عالمی مارکیٹ میں سونے کے بھاو? بڑھنے کے باوجود پاکستان میں قیمتیں کم ہو گئیں۔پی پی آئی کے مطابق پاکستان میں 24قیراط سونا200روپے سستا ہو کر 2لاکھ 63ہزار روپے ہو گیاجبکہ 10گرام سونا 171روپے سستا ہو کر ایک لاکھ 76ہزار 869روپے ہو گیا۔دوسری جانب عالمی مارکیٹ میں سونا 13 ڈالر مہنگا ہوکر 1972 ڈالر فی اونس پر پہنچ گیا۔

کراچی (پی پی آئی)2 روز اضافے کے بعد ڈالر کی قیمت میں پھر سے کمی آئی ہے۔کاروباری ہفتے کے چوتھے روز انٹربینک میں امریکی کرنسی کی قیمت میں ایک روپیہ 79 پیسے کی کمی دیکھی گئی جس کے بعد انٹربینک میں ڈالر 278 روپے 50 پیسے پر ٹریڈ کر رہا ہے۔پی پی آئی کے مطابق گزشتہ روز انٹربینک میں ڈالر کی قیمت میں 3.29 پیسے کا اضافہ ہوا تھا۔ادھر اوپن مارکیٹ میں بھی ڈالر کی قیمت میں 2 روپے کی کمی واقع ہوئی جس کے بعد اوپن مارکیٹ میں امریکی کرنسی 280 پر فروخت ہو رہی ہے۔

راولپنڈی  (پی پی آئی)تحریک انصاف  کے  چیئرمین عمران خان کی سائیکل جیل پہنچا دی گئی مگر سپرٹنڈنٹ نے اندر لے جانے سے منع کر دیا۔پی پی آئی کے مطابق سابق وزیراعظم عمران خان کی ورزش کیلئے سائیکل اڈیالہ جیل کے باہر منگوا لی گئی، جب اندر لے جانے کی کوشش کی تو جیل سپرٹنڈنٹ نے انکار کر دیا۔پی پی آئی کے مطابق  ان کا کہنا تھا کہ عدالتی آرڈر ابھی ان تک نہیں پہنچا۔ اس پر عمران خان کے وکلا نے کہا کہ عدالتی آرڈر کچھ دیر میں پہنچ جائے گا۔واضح رہے کہ آفیشل سیکرٹ ایکٹ عدالت کے جج ابوالحسنات محمد ذوالقرنین نے سائیکل مہیا کرنے سے متعلق درخواست منظور کی جس پر پی ٹی آئی وکلا سائیکل لے کر اڈیالہ جیل پہنچے تھے۔