کراچی (پی پی آئی)محتسب اعلیٰ سندھ اعجاز علی خان کے احکامات پرڈسٹرکٹ اکاؤنٹس آفس سکھر نے مسماۃ ست بھرائی کو16برس بعد پنشن واجبات کی ادائیگی کردی۔بیوہ مسماۃ ست بھرائی نے اپنے حق میں فیصلے اور رقم کی ادائیگی پر محتسب سندھ کا شکریہ ادا کیاہے۔پی پی آئی کے مطابق مسماۃ ست بھرائی کے شوہر دسمبر 2004ء میں ایک سڑک حادثے میں انتقال کر گئے تھے اور دوسری بیوہ کے آٹھ سال قبل انتقال کے باوجود ڈسٹرکٹ اکاؤنٹس آفس سکھر نے انھیں مکمل پینشن دینے سے انکار کر دیا تھامحتسب اعلیٰ سندھ اعجاز علی خان نے ڈسٹرکٹ اکاؤنٹ آفیسر سکھر سے جواب طلبی کی تو انھوں نے بتایا کہ قانون کے مطابق ڈسٹرکٹ ایجوکیشن آفیسر سکھر کی منظوری ضروری ہے۔ڈسٹرکٹ ایجوکیشن سکھر نے بتایا کہ بیوہ سے مطلوبہ دستاویزات کے حصول کے بعدپتہ چلا کہ متوفی سرکاری ملازم محمد اقبال کی دو بیویاں تھیں جب کہ ان کے دفتر کو صرف ایک بیوہ کے کاغذات موصول ہوئے تھے حالانکہ دونوں بیوہ اور ان کے بچے اس کے حقدار تھے مزید یہ کہ 16 سال پرانا کیس ہونے کی وجہ سے پینشن کیسز ڈسپوزل کمیٹی، فنانس ڈیپارٹمنٹ سندھ کی اجازت درکار ہے۔ مذکورہ کمیٹی نیڈسٹرکٹ ایجوکیشن آفیسر کو کارروائی کا اختیاردے دیا۔ اس پر ڈسٹرکٹ اکاؤنٹس آفیسر سکھر نے دوسری بیوہ کے طور پر مسماۃ ست بھرائی کوفیملی پینشن کے بقایا جات کی مَد میں مبلغ ساٹھ لاکھ روپے کی ادائیگی کر دی۔بیوہ نے اپنے حق میں فیصلے اور رقم کی ادائیگی پر محتسب سندھ کا شکریہ ادا کیا۔
بگ تھری سے کرکٹ کا مستقبل تاریک ہوجائے گا : للت مودی
اے بی ڈی ویلیئرز نے ایک میچ میں دو عالمی ریکارڈ قائم کردیے
ورلڈ ٹی 20 کیلئے آفیشل تھیم سانگ کی آڈیو ریلیز کردی گئی
شدیدمالی بحران ،اذلان شاہ کپ میں قومی ٹیم کی شرکت مشکوک
انجرڈ تلکارتے دلشان کی ایشیا کپ میں شرکت مشکوک ہوگئی
معاوضے میں اضافہ ،وین رونی مانچسٹریونائیٹڈ کیساتھ نئے معاہدے پر راضی
تازہ ترین خبریں
- April 25, 2026
- April 23, 2026
- April 22, 2026
اشتہار
تازہ ترین
اشاروں کی زبانوں کے بین الاقوامی دن کی مناسبت سے ٹریننگ سیشن منعقد
کراچی(پی پی آئی)پی ٹی سی ایل گروپ نے سماعت سے محروم افراد کو بااختیار بنانے کے لیے متحرک سماجی ادارے، کنیکٹ ہیئر کے اشتراک سے ملک کے شمالی خطے میں قائم اپنے کسٹمر سروس سینٹرز (جوائنٹ شاپس) کے نمائندوں کے لیے سائن لینگویج ٹریننگ سیشن کا انعقاد کیا۔ سائن لینگویجز یعنی اشاروں کی زبانوں کے بین الاقوامی دن کی مناسبت سے منعقدہ اس تربیتی نشست کا مقصد سماعت سے محروم صارفین کی شمولیت کا فروغ اورپی ٹی سی ایل اور یوفون 4G کی خدمات تک ان کی رسائی کو بہتر کرنا تھا۔پی پی آئی کے مطابق کنیکٹ ہیئر کی سی ای او عظیمہ دھنجی نے تربیتی نشست کا انعقاد کیا جس میں مختلف سرگرمیاں اور حقیقی زندگی سے کیس اسٹڈیز شامل تھیں، جنہیں پی ٹی سی ایل گروپ کے کسٹمر سروس ملازمین کو سماعت سے محروم صارفین کی منفرد ضروریات سے آگاہ کرنے کے لئے خصوصی طور پر ترتیب دیا گیا تھا۔ تربیت سیشن سے خطاب کرتے ہوئے پی ٹی سی ایل گروپ کے ڈائریکٹر پبلک ریلیشنز، عامر پاشا نے کہا کہ شمولیت سماجی و اقتصادی تبدیلی کا ایک بڑا محرک ہے، اسی لیے یہ پی ٹی سی ایل گروپ کے سی ایس آر پروگرام کی بنیاد ہے۔ مجھے یقین ہے کہ ہماری کسٹمر سروس ٹیموں کو سماعت سے محروم افراد کی منفرد ضروریات سے متعلق آگاہی کی فراہمی سے صارفین کے تجربے میں مزید بہتری آئے گی۔
پاکستان میں غیر قانونی مقیم افغان باشندے جرائم کی بڑھتی شرح کی اہم وجہ قرار
اسلام آباد (پی پی آئی(غیرقانونی افغان باشندوں کو پاکستان میں متعدد جرائم کی بڑھتی شرح کی اہم وجہ قرار دے دیا گیا، خیبرپختونخواافغان پناہ گزینوں کی غیرقانونی سرگرمیوں سے سب سیزیادہ متاثرہے پی پی آئی کے مطابق خیبرپختونخوا میں مقیم غیرقانونی افغان شہریوں کو صوبے میں بڑھتے جرائم کی بڑی وجہ قرار دیتے ہوئے کہا کہ خیبرپختونخوا افغان پناہ گزینوں کی غیرقانونی سرگرمیوں سے سب سے زیادہ متاثر ہے۔ذرائع کا کہنا تھا کہ اس وقت خیبرپختونخوا میں 3 لاکھ 21 ہزار 677 غیر قانونی افغان باشندے رہائش پذیرہیں اور افغان باشندے اغوا برائے تاوان، منشیات فروشی، غیرقانونی اسلحہ، ٹریفک حادثات، انسانی اسمگلنگ اور دیگر جرائم میں ملوث ہیں جبکہ بہت سے غیر قانونی افغان باشندے خیبرپختونخوا میں مختلف جرائم میں مطلوب ہیں۔ذرائع نے بتایا کہ مختلف جرائم میں مطلوب 3 ہزار 911 غیر قانونی افغان باشندوں کوگرفتارکیاجاچکا ہے، 2014 سے اب تک 287 افغان باشندے غیر قانونی سرگرمیوں پر گرفتار ہیں اور غیر قانونی سرگرمیوں پر 21 افغان باشندوں کو سزائے موت دی جاچکی ہے۔ذرائع کے مطابق خیبرپختونخوا کی جیلوں میں 432 غیر قانونی افغانوں کے مختلف مقدمات زیرسماعت ہیں، ان میں سے44 غیرقانونی افغان باشندوں پر جرم ثابت ہوچکا ہے۔
عالمی منڈی میں خام تیل کی قیمت گزشتہ 2 ہفتوں کی
