میلان:اٹلی کے فٹ بال کلب جیوینٹس کے کوچ میسی ملیانو الیگری آج ہفتے کو اے سی میلان کے کوچ کی حیثیت سے دوبارہ ذمہ داریاں سنبھالیں گے۔الیگری کو رواں سال جنوری میں اے سی میلان کی کوچنگ سے فارغ کردیا گیا تھا جس کے بعد وہ پہلی دفعہ اہم مقابلے میں اے سی میلان کی کوچنگ کریں گے۔ان کی غیر موجودگی میں اے سی میلان نے رواں سیزن میں کوئی پوائنٹ نہیں کھویا جبکہ ان کی موجودگی میں اپریل سے اب تک جوینٹس کے خلاف کوئی گول نہیں ہو سکا ہے۔

سنگاپور:ہسپانوی فارمولا ون ڈرائیور فرنانڈو الینسو نے سنگاپور گراں پری ریس کا افتتاحی پریکٹس سیشن جیت لیا۔ فرنانڈو الینسو نے سنگاپور کے مارینا بے اسٹریٹ میں منعقدہ ریس میں مقررہ فاصلہ ایک منٹ 49اعشاریہ صفر56میں طے کرکے پہلی پوزیشن حاصل کرلی، لیوس ہملٹن دس سیکنڈ کے فرق سے دوسرے اور جرمنی کے نیکو روزبرگ بارہ سیکنڈ کے فرق سے تیسرے نمبر پر رہے۔سابق چمپیئن سباسٹین ویٹال کی چوتھی اور ڈینیل ریسیارڈو کی پانچویں پوزیشن رہی۔سنگاپور گراں پری ریس کا ریس کا حتمی مرحلہ اتوار کو کھیلا اجائے گا۔

پیرس:سیکنڈ سیڈڈ فرانس کے گائل مونفلز اور تھرڈ سیڈڈ جرمنی کے فلپ کوہلشریبر نے موسیلے اوپن ٹینس کے کوارٹر فائنل میں جگہ بنالی۔مونفلز نے پولینڈ کے مائیکل پریزیسزنی کو 5-7اور1-6سے شکست دے دی،دوسرے میچ میں پولینڈ کے جرزی جانووک نے فن لینڈ کے جارکو نیرمینن کو 4-6اور4-6سے شکست دے دی۔جرمنی کے کوہلشربر نے اٹلی کے پاﺅلو لورینزو کو3-6اور5-7سے شکست دے کر کوارٹر فائنل میں اپنی جگہ پکی کرلی۔ ایک اور میچ میں جرمنی کے جان لینارڈ نے فرانس کے جیرمی شاردے کو 7-6،3-6اور4-6سے شکست دے دی،بیلجین اسٹار گوفن نے جرمنی کے ٹابیاس کامکے کو1-6اور3-6سے باآسانی شکست دے کرکوارٹر فائنل کے لیے کوالیفائی کرلیا جہاں ان کا مقابلہ ٹاپ سیڈڈفرنچ کھلاڑی جو ولفریڈ ٹی سونگا سے ہوگا۔

نیویارک:امریکی فٹ بالر جوناتھن ڈائر کوبیوی پر تشدد کے الزام میں گرفتار کیا گیا۔جوناتھ ڈائر کو گھریلو تشدد کے الزام میں ریاست ایریزونا کے شہر فینکس سے گرفتار کیا گیا، پولیس کے مطابق جوناتھن پر 27 سالہ بیوی اور 18 ماہ کے بچے پر تشدد کا الزام ہے۔واقعہ جولائی کے آخر میں رپورٹ ہوا، جس کے بعد جوناتھن فرار ہوگیا تھا، اعتراف جرم کے بعد اسٹار فٹبالر کو جیل بھیج دیا گیا ہے۔

ڈھاکا:بنگلہ دیش کرکٹ بورڈ کی سلیکشن کمیٹی نے ایشین گیمز کے لیے15 رکنی قومی ٹیم کا اعلان کر دیا۔ مشرفی مرتضی کو ٹیم کا کپتان مقرر کیا گیا ہے۔ بنگلہ دیش کرکٹ ٹیم میں اسٹار آل راونڈر شکیب الحسن اور روبیل حسین کی واپسی ہوئی ہے، حال ہی میں غازی اور حسین کا باولنگ ایکشن مشکوک قرار دیا گیا تھا۔ شکیب الحسن کی ایشین گیمز کے لیے اعلان کردہ سکواڈ میں واپسی اہمیت کی حامل ہے، بی سی بی کی ڈسپلنری کمیٹی نے خراب رویے پر شکیب الحسن کو 6 ماہ کیلئے معطل کر دیا تھا لیکن بعد ازاں معافی مانگنے پر بی سی بی نے ان کی سزا میں کمی کر دی تھی جو 15 ستمبر کو اختتام پذیر ہو گئی ۔اعلان کردہ سکواڈ میں مشرفی مرتضی کپتان جبکہ دیگر کھلاڑیوں میں تمیم اقبال، انعام الحق، عمرالقیس، محمد متھن، شمس الرحمان، شکیب الحسن، شووا گتا ہوم، صابر رحمان، محموداللہ، ناصر حسین، عرافات سنی، مکتر علی، روبیل حسین اور تسکین احمد شامل ہیں۔

ممبئی:بھارتی کرکٹ اسٹارسچن ڈنڈولکر ویرات کوہلی کی مدد کرنے ممبئی پہنچ گئے ۔تجربہ کاربلے بازسچن ٹنڈولکر نے اس وقت ویرات کوہلی کی کوچنگ کرنے کا ارادہ کر لیا تھا جب دورہ انگلینڈ کے موقع پر ویرات کوہلی باہر سے آنے والی آف اسٹم گیند کو کھیلنے میں مسلسل ناکام ہوتے رہے۔انگلینڈ کرکٹ ٹیم کے فاسٹ بولر جیمز اینڈرسن ویرات کوہلی کی اس کمزوری کا فائدہ اٹھاتے رہے ،اس موقع پر پریکٹس سیشن میں موجود انڈین کرکٹ ٹیم کے منیجرلال چند نے کا کہنا تھا کہ تجربہ کار کھلاڑیوں کو اپنی مصروفیات میں سے وقت نکال کر نوجوان کھلاڑیوں کو اس جیسے معمولی نوعیت کے مسائل سے بچنے کے لیے وقت دینا چاہیئے اس سے نوجوان کھلاڑیوں کی بہتر کارکردگی میں خاطر خواہ اضافہ ہوگا۔