لاہور)پی پی آ ئی )نگران وزیرِ اعلیٰ پنجاب محسن نقوی نے کہا کہ پنجاب میں مقیم غیر ملکیوں کا ابتدائی ڈیٹا تیار کر لیا گیا ہے، غیر ملکی خود واپس نہ گئے تو ان کے خلاف بڑے پیمانے پر کریک ڈاؤن کیا جائے گا ۔ تفصیلات کے مطابق نگران وزیرِ اعلیٰ پنجاب محسن نقوی نے غیر قانونی طور پر مقیم غیر ملکیوں کے گرد گھیرا تنگ کرتے ہوئے انہیں الٹی میٹم جاری کر دیا اور فوری طور پر واپس جانے کا کہہ دیا، بصورت دیگر کریک ڈاؤن کا اعلان بھی کر دیا ہے،لاہور میں میڈیا کے نمائندؤں سے گفتگو کرتے ہوئے محسن نقوی نے کہا کہ غیر ملکیوں کا ابتدائی ڈیٹا تیار کر لیا ہے،پنجاب میں غیر قانونی مقیم غیر ملکی خود واپس چلے جائیں ، غیر قانونی طور پر مقیم کسی غیر ملکیوں کو پنجاب میں نہیں رہنے دیا جائے گا ۔ صوبے میں زیر تعمیر اور التواء کا شکار منصوبوں کے حوالے سے نگران وزیرِ اعلیٰ پنجاب کا کہنا تھا کہ شاہدرہ فلائی اوور پراجیکٹ تیزی سے تکمیل کے مراحل طے کر رہا ہے، بند روڈ پراجیکٹ کو 120دن سے پہلے مکمل کرنے کی کوشش کریں گے، بند روڈ پراجیکٹ کے دونوں پیکیج بیک وقت شروع ہو چکے ہیں ، راولپنڈی میں رنگ روڈ سمیت درجنوں زیرِ التواء منصوبے شروع کرائے، راولپنڈی کے پراجیکٹ 90 سے 180 دن میں مکمل کروائیں گے، رنگ روڈ کا ایک پورشن جلد مکمل کرلیا جائے گا ۔ محسن نقوی نے کہا کہ گوجرانوالہ، فیصل آباد اور راولپنڈی میں سیف سٹی پراجیکٹ 150 دن میں بیک وقت مکمل کروائیں گے،سکول بند کرنے سے آشوب چشم کے کیسز میں واضح کمی آئی ہے،ہماری کوشش ہے کہ عوام کےلئے آسانیاں پیدا کریں ۔

رہنما سینیٹر سلیم ایچ مانڈوی والا نے کہا ہے کہ پاکستان میں مہنگائی عروج پر ہے،اشیا خورد و نوش کی قیمتوں کونیچے لانا ہوگا،ملکی معا شی مسائل کو حل کرنا ہوگا،معاشی ایجنڈا سیاست سے متاثر نہیں ہونا چاہیے،پاکستان کو چارٹر آف اکانومی پرعملدرآمدکی اشد ضرورت ہے،پاکستان کا معاشی استحکام سب کے لیے فائدہ مند ہے ۔ یہ بات انہوں نے جمعہ کو ملتان میں پریس کانفرنس کرتے ہوئے کہی ۔ سلیم مانڈوی والا نے کہا کہ میری پہلے فیصل آباد چیمبر آف کامرس اور کل ملتان میں بزنس کمیونٹی سے بات چیت ہوئی،کاروباری افراد کے ایف بی آر سمیت تمام خدشات دور کیئے جائینگے ۔ انہوں نے کہا کہ پیپلز پارٹی کوشش کر رہی ہے کہ عام انتخابات وقت پر ہوں ،کاروباری طبقہ بھی ملکی معاشی استحکام کو بروقت الیکشن سے مشروط کر رہا ہے،الیکشن وقت پر اور غیر جانبدار ہونے چاہیے،سب کو لیول پلیینگ فیلڈ ملنی چاہیے ۔ سلیم مانڈوی والا نے کہا کہ پاکستان میں کوئی ایسی چیز نہیں جو ٹھیک نہ ہو سکے،کوئی بھی اقتدار میں آئے فوکس یہ ہونا چاہیے کہ عوام کو ریلیف کیسے دیا جائے ۔ آئندہ پیپلزپارٹی کے حکومت میں آنے سے متعلق پوچھے گئے ایک سوال کے جواب میں انہوں نے کہاکہ کبھی کلیم نہیں کیا کہ ہم حکومت میں آرہے ہیں ،پیپلزپارٹی ہمیشہ پاکستان کی عوام کی بات کرتی ہے،میرا اورمیری پارٹی کاموقف ہے کہ حکومت جس کی بھی ہو چارٹر آف اکانومی پرعملدرآمدہوناچاہیے ۔