کراچی (پی پی آئی)عالمی منڈی میں خام تیل کی قیمت گزشتہ 2 ہفتوں کی کم ترین سطح پر آ گئی ہے۔ پی پی آئی کے مطابق برینٹ آئل کے دسمبر کیلئے سودے 1.72 فیصد کمی کے ساتھ 91.8 ڈالر فی بیرل میں طے پائے۔اسی طرح ویسٹ ٹیکساس انٹرمیڈیٹ کے نومبر کے لیے سودے 0.85 فیصد کمی کے ساتھ 88.58 ڈالر فی بیرل میں طے پائے۔ خام تیل کی یہ قیمتیں 13 ستمبر کے بعد کم ترین سطح پر ہیں اس لئے خیال کیا جارہا ہے کہ پاکستان میں تیل کی قیمتوں میں کمی کی جاسکتی ہے۔
تلاش کریں
خبریں
بگ تھری سے کرکٹ کا مستقبل تاریک ہوجائے گا : للت مودی
ممبئی: انڈین پریمیئر لیگ کے سابق کمشنر للت مودی نے کہا ہے کہ بھارت، آسٹریلیا اور انگلینڈ کا بگ تھری منصوبہ کرکٹ کو بر باد کر دے گا۔ کرکٹ کو لوگوں کے دلوں تک پہنچانے والے ہیرو اور بعد ازاں ولن بننے والے للت مودی نے شدید الفاظ میں بھارتی کرکٹ بورڈ اور آئی سی سی کو تنقید کا نشانہ بناتے ہوئے کہا ہے کہ بھارتی کرکٹ بورڈ، کرکٹ آسٹریلیا اور کرکٹ انگلینڈ کا زیادہ کنٹرول کرکٹ کے مستقبل کو تاریک کردے گا۔ انہوں نے کہا کہ اگر صورتحال یہی رہی تو ایک وقت آئے گا کہ کرکٹ کی دنیا میں صرف یہی 3 ٹیمیں ایک دوسرے کیخلاف کھیل رہی ہوں گی اور کرکٹ کھیلنے والے دوسرے ملکوں میں یہ اپنی بی ٹیمیں بھیجیں گے کیونکہ بگ تھری منصوبے کے نافذ ہونے کے بعد ان ملکوں کی کرکٹ کا معیار گر جائے گا۔
اے بی ڈی ویلیئرز نے ایک میچ میں دو عالمی ریکارڈ قائم کردیے
پورٹ الزبتھ: جنوبی افریقا کرکٹ ٹیم کے مایہ ناز بیٹسمین اے بی ڈی ویلیئرز نے آسٹریلیا کے خلاف دوسرے ٹیسٹ کی پہلی اننگز میں شاندار سنچری داغ کر ٹیسٹ میچوں میں چھکوں کی نصف سنچری بھی مکمل کر لی۔ وہ ٹیسٹ میچوں میں 50 چھکے لگانے والے جنوبی افریقا کے دوسرے اور دنیا کے 28 ویں کھلاڑی بن گئے۔ڈی ویلیئرز سے قبل جنوبی افریقا کی طرف سے جیک کیلس بھی یہ کار نامہ انجام دے چکے ہیں۔ ٹیسٹ کرکٹ کی تاریخ میں زیادہ چھکے لگانے کا عالمی ریکارڈ آسٹریلیا کے ایڈم گلکرسٹ کے پاس ہے، انہوں نے 96 میچوں میں 100 چھکے لگائے تھے۔ پورٹ الزبتھ میں کینگروز کے خلاف جاری دوسرے کرکٹ ٹیسٹ کی پہلی اننگز میں ویلیئرز نے ڈٹ کر حریف باﺅلرز کا مقابلہ کیا اور شاندار سنچری سکور مکمل کی۔ یہ ان کے کیریئر کی انیسویں سنچری ہے اور اسی اننگز میں انہوں نے ایک چھکا لگا کر کیریئر کے 50 چھکے بھی مکمل کئے۔ اے بی ڈی ویلیئرز نے ٹیسٹ میچوں میں مسلسل بارہ نصف سنچریوں کا نیا عالمی ریکارڈ قائم کر دیا۔ ویلیئرز نے یہ سنگ میل آسٹریلیا کے خلاف جاری دوسرے ٹیسٹ کی پہلی اننگز میں عبور کیا۔ ویلیئرز نے آسٹریلیا کے خلاف پہلے ٹیسٹ میچ کی پہلی اننگز میں نصف سنچری سکور بنا کر ویسٹ انڈیز کے ویون رچرڈز، بھارت کے گوتم گھمبیر اور وریندر سہواگ کا ٹیسٹ میچوں میں مسلسل گیارہ نصف سنچریوں کا ریکارڈ برابر کیا تھا۔
