فٹبال کلب بن گیا
تازہ ترین خبریں
- April 25, 2026
- April 22, 2026
- April 22, 2026
- April 07, 2026
اشتہار
تازہ ترین
مہنگائی اور بجلی کی قیمتوں کا ملبہ صرف مسلم لیگ (ن) پر ہی نہیں ڈالا جاسکتا،جاوید لطیف
لاہور(پی پی آئی) پاکستان مسلم لیگ(ن) کے سینئر رہنما و سابق وفاقی وزیر میاں جاوید لطیف نے کہا ہے کہ محمدنواز شریف نے ملک سے بدامنی ختم کی اور 2013میں آکر ملک میں بجلی پیدا کی،مہنگائی اور بجلی کی قیمتوں کا ملبہ صرف مسلم لیگ (ن) پر ہی نہیں ڈالا جاسکتا’ اس وقت ملک بھر میں جو بجلی کے بلوں کا رونا رویا جا رہا ہے ‘مہنگائی کا سیلاب عوام کو کھا رہا ہے جب تک ان سب عوامل کے پیچھے سازش کو بے نقاب نہیں کیا جائے گا معاملات ٹھیک نہیں ہونگے۔وہ بدھ کے روز لاہور پریس کلب میں ایک پریس کانفرنس سے خطاب کر رہے تھے۔ میاں جاوید لطیف نے کہا کہ16 ماہ کی حکومت نے ملکی مسائل حل کرنے کی بھر پور کوشش کی، پونے چار سال جنہوں نے حکومت کی ان کا قصور بھی توقوم کے سامنے لائیں،جنہوں نے پاکستان میں سول نافرمانی کی سازش کی ان تک پہنچنا ہوگا۔جاوید لطیف نے کہا کہ پونے چار سال حکومت کرنے والوں نے اداروں سے جو معاہدے کئے عوام کو اس کے بارے میں بھی علم ہونا چاہئے،کن سے آئی پی پیز کے معاہدے کئے گئے اور ڈالروں میں جو ادائیگی کی گئی اس کو بھی سامنے لایا جائے۔انہوں نے کہا کہ عمران خان کی حکومت کا جب خاتمہ ہوا تو گردشی قرضوں کا حجم 25سو ارب روپے تھا جسے قوم کسی طور پر معاف کرنے کو تیار نہیں،2007سے 2013 تک بجلی دیکھنے کو نہیں ملتی تھی،ملک میں دہشتگردی تھی اور دس سے بیس لوگ اکٹھے نہیں ہوسکتے تھے جبکہ نواز شریف نے 2013 میں آکر سستی اور وافر بجلی پیدا کی،دہشتگردی ختم کی جس کی پوری قوم گواہ ہے۔انہوں نے کہا کہ ملک میں سازشیوں کو توڑے بغیر مسائل ٹھیک نہیں ہونگے۔جاوید لطیف نے کہا کہ نواز شریف پاکستان آئیں گے اور الیکشن مہم چلائیں گے، کسی کے جیل میں جانے یا آنے سے (ن) لیگ کو کوئی فرق نہیں پڑتا۔
میانوالی میں باپ کی فائرنگ سے زخمی لیڈی ڈاکٹر انتقال کر گئیں
میانوالی(پی پی آئی) میانوالی میں باپ کی فائرنگ سے زخمی ڈاکٹر سدرہ نیازی انتقال کر گئیں۔میڈیا رپورٹس کے مطابق ڈاکٹر سدرہ نیازی کو اپنے ہی باپ نے دس روز قبل فائرنگ کرکے زخمی کر دیا تھا۔پولیس کے مطابق ڈاکٹر سدرہ نیازی مزید پڑھائی کے لیے ہاسٹل میں شفٹ ہونا چاہتی تھی جب کہ والد بیٹی کے ہاسٹل میں منتقل ہونے کے خلاف تھے۔باپ کی فائرنگ سے ڈاکٹر سدرہ نیازی شدید زخمی ہو گئی تھی۔20 اگست کو زخمی لیڈی ڈاکٹر کو میانوالی سے راولپنڈی منتقل کیا گیا تھا جہاں وہ 9 روز انتہائی نگہداشت وارڈ میں زیر علاج تھیں۔اسپتال انتظامیہ کے مطابق ڈاکٹر سدرہ نیازی کو تشویشناک حالت میں اسپتال لایا گیا تھا۔کئی روز زندگی اور موت کی کشمکش میں رہنے کے بعد آج وہ انتقال کر گئیں۔ڈاکٹر سدرہ نیازی کیبھائی کی مدعیت میں والد کے خلاف مقدمہ درج ہے تاہم ملزم کو اب تک گرفتار نہیں کیا جا سکا۔اہلخانہ کے مطابق قانونی کارروائی مکمل ہونے کے بعد ڈاکٹر سدرہ نیازی کی نمازِ جنازہ و تدفین میانوالی میں کی جائے گی۔دوسری جانب جاتلی پولیس نے کارروائی کرتے ہوئی3 ہفتے قبل غیرت کے نام پر اپنی 2 بہنوں کو قتل کرنے والے ملزم کوگرفتارکرلیا۔ تفصیلات کے مطابق ایس پی صدر کی زیرنگرانی جاتلی پولیس نے کارروائی کرتے ہوئی3ہفتے قبل غیر ت کے نام پر اپنی 2بہنوں کو قتل کرنے والے ملزم رضوان کو گرفتارکرلیا،ملزم رضوان اپنی بہن سعدیہ اور نازیہ کو فائرنگ کر کے قتل کرنے کے بعد فرار ہو گیا تھا،ملزم رضوان اپنی بہنوں پر شک کرتا تھا،واقعہ کا مقتولین کے والد کی مدعیت میں تھانہ جاتلی میں درج کیاگیا تھا۔ایس پی صدر محمد نبیل کھوکھر نے کہاکہ گرفتار ملزم کو ٹھوس شواہد کے ساتھ چالان کر کے قرار واقعی سزا دلوائی جائے گی،سنگین مقدمات میں ملوث ملزمان کی گرفتاری کے لیے تمام وسائل بروے کار لائے جا رہے ہیں۔
پاکستان کی 98 فیصد آبادی انتہائی آلودہ فضائی ماحول میں رہتی ہے:رپورٹ
ؒؒاسلام آباد(پی پی آئی) ائیر کوالٹی لائف انڈیکس رپورٹ نے پاکستان میں بڑھتی فضائی آلودگی سے متعلق خبردار کردیا۔ ائیر کوالٹی لائف انڈیکس کی سالانہ رپورٹ کے مطابق بڑھتی فضائی آلودگی شہریوں کی اوسط عمر میں چار سال تک کی ممکنہ کمی کا باعث بن سکتی ہے۔رپورٹ میں کہا گیا کہ پاکستان کی 98 فیصد آبادی انتہائی آلودہ فضائی ماحول میں رہتی ہے، پاکستان کے بیشتر شہری علاقوں میں فضائی آلودگی کی سطح قومی فضائی آلودگی اور عالمی ادارہ صحت کے معیار سے کئی گنا زیادہ ہے۔رپورٹ کے مطابق پاکستان میں موجودہ آلودگی کی سطح برقرار رہی تو پنجاب، اسلام آباد اور خیبرپختونخوا کے عوام کی اوسط عمر چار سال تک کم ہونے کا خدشہ ہے۔
تلاش کریں
خبریں

