کراچی (پی پی آئی)پراسٹیٹ کینسر کے علاج میں طبی سائنس میں بڑی کامیابی سامنے آئی ہے جس کے بعد توقع کی جا رہی ہے کہ اس حوالے سے ہونے والی تحقیق کے نتیجے میں یہ معلوم کرنے میں مدد ملے گی کہ مرض دواوں کے خلاف کس طرح مزاحمت کرتا ہے اور اس پر کس طرح قابو پایا جاسکتا ہے۔ پی پی آئی کے مطابق ریسرچرز ابتدائی کلینیکل ٹرائل میں کینسر کی جانب سے خون کے سفید خلیوں کو ہائی جیک کرنے کیلئے جاری کئے جانے والے پیغامات روکنے کیلئے مختلف دواوں کو استعمال کیا۔ ان دواوں نے کینسر کے ایڈوانسڈ مرحلے میں اس پر کنٹرول کیا اور ٹیومرز مزید نہ بڑھنے یا سکڑنے پر مجبور کردیا۔ ریسرچرز کا کہنا ہے کہ اس عمل سے ظاہر ہوا کہ خون کے سفید خلئے کینسر کے بڑھنے میں مددگار ہوتے ہیں اور اگر ان کو ٹارگٹ کیا جائے تو مرض کی جانب سے مزاحمت ختم ہوجاتی ہے، ٹیومر کے بڑھنے کا عمل سست پڑ جاتا ہے۔ یہ تحقیق کرنے والی ٹیم کینسر ریسرچ انسٹی ٹیوٹ لندن، رائل مارسڈین این ایچ ایس فاونڈیشن ٹرسٹ اور آنکولوجی ریسرچ انسٹی ٹیوٹ سوئٹزرلینڈ پر مشتمل تھی۔ کینسر ریسرچ انسٹی ٹیوت کے تجرباتی کینسر میڈیسن انسٹی ٹیوٹ کے پروفیسر جوہن ڈی بونو کا کہنا ہے کہ اس ریسرچ سے پہلی دفعہ یہ ثابت ہوا ہے کہ کینسر کو ٹارگٹ کرنے کے بجائے خون کے سفید خلیوں کو ٹارگٹ کر کے مرض کے پھیلاو کو روکنا ممکن ہے، اس سے ٹیومر سکڑ جاتے ہیں اور مریض کو آرام ملتا ہے۔۔ یہ اسٹڈی ریسرچرز کی کم وبیش ایک عشرے کی کوششوں کا نتیجہ ہے۔ پروفیسر اندریا ایلی مونٹی کا کہنا ہے کہ اب ریسرچرز کی ٹیم کلینیکل ٹرائل شروع کرنے کا منصوبہ بنا رہی ہے۔ پراسٹیٹ کینسر یوکے کے ڈائریکٹر ریسرچ ڈاکتر ماتھیو ہوبس کا کہنا ہے کہ ان نتائج سے انھیں بہت خوشی ہوئی ہے۔
تنخواہیں نہ ملنے پر جناح پوسٹ گریجوئٹ کے ُطلباءکا پریس کلب کے باہر احتجاجی مظاہرہ
سابق بھارتی کر کٹرز کا دھونی سے استعفیٰ کا مطالبہ
بگ تھری نے پاکستان کو بگ فور کی دعوت دی تھی : نجم سیٹھی
باکسنگ چمپئین شپ : جاپان کے اکیرا یا گشی کامیاب
آئی سی سی ٹی ٹوئنٹی رینکنگ: سری لنکا نے بھارت سے پہلی پوزیشن چھین لی
آئی سی سی ورلڈ ٹی ٹوئنٹی 2014ءٹیم آف دی ٹور نامنٹ کا اعلان
تازہ ترین خبریں
- April 25, 2026
- April 22, 2026
- April 22, 2026
اشتہار
تازہ ترین
کشمیریوں کو بھارتی جبر کا سامنا،خاتمہ کیلئے عالمی ادارے سامنے آئیں:مشعال ملک
راولپنڈی (پی پی آئی) وزیر اعظم کی مشیر برائے انسانی حقوق مشعال حسین ملک نے کہا ہے کہ کشمیریوں کو بھارتی تسلط کی صورت میں جس جبر کا سامنا ہے اس خاتمہ میں عالمی ادارے سامنے آئیں۔پی پی آئی کے مطابق انہوں نے کہا کہ بھارتی حکومت مقبوضہ کشمیر میں انسانیت کے خلاف سنگین جرائم میں ملوث ہے جبکہ اسرائیل بھی فلسطین میں انسانی حقوق کی سنگین خلاف ورزیاں کر رہا ہے۔انہوں نے کہا کہ بھارتی ریاستی دہشت گردی کے باوجود کشمیریوں کے حوصلے بلند ہیں اور وہ شہداکے مشن کو اسکے منطقی انجام تک پہنچانے کیلئے پر عزم ہیں۔
