کراچی (پی پی آئی)جماعت اسلامی کے تحت ملک بھر میں ہفتہ یکجہتی فلسطین کی تقریبات شروع ہو گئی ہیں۔پی پی آئی کے مطابق جماعت اسلامی کے امیر سراج الحق کی اپیل پر ملک بھر میں 9تا15اکتوبر، ہفتہ یکجہتی فلسطین میں ہر سطح پر احتجاجی ریلیاں اور مظاہرے منعقدکئے جا رہے ہیں۔ فلسطین کے ساتھ اظہار یکجہتی کیلئے 13 اکتوبر جمعہ کو مساجد پر احتجاج کیاجائے گا۔
ویلنگٹن :نیوزی لینڈ نے ویسٹ انڈیز کیخلاف سیریز دو صفر سے جیت لی
سابق عالمی چیمپئن سیباسٹین لوب کی ڈاکار ریلی کے شرکاءسے ملاقاتیں
پی جی اے گالف چیمپئن شپ:امریکا کے کرس کرک کی تیسرے راﺅنڈ میں برتری
کراچی :انٹراسکول تائی کوانڈو چیمپئین شپ کا انعقاد
ڈاکار ریلی کا ساتواں مرحلہ اسپین کے کارلوس سینز نے جیت لیا
آسٹریلین اوپن کا آغاز میں وینس ولیمزکو اپ سیٹ شکست کا سامنا
تازہ ترین خبریں
- April 22, 2026
اشتہار
تازہ ترین
یوروپی یونین سمیت دنیا بھر میں پاکستانی چاول کی مانگ میں اضافہ
کراچی (پی پی آئی)یوروپی یونین سمیت دنیا بھر میں پاکستانی چاول کی مانگ بڑھی ہے۔ اس برس پاکستانی چاول کی پیداوار 9 ملین ٹن تک متوقع ہے اور پاکستان 4.8 ملین ٹن چاول برآمد کرے گا، سال 2023 میں ابھی تک 3.7 ملین ٹن چاول ایکسپورٹ کیا گیا ہے اور بیرون ملک بھیجے گئے چاول کی مالیت 2.5 ارب ڈالر ہے۔ پی پی آئی کے مطابق رواں سال پاکستانی چاول روس اور میکسیکو بھی بھیجا جائے گا، پاکستانی چاول کو انڈونیشیا تک بھی رسائی ملی ہے۔
بجلی کے بحران اور قیمتوں میں اضافہ سے پاکستان کا ٹیکسٹائل ایکسپورٹ ٹارگٹ شدید متاثر
کراچی (پی پی آئی) پاکستان کا ٹیکسائل ایکسپورٹ کا ٹارگٹ بنگلہ دیش سے تین گنا کم ہونے کے باجود پورا نہیں کیا جاسکا ہے جس کا سبب بجلی کا بحران اور قیمتوں میں اضافہ ہے جس نے ایکسپورٹ کو شدید متاثر کیا ہے،حالانکہ ہمارے پاس 650 ملین ڈالرز سے زائد کی برآمدات کی صلاحیت ہے۔ بجلی کے نرخ بڑھنے سے ٹیکسٹائل انڈسٹری کے اخراجات بھی بڑھ گئے۔گزشتہ سال ٹیکسٹائل ایکسپورٹ 19 بلین ڈالرز تھی جبکہ اس سال ٹیکسٹائل ایکسپورٹ 16 بلین ڈالرز رہیں۔ ہمارا اس سال ایکسپورٹ کا ٹارگٹ 25 بلین ڈالرز تھا دوسری جانب بنگلہ دیش اپنی ٹیکسٹائل ایکسپورٹ 70 بلین ڈالرز کرنے کی بات کر رہا ہے۔
آزاد کشمیر قانون ساز اسمبلی کی 33نشستوں سے 6 کی کمی کا خدشہ
مظفرآباد/آزاد کشمیر (پی پی آئی)نئی مردم شماری میں آزاد کشمیر کی آبادی 27 لاکھ بتائی گئی ہے جس کا سبب 15 لاکھ سے زائد کشمیری تارکین وطن کو آزاد کشمیر کی آبادی میں شمارنہ کرنا ہے۔ 27 لاکھ آبادی کے لیے ایک صدر، وزیراعظم، الگ اسمبلی، 29 وزرا، سپریم کورٹ، ہائی کورٹ موجود ہے۔پی پی آئی کے مطابق نئی مردم شماری کے تحت اگر حلقہ بندی کی گئیں تو آزاد کشمیر کی موجودہ قانون ساز اسمبلی کی 33نشستوں سے 6 نشستیں کم ہو سکتی ہیں۔
