حیدرآباد: وزیر اعلیٰ سندھ کے معاون خصوصی برائے سیاست عبد الجبار خان نے کہا ہے کہ حکومت سندھ صوبے بھر میں تعلیم کے معیار کو بہتر بنانے کے لیے سنجیدہ ہے ۔ یہ بات انہوں نے رئیس خان محمد لوئر سیکنڈری اسکول ٹنڈو یوسف حیدرآباد میں زکواة و عشر کی جانب سے غریب ، مفلس و نادار طلباءو طالبات میں اسکول بیگز، ڈریسز و دیگر سامان کی تقسیم کی تقریب میں بحیثیت مہمان خصوصی خطاب کرتے ہوئے کہی ۔ انھوں ں نے کہا کہ ضلع حیدرآباد با الخصوص PS-49کے علاقوں میں سرکاری اسکولز کو جوبھی مسائل درپیش ہیں ان کو علاقے کے لوگوں کے ساتھ مل کر جلد حل کرنے کی کوشش کی جائے گی ۔ انھوں نے مزید کہا کہ آج بھی سرکاری اسکولوں میں پرائیویٹ اسکولو ںکے مقابلے میں تدریسی عمل بہتر ہیں اور حکومت سندھ سرکاری اسکولز میں سہولیات بھی مہیا کر رہی ہے مگر ضرورت اس بات کی ہے کہ ہم سب کو اپنے بچوں اور بچیوں کو سرکاری اسکولوں میں ہی پڑھنا چاہےے جس سے ہم سرکاری اسکولوں میں تعلیم کا معیار کو مزید بہتر بنا سکتے ہیں ۔اس موقع پر چیئر مین زکواة و عشر کمیٹی حیدرآباد شیر محمد پیر زادو نے تقریب سے خطاب کرتے ہوئے بتایا کہ ڈسٹرکٹ زکواة کمیٹی کی جانب سے ضلع حیدرآباد کے تقریباً 50مختلف اسکولوں میں 6جماعت سے10جماعت کے 2500 مستحق طلباءو طالبات میں اسکولز ڈریسز ، بیگز ، واٹر کولر ، پنکھے و دیگر سامان کی تقسیم کی گئی ہے اس کے علاوہ ضلع حیدرآباد کے مختلف ہسپتالوں جن میں سول ہسپتال حیدرآباد کو 70لاکھ ، تعلقہ قاسم آباد کو 5لاکھ کی دو اقساط ، تعلقہ ہسپتال ٹنڈو جام ہسپتال میں دو لاکھ روپے ، بھٹائی ہسپتال لطیف آباد کو دو اقساط میں 9لاکھ سے زائد رقوم سالانہ دی گئی ہے ۔ انھوں نے مزید کہا کہ ضلع حیدرآباد کے 4تعلقوں میں غریب اور مفلس90بچیوں کو جہیز کی مد میں 20ہزار روپے فی بچی کے حساب سے 18لاکھ روپے کی رقم دے چکے ہیں ۔ انھوںں نے مزید بتایا کہ ذہین و مستحق غریب طلباءو طالبات کو مورا اسکالر شپ کے تحت ضلع حیدرآباد زکواة کمیٹی کی جانب سے کالج و یونیورسٹیز کے طلباءو طالبات کو اسکالر شپ بھی دی جا رہی ہے ۔ بعد ازاں ، وزیر اعلیٰ سندھ کے معاون خصوصی برائے سیاست عبد الجبار خان نے رئیس خان محمد لوئر سیکنڈری اسکول کے 50غریب اور مفلس طلباءو طالبات میں اسکول ڈریسز ، بیگز ، دوواٹر کولر اور دو پنکھے بھی تقسیم کےے۔اس موقع پر پی ایس 49-کے پی پی پی صدر غلام رسول کلہوڑو ، پی پی پی ضلع حیدرآباد کے ڈپٹی انفارمیشن سیکریٹری سید کمال شاہ و دیگر بھی موجود تھے۔

