ریاض(پی پی آئی) او آئی سی جنرل سیکرٹریٹ نے غزہ میں اسرائیلی فوج کی جارحیت کی مذمت کا اعادہ کیا ہے جس میں سینکڑوں فلسطینی شہید اور زخمی ہوچکے ہیں۔او آئی سی نے اسرائیل کو بین الاقوامی قراردادوں کو نظر انداز کرنے کا ذمہ دار ٹھہرایا ہے،او آئی سی نے عالمی برادری خصوصا اقوام متحدہ کی سلامتی کونسل سے اپیل کی کہ وہ اسرائیلی جارحیت بند کرائے۔فلسطینی عوام کو بین الاقوامی تحفظ فراہم کرنے اور اسرائیل کا غاصبانہ قبضہ ختم کرانے کے لیے ٹھوس کردار ادا کرے اور خود مختار فلسطینی ریاست کے قیام اور مشرقی القدس کو اس کا دارالحکومت بنانے کے سلسلے میں اقدامات کیے جائیں۔او آئی سی نے سلامتی کونسل سے کہا کہ وہ عرب امن فارمولے اور بین الاقوامی قرارداوں کے مطابق دو ریاستی حل کے تصور کی بنیاد پر جامع اورمنصفانہ امن قائم کرائے۔
فٹبال کی عالمی رینکنگ، پاکستان کی 7 درجے ترقی، 165واں نمبر
پی سی بی کی موجودہ مینجمنٹ کمیٹی غیر آئینی ہے : عامر سہیل
چار ماہ تک پی سی بی کا چیئرمین رہوں گا :نجم سیٹھی
مچل جانسن کو ٹیسٹ کیرئیر کی 250وکٹوں کی تکمیل کیلئے ایک وکٹ درکار
نجیب عامر ٹی ٹوئنