سری نگر/مقبوضہ کشمیر(پی پی آئی)تحریک رائے شماری اور حق خودارادیت کے سرگرم رہنماپیر غلام محمود نقشبندی انتقال کرگئے وہ کل جماعتی حریت کانفرنس کی آزاد جموں و کشمیرشاخ نے سینئر حریت رہنما محمد فاروق رحمانی کے خالہ زاد بھائی  بھی تھے۔کل جماعتی حریت کانفرنس کی آزاد جموں و کشمیرشاخ نے پیر غلام محمود نقشبندی  کے انتقال پر گہرے رنج  وغم کا اظہارکیاہے۔پی پی آئی کے مطابق اسلام آباد پاکستان میں محمد فاروق رحمانی کی زیر صدارت ایک تعزیتی اجلاس میں مرحوم کے لئے مغفرت اورلوحقین کے لئے صبر جمیل کی دعا کی گئی۔ مرحوم گزشتہ صدی کی پانچویں اور چھٹی دہائی میں بانڈی پورہ میں تحریک رائے شماری اور حق خودارادیت کے سرگرم رہنما رہے  اور بخشی غلام محمد کی وزارت اعظمیٰ کے دور میں کئی سال جیل کی صعوبتیں برداشت کیں۔تعزیتی اجلاس میں حریت رہنماؤں نے مقبوضہ کشمیر کے سینئر صحافی غلام نبی خیال اور بشیر احمد مخدومی کی والدہ کے انتقال پربھی دکھ اور افسوس کا اظہار  اوردعائے مغفرت کی۔

لاہور(پی پی آئی)پاکستان مسلم لیگ (ن) نے نئے ترانے کے اجراء کی تقریب منسوخ کر دی ہے۔تفصیلات کے مطابق غزہ میں ہسپتال پر اسرائیلی وحشیانہ بمباری سے 500 سے زائد بے گناہ فلسطینیوں کی شہادت پر پارٹی ترانے کے اجرا  کی تقریب منسوخ کی گئی۔ پی پی آئی کے مطابقترانے کے اجراکی تقریب لاہور میں منعقد ہونا تھی۔سابق وزیراعظم اور پاکستان مسلم لیگ (ن) کے صدر شہباز شریف نے تقریب میں پارٹی ترانہ جاری کرنا تھا اور ان ہی کی ہدایت پر فلسطینیوں سے یک جہتی اور بے گناہوں کی شہادتوں پر افسوس کے اظہار کے طور پر تقریب منسوخ کی گئی۔

کراچی (پی پی آئی)عالمی امدادی اداروں کی طرح پاکستان میں بھی غیر سرکاری تنظیمیں فلسطینیوں کو انسانی امداد فراہم کرنے کے لیے تیار ہیں لیکن وہ بھی ناکہ بندی اور لاجسٹک مسائل کو اہم چیلنج قرار دے رہی ہیں۔ایدھی فاؤنڈیشن کے فیصل ایدھی نے بتایا کہ غزہ جانے والے تمام راستے بند ہیں، سب راستے سیل کر دیے گئے ہیں،۔فیصل ایدھی کے مطابق پاکستان میں امدادی ایجنسیاں مصر کی جانب سے داخل ہو سکتی ہیں لیکن اس نے بھی پاکستانیوں کو ویزے دینے سے انکار کر رہا ہے۔انہوں نے ماضی کا حوالہ دیتے ہوئے کہا کہ تین سال قبل بھی جب اسرائیل غزہ پر بمباری کر رہا تھا تو ان کی تنظیم نے رفح کے راستے سے غزہ میں داخل ہونے کی کوشش کی تھی لیکن مصر نے ہماری ویزا درخواستیں مسترد کر دی تھیں۔۔سیلانی ویلفیئر ٹرسٹ کے امجد چامدیہ نے کہا کہ کسی بھی ملک کے راستے غزہ جانا ممکن نہیں ہے۔۔غزہ میں امدادی سامان کی ترسمیل ناممکن ہے، اس لیے پاکستان میں کچھ این جی اوز نے محصور علاقے میں رقوم بھیجنے کے لیے عالمی اداروں کے ساتھ مل کر کام کرنے کے لیے ہاتھ ملا لیا ہے۔امجد چامدیہ نے کہا کہ غزہ کے باسیوں کی مدد کے لیے ترکیہ کی این جی اوز کے ساتھ ہاتھ ملا رہے ہیں۔ الخدمت فاؤنڈیشن نے بھی ان عالمی امدادی تنظیموں اور این جی اوز کے ساتھ شراکت قائم کرلی ہے جن کے پاس امدادی سامان بھیجنے کے لیے علاقے تک رسائی ہے۔