کراچی: پاکستان ٹیلی کمیونیکیشن کمپنی لمیٹڈ ( پی ٹی سی ایل ) نے ٹی سی ایس ایکسپریس کے ساتھ اپنی مصنوعات کی تیز ر فتا ر تر سیل اور تقسیم کے لےے ایک معا ہدہ پر دستخط کئے۔ اس معا ہدہ سے صارفین کو پی ٹی سی ایل کی مصنوعات تک ٹی سی ایس کی ویب سائٹ کے ذریعے آن لائن دستیابی ، ایس ایم ایس آرڈر سروس کے ذریعے ہوم ڈیلیوری کے ساتھ ساتھ ٹی سی ایس کے ریٹیل آﺅٹ لیٹس پر مصنوعات کی فراہمی ممکن ہوگی ۔ اس معا ہد ہ پر فر قا ن قر یشی چیف ما ر کیٹنگ آ فیسر پی ٹی سی ایل اور ثا قب ہمدانی سی ای او ٹی سی ایس ایکسپر یس نے دستخط کیے ،عمر خالد ای وی پی وائر لیس بزنس پی ٹی سی ایل ، جی ایم وائر لیس سر و سز پی ٹی سی ایل ، وائس پر یز یڈ نٹ سیلز ٹی سی ایس اس معا ہدے میں مو جو د تھے۔

میرپورخاص: میرپور خاص میں نا معلوم افراد کی فائرنگ سے ایک شخص زخمی ہوگیا۔میرپورخاص کے علاقے پوسٹ آفس چوک پر واقع محبوب مسافر خانے کے برابر میں قائم چائے کی ہوٹل پر چائے پینے والے شخص اکبر علی کو نا معلوم افراد نے گولیاں مار کر شدید زخمی کر دیا اور گاڑی چھوڑ کر فرار ہو گئے ،زخمی اکبر علی کو نا زک حالت میں سول اسپتال منتقل کیا گیا جہاں سے اسے حیدرآباد منتقل کر دیا گیا ،پولیس نے گاڑی اپنی تحویل میں لے کر تفتیش شروع کر دی ہے ، واضح رہے کہ زخمی ہونے والا شخص شہر کے منشیات فروش مدو شاہ کا ڈرائیور بتایا جاتا ہے۔

میرپورخاص: میرپورخاص کے فلا حی ادارے دستگیر ی وےلفیئر آرگنائزیشن کے رضاکاروں نے دوسرے مرحلے میں شہر کے مختلف علاقوں میں صفائی کا کام شروع کردیا ۔شہر کی ابتر صورت حال پر منتخب نمائندوں اور متعلقہ اداروں کی مسلسل چشم پوشی کے سبب دستگےر ی وےلفیئر آرگنائزیشن کے درجنوں رضاکاروں نے دوسرے مرحلے میں شہر کے مختلف علاقوں میں صفائی نصف اےمان ہے کے جذبے کے تحت ابن رشد گرلز کالج کے پاس سے صفائی کا آغاز کیا ،صفائی کرنے والوں میں 15سے 16گریڈ کے سرکاری ملازم سمیت فلاحی ادارے کے درجنوں رضاکار شامل تھے، جنھوں نے مدےنہ مسجد چوک ،پوسٹ آفس چوک سمےت کئی علاقوں میں اپنی مدد آپ کے تحت جھاڑو لگاکر غلاظت کو صاف کرنے کی کوشش کی اس موقع پر دستگیر وےلفیئر آرگنائزیشن کے رہنما ءمحمود قادری اور دےگر نے بتا ےا کہ فلاحی دستگےر ی وےلفیئر آرگنائزیشن کے رضا کاروں نے شہر کے بےشتر علاقوں کی گلی محلوں میں کئی ماہ سے کچرے کے ڈھیروںکو ہاتھوں اور ٹرالیوں کی مدد سے اٹھا کر ٹھکانے لگایا ہے۔

