جیوانی/گوادر (پی پی آئی)پاکستان کوسٹ گارڈ نے گوادر(بلوچستان) کے علاقے جیوانی میں کارروائی کرتے ہوئے سپیڈ بوٹ سے لاکھوں روپے مالیت کی بھاری مقدار میں منشیات برآمد کرلی۔ترجمان پاکستان کوسٹ گارڈز کے مطابق پی سی جی نے سمندر کے ذریعے منشیات ا سمگل ہونے کی خفیہ اطلاع پر کارروائی کرتے ہوئے سپیڈ بوٹ سے منشیات برآمد کرلی۔پی پی آئی کے مطابق جیوانی کے علاقے میں موجود پاکستان کوسٹ گارڈز کی بوٹ نے مشکوک بوٹ کا پیچھا کیا، ملزمان پاکستان کوسٹ گارڈز کی بوٹ کو اپنی طرف آتا دیکھ کرسپیڈ بوٹ سمندر کے کنارے چھوڑ کر فرار ہوگئے۔اترجمان پاکستان کوسٹ گارڈز کے مطابق سپیڈ بوٹ کی چیکنگ کے دوران 833کلوگرام اعلیٰ کوالٹی کی چرس اور 42کلوگرام آئس برآمد کرلی گئی ہے، پکڑی جانے والی منشیات کی عالمی مارکیٹ میں مالیت 20.86 ملین ڈالرکے لگ بھگ ہے۔
ذکاءاشرف کو عہدے سے برطرف کرنے کا فیصلہ کرلیا گیا
ذکاءاشرف آئی سی سی کے اجلاس میں شرکت کیلئے سنگاپور روانہ
انٹرنیشنل چیمپئنز فٹبال کپ : مانچسٹریونائیٹڈ نے شرکت کی تصدیق کردی
بگ تھری منصوبہ اگر فائدہ مند ہے تو پاکستان حمایت کرے:راشد لطیف
زمبابوین ڈومیسٹک کرکٹ لیگ کا آغاز 10فروری سے ہوگا
کریگ سیمنز نے کرس گیل کے چھکوں کاریکارڈ برابر کردیا
تازہ ترین خبریں
ساؤتھ ایئر کے ملک گیر وسیع علاقائی فضائی نیٹ ورک کا آغاز
(July 22, 2026)
وانا میں سیکیورٹی فورسز کے ذریعہ بڑی دہشت گردی کی سازش ناکام
(July 18, 2026)
- April 22, 2026
اشتہار
تازہ ترین
بشریٰ بی بی کی توشہ خانہ اور 190 ملین پاؤنڈ سکینڈل میں ضمانتیں منظور
اسلام آباد(پی پی آئی) اسلام آباد کی احتساب عدالت نے سابق خاتون اول بشریٰ بی بی کی توشہ خانہ اور 190 ملین پاؤنڈ سکینڈل میں ضمانتیں منظور کر لی ہیں۔پی پی آئی کے مطابق چیئرمین پی ٹی آئی کی اہلیہ اور سابق خاتون اول بشریٰ بی بی اپنے وکیل کے ہمراہ توشہ خانہ اور 190 ملین پاؤنڈ سکینڈل میں اسلام آباد کی احتساب عدالت میں پیش ہوئیں۔دوران سماعت وکیل لطیف کھوسہ نے ڈیوٹی جج راجہ جواد عباس سے استفسار کیا کہ کافی عرصہ ہوگیا آپ کو دیکھا نہیں جس پر جج نے جواب دیتے ہوئے کہا کہ اب نارکوٹکس کی عدالت کا چارج مل گیا ہے۔وکیل نے عدالت میں موقف پیش کیا کہ جس دن احتساب عدالت نے درخواست ضمانت نپٹائی اسی دن نیب نے نیا نوٹس بھیج دیا، ڈیوٹی جج نے پوچھا بشریٰ بی بی کہاں ہیں؟