حیدرآباد: حیدرآباد چیمبر آف کامرس اینڈ انڈسٹری کی طرف سے جا ری میں وفاقی وزیر خزانہ سے مطالبہ کیا گیا ہے کہ وہ ملک کے تمام چیمبر آف کامرس کی مرتب کردہ بجٹ تجا ویز پر مشاورت کے لئے تاجروں کا مشترکہ اجلا س بلائیں ، تاکہ تاجروں کی طرف سے حکومت کو دی گئیں بجٹ تجا ویز پر تفصیلی روشنی ڈالی جا سکیں ۔ حیدرآباد چیمبر سمیت ملک کے تمام چیمبر کی طرف سے وفاقی بجٹ 2014-15پر ارسال کی گئی بجٹ تجا ویز پر حکومت کی طرف سے سنجیدگی کا مظاہرہ نہ کرنے سے تاجر برادری میں تشویش کی لہر دو ڑ گئی ہے ، حیدرآباد چیمبرکے بیان میں مزید کہا گیا ہے کہ تاجر برادری ملک کی معیشت میں ریڑھ کی ہڈی کی حیثیت رکھتی ہے ، کاروبار ہو یا صنعتی سرگرمیوں کا فروغ یہ سب تاجر و صنعتکار براد ری کی مرہون منت ہیں۔ لہذا معاشی صنعتی ترقی کو یقینی بنانے کے لئے تاجر اور صنعتکا ر برادری کو اہمیت دینے کی ضرورت ہے اور معا شی پالیسیوں بالخصوص نئے بجٹ مرتب کرنے سے قبل تاجر و صنعتکا ر برادری کی طرف سے ارسال کردہ تجا ویز پر تبا دلہ خیال اور تاجر برادری کے اشتراک سے ایسا بجٹ مرتب کیا جائے جس سے کاروباری ماحول بہتر بنانے کے ساتھ ساتھ ٹیکس نیٹ میں اضافہ ممکن ہو سکے اور اسمگلنگ کی روک تھام کے لئے موثر اقدامات کئے جا سکتے ہیں ۔ حیدرآباد چیمبر کے اخبا ری بیان میں اید پی سی سی آئی اورکے سی سی آئی کی بجٹ تجا ویز کی حمایت کی گئی ہے اور وفاقی حکومت پر زو ر دیا گیا ہے کہ وہ وفاقی بجٹ 2014-15میں سیلز ٹیکس کی شرح کم سے کم رکھےں اور عام آدمی کے ریلیف کے لئے خاص توجہ دی جائے ۔

حیدرآباد: متحدہ قومی موومنٹ حیدرآباد کے زونل انچارج نوید شمسی و اراکین زونل کمیٹی نے ایم کیوایم اورنگی ٹاﺅن سیکٹر یونٹ 121-Bکے کارکن محمد نسیم کے قتل سمیت کراچی میں حالیہ دہشت گردی کی سخت الفاظ میں مذمت کرتے ہوئے کہا ہے کراچی میں ایم کیو ایم کے معصوم کارکنان اور ہمدردوںکا قتل عام کراچی کی حق پرست عوام کو ایم کیوایم سے جدا کرنے کی سازش کا حصہ ہے جو کبھی بھی کامیاب نہیں ہوسکتی۔ انھوں نے کہاکہ ایم کیوایم کے کارکنان اور حق پرست عوام نے ماضی میں بھی ریاستی جبر وتشدد کا سامنا کیا مگر حق پرستانہ جدوجہد سے دستبردار نہیں ہوئے ۔انھوں نے کہاکہ کراچی میں جرائم پیشہ عناصر اپنے ناپاک عزائم کی تکمیل کےلئے معصوم عوام کی زندگیوں سے کھیل رہے ہیں۔ انھوں نے کہا کہ ایسے درندہ صفت عناصر انسانیت کے دامن پر ایک بد نما داغ کی مانند ہےں اور ایسے ظالم انسان کہلانے کے ہرگز حقدارنہےں ہے اور یہ صرف ایک خاندان کے ہی نہےں بلکہ پوری قوم اور معاشرے کے مجرم ہےںاور انکی جتنی بھی مذمت کی جائے وہ کم ہے ۔انہوں نے کہا کہ قانون نافذ کرنےوالے ادارے ایسے درندہ صفت قاتلوں کی گرفتاری کو فوری یقینی بناتے ہوئے انہیں قانون کے کٹہرے میں کھڑا کرے اور شہر بھر میں جاری جرائم کی وارداتوں کی روک تھام کرکے جرائم پیشہ افراد کے خلاف فوری کارروائی کرے۔ انہھوں نے کارکن محمد نسیم کی شہادت انکے اہلخانہ سے اپنے گہرے دکھ اور غم کا اظہار کرتے ہوئے دعاکی اللہ تعالیٰ شہید کو اپنے جواررحمت میں جگہ عطا فرمائے اور تمام سوگوار لواحقین کو صبر وجمیل عطا فرمائے۔