میرپورخاص:  ایم کیو ایم میرپورخاص زون کے زونل انچارج مجیب الحق نے یوسی میرواہ میں جنرل ورکرز اجلاس سے خطاب کرتے ہوئے کہا کہ شہداءکا لہو رائیگاں نہیں جانے دیں گے،ریاستی جبر کے ذریعے ایم کیو ایم کو کچلنے کی سازشیں ہورہی ہیں۔انھوں نے کہا کہ ایم کیو ایم پاکستان کو قائد اعظم محمد علی جناح کی تعلیمات کے مطابق ایسا ملک بنانا چاہتی ہے جہاں ہر طبقے کو ان کے بنیادی حقوق میسر ہوں۔انھوں نے کہا کہ ایم کیو ایم ملک سے فرسودہ گلے سڑے سیاسی اور معاشی نظام کی تبدیلی کے لئے جدوجہد کررہی ہے۔یہی وجہ ہے کہ استحصالی عناصر ریاستی جبر اور منفی ہتھکنڈوں کے ذریعے حق پرستی کی اس تحریک کو کچلنے کے درپے ہیں ۔ایم کیو ایم کے معصوم و بے گناہ کارکنان اور ہمدردوں کو ماورائے عدالت قتل کیا جارہا ہے۔انھوں نے مزید کہا کہ ملک بھر میں بسنے والے ایم کیو ایم کے کارکنان اور حق پرست عوام ایسی تمام سازشوں کو مسترد کرتے ہیں ۔امن کے قیام کے نام پر سندھ کے مخصوص طبقہ آبادی کو نشانہ بنایا جارہا ہے۔منفی اقدامات سے نفرت و تعصب کی آگ بھڑکا کر عوام کو مخصوص سمت میں سوچنے پر مجبور کیا جارہا ہے۔اجلاس سے اراکین زونل کمیٹی شاہد عباسی، سلیم رضا قائمخانی اور عزیر قریشی نے بھی خطاب کیا ۔اس موقع پر یوسی میرواہ کے ذمہ داران و کارکنان کثیر تعداد میں موجود تھے۔

میرپورخاص: ڈویژنل کمشنرمیرپورخاص ساجد جمال ابڑو نے کہا ہے کہ امتحانات میں نقل کی روک تھام کے لیے والدین اور اساتذہ کو اپنا کردار ادا کرنا ہوگا تاکہ نوجوان اپنی محنت سے معیاری تعلیم حاصل کرسکیں ۔ان خیالات کا اظہار انھوںنے نویں اور دسویں جماعت کے شروع ہونے والے امتحانات کے سلسلے میں میرپورخاص کے مختلف امتحانی مراکز کا اچانک دورے کے دوران کیا ۔ کمشنر نے اساتذہ کو ہدایت کی کہ امتحانی مراکز میںنقل کا موا دلانے والوں کے خلاف سخت قانونی کارروائی کی جائے ۔ اس موقع پر انھوں نے طلباءو طالبات کو مشورہ دیا کہ وہ محنت سے امتحان دیں تاکہ مستقبل میں مسائل کا مقابلہ آسانی سے کر سکیں ۔کمشنر نے گورنمنٹ بوائز ہائی سیکنڈری اسکول بھان سنگھ آباد کے دورے کے دوران ایک طالب علم کو نقل کرتے ہوئے پکڑکر کاپی کیس کرنے کی ہدایت کی اس دوران امتحانی مراکز کے ارد گرد نقل کرانے والے درجنوں افراد کو بھی گرفتار کر لیا گیا ۔ کمشنر نے پولیس کو ہدایت کی کہ دفعہ 144کی خلاف ورزی کرنے والوں کے خلاف قانونی کارروائی کی جائے ۔ڈی آئی جی میرپورخاص امین یوسف زئی ،ایس ایس پی جام ظفراللہ دھاریجو ،اے ایس پی سیٹلائیٹ ٹاون ساجد کھوکر اور دیگر متعلقہ افسران بھی کمشنر کے ہمراہ تھے۔