اسلام آباد(پی پی آئی)تحریک انصاف کے وائس چیئرمین شاہ محمود قریشی نے کہا ہے کہ مجھے نہیں پتہ برف پگھلی ہے یا نہیں، 39 سال میں ایک پرچہ میرے خلاف درج نہیں ہوا، محض ایک سال میں دہشت گرد بنا دیا گیا۔پی پی آئی کے مطابق سابق وزیر خارجہ شاہ محمود قریشی کو جوڈیشل ریمانڈ مکمل ہونے پرعدالت پیش کیا گیا۔ کمرہ عدالت میں صحافیوں سے غیر رسمی گفتگو کے دوران انہوں نے کہا کہ 1971 میں پاکستان کو ٹوٹتے دیکھا، آج اپنی آنکھوں سے ملک کو ڈوبتے دیکھ رہا ہوں۔ اس وطن میں 40 سال سیاست کی، 39 سال کے طویل عرصے کے دوران میرے خلاف ایک پرچہ درج نہیں ہوا مگر محض ایک سال میں کورٹ کچہری دیکھ لی، دہشت گرد تک بنا دیا گیا۔ انہوں نے کہا کہ شفاف انتخابات وقت کی ضرورت اور واحد حل ہیں۔ اگر شفاف انتخابات نہ ہوئے تو ملک کا ناقابل تلافی نقصان ہو گا، عوام کا موجودہ جمہوری نظام سے اعتبار اٹھ جائے گا۔
یوراج سنگھ کینسر سے آگاہی کا پروگرام شروع کریں گے
انگلی میں فریکچر کے باعث عدنان اکمل سری لنکا کیخلاف ٹیسٹ سیریز سے باہر
ہوپ مین کپ :پولینڈ نے آسٹریلیا کو ہرا کر فائنل میں رسائی حاصل کرلی
راجن پور : اونٹوں کا دنگل ”پوپٹ “ نامی اونٹ نے جیت لیا
یوتھ فیسٹیول میں اس مرتبہ عالمی ریکارڈزکی سنچری بنائیں گے : رانامشہور
سڈنی ٹیسٹ : آسٹریلیا کی ٹیم پہلی اننگز میں326 رنزبناکر آوٹ
تازہ ترین خبریں
اشتہار
تازہ ترین
سکیورٹی فورسز کا تیراہ میں آپریشن، کمانڈر سمیت 3دہشتگرد ہلاک
تیراہ /پشاور(پی پی آئی)سکیورٹی فورسز کے خیبر کے علاقے تیراہ میں آپریشن کے دوران کمانڈر سمیت 3دہشتگرد ہلاک ہو گئے۔پاک فوج کے شعبہ تعلقات عامہ آئی ایس پی آر کے سکیورٹی فورسز نے خیبر کے علاقے تیراہ میں آپریشن کیا، فورسز نے دہشتگردوں کی موجودگی کی اطلاع پر آپریشن کیا، آئی ایس پی آر کے مطابق فائرنگ کے شدید تبادلے میں 3دہشتگرد ہلاک ہو گئے،پی پی آئی کے مطابق مارے جانے والیدہشتگردوں میں کمانڈر کفایت عرف طور عدنان میں بھی شامل ہے۔ آئی ایس پی آر کے مطابق ہلاک دہشتگرد سکیورٹی فورسز کیخلاف متعدد کارروائیوں میں سرگرم تھے،سکیورٹی فورسز دہشتگردی کے خاتمے کیلئے پرعزم ہیں۔
بیرون ملک مقیم ن لیگ کے سینٹرز اور سابق ارکان اسمبلی کو وطن واپسی کی ہدایت
اسلام آباد (پی پی آئی)مسلم لیگ ن نے بیرون ملک مقیم تمام سینٹرز اور سابق ارکان اسمبلی کو 3 روز کے اندر وطن واپسی کی ہدایت کرتے ہوئے تمام پاکستان میں موجود تمام پارٹی رہنماؤں کو21 اکتوبر سے پہلے بیرون ملک سفر سے روک دیا ہے۔پی پی آئی کے مطابق ن لیگ کا ٹکٹ حاصل کرنے کے خواہاں افراد سے بھی کہا گیا ہے کہ وہنوازشریف کے استقبال کی تیاری کریں۔
جی ڈی اے کا سندھ سے صفایا ہوچکا، پی پی پی سوئپ کریگی: منظور وسان کی پیشگوئی
