حیدرآباد: پانی و بجلی کے وزیر مملکت عابد شیر علی نے کہا ہے کہ واپڈا کے غیر منافع بخش و بیمار اداروں کی نج کاری لازمی کی جائے گی‘بجلی چوروں کے خلاف بلاامتیاز آپریشن کیا جارہا ہے ‘ اراکین اسمبلی تعاون کریں ۔ عابد شیر علی نے کہاکہ حکومت لوڈ شیڈنگ پر قابو پائے گی ،عوام کنڈا سسٹم کے خلاف ہمارا ساتھ دیں ‘ تھر میں لوڈ شیڈنگ ختم اورسبسڈی بھی دی جائے گی‘گدو تھرمل پاور 242میگا واٹ بجلی شامل کردی گئی ہے ‘حیسکو کے نااہل افسران کے خلاف ابتدائی کاروائی بھی کی گئی ہے ۔وزیر مملکت عابد شیر علی نے حیسکو حیدرآباد کے اعلیٰ سطحی اجلاس کے بعد پریس کانفرنس سے خطاب کیا اس موقع پر حیسکو چیف سلم جاٹ اور دیگر افسران بھی موجود تھے انھوں نے دو ٹوک الفاظ میں کہا کہ حکومت پانی و بجلی کے انھی اداروں کی نج کاری کرے گی جو بیمار اور غیر منافع بخش ہیں انہوں نے کہاکہ واپڈا کے ملازمین کی یونینوں کے رہنما ں کو بھی اعتماد میں لیا جائے گا وہ مخالفت نہیں کریں گے، انہوں نے کہاکہ حیسکو میں بجلی کا خسارہ بدستور موجود ہے اگرچہ ملک کے چاروں صوبوں کی بجلی کمپنیاں خسارے پر چل رہی ہیں لیکن جہاں جہاں بھی بجلی چوری ہو رہی ہے وہاں ہم سخت قدم اٹھار ہے ہیں بجلی چوروں کے خلاف ایف آئی آر درج کرکے انہیں جیل بھیجا جائے اور واپڈا کے وہ ملازمین جو چوری میں ملوث ہیں ان کے خلاف بھی کاروائی کی جائے گی انہوں نے کہاکہ میں نے بجلی چوری کے مقامات کے اعداد و شمار ثبوت کے ساتھ جمع کرلیے ہیں انہوں نے بتایا کہ حیسکو کے اجلاس میں لائن لاسسز اور کنڈا سسٹم پر تفصیلی غور کے بعد فوری طور پر میں نے ایکسی این میر پور خاص سید خالد حسین ‘ ایس ڈی او ٹنڈو الہیار ‘ ون اور ٹو سب ڈویژن ‘ عبدالستار چنہ ‘ایس ڈی او نوری آباد ( ضلع جام شورو ) شیر محمد اور ایس ڈی او سامارو( ضلع میر پور خاص ) کو معطل کردیا ہے اسی طرح ایس ڈی او پیر آباد میر پور خاص اور ایس ڈی او علامہ اقبال سب ڈویژن حیدرآباد کے خلاف بھی کاروائی کی گئی ہے انہوں نے اسکی تفصیل بتاتے ہو ئے کہاکہ ان علاقوں میں 80سے93فیصد تک بجلی چوری ہو رہی ہے ، انہوں نے کہاکہ جن علاقوں میں 90فیصد بجلی چوری ہو رہی ہے وہاں اگر ایک گھنٹہ بجلی بند رکھی جائے تو قومی خزانہ کو 10لاکھ روپے کا فائدہ ہو گا انہوں نے کہاکہ ہم نے فیصلہ کیا ہے کہ جن سب ڈویژن میں بجلی چوری ہو گی وہاں لوڈ شیڈنگ بھی ختم نہیں ہو گی اور عین ممکن ہے کہ ہم وہاں صد فی صد لوڈ شیڈنگ کریں جبکہ موسم گرما میں بھی ملک میں 6تا 8گھنٹہ لوڈ شیڈنگ بھی جاری رہے گی انہوں نے کہاکہ سندھ میں پی پی کے ایم این ایز میر منور تالپور‘ پیر شفقت علی شاہ جیلانی ‘ ملک اسد سکندر ‘ غلام مصطفی شاہ ‘ عبدالستار بچانی ‘ ڈاکٹر فہمیدہ

