کراچی (پی پی آئی)میٹروپولیٹن شہر کراچی فضائی آلودگی کے اعتبار سے مسلسل 2 روز سے دنیا کے آلودہ ترین شہروں میں پہلے نمبر پر ہے۔ ایئر کوالٹی کو مانیٹر کرنے والی ویب سائٹ ’آئی کیو ایئر ڈاٹ کام‘ کے مطابق کراچی کے بعد دنیا کے آلودہ ترین شہروں کی فہرست میں دوسرے نمبر پر بھارت کا شہر نئی دہلی ہے۔پی پی آئی کے مطابق کراچی میں پی ایم 2.5 (پارٹیکیولیٹ میٹر) کا ارتکاز عالمی ادارہ صحت (ڈبلیو ایچ او) کی سالانہ ایئر کوالٹی گائیڈ لائن ویلیو سے 20.3 گنا زیادہ ہے، گزشتہ شب کراچی میں ایئر کوالٹی انڈیکس 175 ریکارڈ کیا گیا۔واضح رہے کہ 151 سے 200 کی رینج میں ایئر کوالٹی انڈیکس ریڈنگ کو غیر صحت بخش سمجھا جاتا ہے، جبکہ 201 اور 300 کے درمیان ایئر کوالٹی انڈیکس ریڈنگ صحت کے لیے اور بھی زیادہ نقصان دہ ہے۔کراچی کی ہوا کا معیار مسلسل دوسرے روز بھی غیر صحت مند رہا جو کہ ایئر کوالٹی انڈیکس سے ظاہر ہوتا ہے، کراچی کا عالمی سطح پر سب سے زیادہ آلودہ شہر ہونا انتہائی تشویشناک سمجھا جارہا ہے۔’آئی کیو ایئر‘ کی سالانہ رپورٹ کے مطابق چند برسوں کے دوران کراچی میں آلودگی کی سطح میں کوئی بہتری نہیں آئی بلکہ درحقیقت اس میں مزید اضافہ ہوا ہے۔
نیشنل رینکنگ ٹینس کا 26فروری سے اسلام آباد میں آغاز
ٹور آف اومان :چوتھا مرحلہ سلواکیہ کے پیٹر سگان نے جیت لیا
21ٹیسٹ سنچریوں کیساتھ ہاشم آملہ تیسرے جنوبی افریقی کرکٹر بن گئے
بنگلہ دیشی کپتان مشفیق الرحیم کا ٹیم سلیکشن پر شدید تحفظات کا اظہار
کینیا کے ایتھلیٹ ڈکسن چھومبا نے ٹوکیو میراتھن ریس جیت لی
پاک بھارت بلائنڈ سیریز میں پی سی بی کی عدم دلچسپی پر کرکٹ حلقے حیران
تازہ ترین خبریں
- April 25, 2026
- April 23, 2026
اشتہار
تازہ ترین
حج آپریشن کو بہتر بنانے کیلئے ڈیجیٹلائزڈ کرنے کا فیصلہ
اسلام آباد (پی پی آئی)وزارت آئی ٹی و ٹیلی کمیونیکیشن نے حج آپریشن کو بہتر بنانے کیلئے ڈیجیٹلائزڈ کرنے کا فیصلہ کیا ہے۔ عازمین حج کی سہولت و آگاہی کیلئے موبائل ایپلی کیشن، ویب پورٹل تیار ہوگا۔ مناسک حج سے متعلق سہولتوں اور شکایات کے انداراج کو ڈیجیٹلائزڈ کی کئے جانے سے عازمین حج اپنا فیڈ بیک ڈیجیٹل طور پر دے سکیں گے۔ ڈیجیٹلائزیشن سے حج آپریشن کی خامیوں اور شکایات کو ختم کیا جاسکے گا۔
شہریار آفریدی اور شاندانہ گلزار کی ایم پی او آرڈر کالعدم قرار دینے کی درخواستوں پر سماعت ملتوی
اسلام آباد(پی پی آئی)اسلام آباد ہائیکورٹ میں شہریار آفریدی اور شاندانہ گلزار کی ایم پی او آرڈر کالعدم قرار دینے کی درخواستوں پر سماعت ہوئی،پی پی آئی کے مطابق عدالت نے شہریار آفریدی اور شاندانہ گلزار کو کسی اور مقدمے میں گرفتاری سے روکنے کے حکم میں کل تک توسیع کر دی۔ اسلام آباد ہائیکورٹ کے جسٹس بابر ستار نے کیس کی سماعت کی،شہریار آفریدی عدالت میں پیش نہ ہو سکے،عدالت نے شہریار آفریدی اور شاندانہ گلزار کے خلاف ایم پی او آرڈر معطل کر رکھا ہے۔ شاندانہ گلزار اپنے وکیل شیر افضل مروت کے ساتھ عدالت کے سامنے پیش ہوئیں،مجسٹریٹ کے اختیارات سے متعلق عدالتی معاون وقار رانا نے اپنے دلائل مکمل کئے دوسرے عدالتی معاون صلاح الدین ایڈوکیٹ کل اپنے دلائل دینگے۔ بعدازاں عدالت نے کیس کی مزید سماعت کل تک ملتوی کردی۔
پاکستان سمیت دْنیا بھر میں سیر و سیاحت کا عالمی دن منایا گا