کراچی (پی پی آئی)پیپلز پارٹی کے سنیئر رہنما منظور وسان نے سیاسی منظر نامے کے حوالے سے نئی پیش گوئی کرتے ہوئے کہا ہے کہ عام انتخابات سے پہلے چیئرمین پی ٹی آئی عمران خان کی مشکلات میں اضافہ ہوتا دیکھ رہا ہوں۔پی پی آئی کے مطابق انہوں نے قائد مسلم لیگ ن کے بارے میں کہا کہ اکتوبر میں معلوم ہو جائے گا نواز شریف وطن واپس آ رہے ہیں یا نہیں؟۔منظور وسان کا کہنا تھا کہ 28 جنوری اتوار کو الیکشن ہوں گے اس لئے جیالے تیاری کریں، پیپلز پارٹی کے رہنما منظور وسان نے کہا کہ عام انتخابات میں پی پی پی اور ن لیگ میں مقابلہ سخت ہو گا،سندھ میں پی پی پی کے خلاف تمام جماعتیں ایک ساتھ الیکشن لڑیں گی لیکن جی ڈی اے کا سندھ سے صفایا ہوچکا ہے،سندھ میں پی پی پی سوئپ کرے گی۔پی ٹی آئی کی پوزیشن ڈاؤن ہے۔ منظور وسان نے کہا ایم کیو ایم کا حلقہ بندیوں سے متعلق واویلا بلا جواز ہے،ایم کیو ایم سیاسی جماعتوں کے ساتھ ہر دور میں اقتدار میں رہی۔
تلاش کریں
خبریں
یوراج سنگھ کینسر سے آگاہی کا پروگرام شروع کریں گے
ممبئی: بھارتی کرکٹ ٹیم کے مایہ ناز کھلاڑی یوراج سنگھ اپنی ذاتی تنظیم یووی کین کے تحت ملک بھر کے 26شہروں اور قصبوں میں واقع دوہزار سے زائد اسکولوں میں کینسر سے متعلق آگاہی پروگرام شروع کریں گے ۔مہم کا آغاز نئی دہلی ،ممبئی اور چنڈی گڑی سے ہوسکتا ہے ۔ یوراج سنگھ کے مطابق ہرسال تقریباً 12ملین افراد کینسر جیسے موذی مرض کا شکار ہوجاتے ہیں ۔
انگلی میں فریکچر کے باعث عدنان اکمل سری لنکا کیخلاف ٹیسٹ سیریز سے باہر
ابوظہبی: پاکستانی کرکٹ ٹیم فٹنس مسائل کا شکار ہو گئی۔ فاسٹ بولر عمر گل کے بعد عدنان اکمل بھی سیریز سے باہر ہو گئے۔ذرائع کے مطابق وکٹ کیپر بیٹسمین عدنان اکمل کی انگلی زخمی ہونے کے باعث سری لنکا کے خلاف ٹیسٹ سیریز سے باہر ہو گئے۔ ذرائع کا کہنا ہے کہ عدنان اکمل کو متحدہ عرب امارات سے وطن واپس بھیج دیا جائے گااور ان کی جگہ وکٹ کیپر کے فرائض یونس خان سرانجام دیں گے۔ اس سے پہلے عمر گل بھی فٹنس مسائل کی وجہ سے سیریز سے باہر ہو چکے ہیں۔ فاسٹ بولر گھٹنے کی انجری کے باعث نو ماہ تک کرکٹ سے دور رہے تھے لیکن انہیں سری لنکا کے خلاف ون ڈے سیریز کھیلنے کا موقع دیا گیا تھا۔
ہوپ مین کپ :پولینڈ نے آسٹریلیا کو ہرا کر فائنل میں رسائی حاصل کرلی
پرتھ: پولینڈ کی ٹیم نے میزبان آسٹریلیا کو دو ایک سے ہرا کر ہوپ مین کپ ٹینس ٹورنامنٹ کے فائنل میں جگہ بنا لی۔ آسٹریلیا کے شہر پرتھ میں جاری ٹینس ٹورنامنٹ کے راونڈ روبن میں دلچسپ مقابلوں کا سلسلہ جاری ہے۔ میزبان ٹیم کے برنارڈ ٹومک نے پولش حریف پین فل کو سٹریٹ سیٹس میں شکست دیکر ایک صفر کی برتری حاصل کی لیکن ویمن سنگلز میچ میں پولینڈ کی رڈوانسکا نے آسٹریلوی کھلاڑی سمانتھا سٹوسر کو سخت مقابلے کے بعد مات دے کر حساب برابر کیا۔ ایونٹ کے مکسڈ ڈبلز میچ میں بھی پولینڈ کی ٹیم نے شاندار کارکردگی دکھائی اور میزبان ٹیم کو آوٹ کلاس کر کے دو ایک کی برتری سمیٹ کر فائنل میں جگہ پکی کی۔
