ؒؒاسلام آباد(پی پی آئی) ائیر کوالٹی لائف انڈیکس رپورٹ نے پاکستان میں بڑھتی فضائی آلودگی سے متعلق خبردار کردیا۔ ائیر کوالٹی لائف انڈیکس کی سالانہ رپورٹ کے مطابق بڑھتی فضائی آلودگی شہریوں کی اوسط عمر میں چار سال تک کی ممکنہ کمی کا باعث بن سکتی ہے۔رپورٹ میں کہا گیا کہ پاکستان کی 98 فیصد آبادی انتہائی آلودہ فضائی ماحول میں رہتی ہے، پاکستان کے بیشتر شہری علاقوں میں فضائی آلودگی کی سطح قومی فضائی آلودگی اور عالمی ادارہ صحت کے معیار سے کئی گنا زیادہ ہے۔رپورٹ کے مطابق پاکستان میں موجودہ آلودگی کی سطح برقرار رہی تو پنجاب، اسلام آباد اور خیبرپختونخوا کے عوام کی اوسط عمر چار سال تک کم ہونے کا خدشہ ہے۔

ؒؒاسلام آباد(پی پی آئی) سائفر کیس میں چئیرمین پی ٹی آئی عمران خان کی درخواست ضمانت دائر کر دی گئی۔ عمران خان کی درخواستِ ضمانت بعد از گرفتاری پر نوٹس جاری کر دیا گیا۔ عمران خان کے وکلا کی جانب سے ضمانت منظور کرنے کی استدعا کی گئی۔ سائفر کیس میں عمران خان کی درخواست ضمانت پر سماعت 2 ستمبر کو ہوگی، جج ابو الحسنات ذوالقرنین سماعت کریں گے۔عدالت نے فریقین کو نوٹس جاری کرتے ہوئے دو ستمبر کو جواب طلب کر لیا۔جج ابو الحسنات ذوالقرنین نے فریقین سے ضمانت بعد از گرفتاری کی درخواست پر دو ستمبر کو دلائل طلب کر لیے۔قبل ازیں پی ٹی آئی عمران خان کیخلاف اٹک جیل میں سائفر کیس کی سماعت ہوئی،آفیشل سیکرٹ ایکٹ کے تحت قائم خصوصی عدالت کے جج ابو الحسنات ذوالقرنین نے کیس کی سماعت کی۔ذرائع کے حوالے سے بتایا گیا کہ عمران خان کو عدالت کے روبرو پیش کیا گیا اور حاضری لگائی گئی،چیئرمین پی ٹی آئی کی لیگل ٹیم بھی اٹک جیل میں موجود تھی۔ عدالت نے حاضری لگانے کے بعد عمران خان کے جوڈیشل ریمانڈ میں 14 روز کی توسیع کر دی۔ سماعت کے بعد جج ابو الحسنات ذوالقرنین اٹک جیل سے اسلام آباد روانہ ہو گئے۔ یاد رہے کہ گزشتہ روز اسلام آباد ہائیکورٹ نے چئیرمین پی ٹی آئی عمران خان کی توشہ خانہ کیس میں سزا معطل کر دی تھی، تاہم عمران خان کی سائفر کیس میں گرفتاری ڈال دی گئی تھی۔عمران خان 30 اگست تک سائفر کیس میں جوڈیشل ریمانڈ پر تھے،عدالت نے عمران خان کو 30 اگست کو پیش کرنے کا حکم دیا تھا۔ جبکہ سائفر گمشدگی پر ایف آئی اے انسداد دہشت گردی ونگ میں عمران خان کے خلاف آفیشل سیکرٹ ایکٹ کے تحت مقدمہ درج کیا گیا جس میں انہیں وفاقی تحقیقاتی ایجنسی نے شامل تفتیش کرتے ہوئے گرفتار کیا

کراچی(پی پی آئی) رہنما پاکستان تحریک انصاف حلیم عادل شیخ کو پولیس نے سندھ ہائیکورٹ کے باہر سے حراست میں لے لیا۔وکلا نے پولیس سے گرفتاری کے وارنٹس مانگے تو پولیس نے وارنٹس دکھانیسے انکار کر دیا، پولیس گھسیٹتے ہوئے حلیم عادل شیخ کو وین میں ڈال کر روانہ ہو گئی۔پولیس ذرائع کے مطابق حلیم عادل شیخ کو درخشاں تھانے میں منتقل کیا جا رہاہے، پی ٹی آئی رہنما ضلع ایسٹ میں ہونے والے جلاؤ گھیراؤ کے مقدمات میں مطلوب ہیں۔رہنما پی ٹی آئی کے وکلاء کاکہنا ہے کہ حلیم عادل شیخ کی گرفتاری سندھ ہائی کورٹ کے احکامات کی خلاف ورزی ہے، گرفتاری کے خلاف کل عدالت سے رجوع کیا جا ئے گا، پولیس کے خلاف توہین عدالت کی درخواست دی جائے گی۔ سندھ ہائیکورٹ نے پاکستان تحریک انصاف کے رہنما حلیم عادل شیخ کی عبوری ضمانت 7 دن کیلئے منظور کی تھی۔یاد رہے کہ حلیم عادل شیخ پاکستان تحریک انصاف سندھ کے صدر ہیں اور وہ حال ہی میں تحلیل ہونے والی سندھ اسمبلی میں قائد حزب اختلاف بھی تھے۔