بجلی کے بلوں سے بے روزگاری کے بحران میں مزید اضافہ
بھاولپور(پی پی آئی)بجلی کے بلوں میں اضافہ اورہوشربا مہنگائی کے باعث کاروبار تباہی کنارے متوسط طبقہ کا دلوالیہ نکل گیا، یومیہ اجرت پیشہ محنت کش پریشان ہیں جبکہ سفید پوش طبقہ پارٹ ٹائم ملازمت کے باوجود گھریلو اخراجات پورے نہیں کر پارہا، پی پی آئی کے مطابق بجلی کے بلوں میں اضافہ اور مختلف ٹیکسز کی وجہ سے انڈسٹریز کے چھوٹے یونٹ بند ہوچکے ہیں جس کی وجہ سے بے روزگاری کے بحران میں مزید اضافہ ہواہے۔
معروف کمپیئر دلدار پرویز بھٹی کی 30ویں برسی 30اکتوبر کومنائی جائے گی
لاہور(پی پی آئی) پنجابی کے معروف کمپیئر و کالم نگار دلدار پرویز بھٹی کی 30ویں برسی 30اکتوبر کومنائی جائے گی۔دلدار پرویز بھٹی 1946 میں شہر امرتسر میں پیدا ہوئے انہوں نے اپنے فنی کیرئیر کا آغاز1975میں پی ٹی وی کے معروف پروگرام ٹاکرا سے کیا جوکہ بعد میں میلہ اور پنجند کے نام سے بھی نشر ہوتا رہا ہے انہوں نے ریڈیو پاکستان میں بھی بطور کمپیئر خدمات انجام دیں۔دلدار پرویز بھٹی نے بطور معاون اداکار اردو اور پنجابی کی 12سے زائد فلموں میں کام کیا۔وہ ممتاز کالم نگار بھی تھے۔دلدار پرویز بھٹی بنیادی طور پر ایک استاد تھے شوبز ان کا پارٹ ٹائم شوق تھا۔دلدار پرویز بھٹی عمران خان کے شوکت خانم میموریل ہسپتال کیلئے فنڈ ریزنگ کے سلسلے میں امریکہ گئے ہوئے تھے جہاں وہ دماغ کی شریان پھٹنے سے انتقال کر گئے ان کی وفات 30اکتوبر 1993کو ہوئی تھی۔
تلاش کریں
خبریں
تنخواہیں نہ ملنے پر جناح پوسٹ گریجوئٹ کے ُطلباءکا پریس کلب کے باہر احتجاجی مظاہرہ
کراچی: جناح پوسٹ گریجویٹ سینٹر کے طلباءکی جانب سے 6 ماہ کی تنخواہیںنہ ملنے پر کراچی پریس کلب کے باہر احتجاجی مظاہرہ کیاگیا۔طلباءکا کہنا تھا کہ پانی اور تحفظ جیسے بنےادی ضرورےات نہ ملنے کے با وجودوہ اپنے فرائض سر انجام دے رہے ہیں۔ ان کے مطابق ہمارے وظائف روکنے کے ذمہ داری سیکرٹری صحت سندھ ڈاکٹر اقبال درانی ا ور اے ،جی سندھ پرعائد ہوتی ہے۔اس سے پہلے بھی ہماری تنخوہیں روکی گئی تھیں جو بھر پور احتجاج کے بعد جاری کر دی گئیں ۔طلبہ نے وزےر اعلیٰ قائم علی شاہ ، گورنر سندھ عشرت العباد سمیت تما م اعلیٰ حکام سے فوری طورپر مطالبات پورے کرنے کی درخواست کی ۔ طلباءکا کہنا تھا کہ اگر 24 گھنٹوں کے اندر مطالبات تسلیم نہ ہوئے تو اوپی ڈیز سمیت تمام محکموںپر کام بند کرتے ہوئے کراچی پریس کلب کے باہر احتجاج جاری رکھےںگے۔