راجن پور : اونٹوں کا دنگل ”پوپٹ “ نامی اونٹ نے جیت لیا
راجن پور: راجن پور میں ہونے والا اونٹوں کا دنگل” پوپٹ“ نامی اونٹ نے جیت لیا۔ نواحی علاقہ آسنی میں سردی کے باوجود اونٹ پال شوقین حضرات نے اونٹوں کا دنگل منعقد کیا جس میں ڈیرہ غازی خان اور رحیم یار خان سے اونٹوں نے شرکت کی۔ دنگل کو دیکھنے کے لئے ہزاروں کی تعداد میں شائقین دو سو روپے ٹکٹ ہونے کے باوجود پنڈال میں پہنچے۔ اونٹوں کی اس لڑائی میں ساٹھ جوڑوں نے حصہ لیا۔ فائنل مقابلہ پوپٹ نامی اونٹ اور بھورل نامی اونٹ کے درمیاں ہوا۔ کافی جدوجہد کے بعد پوپٹ نامی اونٹ نے فائنل جیت لیا۔ جیتنے والے پوپٹ نامی اونٹ کے مالک فیض گوپانگ نے انتہائی مسرت کا اظہار کیا اور کہا کہ جہاں یہ میلے تفریح کا باعث ہیں وہاں سیکورٹی انتظامات نہ ہونے کے باعث کسی بڑے حادثے کا سبب بھی بن سکتے ہیں۔
یوتھ فیسٹیول میں اس مرتبہ عالمی ریکارڈزکی سنچری بنائیں گے : رانامشہور
لاہور: صوبائی وزیر کھیل رانا مشہود کا کہنا ہے کہ یوتھ فیسٹیول میں اس بار سو ورلڈ ریکارڈز بنائے جائیں گے۔نیشنل ہاکی اسٹیڈیم لاہور میں پریس کانفرنس کرتے ہوئے رانا مشہود کا کہنا تھا کہ اس بار یوتھ فیسٹول کے پہلے مرحلے میں بارہ لاکھ شہریوں نے حصہ لیا جو گزشتہ برس محض اڑھائی لاکھ تھے۔ انہوں نے کہا کہ انٹرنیشنل کرکٹ کی بحالی کے لیئے انٹرنیشنل کرکٹرز کو بھی فیسٹیول میچ میں بلایا جائے گا۔ رانا مشہود کا کہنا تھا کہ بسنت کے حوالے سے قانون سازی کی جا رہی ہے اور حکومتی منظور شدہ ڈور کے علاوہ ڈور استعمال کرنے والے کو دس سال قید کی سزا بھی ہوسکتی ہے۔
سڈنی ٹیسٹ : آسٹریلیا کی ٹیم پہلی اننگز میں326 رنزبناکر آوٹ
سڈنی: نگلینڈ کے خلاف سڈنی ٹیسٹ میں آسٹریلیا کی ٹیم پہلی اننگز میں326 رنزبناکر آوٹ ہوگئی۔ سڈنی میں کھیلے جانے والے میچ کا ٹاس انگلینڈ نے جیت کر آسٹریلیا کو بیٹنگ کی دعوت دی۔ انگلینڈ نے اننگز کا آغاز کیا تو ڈیوڈ وارنر16 رنزبناکر براڈ کی گیند پر بولڈ ہوگئے۔کرس راجرز بھی زیادہ دیر تک وکٹ پر نہ ٹھر سکے اور11 رنزبناکر اپنی وکٹ گنوابیٹھے۔ واٹسن نے کچھ مزاحمت کی وہ43رنزبناکر آوٹ ہوئے۔ اسٹیون اسمتھ نے ذمہ دارانہ بیٹنگ کرتے ہوئے سنچری بنائی اور ٹیم کی پوزیشن مستحکم کی۔ اسمتھ نے115 رنزبنائے۔بریڈ ہیڈن نے ان کا بھرپور ساتھ دیتے ہوئے 75 رنز کی اننگز کھیلی۔ میزبان ٹیم پہلی اننگز میں326رنزبناکر آوٹ ہوگئی۔ جواب میں انگلینڈ نے پہلے روز کھیل کے اختتام تک ایک وکٹ پر آٹھ رنزبناسکی۔