لاہور )پی پی آ ئی ) سابق وزیراعظم شہباز شریف کا کہنا ہے کہ صاف شفاف الیکشن ہونے چاہیے، جو سیاسی جماعت جیتے وہ حکومت بنائے ۔ انہوں نے لاہور میں پریس کانفرنس کرتے ہوئے کہا کہ تحریک عدم اعتماد آئی تو ذاتی مقصد کیلئے ریاست کیساتھ کھیل کھیلا گیا ۔ میرے قائد اور مخلوط حکومت کا فرض تھا کہ ریاست کو بچائیں ۔ پانامہ کو لے کر اقامہ میں سزا دلوائی گئی، پانامہ کو لے کر اقامہ میں سزا دلوائی گئی، وہاں سے ترقی و خوشحالی کے سفر پر کالی ضرب لگائی گئی ۔ پنجاب سے ہم الیکشن جیت چکے تھے اسے تبدیل کیا گیا، 2018 میں ہمارے لوگوں کو پارٹی چھوڑنے پر مجبور کیا گیا ۔ 2018کے سروے میں نوازشریف سب سے آگے تھے لیکن ہم سے اقتدار چھینا گیا ۔ خارجہ پالیسی سے تعلقات تباہ کیے گئے جنہیں ہم نے بحال کیا ۔ 75 سال میں سب سے زیادہ نشانہ صرف اور صرف سیاست دان بنے ۔ احتساب سب کا ہونا چاہیئے پر آج تک احتساب کی لاٹھی صرف سیاست دانوں پر چلی ۔ شہباز شریف نے مزید کہا کہ چئیرمین پی ٹی آئی نے جنرل باجوہ سے کہا کہ میں آپ کو توسیع دوں گا اگر آپ میری مدد کریں ،چیئرمین پی ٹی آئی نے ہ میں 10، 10 سال کیلئے بند کرنا تھا، ہ شہباز شریف نے مزید کہا کہ نوازشریف کی واپسی میں کوئی قانونی رکاوٹیں حائل نہیں ۔ شہباز شریف نے ڈیل کے سوال پر جواب دیا کہ ڈیل ہوتی تو نواز شریف کو ڈھیل ملتی، مشرف دور میں جیل نہ کاٹتے ۔ جب نوازشریف گرفتار ہوئے تو میں بھی ساتھ گرفتار ہوا ۔ میں ملک بدر کیا گیا تو حمزہ شہباز کو یہاں یرغمال بنایا گیا،نوازشریف کو ہتھ کڑیاں لگیں جیلوں میں ڈالا گیا ۔ نوازشریف نے کارکنوں کو کبھی نہیں اکسایا کہ کور کمانڈر ہاؤس پر حملہ کرو ۔ شہباز شریف نے مزید کہا کہ نوازشریف ڈاکٹروں کی اجازت کے بعد ہی پاکستان تشریف لا رہے ہیں ۔

لاہور) پی پی آ ئی ) صوبائی دارالحکومت لاہور ایک بار پھر دنیا کے آلودہ ترین شہروں کی فہرست میں پہلے نمبر پر آ گیا ہے ۔ لاہور میں گردوغبار اور آلودگی بڑھتی جارہی ہے جس کی وجہ سے صوبائی دارالحکومت نے 305 ایئر کوالٹی انڈیکس کے ساتھ پہلی پوزیشن لے لی ہے ۔ دنیا کے آلودہ ترین شہروں میں دوسرے نمبر پر بھارت کا شہر دہلی ہیں جہاں آئی کیو لیول 173 ہے جبکہ عرب امارات کے شہر دبئی نے 166 ائیرکوالٹی لیول کے ساتھ تیسرا نمبر حاصل کیا ہے اور چوتھے نمبر پر انڈونیشیا کا شہر جکارتہ ہے جس کا 165 آئی کیو لیول ہے اسی طرح ملائشیا کا شہر کوالالمپور 154 ائیر کوالٹی کے ساتھ پانچویں نمبر پر ہے ۔