کراچی (پی پی آئی)سیر و سیاحت کا عالمی دن ایک طرف پوری دنیا میں منایا جا رہا ہے تو دوسری طرف پاکستان میں بھی سوشل میڈیا کے مختلف پلیٹ فارمزپر صارفین اپنے آس پاس کے خوبصورت مناظر اپلوڈ کر کے ناظرین کی توجہ لینے میں مصروف رہے،پی پی آئی کے مطابق اس دن کو منانے کا بنیادی مقصد دنیا بھر میں شعبہ سیاحت کو فروغ دینا تھا۔ 3 سال قبل فوربز نامی عالمی جریدے نے پاکستان کو اہم سیاحتی مقامات میں سے ایک قرار دیاتھا،جس کے بعد حکومتِ پاکستان بھی شعسیر وسیاحت کے فروغ کیلئے اقدامات اٹھائے۔اللہ تعالیٰ نے پاکستان کو دنیا کے بہترین اور دلفریب نظاروں سے مالا مال ملک بنایا ہے۔ اقوامِ متحدہ کے تحت سیر و سیاحت کا عالمی دن 1970سے منایا جارہا ہے۔
تلاش کریں
خبریں
نیشنل رینکنگ ٹینس کا 26فروری سے اسلام آباد میں آغاز
اسلام آباد: پہلا ذرکون انٹرنیشنل پی ٹی ایف نیشنل رینکنگ ٹینس ٹورنامنٹ 26فروری سے اسلام آباد میں شروع ہوگا ۔ پاکستان ٹینس فیڈریشن کے مطابق ایونٹ مٰن مینز سنگلز،مینز ڈبلز ،جونیئر انڈر 18اورویمنز سنگلز کے مقابلے کھیلے جائیں گے ۔فیڈریشن نے تمام خواہشمند کھلاڑیوں کو ہدایت کی ہے کہ وہ 25فروری تک اپنی انٹری بجھوادیں ۔ 6روزہ ایونٹ کا اختتام 3مارچ کو ہوگا۔
ٹور آف اومان :چوتھا مرحلہ سلواکیہ کے پیٹر سگان نے جیت لیا
مسقط: اومان میں جاری سائیکل ریس کا چوتھا مرحلہ سلواکیہ کے سائیکلسٹ پیٹر سگان نے جیت لیا ،مجموعی برتری حاصل کرنے پر وہ ریڈ جرسی کے بھی حقدار بن گئے ۔173 کلومیٹر لمبے ٹریک پر کولمبین اور اٹلی کے رائیڈرز سب سے آگے تھے تاہم ریس کے اختتام سے چند سیکنڈز قبل پیٹر سگان نے سب کو پیچھے چھوڑتے ہوئے فتح کو سمیٹ لیا ۔
21ٹیسٹ سنچریوں کیساتھ ہاشم آملہ تیسرے جنوبی افریقی کرکٹر بن گئے
پورٹ ایلزبتھ: جنوبی افریقن کرکٹ ٹیم کے مایہ ناز بلے باز ہاشم آملہ نے آسٹریلیا کے خلاف دوسرے ٹیسٹ میں کیرئیر کی 21سنچری جڑدی ،ہاشم آملہ جنوبی افریقا کی جانب سے زیادہ سنچریاں اسکور کرنے والے تیسرے کھلاڑی بن گئے ہیں ۔ہاشم آملہ اب تک 75 ٹیسٹ میچوں میں 51.55کی اوسط سے 5135رنز بناچکے ہیں ۔آملہ کا بہترین اسکور 311ناٹ آﺅٹ ہے ۔
بنگلہ دیشی کپتان مشفیق الرحیم کا ٹیم سلیکشن پر شدید تحفظات کا اظہار
ڈھاکہ: بنگلہ دیش کرکٹ ٹیم کے کپتان مشفیق الرحیم نے ایشیا کپ کیلئے بنگلہ دیشی اسکواڈ کی سلیکشن پر سخت اعتراض کردیئے ۔مشفیق الرحیم نے بورڈ کو نشانہ بناتے ہوئے کہا کہ مجھے ایشیا کپ کے لئے منتخب ہونے والی ٹیم پر خدشات ہیں اور میں خوش نہیں ہوں ۔انہوں نے کہا کہ گراﺅنڈ میں مجھے ٹیم کو لیڈ کرنا ہے اور اگر سلیکٹر ز نے ٹیم سلیکشن میں میری رائے نہیں لی تو میں شکست کا ذمہ دار نہیں ہوں گا۔
کینیا کے ایتھلیٹ ڈکسن چھومبا نے ٹوکیو میراتھن ریس جیت لی
ٹوکیو: کینیا کے ایتھلیٹ ڈکسن چھومبا نے ٹوکیو میراتھن ریس جیت لی ۔ چھومبا نے عمدہ کارکردگی کا مظاہر ہ کرتے ہوئے مقررہ فاصلہ دو گھنٹے پانچ منٹ 42سیکنڈز میں طے کرکے اپنی ٹرافی وصول کی ۔ ایتھوپیا کے ٹاڈیس ٹولہ نے دوسری جبکہ ان کے ہم وطن سیمی کیٹوارا نے تیسری پوزیشن حاصل کی ۔ ویمنز مقابلوں میں ایتھوپیا کی ٹیرفی تیسی گائی نے کامیابی حاصل کی ۔
پاک بھارت بلائنڈ سیریز میں پی سی بی کی عدم دلچسپی پر کرکٹ حلقے حیران
کراچی: پاکستان کرکٹ بورڈ کی جانب سے پاک بھارت بلائنڈ کرکٹ سیریز کو نظر انداز کرنے پر کرکٹ حلقوں نے شدید حیرت کا اظہارکردیا ۔ کرکٹ حلقوں کے مطابق پی سی بی نے پاک بھارت بلائنڈ کرکٹ سیریز کی سرپرستی نہ کرکے بھارتی کرکٹ بورڈ کو اپنی جانب سے ایک مثبت پیغام دینے کا نادر موقع گنوادیا ۔ سیریزکی تقریب تقسیم انعامات میں پی سی بی کا کوئی افسر بھی نمائندگی کے لئے موجود نہیں تھا ۔