ٹنڈو محمد خان: ہلڑی شاہ کے علاقے میر محمد ہالیپو ٹا میں ہاریوں کے تین گھروں کو آگ لگادی گئی ، گھریلو سامان مکمل طور پر جل کر راخ ہوگیا ۔ بلڑی شاہ کریم کے گاﺅں میر محمد ہالیپوٹو میں زمیندا کے کارندوں نے ہاریوں کے گھروں کو آگ لگا دی اورو اہل خانہ پر تشدد کیا جس کے باعث رمضان عرف کارو ملاح شدید زخمی ہوگیا ۔، متاثرہ ہاریوں نے بتایا کہ زمیندارون کے مسلح افراد ہمارے گھر میں گھس کر تشدد کا نشانہ بنایا اور ہمارے گھروں کو آگ لگادی جس کے باعث ہمارے گھروں میں موجود گھریلو سامان کپڑے ، راشن ودیگر سامان جل کر خاکستر ہوگیا ہمارے شور مچانے پر علاقے کے لوگ جمع ہوئے تو ملزمان فائرنگ کرتے ہوئے فرار ہوگئے، ہمارے بھائی رمضان عرف کارو ملاح کو شدید تشدد کا نشانہ بنایا جس کے باعث اس کی حالت تشویشناک ہوگئی جسے بلڑی شاہ کریم تعلقہ اسپتال پہنچایا گیا ہے ، پولیس ہماری رپورٹ درج کرنے کے بجائے ، ہمیں ہی دھمکیاں دے رہی ہے ،، اس موقع پر متاثرہ خاندان نے احتجاجی مظاہرہ بھی کیا اورچیف جسٹس آ ف پاکستان ، صدر پاکستان ، وزیر اعظم پاکستان ، وزیر اعلی سندھ سمیت تمام اعلیٰ حکام سے مطالبہ کیاکہ ہمیں انصاف فراہم کیا جائے اور ملزمان کیخلاف فوری کاروائی کی جائے ۔

ٹنڈو محمدخان:  ٹنڈومحمدخان میں بچوں کی لڑائی میں فائرنگ سے خاتوں جان بحق جبکہ دو بچے زخمی ہوگئے۔ ٹنڈو محمدخان کے علاقے بختاور کالونی میں روڈ پر بچوں کے کرکٹ کھیلنے کے تنازعہ پر مقامی دکان دارغفار خاصخیلی نے بچوں پر فائرنگ کر دی جس کے نتیجے میں 18سالہ لڑکا صدام سومرو اور پانچ سالہ بچہ وقاص زخمی ہوگئے جبکہ ایک راہ گیر خاتون 65سالہ مائی بچائی گولی لگنے کے باعث جاں بحق ہوگئی ، زخمیوں اور جاں بحق ہونے والی خاتون کو سول اسپتال ٹنڈومحمدخان پہنچایا گیا ، جبکہ 19سالہ لڑکے کی حالت تشویش ناک ہونے کے باعث اسے حیدرآباد منتقل کیا گیا ہے ، فائرنگ کرنے والے شخص غفار خاصخیلی نے ٹنڈومحمدخان پولیس اسٹیشن پہنچ کر خود کو پولیس کے حوالے کردیا ، جبکہ واقع کا تاحال مقدمہ درج نہ ہوسکا ہے ، دوسری جانب مشتعل افراد نے فائرنگ کرنے والے شخص کی دکان کو آگ لگادی ۔

ٹنڈومحمدخان:  ٹنڈو محمد خا ن کی یونین کو نسل سعید پور میں آگ لگنے سے سات گھر جل کر راکھ ہو گئے ۔ ٹنڈومحمدخان کی یونین کونسل سعید پور کے گاﺅں اصغر علی کنڈانی میں اچانک آگ لگنے کے باعث علی اصغر کنڈانی ، علی داد کنڈانی ، محمد حسن کنڈانی ، میر حسن کنڈانی ،اللہ داد کنڈانی ، بھائی خان کنڈانی ودیگر کے سات گھر جل کر راخ کا ڈھیر بن گئے گھر میںموجود لاکھوں روپے مالیت کا سامان ، اناج ، کپڑے ، مویشی ودیگر سامان بھی جل گیا۔

میلبورن: سابق آسٹریلوی فاسٹ بولر بریٹ لی دوسری دفعہ شادی کے بندھن میں بندھ گئے۔ بریٹ لی نے سیفورتھ میں واقع اپنے نئے گھر میں ایک تقریب کاا ہتمام کیااور اپنی گرل فرینڈ لے نا اینڈرسن سے شادی کے بندھن میں بندھ گئے۔ بریٹ لی اس سے پہلے 2006میں الزیبتھ کیمپ نامی خاتون سے رشتہ ازدواج میں منسلک ہوئے تھے تاہم 2008میں دونوں میں علیحدگی ہوئی ، جن سے دونوں کا ایک بیٹاجس کا نام پرسٹن ہے۔بریٹ لی اور لینا اینڈرسن کی دوستی 2013کے اوائل میں ہوئی تھی، جبکہ لینا اینڈرسن کے حوالے سے معلوم ہواہے کہ وہ اس سے پہلے 2012میں لیگ اسٹار بریتھ اناسٹا کے ساتھ ناکام شادی کا تجربہ کر چکی ہیں۔