ڈیوٹی جج راجہ جوادعباس نے بعدازاں بشریٰ بی بی کو روسٹرم پر بلا لیا جس پر سابق خاتون اول روسٹرم پر آگئیں تاہم اس سے قبل جوڈیشل کمپلیکس کی کسی عدالت میں بشریٰ بی بی روسٹرم پر نہیں آئیں۔بعدازاں احتساب عدالت اسلام آباد نے بشریٰ بی بی کی 5، 5 لاکھ روپے کے مچلکوں کے عوض توشہ خانہ اور 190 ملین پاؤنڈ سکینڈل میں 31 اکتوبر تک ضمانتیں منظور کر لیں۔
کے الیکٹرک کی 3 روپے فی یونٹ اضافہ کی درخواست، عوامی سماعت پرسوں ہوگی
کراچی (پی پی آئی)کے الیکٹرک نے رواں سال اپریل تا جون سہ ماہی کے لیے ٹیرف ایڈجسٹمنٹ کی مد میں مزید 3.02 روپے فی یونٹ اضافے کی درخواست کردی۔ نیشنل الیکٹرک پاور ریگولیٹری اتھارٹی (نیپرا) نے 19 اکتوبر کو عوامی سماعت کے لیے درخواست منظور کر لی جس میں اس بات کا جائزہ لیا جائے گا کہ کے الیکٹرک کی ٹیرف میں اضافے کی درخواست درست ہے یا نہیں۔ پی پی آئی کے مطابق عوامی سماعت میں اس بات کا بھی جائزہ لیا جائے گا کہ کمپنی کو اس کے دعوے کے مطابق ناقابل وصول بلوں کے عوض 13 ارب 20 کروڑ روپے کے ’رائٹ آف‘ کی اجازت دی جانی چاہیے یا نہیں۔کے الیکٹرک کی جانب سے 3.02 روپے فی یونٹ اضافی سہ ماہی ٹیرف ایڈجسٹمنٹ کی درخواست اپریل-جون کی طے شدہ قیمت 2.57 روپے فی یونٹ پر نظرثانی کے باعث کی گئی ہے۔یہ درخواست اس تناظر میں اہم ہے کہ نیپرا اور وفاقی حکومت پہلے ہی کے الیکٹرک صارفین کے لیے اکتوبر اور نومبر کے لیے بجلی کی قیمت میں 4.46 روپے فی یونٹ تک اضافے کی منظوری دے چکی ہے۔اس کے علاوہ کمپنی کے لیے 3.28 روپے فی یونٹ اضافے کی گزشتہ ماہ بھی منظوری دی گئی تھی جو اکتوبر سے مارچ 2024 تک وصول کیا جائے گا۔کراچی والے اکتوبر اور نومبر کے بلوں میں مختلف سلیب اور کیٹیگریز کے لحاظ سے فی یونٹ 4.76 روپے سے 7.73 روپے تک اضافی ادا کر رہے ہیں، اس کے علاوہ دسمبر سے مارچ تک اوسطاً 3.28 روپے تک اضافی ادا کر رہے ہیں۔
کراچی میں بونداباندی،موسم خوشگوار آئندہ 2روز مطلع ابر آلود اور ہلکی بارش کا امکان
کراچی (پی پی آئی)شہر قائد کے مختلف علاقوں میں بارش سے موسم خوشگوار ہوگیا۔پی پی آئی کے مطابق ایئرپورٹ اور ملیر کے اطراف میں بوندا باندی ہوئی۔ گرومندر، ناظم آباد، لسبیلہ، لیاقت آباد سمیت دیگر قریبی مقامات پر بھی بوندا باندی ہوئی ہے۔محکمہ موسمیات کا کہنا ہے کہ مغربی ہواؤں کا سلسلہ ملک کے وسطی و بالائی علاقوں پر اثرانداز ہے، پیر سے یہ مغربی ہواؤں کا سسٹم سندھ پر اثرانداز ہو رہا ہے۔کراچی میں آئندہ دو روز کے دوران مطلع ابر آلود اور ہلکی بارش کا امکان ہے۔
