کراچی (پی پی آئی)منفرد اندازاورحد درجہ خود اعتمادی کی وجہ سے راتوں رات میمرز کی توجہ کا مرکز بننے والے چاہت فتح علی خان کے نئے گانے ’لوٹالوٹا، بم بم‘ کی ویڈیو نے سوشل میڈیا ایک بارپھرگرما دیا ہے۔پی پی آئی کے مطابق ہاتھوں میں لوٹے تھامے چاہت فتح علی خان اس بات کسی اور کے گانے پر طبع آزمائی کے بجائے کچھ نیا لے کرآئے ہیں۔’لوٹا لوٹا، بم بم‘ کی ویڈیو میں سیاستدان، صحافی، تاجر، زمیندار، ملازمین سمیت ہرایک کوچیلنج کرنے والے چاہت فتح کا گانا ہی ذرا ہٹ کر پہنا گیا لباس بھی خصوصی توجہ کا مرکزہے۔سوشل میڈیا صارفین نئے گانے کو ملک کی حالیہ صورتحال کے ساتھ جوڑ رہے ہیں۔چاہت فتح نے شاعری میں لوٹوں کے قدوقامت اور جسامت گنواتے ہوئے ان کی خوبیوں پر’خوب’روشنی ڈالی ہے۔دوسری جانب پی ٹی آئی سپورٹرز نے پارٹی چھوڑنے والے افراد کی تصویریں لگا کر گانے کا اپ ڈیٹڈ ورژن بھی جاری کردیا ہے۔ماہ اگست میں یہ دوسری بار ہے کہ چاہت فتح علی خان نے نیا گانا ریلیز کیا گیا ہے۔
اے ٹی پی ٹینس : نوواک جوکووچ اور روجر فیڈرر سیمی فائنل پہنچ گئے
برازیل میں شیڈول فٹبال کنونشن کشیدہ صورتحال کے باعث منسوخ
کولکتہ ٹیسٹ:بھارت کی ویسٹ انڈیز کیخلاف 51 رنز سے فتح
آل کراچی فیصل انوٹیشن فٹ بال ٹورنامنٹ کوارٹر فائنل مرحلے میں داخل
ایشز سیریز میں فلڈ لائٹس کے استعمال کیلئے آئی سی سی سے مدد طلب
پی سی بی کا 23 ملازمین کے معاہدوں میں توسیع نہ کرنیکا فیصلہ
تازہ ترین خبریں
اوکاڑہ میں اجتماعات ، شہدائے معرکہ حق کو خراج عقیدت پیش
متعدد ہلاکتوں کے بعد دریائے حب میں سرگرمیوں پر پابندی
- April 23, 2026
- April 22, 2026
اشتہار
تازہ ترین
ایک ماہ میں بیرون ممالک سے 2 ارب 89 کروڑ ڈالر موصول
کراچی (پی پی آئی)بین الاقوامی مالیاتی فنڈ (آئی ایم ایف) کے ساتھ قرض کا نیا معاہدہ طے پانے کے بعد پاکستان کو ملنے والے بیرونی فنڈز میں نمایاں تیزی آگئی۔اسٹیٹ بینک آف پاکستان کے مطابق صرف جولائی کے مہینے میں بیرون ممالک سے 2 ارب 89 کروڑ ڈالر کا قرضہ اور امداد ملی جو پچھلے سال کی اسی مدت کے مقابلے 2 ارب 70 کروڑ ڈالر زیادہ ہے۔پی پی آئی کے مطابق اقتصادی امور ڈویژن کا کہنا ہے کہ جولائی میں 2 ارب 87 کروڑ 61 لاکھ ڈالر کا بیرونی قرض حاصل ہوا، اس دوران بیرونی گرانٹ کی مد میں ایک کروڑ 44 لاکھ 20 ہزار ڈالر کی امداد ملی۔