ؒؒکوئٹہ(پی پی آئی)کوئٹہ میں نامعلوم افراد کی فائرنگ سے پولیس کانسٹیبل جاں بحق ہوگیا، ملزمان فرار ہونے میں کامیاب ہوگئے۔ نی جی ٹی وی کی رپورٹ کے مطابق کوئٹہ کے علاقے سریاب روڈ پر نامعلوم ملزمان نے فائرنگ کرکے پولیس کانسٹیبل کو قتل کردیا،کانسٹیبل اختر حسین بلوچستان کانسٹیبلری میں ملازم تھا۔ پولیس کا کہنا ہے کہ اہلکار اپنی ڈیوٹی ختم کرنے کے بعد گھر جارہا تھا، جائے وقوعہ سے نائن ایم ایم پستول کے 2 خول برآمد کرلئے گئے۔ مقتول کی لاش اسپتال منتقل کردی گئی جبکہ واقعے کی مختلف پہلوؤں سے تحقیقات کا آغاز کردیا گیا۔
آسٹریلیا اور انگلینڈ کے درمیان ایشز سیریز کا پانچواں معرکہ آج سڈنی میں سجے گا
مائیکل شوماکر کی حالت قدرے بہترلیکن خدشات برقرار
مارٹن گپٹل مسلسل دوسری مرتبہ نئے سال میں سب سے پہلے آﺅٹ
آکلینڈ کلاسک ٹینس : وینس ولیمز کوارٹر فائنل میں پہنچ گئیں
پاکستان بیس بال فیڈریشن کا غیر قانونی نام استعمال کرنے پر قانونی چارہ جوئی کا فیصلہ
صومالیہ: ہوٹل کے باہر 3 بم دھماکے، 18 افراد ہلاک
تازہ ترین خبریں
اوکاڑہ میں اجتماعات ، شہدائے معرکہ حق کو خراج عقیدت پیش
(May 6, 2026)
متعدد ہلاکتوں کے بعد دریائے حب میں سرگرمیوں پر پابندی
(May 4, 2026)
- April 23, 2026
- April 22, 2026
اشتہار
تازہ ترین
پنجاب میں ڈینگی بیقابو ہوگیا،30 نئے کیسز رپورٹ
ؒؒلاہور(پی پی آئی) ڈینگی وائرس کے حملوں میں شدت اضافہ ریکارڈ، پنجاب میں24 گھنٹوں کے دوران ڈینگی بخار کے مزید30 نئے مریضوں کی تصدیق ہوئی ہے۔ واہگہ زون میں 8،علامہ اقبال زون میں ڈینگی بخار کے7 نئے مریض، نشتر زون میں 5 جبکہ کینٹ میں ڈینگی بخار کے 4 مریض رپورٹ ہوئے۔ سیکریٹری صحت کے مطابق راوی، سمن آباد، داتا گنج بخش زون میں ڈینگی بخار کا ایک ایک مریض رپورٹ، گلبرگ، شالامار اور عزیز بھٹی زون میں ڈینگی بخار کا ایک ایک مریض رپورٹ کیا گیا ہے۔ شہر میں مچھروں کی افزائش بھی خوفناک حد تک بڑھ گئی، شہر کے مزید 1137 مقامات سے ڈینگی لاروا برآمد ہوچکا ہے۔۔
ایمان مزاری کو گرفتار کرکے اسلام آباد سے باہر نہ لے جانے کا حکم
اسلام آباد(پی پی آئی) ایڈووکیٹ ایمان مزاری کی اپنے خلاف درج مقدمات کی تفصیل فراہمی کی درخواست پر سماعت اسلام آباد ہائی کورٹ میں ہوئی۔ اسلام آباد ہائی کورٹ نے ایمان مزاری کو گرفتار کرکے اسلام آباد سے باہر نہ لے جانے کا حکم دے دیا۔ جسٹس میاں گل حسن اورنگزیب کے روبرو شیریں مزاری کی جانب سے وکیل سلمان اکرم راجا اور قیصر امام پیش ہوئے۔ وکلا نے اپنے دلائل میں کہا کہ ہمیں ایسی درخواست دائر کرنے کی ضرورت نہیں تھی لیکن حالات ہی کچھ ایسے بن چکے ہیں۔ سماعت کے موقع پر ڈاکٹر شیریں مزاری بھی عدالت پہنچیں۔ 2 درخواستیں ایمان مزاری کے خلاف درج ہوئیں، دہشت گردی اور بغاوت کی دفعات لگائی گئیں۔ 2 کیسز میں گرفتاری ہوئی دونوں میں ضمانت پر رہائی ہوئی اور پھر اڈیالہ جیل کے باہر سے ایمان مزاری کو تیسرے مقدمے میں گرفتار کر لیا گیا۔جسٹس میاں گل حسن اورنگزیب نے ریمارکس دیے کہ ہم بڑے مشکل دور سے گزر رہے ہیں۔ ایمان مزاری اس عدالت میں موجود تھی، میں نے کہا اپنی ماں کی زبان کنٹرول کریں۔ ایمان مزاری نے یقین دہانی کرائی، پھر انہوں نے اپنی زبان خود کنٹرول نہیں کی۔ 2023ء آئین اور عدلیہ پر عملدرآمد کے لحاظ سے تاریک ترین سال ہے۔ وکیل نے عدالت میں کہا کہ اگر کسی نے کوئی جرم کیا ہے تو اس کو قانون کے مطابق عدالت دیکھ سکتی ہے۔ یہ جو مقدمہ درج کیا گیا یہ بدنیتی پر مبنی ہے۔ ہمیں بتایا جائے ہمارے خلاف کتنے مقدمات درج ہیں۔ ایمان مزاری کو کسی اور مقدمے میں گرفتاری سے روکا جائے۔ اس وقت ہم نارمل حالات سے نہیں گزر رہے۔ ایمان مزاری کو اسلام آباد سے باہر کسی اور مقدمے میں لے جانے سے روکا جائے۔ عدالت نے استفسار کیا کہ ایڈووکیٹ ایمان مزاری کے خلاف ملک بھر کتنے مقدمات درج ہیں؟ عدالت نے حکم دیا کہ کل تک سیکرٹری داخلہ صوبوں سے رپورٹس طلب کرکے آگاہ کریں۔ اسلام آباد ہائی کورٹ نے آئندہ سماعت تک ایمان مزاری کو گرفتار کرکے اسلام آباد سے باہر لے جانے سے روک دیا اور حکم دیا کہ سیکرٹری داخلہ یقینی بنائیں کہ ایمان مزاری کو گرفتار کرکے اسلام آباد سے باہر نہیں لے جایا جائے گا۔ عدالت نے حکم دیا کہ ایمان مزاری کے خلاف 20 اگست کے بعد کا کوئی وقوعہ ہے تو اس میں گرفتار نہ کیا جائے۔ بعد ازاں عدالت نے کیس کی مزید سماعت کل تک ملتوی کردی۔
سرکاری سکول کے طلباء کو اگلے تعلیمی سال میں مفت کتابیں نہیں ملیں گی: پنجاب ٹیکسٹ بک بورڈ
لاہور (پی پی آئی) سرکاری سکول کے طلباء کو اگلے تعلیمی سال میں مفت کتابیں نہیں ملیں گی، پنجاب ٹیکسٹ بک بورڈ نے مفت کتابیں دینے سے انکار کر دیا۔ حکومت پنجاب ٹیکسٹ بک بورڈ کی 10 ارب کی مقروض ہے۔ حکومت نے 18 ارب کی کتابیں ٹھیکیداروں سے چپھوائیں جبکہ 18 ارب میں سے صرف 8 ارب ادا کئے۔ اُن کے مطابق بقیہ واجبات کی عدم ادائیگی کی وجہ سے کتابیں چھاپنے میں مشکلات کا سامنا ہے۔ ٹیکسٹ بک بورڈ نے محکمہ سکول ایجوکیشن کو مراسلہ جاری کر دیا۔ مراسلہ کے مطابق رواں سال فنانس ڈیپارٹمنٹ نے مفت کتابوں کیلئے صرف ساڑھے 3 ارب مختص کیے گئے ہیں۔ کتابوں کی چھپائی کیلئے فراہم کیے گئے فنڈز ناکافی ہیں۔ اگر مزید رقم جاری نہ ہوئی تو سال کے آخر تک کتابوں کی چھپائی ممکن نہیں ہوگی۔ مفت کتابیں نہ ملیں تو سکولوں کے اڑھائی کروڑ بچے تعلیم سے محروم ہو جائیں گے۔ پنجاب میں سرکاری سکولوں کے طلباء کو سالانہ فی کس 3 ہزار کی کتابیں مفت ملتی ہیں۔