تلاش کریں
خبریں
ذکاءاشرف کو عہدے سے برطرف کرنے کا فیصلہ کرلیا گیا
(February 7, 2014)
کراچی: چیئرمین پی سی بی ذکاءاشرف کو عہدے سے برطرف کرنے کا فیصلہ کرلیا گیا، ذرائع کا کہنا ہے کہ سمری وزیراعظم کو بھجوادی گئی ہے۔ذرائع کے مطابق ذکاءاشرف 8 فروری کو سنگاپور میں آئی سی سی اجلاس کے بعد عہدے سے ہٹادیئے جائیں گے جبکہ عہدے سے ہٹانے کی سمری وزیراعظم نواز شریف کو بھجوادی گئی ہے۔دوسری جانب ذرائع کا یہ بھی کہنا ہے کہ پاکستان کرکٹ بورڈ میں دوبارہ ایڈہاک لگانے کا فیصلہ کیا گیا جبکہ نجم سیٹھی ایڈہاک کمیٹی کے متوقع سربراہ ہوں گے۔واضح رہے کہ کچھ عرصہ قبل چیئرمین پی سی بی ذکاءاشرف کے خلاف درخواست پر عدالت نے انہیں کام کرنے سے روک دیا تھا تاہم ہائیکورٹ نے انہیں بحال کردیا تھا۔
ذکاءاشرف آئی سی سی کے اجلاس میں شرکت کیلئے سنگاپور روانہ
(February 7, 2014)
لاہور: چیئرمین پی سی بی ذکاءاشرف آئی سی سی کے اجلاس میں شرکت کیلئے سنگاپور روانہ ہوگئے۔سنگاپور روانگی سے قبل لاہورائیر پورٹ پر میڈیا سے گفتگو کرتے ہوئے ذکاءاشرف نے کہا کہ وہ بگ تھری کے معاملے پر حق اور سچ کا ساتھ دیں گے۔ انہوں نے بتایا کہ وزیراعظم مصروف ہیں اس لیے ان سے ملاقات نہیں ہو سکی۔ جب وزیراعظم کو وقت ملے گا تو ضرور ملاقات ہو گی۔ ان کا کہنا تھا کہ انہیں چیئرمین شب سے ہٹائے جانے کے حوالے سے کوئی اطلاع نہیں ہے۔ اس سے قبل قذافی اسٹیڈیم لاہور میں پریس کانفرنس سے خطاب کرتے ہوئے ذکاءاشرف نے کہا تھا کہ بگ تھری کے معاملے پر اکیلے نہیں ہیں۔ سری لنکا اور جنوبی افریقہ ہمارے ساتھ ہیں۔ 8 فروری کو آئی سی سی کے اجلاس میں ملکی مفاد کو سامنے رکھ کر بات کریں گے۔ بھارت نے کوئی پیشکش کی تو دیکھا جائیگا۔چیئرمین پی سی بی کا کہنا تھا کہ وسیم اکرم کی مصروفیت کی وجہ سے قومی ٹیم کے کوچ کی درخواستوں کے لیے دو دن کی توسیع کردی ہے۔9 فروری کو قومی کرکٹ ٹیم کے کوچ کا فیصلہ کرلیا جائے گا۔
انٹرنیشنل چیمپئنز فٹبال کپ : مانچسٹریونائیٹڈ نے شرکت کی تصدیق کردی
(February 7, 2014)