امکان ہے ۔ عالمی سطح پر پٹرولیم مصنوعات کی قیمتوں میں کمی کے بعد مقامی سطح پر پٹرول کی قیمت میں 38 روپے جبکہ ڈیزل کی قیمت میں 18 روپے فی لیٹر کمی متوقع ہے ۔ عالمی مارکیٹ میں پٹرول کی قیمت میں 12 ڈالر کی کمی ہوئی ہے جس کے بعد پٹرول کی قیمت 102 ڈالر فی بیرل کی سطح پر آگئی جبکہ ڈیزل کی قیمت میں 9 ڈالر کمی سے 117 ڈالر فی بیرل ہوگئی ہے ۔ دوسری جانب روپے کی قدر میں مسلسل اضافے سے بھی قیمتیں کم ہونے کا امکان ہے، حکومت حتمی فیصلہ 15 اکتوبر کو کرے گی ۔ یاد رہے کہ نگران حکومت نے 30 ستمبر کو پٹرول کی قیمت میں 8 روپے کمی کی تھی جس کے بعد نئی قیمت 323;46;38 روپے ہے جبکہ ہائی سپیڈ ڈیزل بھی 11 روپے سستا کیا گیا اور نئی قیمت 318;46;18 روپے مقرر کی گئی تھی ۔

حافظ آباد )پی پی آ ئی )ضلع سرگودھا میں سالانہ ترقیاتی پروگرام کے تحت مختلف محکموں کی 48ارب 18 کروڑ روپے کی 164سکیموں پر کام جاری ہے، رواں مالی سال کےلئے ان سکیموں کےلئے 5 ارب 12کروڑ 40لا کھ روپے مختص کئے گئے جن میں سے اب تک ایک ارب 83کروڑ 30لاکھ روپے کے فنڈز جاری کئے جاچکے ہیں اور جاری فنڈز کا 71فیصد استعمال میں لایاگیا ہے ۔ اس امر کا انکشاف ڈپٹی کمشنر کیپٹن (ر) شعیب علی کی صدارت میں منعقدہ ایک اجلاس میں کیاگیا ۔ اجلاس میں ایڈیشنل ڈپٹی کمشنر (ایف ;223;پلاننگ) شعیب نسوانہ،ڈپٹی ڈائریکٹر ڈویلپمنٹ مہتاب یاسین،سی ای او ایجوکیشن سردار اختر عباس بلوچ اور ایکسین پی ایچ ای محمد علی کے علاوہ دیگر محکموں کے سربراہان بھی شریک ہوئے ۔ اجلاس کو بتایاگیا کہ امسال اے ڈی بی کی 7 کروڑ 60 لاکھ روپے تخمینہ کی 2 مزید نئی سکیموں کی منظوری بھی دی گئی ہے ۔ سالانہ ترقیاتی پروگرام کے تحت ضلع بھر میں فراہمی ونکاسی آب کی 14،لوکل گورنمنٹ کی 27سڑکوں کی تعمیر ومرمت کی 68،محکمہ بلڈنگ کی 13،ہائیر ایجوکیشن کی 2،سپورٹس کی 5‘ محکمہ صحت کی 6، سوشل ویلفیئر کی 4، انہار کی 13، ہیومن راءٹس اور مینارٹی افیئر کی 2جبکہ معدنیات، زراعت، انڈسٹری، انفارمیشن ٹیکنالوجی، ماحولیات، پی ایچ اے، شکاریات اور سکول ایجوکیشن کی ایک ایک سکیم پر کام جاری ہے ۔ ڈپٹی کمشنر کیپٹن ریٹائرڈ شعیب علی نے متعلقہ محکموں کو دستیاب فنڈز کا شفاف انداز میں استعمال یقینی بنانے، کام کی رفتار کو تیز کرنے کے علاوہ جاری ترقیاتی کاموں کی سخت مانیٹرنگ کو یقینی بنانے کی ہدایت کی ۔ انہوں نے کہاکہ کوالٹی پر کوئی کمپرومائز نہیں کیاجائے گا ۔ اجلاس میں ہر محکمے کی سکیموں کاتفصیلی جائزہ پیش کیاگیا ۔