رپورٹ کے مطابق سعودی عرب نے 2 ارب ڈالر کے ڈیپازٹس جمع کروائے، سعودی عرب سے تیل کی سہولت کی مد میں 10 کروڑ ڈالر ملے جبکہ پاکستان کو مختلف عالمی اداروں سے 19 کروڑ 36 لاکھ ڈالر حاصل ہوئے۔مختلف ممالک کی جانب سے مجموعی طور پر 11 کروڑ 38 لاکھ ڈالر سے زائد قرضہ ملا، آئی ایم ایف نے 1.2 ارب ڈالر، یو اے ای نے 1 ارب ڈالر فراہم کیے۔آئی ایم ایف پروگرام بحال ہونے کے بعد پاکستان کو اب تک 5 ارب ڈالر سے زائد مل چکے ہیں، جس میں بجٹ سپورٹ کی مد میں ملنے والے 2.9 ارب ڈالر بھی شامل ہیں۔اقتصادی امور ڈویژن کے مطابق رواں مالی سال پاکستان میں 17 ارب 61 کروڑ ڈالر سے زائد کا بیرونی قرضہ و امداد ملنے کا امکان ہے۔
سابق وزیر مملکت زرتاج گل کی گرفتاری کے لیے چھاپہ
اسلام آباد(پی پی آئی) پاکستان تحریک انصاف کی رہنما زرتاج گل کی گرفتاری کے لیے خصوصی ٹیم تشکیل دے دی گئی۔ رہنما تحریک انصاف زرتاج گل پر ترقیاتی منصوبوں میں کرپشن، کک بیکس اور خورد برد کے الزامات عائد کیے گئے ہیں۔پی پی آئی کے مطابق بتایا گیا ہے کہ اینٹی کرپشن نے سابق وزیر مملکت و رکن قومی اسمبلی زرتاج گل کے گرد گھیرا تنگ کرتے ہوئے ان کی گرفتاری کے لیے چھاپے مارنا شروع کر دئیے۔۔زرتاج گل اور ان کے شوہر پر الزام ہے کہ انہوں نے مختلف ترقیاتی منصوبوں میں 10 فیصد تک کمیشن لیا۔ زرتاج گل کی گرفتاری کیلئے اینٹی کرپشن ٹیم نے ڈی جی خان میں ان کے گھر پر چھاپہ مارا۔ لیکن زرتاج گل گھرپر موجود نہیں تھیں، واضح رہے کہ حکومت نے تحریک انصاف کے 10سابق وزراکے ڈپلومیٹک پاسپورٹس منسوخ/ غیر فعال کر دیئے تھے جن میں زرتاج گل بھی شامل ہیں۔
پی آئی اے نے 11 طیارے گراؤنڈ کردیے، 3 ناقابلِ مرمت قرار
کراچی (پی پی آئی)پاکستان انٹرنیشنل ایئرلائنز (پی آئی اے) نے اپنے 3 بوئنگ 777 طیاروں سمیت 11 ہوائی جہازوں کو گراؤنڈ کر دیا کیونکہ ادارے کو شدید مالی بحران کا سامنا ہے۔پی پی آئی کے مطابق ذرائع کا کہنا ہے کہ 30 کے قریب طیاروں کو چلانے والی پی آئی اے کو فنڈز کی کمی کے باعث گزشتہ 3 سال سے اسپیئر پارٹس کی خریداری میں بھی شدید مشکلات درپیش ہیں۔ان میں سے 3 بوئنگ 777 طیاروں میں سے 2 کو 2020 میں اور ایک کو 2021 میں گراؤنڈ کیا گیا تھا، 5 اے-320 طیارے بھی گراؤنڈ کیے گئے ہیں جن میں سے 2 طیارے 2021 میں اور 3 طیارے 2023 میں گراونڈ کیے گئے، علاوہ ازیں پی آئی اے نے 3 اے ٹی آر طیارے بھی گراؤنڈ کیے جن میں سے پہلا 2020، دوسرا 2022 اور تیسرا 2023 میں گراونڈ کیا گیا۔پی پی آئی کے مطابق پی آئی اے کے بیڑے میں 31 طیارے شامل ہیں اس وقت بقیہ 20 طیاروں کے ساتھ فعال ہے اور فلائٹ آپریشن جاری ہے۔پی آئی اے کی ویب سائٹ کے مطابق 19 ممالک پر مشتمل پی آئی اے کا نیٹ ورک ایشیا، یورپ اور شمالی امریکا تک پھیلا ہوا ہے۔