نیوزی لینڈ نے چوتھے ون ڈے میں ویسٹ انڈیز کو 58رنز سے ہرادیا
(January 4, 2014)
نیلسن: نیوزی لینڈ نے ویسٹ انڈیز کو چوتھے ون ڈے میں ڈک ورتھ لوئس قانون کے تحت 58 رنز سے شکست دے کر پانچ میچوںکی سیریز میں دو ایک کی برتری حاصل کرلی۔ نیلسن میں کھیلے جانے والے میچ کا ٹاس نیوزی لینڈ نے جیت کر پہلے بیٹنگ کا فیصلہ کیا۔کیوی ٹاپ آرڈر نے عمدہ بیٹنگ کرتے ہوئے اسکور مقررہ اوورز میں چھ وکٹوں پر285رنز تک پہنچادیا۔ مارٹن گپٹل نے 81 رنز کی شاندار اننگز کھیلی۔ جیسے رائڈر اور ولیمسن نے47,47 رنز اسکور کئے۔ہدف کے تعاقب میں ویسٹ انڈیز کا آغاز مایوس کن رہا۔ اوپنرز کھاتا کھولے بغیر ہی پویلین لوٹ گئے۔ ویسٹ انڈیز نے33اعشاریہ 4اوورز میں پانچ وکٹوں پر134 رنزبنائے تھے کہ میچ بارش کے سبب روک دیا گیا۔ کھیل دوبارہ شروع نہ ہوا اور نیوزی لینڈ کو ڈک ورتھ لوئس قانون کے تحت58 رنز سے فاتح قرار دے دیا گیا۔