سابق بھارتی کر کٹرز کا دھونی سے استعفیٰ کا مطالبہ
نئی دہلی: بھارت کے سابق کرکٹرز نے ٹی 20 ورلڈ کپ کے فائنل میں سری لنکا کے ہاتھوں شکست کے بعد کپتان مہندرا سنگھ دھونی سے مستعفی ہونے کا مطالبہ کردیا۔سابق کھلاڑیوںونود کامبلی، سارو گنگولی، اظہرالدین، نوجوت سنگھ سدھو، پربھارکر، کپیل دیو کا کہنا ہے کہپورے ٹورنامنٹ میں ناقابل شکست رہنے والی بھارتی ٹیم سے فائنل میں اس سے اس طرح کی کارکردگی کا وہم و گمان بھی نہیں تھا۔ ایسا لگ رہا تھا کہ بھارتی ٹیم کسی منصوبہ بندی کے تحت گراﺅنڈ میں نہیں اتری بلکہ وہ پہلے ہی شکست خوردہ ذہن کی ساتھ میدان میں آئی۔ بھارتی کرکٹ بورڈ کو اس شکست کے بعد اپنی ٹیم کے بارے میں سنجیدگی سے سوچنا ہوگا۔ بہتر یہی ہے کہ دھونی کو کپتانی سے ہٹاکر ویرات کوہلی یا کسی اور کو یہ ذمہ داری سونپی جائے۔
بگ تھری نے پاکستان کو بگ فور کی دعوت دی تھی : نجم سیٹھی
لاہور: چئیرمین پی سی بی نجم سیٹھی نے کہاہے کہ کرکٹ کے بگ تھری ممالک نے پاکستان کو بگ فور بنانے کی دعوت دی تھی لیکن سابق انتظامیہ نے انکار کر کے ملک کا نقصان کیا۔ دبئی میں آئی سی سی کے اجلاس میں شرکت کے لیے روانگی سے قبل لاہور ائرپورٹ پر میڈیا سے گفتگو کرتے ہوئے نجم سیٹھی کا کہنا تھا کہ2020ءتک بھارت کے علاوہ تمام ممالک سے دورے طے ہو چکے ہیں۔ ملکی کرکٹ کے فروغ کے لیے بھارت سے کرکٹ کی بحالی بہت ضروری ہے، جس کے بغیر پیسہ نہیں بن سکتا۔ انھوں نے کہا کہ بگ تھری کا منصوبہ ان کے سامنے بنا پاکستان کو بگ فور کی پیش کش کی گئی تھی لیکن میرے بعد آنے والی انتظامیہ نے اسے رد کر دیا۔ بگ فور بنتا تو پاکستان کو ہر صورت میں بہت فائدہ ہوتا۔ اب آئی سی سی کو پاکستان کی کوئی ضرورت نہیں رہی۔ ان کا کہنا تھا کہ حفیظ نے کپتانی چھوڑ کر اچھی مثال قائم کی ہے نئے کپتان کی سلیکشن میں ابھی بہت وقت ہے، ٹیم سلیکشن میں کسی قسم کی سفارش برداشت نہیں کروں گا۔ نجم سیٹھی نے کہا کہ میں خود جائزہ لے کر کپتان اور کوچ کا انتخاب کروں گا۔ ٹیم میں کسی قسم کی گروپ بندی نہیں ، حفیظ اور مصباح کی قیادت میں ٹیم متحد رہی۔
باکسنگ چمپئین شپ : جاپان کے اکیرا یا گشی کامیاب
ٹوکیو: جاپان میں منعقد باکسنگ کے مقابلے میں جاپانی باکسر آکیرا یاگشی نے زبردست مقابلے کے بعد میکسیکو کے باکسر کو شکست دے دی۔جاپان کے دارالحکومت ٹوکیو میں ہونے والے باکسنگ مقابلے میں ورلڈ باکسنگ کونسل کے فلائی ویٹ چیمپئن جاپان کے اسٹار باکسر آکیرا یاگشی نے ایک شاندار مقابلے کے بعد اپنے حریف باکسر میکسیکوکے اوڈیلون زلاتا کو شکست دے کر فتح اپنے نام کی۔ اس موقع پر مقابلے میں ورلڈ باکسنگ کونسل کے چیئرمین موریشو سلیمان بھی موجو د تھے، موریشو نے مقابلے کو سپروائز کیا۔ چیلنج مقابلے میں جاپان کے باکسر آکیرا یاکشی نے مقابلے میں اپنے حریف میکسیکن باکسر اوڈیلون پر تابڑ توڑ حملے کئے اور پوائنٹس ٹیبل پر زیادہ پوائنٹ حاصل کئے۔ دونوں باکسرز نے انتہائی زبردست کھیل پیش کیا لیکن ریفریز کے فیصلے کے مطابق جاپانی باکسر اکیرا یاگشی کو مقابلے کافاتح قرار دیا گیا ۔