لندن: انگلش فٹ بال کلب مانچسٹر یونائیٹڈ نے انٹرنیشنل چیمپئنز کپ کے لئے اپنے دورہ امریکا کی تصدیق کردی ۔ میگا ایونٹ میں دنیا کی آٹھ ٹاپ ڈومیسٹک ٹیمیں شرکت کریں گی جس میں انگلینڈ کی مانچسٹر سٹی اور لیور پول بھی شامل ہیں جبکہ اسپین اور اٹلی کی ریال میڈرڈ ،انٹرمیلان اور اے سی میلان بھی ایکشن میں دکھائی دیں گی ۔ ایونٹ میں شریک آٹھوں ٹیموں کو دو گروپ میں تقسیم کیا گیا ہے ۔
بگ تھری منصوبہ اگر فائدہ مند ہے تو پاکستان حمایت کرے:راشد لطیف
(February 7, 2014)
کراچی: قومی کرکٹ ٹیم کے سابق کپتان راشد لطیف کا کہنا ہے کہ بگ تھری منصوبہ اگر فائدہ مند ہے تو پاکستان حمایت کرے۔ اگر منصوبہ سود مند نہیں توپاکستان سری لنکا اور جنوبی افریقہ کے ساتھ مل کر آئی سی سی ایونٹ کا بائیکاٹ کردے۔ ایک انٹرویو کے دوران راشد لطیف کا کہنا تھا کہ پاکستان کرکٹ بورڈ کو بگ تھری مسودے پراسی صورت میں دستخط کرنے چاہئیں جب یہ منصوبہ پاکستانی کرکٹ کے لیے فائدہ مند ہو۔ اگر منصوبہ پاکستان کے مفاد میں نہیں ہے توسری لنکا اور جنوبی افریقہ کے ساتھ مشاورت کے بعد آئی سی سی کے تمام ایونٹس سے بائیکاٹ کر دینا چاہیے۔ راشد لطیف کا مزید کہنا تھا کہ پاکستان ٹیم دنیا کی ایک اہم ترین ٹیم ہے جس کا بگ تھری کوبھی بخوبی اندازہ ہے۔ سابق کپتان کا کہنا تھا کہ سری نواسن کی پاکستان کے ساتھ کھیلنے کی پیشکش پروہ یقین نہیں رکھتے کیونکہ دونوں ملکوں کے کرکٹ روابط کی بحالی بورڈز کے نہیں بلکہ اسٹیبلشمنٹ کے ہاتھ میں ہے۔
زمبابوین ڈومیسٹک کرکٹ لیگ کا آغاز 10فروری سے ہوگا
(February 7, 2014)
ہرارے: زمبابوین ڈومیسٹک کرکٹ لیگ کا آغاز 10فروری سے ہوگا ۔زمبابوین کرکٹرز نے معاوضوں کی ادائیگی کے تنازعے پر دو ماہ سے ہڑتال کی ہوئی تھی ۔ بورڈ نے کھلاڑیوں کو یقین دہانی کروائی ہے کہ ایونٹ کے افتتاحی روز تنخواہوں سمیت تمام واجبات ادا کردیے جائیں گے ۔
کریگ سیمنز نے کرس گیل کے چھکوں کاریکارڈ برابر کردیا
(February 7, 2014)
سڈنی: آسٹریلین ڈومیسٹک کرکٹ ٹیم پرتھ اسکارچرز کے اوپننگ بلے باز کریگ سیمنز نے بگ بیش لیگ میں دوسری سنچری داغ دی ۔ یہ رواں ٹورنامنٹ کی دوسری سنچری ہے اور دونوں سنچریاں بنانے کااعزاز سیمنز کے پاس ہے ۔ سیمنز نے اس سے قبل اسٹرائیکرز کے خلاف 102رنز کی اننگز کھیلی تھی ۔ سیمنز نے ٹی ٹوئنٹی کی ایک اننگز میں زیادہ چھکوں کا کرس گیل کا ریکارڈ بھی برابر کردیا۔ گیل نے 2011کے سیزن کے دوران اسٹرائیکرز کے خلاف میچ میں 11چھکے لگائے تھے ۔ سڈنی سکسرز کے خلاف میچ میں سیمنز 112رنز بناکر آﺅٹ ہوئے ۔سیمنز کی اننگز میں 11چھکے اور 4چوکے شامل ہیں ۔