تلاش کریں
خبریں
اے ٹی پی ٹینس : نوواک جوکووچ اور روجر فیڈرر سیمی فائنل پہنچ گئے
لندن: دفاعی چیمپئن نوواک جوکووچ اور سوئس سٹار روجر فیڈرر نے اے ٹی پی ورلڈ ٹور فائنلز کے سیمی فائنل میں جگہ بنا لی۔لندن میں جاری سیزن کے آخری اے ٹی پی ایونٹ میں سربین سٹار نوواک جوکووچ اور ارجنٹائن کے یوان مارٹن ڈیل پوٹرو مدمقابل ہوئے پہلے سیٹ میں فتح کے بعد جوکووچ کو دوسرے سیٹ میں ناکامی کا سامنا ہوا لیکن عالمی نمبر دو کووچ نے تیسرے سیٹ میں شاندارکم بیک کیا اور ارجنٹائنی حریف کو مات دیکر سیمی فائنل میں جگہ پکی کی۔جوکووچ کی فتح کا سکور چھ تین ، تین چھ اور چھ تین رہا۔گروپ بی ہی کے ایک اور میچ میں سابق عالمی چیمپئن روجر فیڈرر نے فرانسیسی حریف رچرڈ گیسکیٹ کو مات دی۔سوئس سٹار روجر فیڈرر کو سٹریٹ سیٹس میں چھ چار اور چھ تین سے کامیابی حاصل ہوئی۔
برازیل میں شیڈول فٹبال کنونشن کشیدہ صورتحال کے باعث منسوخ
ریو ڈی جنیرو(پی پی آئی)برازیل نے امن و امان کی بگڑتی صورتحال کے پیش نظر ریوڈی جنیرو میں ہو نے والے فٹبال کنونشن منسوخ کر دیا۔ فیصلہ ریو اور ساﺅ پالو میں تازہ ترین فسادات کے پیش نظر کیا گیا ہے جس نے اگلے سال جون میں ہونے والے فٹبال ورلڈ کپ پر سوالیہ نشان لگا دیا ہے۔
کولکتہ ٹیسٹ:بھارت کی ویسٹ انڈیز کیخلاف 51 رنز سے فتح
کولکتہ: بھارت نے کولکتہ ٹیسٹ میں ویسٹ انڈیز کو اننگز اور 51 رنز سے شکست دیکر سیریز میں ایک صفر کی برتری حاصل کر لی۔کولکتہ میں جاری سیریز کے پہلے ٹیسٹ میچ کا فیصلہ تیسرے دن ہی ہو گیا،میزبان بھارت نے چھ وکٹ پر 354 رنز کے ساتھ پہلی اننگز شروع کی تو ڈیبیو کھیلنے والے روہیت شرما ڈبل سنچری کا خواب دل میں سجائے 177 رنز کی شاندار ننگز کھیل کر پویلین لوٹ گئے۔روہیت شرما 124 رنز کے ساتھ دوسرے ٹاپ سکورر رہے،میزبان ٹیم نے ٹوٹل کو 453 تک پہنچاتے ہوئے 120 رنز کی برتری حاصل کی،مہمان ویسٹ انڈین ٹیم نے دوسری اننگز شروع کی تو انہیں مشکلات کا سامنا کرنا پڑا۔ ڈیرن سیمی 37 ، کیرون پاول 36 اور کرس گیل 33 رنز کے ساتھ ٹاپ سکورر رہے ،بھارت کی جانب سے محمد شامی نے پانچ ، ایشوین نے تین وکٹیں حاصل کیں۔