عمران خان کے الیکشن لڑنے سے متعلق پوچھے گئے ایک سوال کے جواب میں انہوں نے کہاکہ ہم نہیں چاہتے کہ عمران خان الیکشن نہ لڑے،تاہم احتساب کاعمل مکمل ہوناچاہیے، الیکشن لڑنا ہرپارٹی کاحق ہے،انتخابات وقت پرہونے چاہیے،فیصلہ عوام نے کرناہے کہ وہ کس کواقتدار میں لاتے ہیں ۔

اسلام آباد)پی پی آ ئی ) اسلام آباد پولیس نے عوام الناس کی سہولت کیلئے نئی آئی سی ٹی 15 ایپ متعارف کروا دی، آئی سی ٹی 15 ایپ گوگل پلے سٹور پر بھی دستیاب ہے ۔ ترجمان پولیس کے مطابق ایپ کے ذریعے کسی بھی غیرقانونی عمل، نقصان، حادثہ، پولیس کے خلاف شکایت، غیر قانونی مقیم یا جرائم پیشہ افراد کے بارے اطلاع دی جا سکتی ہے ۔ ترجمان نے مزید بتایا کہ آئی سی ٹی 15 پر اطلاع ملتے ہی پولیس کم سے کم وقت میں پہنچے گی، ایپ عوام کو پولیسنگ کرنے کیلئے پولیس کی مدد کرنے میں اہم ثابت ہوگی ۔

لاہور )پی پی آ ئی ) سابق وزیراعظم شہباز شریف کا کہنا ہے کہ صاف شفاف الیکشن ہونے چاہیے، جو سیاسی جماعت جیتے وہ حکومت بنائے ۔ انہوں نے لاہور میں پریس کانفرنس کرتے ہوئے کہا کہ تحریک عدم اعتماد آئی تو ذاتی مقصد کیلئے ریاست کیساتھ کھیل کھیلا گیا ۔ میرے قائد اور مخلوط حکومت کا فرض تھا کہ ریاست کو بچائیں ۔ پانامہ کو لے کر اقامہ میں سزا دلوائی گئی، پانامہ کو لے کر اقامہ میں سزا دلوائی گئی، وہاں سے ترقی و خوشحالی کے سفر پر کالی ضرب لگائی گئی ۔ پنجاب سے ہم الیکشن جیت چکے تھے اسے تبدیل کیا گیا، 2018 میں ہمارے لوگوں کو پارٹی چھوڑنے پر مجبور کیا گیا ۔ 2018کے سروے میں نوازشریف سب سے آگے تھے لیکن ہم سے اقتدار چھینا گیا ۔ خارجہ پالیسی سے تعلقات تباہ کیے گئے جنہیں ہم نے بحال کیا ۔ 75 سال میں سب سے زیادہ نشانہ صرف اور صرف سیاست دان بنے ۔ احتساب سب کا ہونا چاہیئے پر آج تک احتساب کی لاٹھی صرف سیاست دانوں پر چلی ۔ شہباز شریف نے مزید کہا کہ چئیرمین پی ٹی آئی نے جنرل باجوہ سے کہا کہ میں آپ کو توسیع دوں گا اگر آپ میری مدد کریں ،چیئرمین پی ٹی آئی نے ہ میں 10، 10 سال کیلئے بند کرنا تھا، ہ شہباز شریف نے مزید کہا کہ نوازشریف کی واپسی میں کوئی قانونی رکاوٹیں حائل نہیں ۔ شہباز شریف نے ڈیل کے سوال پر جواب دیا کہ ڈیل ہوتی تو نواز شریف کو ڈھیل ملتی، مشرف دور میں جیل نہ کاٹتے ۔ جب نوازشریف گرفتار ہوئے تو میں بھی ساتھ گرفتار ہوا ۔ میں ملک بدر کیا گیا تو حمزہ شہباز کو یہاں یرغمال بنایا گیا،نوازشریف کو ہتھ کڑیاں لگیں جیلوں میں ڈالا گیا ۔ نوازشریف نے کارکنوں کو کبھی نہیں اکسایا کہ کور کمانڈر ہاؤس پر حملہ کرو ۔ شہباز شریف نے مزید کہا کہ نوازشریف ڈاکٹروں کی اجازت کے بعد ہی پاکستان تشریف لا رہے ہیں ۔