تلاش کریں
خبریں
ویلنگٹن :نیوزی لینڈ نے ویسٹ انڈیز کیخلاف سیریز دو صفر سے جیت لی
(January 15, 2014)
ویلنگٹن: نیوزی لینڈ نے ویسٹ انڈیزکودوسر ے ٹی ٹوئنٹی میچ میں4وکٹوں سے شکست دیکرسیریزدوصفرسے جیت لی۔ویلنگٹن میں کھیلے گئے میچ میں ویسٹ انڈین ٹیم پہلے بیٹنگ کرتے ہوئے مقررہ اوورزمیں پانچ وکٹ پر159 رنزاسکورکرسکی۔ دنیش رام دین نے اکتیس گیندوں پر55رنزکی ناقابل شکست اننگزکھیلی۔ آندریفلیچر نے40 رنزبنائے۔ ایڈم ملنے نے دووکٹیں حاصل کیں۔ ہدف کے تعاقب میں نیوزی لینڈ کا آغازاچھا نہ رہا اور79 رنزپراس کے پانچ بیٹسمین پویلین لوٹ گئے لیکن لیوک رونچی کی برق رفتارنصف سنچری کی بدولت کیویزنے ہدف ایک اوورقبل چھ وکٹوں پرحاصل کرلیا۔ رونچی نے اٹھائیس گیندوں پر51رنزکی اننگزکھیلی۔ روس ٹیلرنے 39رنزبنائے۔ جیسن ہولڈر اورسنیل نرائن نے دودووکٹیں حاصل کیں۔
سابق عالمی چیمپئن سیباسٹین لوب کی ڈاکار ریلی کے شرکاءسے ملاقاتیں
(January 13, 2014)
بیونس آئرس: ارجنٹائن ڈاکار ریلی ریسٹ ڈے پر سیباسٹین لوب نے شرکاءسے ملاقات کی۔ورلڈ ڈاکار ریلی کے ریسٹ ڈے میں ڈرائیورز اور رائیڈرز سے ملاقات کرنے سابق عالمی چیمپئن سیباسٹین لوب ارجنٹائن پہنچ گئے۔ارجنٹائن کے صحراوں پر ڈاکار ریلی کے دلچسپ اور سنسنی خیز مقابلوں کا سلسلہ جاری ہے۔سابق ورلڈ کار ریلی چیمپئن نے ریلی میں شریک ڈرائیورز اور رائیڈرز سے ملاقات کی۔سپینش رائیڈر مارک کوما اور سابق ورلڈ چیمپئن کارلوس سینز نے سیباسٹین لوب کو خوش آمدید کہا۔موٹر بائیک ایونٹ میں سپینش رائیڈر مارک کوما کو 42منٹ اور17 سیکنڈ زکی مجموعی برتری حاصل ہے جبکہ کار ایونٹ میں نینی روما کا ٹاپ پوزیشن پر قبضہ برقرار ہے۔
پی جی اے گالف چیمپئن شپ:امریکا کے کرس کرک کی تیسرے راﺅنڈ میں برتری
(January 13, 2014)
ہوائی: ہوائی میں ہونیوالی پی جی اے گالف چیمپئن شپ کے تیسرے راونڈ میں امریکہ کے کرس کرک نے نمایاں برتری حاصل کر لی۔ہوائی میں جاری گالف چیمپئن شپ کے تیسرے راونڈ میں کھلاڑیوں نے شاندار پرفارمنسسز دکھائیں۔امریکہ کے کرس کیرک نے عمدہ کھیل کا مظاہرہ کرتے ہوئے اپنے ہم وطن حریف کھلاڑی ہیرس کو سنسنی خیز مقابلے کے بعد شکست دی۔کرس کیرک کو ہیرس کے خلاف ایک سٹروک کی برتری حاصل ہوئی۔امریکی گالفر اس سے پہلے گزشتہ سال نومبر میں پی جی اے ٹور ٹائٹل کا اعزاز حاصل کر چکے ہیں۔ایونٹ میں امریکہ ہی کے زیچ جونسن کی تیسری پوزیشن رہی۔