ورلڈ ٹی 20 کیلئے آفیشل تھیم سانگ کی آڈیو ریلیز کردی گئی
ڈھاکا: ورلڈ کپ ٹی 20 کا آفیشل گیت جاری کردیا گیا، میگا ایونٹ 16 مارچ سے بنگلہ دیش میں شروع ہوگا۔ بنگلہ دیش میں ہونے والے ورلڈ ٹی 20 کیلئے آفیشل تھیم سانگ کی آڈیو ریلیز کردی گئی، کھلاڑیوں کا خون گرمانے کیلئے بنگلہ اور انگلش زبان تھیم سانگ میں شامل کی گئی ہے۔ ورلڈ ٹی 20 کے 3 منٹ 41 سیکنڈ کا یہ سانگ انعم بسواس اور رفایت احمد نے لکھا ہے، موسیقی بنگلہ دیش کے مشہور گلوکار و موسیقار فہد المقتدر نے دی ہے، گانے میں 7 گلوکاروں نے آواز میں آواز ملائی ہے۔
شدیدمالی بحران ،اذلان شاہ کپ میں قومی ٹیم کی شرکت مشکوک
لاہور: شدید مالی بحران کے باعث قومی ہاکی ٹیم کی اذلان شاہ کپ میں شرکت مشکوک ہوگئی ۔فیڈریشن کے پاس اذلان شاہ ہاکی ٹورنامنٹ کیلئے کیمپ تک لگانے کے پیسے نہیں، ایونٹ میں پاکستان کی شرکت مشکوک نظر آرہی ہے۔ذرائع کے مطابق وزارت بین الصوبائی رابطے نے پی ایچ ایف کو ایونٹ کیلئے فنڈز دیئے ہی نہیں، وزیراعلیٰ پنجاب کی جانب سے اعلان کردہ رقم بھی اب تک فیڈریشن کو نہیں ملی۔آئندہ ماہ 13 تاریخ سے شروع ہونے والے اذلان شاہ ایونٹ کیلئے تاحال کیمپ نہیں لگ سکا، فنڈز نہ ملے تو قومی ہاکی ٹیم گھر بیٹھے ٹورنامنٹ دیکھے گی۔
انجرڈ تلکارتے دلشان کی ایشیا کپ میں شرکت مشکوک ہوگئی
ڈھاکا: سری لنکا کو بنگلہ دیش کے خلاف تیسرے اور آخری ایک روزہ میچ میں کمار سنگاکارا، تکارتنے دلشاناور مہیلا جے وردھنے کی خدمات حاصل نہیں ہوں گی ۔آخری ون ڈے میں سنگاکارا کو آرا م دینے کا فیصلہ کیا گیا ہے اور ان کی جگہ بلے باز لاہیرو تھریماما نے ٹیم میں شامل کیا ہے ۔ دلشان ہاتھ کی انجری میں مبتلا ہیں جس کے باعث وہ واپس وطن لوٹ گئے ہیں جس کی وجہ سے ان کی ایشیا کپ میں شرکت مشکوک ہوگئی ۔
معاوضے میں اضافہ ،وین رونی مانچسٹریونائیٹڈ کیساتھ نئے معاہدے پر راضی
لندن: انگلش فٹبالر وین رونی مانچسٹر یونائیٹڈکے ساتھ نئے معاہدے پر راضی ہوگئے ۔ انگلش پریمیئر فٹ بال لیگ کے ٹاپ کلب نے انہیں معاہدے ہونے پر 12لاکھ پاﺅنڈ ماہانہ ادا کرے گا ۔ ان کا معاہدہ 2015میں ختم ہوگا ۔ پرانے معاہدے کے تحت کلب انہیں 10لاکھ پاﺅنڈ ماہانہ ادا کررہا تھا ۔ 2004میں مانچسٹر یونائیٹڈ کو جوائن کرنے والے وین رونی نے اب تک 430میچوں میں شرکت کرکے 208گول کیے ہیں ۔