تلاش کریں
خبریں

آسٹریلیا اور انگلینڈ کے درمیان ایشز سیریز کا پانچواں معرکہ آج سڈنی میں سجے گا
(January 2, 2014)
سڈنی: آسٹریلیا اور انگلینڈ کے درمیان پانچ میچز کی ایشز سیریز کا آخری ٹیسٹ آج (جمعہ) سے سڈنی میں کھیلا جائے گا۔ کینگروز سیریز میں کلین سوئپ اور انگلش ٹیم بقا کی جنگ لڑنے کے لئے میدان میں اتریں گے۔ انگلینڈ کے لئے حالیہ ایشیز سیریز ڈراونا خواب بن گئی ہے۔پے در پے ناکامیوں نے انگلش ٹیم کے ہوش اڑادیئے ہیں۔ انگلینڈ کے لئے اب ایشز میں کلین سوئپ بچانے کے لالے پڑگئے ہیں۔ اب آخری معرکے کے لئے سڈنی میں میدان سجے گا۔ انگلینڈ ساکھ بچانے کی پوری کوشش کرے گا۔ادھر آسٹریلیا 2006کے بعد ایشیز سیریز میں وائٹ واش کے لئے میدان میں اترے گا۔ انگلینڈ کے خلاف آخری ٹیسٹ جیت کر میزبان ٹیم آئی سی سی رینکنگ میں پانچویں سے تیسرے نمبر پر آجائے گی۔فاسٹ بولر مچل جونسن کے پاس پانچ میچز کی ایشز میں آسٹریلیا کی جانب سے سب سے زیادہ وکٹیں حاصل کرنے کا بہترین موقع ہے۔ مچل جونسن چار میچز میں اکتیس شکار کرچکے ہیں۔ مائیکل کلارک آخری ٹیسٹ جیت کر انگلینڈ کو ایشیز میں کلین سوئپ کرنے والے تیسرے کپتان بن سکتے ہیں۔

مائیکل شوماکر کی حالت قدرے بہترلیکن خدشات برقرار
(January 2, 2014)
پیرس: فرانس میں اسکیئنگ کے دوران زخمی ہونے والے سابق فارمولا ون چیمپئن مائیکل شوماکر کی حالت میں کچھ بہتری آئی ہے لیکن وہ اب بھی خطرے سے باہر نہیں ہیں۔44سالہ مائیکل شوماکر اتوارکوفرانس میں اسکیئنگ کرتے ہوئے گر کر زخمی ہوگئے تھے جس میں ان کے دماغ پر شدید چوٹیں آئی تھیں۔ جرمن ڈرائیور گرینوبل کے ہسپتال میں زیر علاج ہیں۔ شوماکر کی ایجنٹ سبائن کی ہم نے ہسپتال کے باہر میڈیا کو بتایا کہ گزشتہ رات شوماکر کی حالت بہتر رہی لیکن وہ ابھی خطرے سے باہر نہیں آئے ہیں کیونکہ ان کی انجری بہت شدید ہے۔ انہوں نے درخواست کی کہ میڈیا شوماکر کی پرائیوسی کا خیال رکھے۔ گزشتہ روز ایک جرنلسٹ نے شوماکرکے کمرے میں گھسنے کی کوشش کی جسے گارڈ نے ناکام بنادیا۔ کیہم نے بتایا کہ شوماکر اپنی سالگرہ، کرسمس اورنئے سال کے موقع پر اپنی فیملی کے ہمراہ گرینوبل آئے تھے۔ جرمن ڈرائیورآج 45 سال کے ہوجائیں گے۔

مارٹن گپٹل مسلسل دوسری مرتبہ نئے سال میں سب سے پہلے آﺅٹ
(January 2, 2014)