الیسٹر کک مسلسل 100ٹیسٹ کھیلنے والے پہلے انگلش کرکٹر بن گئے
(January 4, 2014)
سڈنی: انگلش کرکٹ ٹیم کے کپتان الیسٹر کک مسلسل 100ٹیسٹ میچ کھیلنے والے انگلینڈ کے پہلے اور دنیا کے چوتھے کھلاڑی بن گئے ۔کک نے یہ اعزاز آسٹریلیا کے خلاف ایشز سیریز کے پانچویں اور آخری ٹیسٹ میچ میں شرکت کرکے حاصل کیا ۔سابق آسٹریلین کپتان ایلن بارڈر مسلسل 153ٹیسٹ میچ کھیلنے والے دنیا کے واحدکھلاڑی ہیں ۔سابق آسٹریلوی بلے باز مارک وا 107ٹیسٹ میچوں کے ساتھ دوسرے جبکہ سابق انڈین کپتان سنیل گواسگر مسلسل 106ٹیسٹ میچ کھیل کر تیسرے نمبر پر ہیں ۔

تین ملکی ویمنز کرکٹ ٹورنامنٹ کےلئے قومی ٹیم کا تربیتی کیمپ کراچی میں جاری
(January 4, 2014)
کراچی: تین ملکی ویمنز کرکٹ ٹورنامنٹ کے لئے پاکستان کرکٹ ٹیم کا تربیتی کیمپ نیشنل اسٹیڈیم کراچی میں جاری ہے ۔ایونٹ میں شرکت کے لئے قومی ویمنز ٹیم 8جنوری کو دوحا روانہ ہوگی ۔خواتین ٹیم کیمپ میں کوچ محتشم رشید کی زیر نگرانی کھلاڑیوں کو بھرپور تربیت دی جارہی ہے ۔

ناقص کارکردگی سہواگ کے گلے پڑگئی ،آئی پی ایل سے نظرانداز ہونے کا امکان
(January 4, 2014)
نئی دہلی: بھارتی ٹیم کے جارحانہ مزاج بلے باز وریندر سہواگ کے ستارے گردش میں آگئے ۔سہواگ خراب کارکردگی کے باعث ایک عرصے سے بھارتی ٹیم سے باہر ہیں جبکہ بھارت میں جاری سب سے بڑے ڈومیسٹک ٹورنامنٹ رانجی ٹرافی میں بھی ان کی کارکردگی انتہائی مایوس کن رہی ۔خدشہ ظاہر کیا جارہاہے کہ آئی پی ایل کے تازہ ایڈیشن میں ان کی بولی مزید کم ہوجائے گی ۔سہواگ گزشتہ 6ایڈیشن سے دہلی ڈیولز کی نمائندگی کررہے ہیں ۔

سندھ اولمپک ایسوسی ایشن کے متوازی گروپوں میں تنازعہ شدت اختیار کرگیا
(January 4, 2014)
کراچی: متوازی سندھ اولمپک ایسوسی ایشن کے درمیان تنازع شدت اختیار کر گیا ۔دونوں ایسوسی ایشنز کے نمائندے کھیلوں کے فروغ کے بجائے ذاتی مفادات کو کیلئے کھیل اور کھلاڑیوں کو نقصان پہنچارہے ہے ۔سندھ اولمپک ایسوسی ایشن کے سیکریٹری مدثر آرائیں کا دعویٰ ہے کہ احمدعلی راجپوت عدالت عالیہ کے نام پر گمراہ کن پروپیگنڈہ کررہے ہیں ۔ دوسری جانب متوازی سندھ اولمپک ایسوسی ایشن کے سیکریٹری احمد علی راجپوت نے کہا ہے کہ مدثر آرائیں اینڈ جعلی اولمپک ایسوسی ایشن کو اب فرار کا راستہ نہیں ملے گا۔

بارسلونا فیس بک پر 50ملین شائقین کے ساتھ دنیا کا پہلا فٹبال کلب بن گیا
(January 4, 2014)
بارسلونا: اسپینش فٹبال کلب بارسلونا سماجی رابطے کی ویب سائٹ فیس بک پر 50ملین شائقین رکھنے والا دنیا کا پہلا اسپورٹس کلب بن گیا ۔ٹیم کے آفیشل فیس بک پیج پر انڈونیشیا کے چار اعشاریہ سات تین ملین شائقین موجود ہیں ۔ میکسیکو کے ساڑھے تین ملین ،برازیل کے ڈھائی ملین ،امریکا کے دواعشاریہ ایک ملین اورترکی کے ایک اعشاریہ سات ملین شائقین نے بارسلونا کے پیج کو لائیک کیا ہے ۔