آل کراچی فیصل انوٹیشن فٹ بال ٹورنامنٹ کوارٹر فائنل مرحلے میں داخل
کراچی: ڈاکٹر محمد علی شاہ فٹ بال اسٹیڈیم لانڈھی میں جاری آل کراچی فیصل انو ٹیشن فٹ بال ٹورنامنٹ کوارٹر فائنل مرحلے میں داخل ہوگیا۔کوارٹر فائنل کے لیے کھیلے گئے پہلے میچ میں نور شہید فٹ بال کلب نے کورنگی مجاہد کو 4-0سے زیر کرکے، دوسرے میچ میں کراچی سٹی فٹ بال کلب نے اسلام مجاہد کورنگی کو 1-0سے شکست دے کر کوارٹر فائنل کھیلنے کا اعزاز حاصل کرلیا ،تیسر ے میچ میں اولڈ فائٹر نے 2-2گول سے برابری کے بعد پنالٹی ککس پر حسن بغداد کو 4-3سے ہرا دیا جبکہ چوتھے میچ میں کورنگی شہزاد فٹ بال کلب نے سخت مقابلے کے بعد نورانی اسٹار فٹ بال کلب کو 1-1گول سے برابری کے بعد پنالٹی ککس پر4-3سے شکست دیکر کوارٹر فائنل تک رسائی حاصل کی، میچوں میں ریفری کے فرائض سعید عالم ،نور الحق اور رحمت نے انجام دیا جبکہ میچ کمشنر رئیس اور عبداللہ تھے ۔
ایشز سیریز میں فلڈ لائٹس کے استعمال کیلئے آئی سی سی سے مدد طلب
لندن: انگلش اور آسٹریلیا کرکٹ بورڈ نے ایشز سیریز میں فلڈ لائٹس کے استعمال کے لیے آئی سی سی سے مدد مانگ لی۔دونوں کرکٹ بورڈز کا آسٹریلیا میں ہونیوالے ایشز سیریز میں فلڈ لائٹس کے استعمال کے لیے آئی سی سی کو خط ارسال کر دیا ہے۔ اس سے پہلے دو ہزار دس کی ایشز سیریز کے لیے آسٹریلوی کرکٹ بورڈ نے فلڈ لائٹس میں سیریز کروانے کی خواہش کا اظہار کیا تھا جسے انگلش کرکٹ بورڈ کی جانب سے مسترد کر دیا گیا تھا تاہم آسٹریلیا میں 1997 میں ہونیوالی ایشز سریز میں فلڈ لائٹس کا استعمال ہوا تھا۔ پانچ ٹیسٹ میچوں کی سیریز 21 نومبر سے برسبین میں شروع ہو رہی ہے۔
پی سی بی کا 23 ملازمین کے معاہدوں میں توسیع نہ کرنیکا فیصلہ
لاہور: پاکستان کرکٹ بور نے سابق کرکٹر عبدالقادر سمیت23ملازمین کے کنٹریکٹ میں توسیع نہیں کی۔پی سی بی کے نواسی ملازمین کے کنٹریکٹ 31اکتوبر 2013کو ختم ہو چکے تھے جن میں انتخاب عالم، عبدالقادر اور ہارون رشید جیسے سابق سابق کرکٹر کے نام شامل تھے۔ بورڈ نے66 ملازمین کے معاہدوں میں ایک ماہ کی توسیع کر دی ہے جب کہ عبدالقادر سمیت23 ملازمین کی چھٹی کر دی۔ عبدالقادر اسپن بولنگ کنسلٹنٹ کے طور پر کام کر رہے تھے۔ لیجنڈری اسپنر عبدالقادر نے چیئرمین پی سی بی کے انتخابات میں حصہ لینے کا اعلان بھی کیا ہے۔