کوئنز لینڈ: نیوزی لینڈ کرکٹ ٹیم کے بلے باز مارٹن گپٹل مسلسل دوسری مرتبہ سال کے پہلے روز آﺅٹ ہونے والے دنیا کے پہلے کرکٹر بن گئے ۔گپٹل2013ءکے بعد2014ءمیں بھی سال کے پہلے روز پہلے آﺅٹ ہونے والے کھلاڑی بن گئے ۔کوئنز ٹاﺅن میں ویسٹ انڈیز کے خلاف سیریز کے پہلے میچ میں کیوی بلے باز مارٹن گپٹل کو ویسٹ انڈیز کے جیسن ہولڈر نے ایک رنز پر پویلین بھیج دیا اور نئے سال میں آﺅٹ ہونے والے دنیا کے پہلے کرکٹر بن گئے ۔مارٹن گپٹل 2013میں بھی سال کے پہلے روز جنوبی افریقا کے ویرنن فلینڈ ر کے ہاتھوں آﺅٹ ہوئے تھے ۔

آکلینڈ کلاسک ٹینس : وینس ولیمز کوارٹر فائنل میں پہنچ گئیں
(January 2, 2014)
آکلینڈ: امریکا کی وینس ولیمز ،سربیا کی اینا آئیوانوچ اور جاپان کی کرومی نارا آکلینڈ کلاسک اوپن ٹینس کے کوارٹر فائنل میں پہنچ گئیں۔نیوزی لینڈ میں جاری ٹورنامنٹ میں وینس ولیمز نے آسٹریا کی وونی میوسبرگر کو پہلے سیٹ چھ چار سے شکست کھانے کے باوجود اگلے دونوں سیٹ میں چھ تین اور چھ دو سے ہرا دیا ۔ اینا آئیوانوچ نے سویڈن کی جوہانا لارسن کو سٹریٹ سٹیس میں چھ ایک اور چھ ایک سے شکست دیدی ۔ایک اور میچ میں جاپان کی کرومی نارا نے اپنی ہم وطن ایومی موریٹا کو آسانی کے ساتھ چھ صفر اور چھ ایک سے ہرا کر کوارٹر فائنل کے لئے کوالیفائی کرلیا ۔

پاکستان بیس بال فیڈریشن کا غیر قانونی نام استعمال کرنے پر قانونی چارہ جوئی کا فیصلہ
(January 2, 2014)
کراچی: پاکستان بیس بال فیڈریشن نے فیڈریشن کا غیر قانونی طور پرنام استعمال کرنے کا نوٹس لیتے ہوئے متعلقہ عناصر کے خلاف قانونی کاروائی کرنے کا فیصلہ کرلیا ۔پاکستان بیس بال فیڈریشن کی ڈویلپمنٹ کمیٹی کا اجلاس کراچی میں منعقد ہوا،جس کی سربراہی فیڈریشن کے چیئر مین جاوید یوسف نے کی ۔ڈویلپمنٹ کمیٹی نے پاکستان بیس بال فیڈریشن کو سافٹ بال کی ترقی اور ایشین گیمز کے لئے علیحد ہ کمیشن مقرر کرنے کی درخواست کی تاکہ قومی بیس بال ٹیم ایشین گیمز میں مثبت نتائج دے سکے ۔

صومالیہ: ہوٹل کے باہر 3 بم دھماکے، 18 افراد ہلاک
(January 2, 2014)
موغادیشو: صومالیہ کے دارالحکومت موغادیشو میں ایک ہوٹل کے باہر ہونے والے تین بم دھماکوں میں18افراد ہلاک اور17 زخمی ہو گئے۔ موغادیشو میں ایک ہوٹل کے باہر یکے بعد دیگرے تین بم دھماکے ہوئے،جن میں18 افراد ہلاک اور17 زخمی ہوگئے،پولیس کا کہنا ہے کہ دو دھماکے ہوٹل کے باہر اور ایک پارکنگ میں کھڑی گاڑی میں کیا گیا تھا، دھماکوں کی ذمہ داری اب تک کسی گروپ نے قبول نہیں کی۔ اس سے پہلے صومالیہ بھر میں ہونے والے بم دھماکوں اور پرتشدد واقعات کی ذمہ داری شدت پسند تنظیم الشباب قبول کرتی رہی ہے۔ دھماکوں کے بعد اسپتالوں میں ایمرجنسی کا اعلان کردیا گیا۔