ریو ڈی جنیرو: عالمی نمبر ایک رافیل نڈال اور ٹومی روبرڈو ریو اوپن ٹینس ٹورنامنٹ کے کوارٹر فائنل میں پہنچ گئے۔برازیل کے شہر ریو ڈی جنیرو میں جاری ٹینس ٹورنامنٹ کے دوسرے راونڈ میں سپینش سٹار رافیل نڈال ہم وطن کھلاڑی البرٹو مونٹنس کے خلاف ان ایکشن ہوئے۔دفاعی چیمپئن رافیل نے البرٹو کو ایک گھنٹے اور چودہ منٹ کے مقابلے کے بعد شکست دی،رافیل نڈال کواسٹریٹ سیٹ میں چھ ایک اور چھ دو سے کامیابی حاصل ہوئی۔سنگلز ایونٹ کے ایک اور میچ میں اسپین ہی کے ٹومی روبرڈو نے سربیا کے دوسان لاجووک کو دلچسپ مقابلے کے بعد شکست دی۔روبرڈو کی فتح کا سکور چھ دو اور چھ ایک رہا ،سپینش کھلاڑی ریو اوپن کے کوارٹر فائنل میں پہلی بار جگہ بنانے میں کامیاب ہوئے۔دیگر میچز میں اٹلی کے فیبیو اوریوکرائن کے الیکزینڈر بھی کامیابی حاصل کر کے کوارٹر فائنل میں پہنچے۔

پورٹ الزبتھ: جنوبی افریقہ کرکٹ ٹیم کے اوپننگ بلے باز پیٹرسن کی وائرل انفیکشن میں مبتلاءہونے کے بعد آسٹریلیا کیخلاف دوسرے ٹیسٹ میں شرکت مشکوک ہوگئی۔ اطلاعات کے مطابق جنوبی افریقی کرکٹ ٹیم کے بلے باز پیٹرسن کا حال ہی میں طبی معائنہ کروایا گیا تھا۔ میڈیکل رپورٹس کے مطابق پیٹرسن وائرل انفیکشن میں مبتلاءہوگئے ہیں اور وہ آسٹریلیا کیخلاف دوسرے ٹیسٹ میں حصہ نہیں لے سکیں گے۔ ان کی جگہ نوجوان وکٹ کیپر بلے باز کوسٹن ڈی کوک کو شامل کیا گیا ہے تاہم تیسرے اور آخری ٹیسٹ میں ان کی شرکت فٹنس سے مشروط ہوگی۔

روم: فیفا ورلڈ کپ 2014کی ٹرافی عالمی سفر کے دوران اٹلی میں پہنچ گئی ۔دلکش رنگوں سے سجا جہاز 9ماہ طویل ورلڈ ٹور کے دوران ٹرافی کو فیفا کے تمام 6کنفیڈریشنز میں لے کر جارہا ہے ۔ جہاز کا استقبال کرنے والوں میں اے سی میلان کے مڈفیلڈر گیناروگاٹوسو بھی شامل تھے جو 2006کے فیفا ورلڈ کپ کی فاتح اطالوی ٹیم کے اہم کھلاڑی تھے۔