کراچی: پاکستان ٹیلی کمیونیکیشن کمپنی لمیٹڈ ( پی ٹی سی ایل ) نے ماحول کے تحفظ اور حفاظت کے بارے میں آگاہی پیدا کرنے کیلئے مارگلہ کی پہاڑیوں پرایکو ہائیک اور شجر کاری مہم کا اہتمام کیا ۔اس تقریب کا اہتمام کمپنی کی کی کارپوریٹ سوشل ریسپو نسیبلیٹی پو لیسی کے تحت کیا گیا ہے۔ایکوہائیک کے ذریعے اپنے ماحول کو صاف رکھنے اورپاکستان کو درپیش اہم ماحولیاتی مسائل کے بارے میں عوام الناس اور ملازمین میں شعور اجاگر کیا گیا ۔اقراء، فاسٹ اور بحریہ یونیورسٹی سمیت مختلف جامعات کے طلبہ اور فیکلٹی ارکان نے بھی اس سما جی مہم میں حصہ لیا ۔ پی ٹی سی ایل ملازمین اور طلبہ پرمشتمل 230ہائیکرز نے ماحول کو صاف رکھنے کی اس مہم میں حصہ لیا جو ٹریل 3 اور 5پر مارگلہ پہاڑیوں کے دامن سے شر وع ہو ئی اور پیر سوہاوہ کے دلکش مقام پر اختتام پذیر ہوئی ۔ شرکاءنے اپنے ماحول کو صاف اور گندگی سے پاک رکھنے کی ضرورت کے بارے میں عوام الناس میں شعو ر ا جا گر کرنے کے پیش نظر ٹر یکس سے کوڑا کرکٹ بھی اکٹھا کیا ۔ا س موقع پر سی ڈی اے کے تعاون سے شجر کاری مہم کا بھی آغاز کیا گیا ۔ پی ٹی سی ایل کے سی ایچ آر او سید مظہر حسین کی سربراہی میں پی ٹی سی ایل کے اعلیٰ افسران نے اس مہم میں حصہ لیا اور مارگلا کی پہاڑیوں پر چیڑ کے پودے بھی لگائے ۔پی ٹی سی ایل کے سی ایچ آر او سید مظہر حسین نے اس مو قع پر پی ٹی سی ایل کی سی ایس آر پالیسی کے تحت شروع کی جانے والی مختلف سماجی ذمہ داری کی سرگرمیوں جن میں ضرورت کی گھڑی میں اپنے ساتھی ہم وطنوں کو ریلیف فراہم کرنا ، موبائل میڈیکل کیمپ قائم کرنا ، ہسپتالوں کو آلات اور سپلائیز فراہم کرنا شامل ہیں کے با رے میںآ گا ہ کیا ۔ انھوں نے خاص طور پر انٹرن شپ پروگرام کا ذکر کیا جس کے تحت انجینئرنگ ، بزنس اور فنانس کے شعبوں میں 500گریجویٹس کو ایک سال کیلئے پی ٹی سی ایل کے مختلف اداروں میں غیر معمولی تجربہ حاصل کرنے اور ڈویلپمنٹ کے مواقع فراہم کئے گئے ہیں ۔ انھوں نے مستقبل میں بھی ایسی سرگرمیوں کو برقرار رکھنے کے عزم کا اظہار کیا تاکہ پی ٹی سی ایل ملک کی سماجی اور اقتصادی خدمات میں اپنا کردار ادا کرتارہے ۔ ایکو ہائیک اور شجر کا ری مہم کے اختتام پر ماہرماحولیات ڈاکٹر محمد حنیف نے قدرتی ماحول کی حفاظت کرنے کی ضرورت اور بنی نوع انسان کے اجتماعی فائدے کیلئے اس کا تحفظ کر نے کی ضرورت کی وضاحت کی ۔