کراچی :انٹراسکول تائی کوانڈو چیمپئین شپ کا انعقاد
(January 13, 2014)
کراچی: کراچی میں تائی کوانڈو کھیل کو فروغ دینے کے لئے انٹر اسکول چیمپئن شپ کا انعقاد کیا گیا۔ ویمنز اسپورٹس کمپلیکس میں ہونے والی انٹر اسکول تائی کوانڈو چیمپئن شپ میں کراچی کے20اسکولوں کے بچوں نے شرکت کی۔ایونٹ میں تین سال سے پندرہ سال تک کے بچوں اور بچیوں کے درمیان مقابلے کرائے گئے۔چھوٹے بچے بے خوف خطر حریف کھلاڑیوں پر حملہ بھی کرتے اور خود کو محفوظ رکھنے کے لئے بچاو بھی کرتے رہے۔گرتے چوٹ بھی کھاتے لیکن مقابلہ جاری رکھتے۔بچوں کا اس موقع پر کہنا تھا کہ فٹ رہنے کے لئے تائی کوانڈو اچھا کھیل ہے۔ والدین بھی تائی کوانڈو میں اپنے بچوں کی دلچسپی سے محظوظ ہوئے۔اُن کا کہنا تھا کہ اس کھیل سے انہیں خود کا بچاو
ڈاکار ریلی کا ساتواں مرحلہ اسپین کے کارلوس سینز نے جیت لیا
(January 13, 2014)
بیونس آئرس: ارجنٹائن میں ہونے والی ڈاکار ریلی کا ساتواں مرحلہ اسپین کے کارلوس سینز نے جیت لیا۔ نینی روما کی مجموعی برتری برقرار ہے۔ ارجنٹائن کے گرد ونواح میں ہونے والی ریس کا ساتواں مرحلہ533کلو میٹر پر محیط تھا۔ایونٹ کے شرکا نے بولیویا میں ساتویں مرحلے کا اختتام کیا۔ اسپین کے کارلوس سینز نے تمام حریفوں کو پیچھے چھوڑتے ہوئے ریس اپنے نام کی۔ اسپینش ڈرائیور نے مقررہ فاصلہ چار گھنٹے43منٹ اور28 سیکنڈز میں سب سے پہلے طے کیا۔سینز کے ہم وطن نینی روما کو ستائیس گھنٹے کے ساتھ مجموعی برتری حاصل ہے۔ موٹربائیک ریس میں اسپین کے یوآن بریڈا فاتح رہے۔ مارک کوما مجموعی طور پر لیڈ کررہے ہیں۔ ریلی کا آٹھواں مرحلہ چلی میں ہوگا۔
آسٹریلین اوپن کا آغاز میں وینس ولیمزکو اپ سیٹ شکست کا سامنا
(January 13, 2014)
میلبورن: سال2014 کے پہلے گرینڈ سلم آسٹریلین اوپن ٹینس ٹورنامنٹ کا آغاز ہوگیا۔ سابق عالمی نمبر ایک امریکہ کی وینس ولیمز پہلے راونڈ میں اپ سیٹ شکست کے بعد ایونٹ سے باہر ہوگئیں۔ میلبورن میں شروع ہونے والے سال کے پہلے گرینڈ سلم میں دنیا کے بہترین کھلاڑی ایکشن میں ہیں۔ایونٹ کا آغاز پہلے بڑے اپ سیٹ کے ساتھ ہوگیا۔ امریکہ کی وینس ولیمز کو روسی کھلاڑی نے ابتدائی مرحلے میں شکست دے کر ایونٹ سے باہر کردیا۔ روس کی کیترینا ماکاروا نے ایک سیٹ کے خسارے میں جانے کے باوجود وینس ولیمز کو زیر کیا۔سات مرتبہ کی گرینڈ سلم ونر وینس کو دو چھ، چھ چار اور چھ چار کے اسکور کے ساتھ ناکامی کا سامنا کرنا پڑا۔ گزشتہ سال بھی آسٹریلین اوپن کے چوتھے راونڈ میں وینس کو روسی کھلاڑی نے مات دی تھی۔