حیدرآباد: انسان دوست تحریک کے چیئرمین محمدعارف قائم خانی ملک رمضان ،عبدالرحیم چندریگر،زبیرآرائیں،مقصود سنار ،نور الدین آرائیں ،آصف قائم خانی ،جنید جبارنے اپنے مشترکہ بیان میں پانی کے بحران پر شدید ردعمل کا اظہار کرتے ہوئے کہا کہ حکومت سندھ ایچ ڈی اے اورواسانے حیدرآباد کو کربلا بنا دیا ہے شہری پینے کے پانی کی بوند بوند کو ترس رہے ہیں مگر افسوس کے وزراء،مشیران اور افسران کے کانوں پر جوں تک نہیں رینگ رہی ہے۔ نماز جمعہ کے لیے مساجد میں وضو کے لیے بھی پانی نہیں،انھوں نے کہا کہ کرپٹ افسران نے واسا اورایچ ڈی اے کو ڈیمک کی طرح چاٹ لیاہے جس کی وجہ سے آج ادارہ عوام کو بنیادی سہولت فراہم کرنے سے بھی قاصر ہے، انھوں نے کہا کہ کروڑوں روپے کی لاگت سے تعمیر ہونے والے فلٹر پلانٹ عوام کا منہ چڑا رہے ہیں شدید گرمی کے باوجود شہر میں جگہ جگہ لگائے جانے والے فلٹر مشین زبو حالی کا شکار ہیں ان کی مینٹشن پر کوئی توجہ نہیں بجلی کی لوڈ شیڈنگ سے عوام پہلے ہی پریشان تھے ،واسا نے بھی عوام کی زندگی اجیرن بنادی ہے ۔

حیدرآباد: جماعت اسلامی کے کارکن اور یونین کونسل 12 سٹی کے سابق لیبرکونسلر شمیم انصاری انتقال کرگئے ہےں۔معروف سماجی رہنما شمیم انصاری کی نمازجنازہ نہروالی مسجدرشی گھاٹ مےںجماعت اسلامی کے رہنمامشتاق احمدخان نے پڑھائی جس مےں جماعت اسلامی کے ضلعی جنرل سیکریٹری حافظ طاہرمجیدراجپوت ،زونل امیرڈاکٹراخلاق لودھی سمیت جماعت اسلامی اورمتحدہ کے کارکنان ،انصاری برادری اور اہل محلہ نے بڑی تعدادمےں شرکت کی ۔مشتاق احمدخان نے نمازجنازہ کے موقع پر فکرِآخرت کے موضوع پر خطاب کیا۔ جب کہ جماعت اسلامی کے ضلعی امیر شےخ شوکت علی نے مرحوم کی خدمات کوسراہتے ہوئے ان کے لیے مغفرت اور لواحقین کے لیے صبرجمیل کی دعا کی ہے۔

حیدرآباد: متحدہ قومی موومنٹ حیدرآباد کے اراکین قومی و صوبائی اسمبلی نے اپنے ایک مشترکہ بیان میںکہا ہے کہ اداروں سے وصولی کے لئے حیدرآباد کی عوام پر یزیدی ظلم ڈھایا جا رہا ہے اور حیدرآباد کی عوام کو پانی جیسی بنیادی سہولت سے محروم کردیاگیا ہے۔ متحدہ قومی موومنٹ حیدرآباد کے اراکین قومی و صوبائی اسمبلی نے اپنے ایک مشترکہ بیان میں حیسکواور محکمہ واسا کی سردجنگ کی بدولت عوامی مشکلات پر اظہار تشویش کرتے ہوئے کہاکہ حیدرآباد میں اعلانیہ و غیر اعلانیہ لوڈشیڈنگ نے عوامی مشکلات میں جہاں اضافہ کیا ہے وہاں اب عوام سے پانی جیسی بنیادی ضرورت سے بھی محروم کردیا ہے ۔انھوں نے کہاکہ محکمہ واساکی کارکردگی نے شہر کو مسائل سے دوچار کردیا ہے اور حیسکو محکمہ واسا سے بل کی ادائیگی کےلئے باربار انکی بجلی منقطع کردیتا ہے جو حیدرآباد کی عوام کے ساتھ زیادتی ہے ۔انھوں نے کہاکہ واسا بجلی کے بل کی ادائیگی صوبائی فنڈ نہ ملنے کی وجہ قرار دیتا ہے اور صوبائی حکومت وفاق کی جانب سے فنڈ نہ ملنے کو اس کاذمہ دار قرار دیتی ہے اس صورتحال کا حل جلد سے جلد نکالا جائے تاکہ حیدرآباد کی عوام پانی جیسی نعمت سے محروم نہ رہ سکے ۔انھوں نے کہاکہ وفاق کی جانب سے صوبائی فنڈکی عدم ادائیگی کی سزا حیدرآباد کی عوام کے دی جا رہی ہے جو سراسر ظلم و زیادتی کے مترادف ہے ۔انھوں نے کہاکہ محکمہ واسا کے کنکشن منقطع کئیے جانے سے حیدرآباد میدانِ کربلا کا منظر پیش کر رہا ہے۔انھوں نے ارباب اختیار سے اپیل کی کہ وہ محکمہ واسا اور حیسکو کی کارکردگی کو بہتر سے بہتر بنانے کے لیے فوری ایکشن لیں تاکہ حیدرآباد کے عوام پانی جیسی بنیادی سہولت سے محروم نہ رہیں۔