آئی سی سی ٹی ٹوئنٹی رینکنگ: سری لنکا نے بھارت سے پہلی پوزیشن چھین لی
دبئی: آ ئی سی سی نے ٹی ٹوئنٹی کی تازہ رینکنگ جاری کر دی ، سری لنکا نے بھارت سے ورلڈ کپ کے ساتھ ساتھ پہلی پوزیشن بھی چھین لی،پاکستان تیسری پوزیشن میں پہنچ گیا۔آئی سی سی کی جانب سے جاری کردہ ٹی ٹوئنٹی رینکنگ میں سری لنکا 133 پوائنٹس کے ساتھ پہلے نمبر پر آ گیا انفرادی کار کردگی میں ویرات کوہلی نے کیرئر کی بہترین رینکنگ حاصل کر لی ۔ بھارت ایک درجہ تنزلی کے ساتھ دوسرے نمبر پرا ٓگیا۔ پاکستان کی 120 پوائنٹس کے ساتھ تیسری پوزیشن برقرار ہے۔ کھلاڑیوں کی انفرادی درجہ بندی میں آسٹریلیا کے ارون فنچ بیٹنگ میں سرفہرست ہیں، ٹی ٹوئنٹی کپ میں بہترین کھلاڑی کا اعزاز پانے والے بھارت کے ویرات کوہلی ایک درجہ ترقی کر کے دوسری پوزیشن پر پہنچ گئے ہیں، پاکستان کے احمد شہزاد تین درجے ترقی کے ساتھ آٹھویں نمبر جبکہ عمر اکمل 18 ویں پوزیشن پر پہنچ گئے۔ بھارتی بلے باز یوراج سنگھ 6 درجے تنزلی کے بعد 12ویںنمبر پر پہنچ گئے۔ بولنگ فہرست میں سعید اجمل کی تیسری پوزیشن برقرار ہے۔ ویسٹ انڈیز کے بولر سیموئل بدری پہلی اور سنیل نارائن دوسری پوزیشن پر موجود ہیں، شاہد آفریدی اور محمد حفیظ کی 9 ویں پوزیشن ہے۔ آل راونڈرز کیٹیگری میں محمد حفیظ کا پہلی پوزیشن پر قبضہ برقرار ہے شاہد آفریدی ایک درجہ بہتری کے ساتھ چوتھے نمبر پر ہیں۔
آئی سی سی ورلڈ ٹی ٹوئنٹی 2014ءٹیم آف دی ٹور نامنٹ کا اعلان
ڈھاکا: آئی سی سی نے ٹی ٹوئنٹی ورلڈ کپ 2014ءکی ٹیم آ ف دی ٹورنامنٹ کا اعلان کر دی۔ آئی سی سی ایلیٹ پینل کے ایمپائر ڈیوڈ بون کی سر براہی میں ایمپائر مارئیس ایراسموس ، سابق پاکستانی کپتان وسیم اکرم ، ناصر حسین ، آئی این بشپ اور اتھپال شیوورو پر مشتمل جیوری نے ورلڈ ٹیم مینز اور وومنز آف ٹی ٹوئنٹی 2014کا اعلان کر دیا ۔منز ٹیم آف ٹی ٹوئنٹی میںبھارتی کپتان مہندرا سنگھ دھونی کو ورلڈ الیون کا کپتان مقرر کر دیاگیا ،ٹیم میں بھارت کے چار کھلاڑی ، جنوبی افریقا اور ویسٹ انڈیز کے دو دو جبکہ آسٹریلیا ،نیدرلینڈ اور سری لنکا سے ایک ایک کھلاڑی کا انتخاب کیا گیاہے۔ خواتین ٹیم کی کپتانی انگلینڈ کی سی ایڈورڈز کو دی گئی ہے۔ دیگر کھلاڑیوں میں ورلڈ چمپیئن آسٹریلیا کی دو ، انگلینڈ کی چار،ویسٹ انڈیز کی دواور نیوزی لینڈ، بنگلہ دیش اور بھارت کی ایک کھلاڑی کو ورلڈ ٹی ٹوئنٹی ٹیم آف 2014ءمیں شامل کر لیاگیا ہے۔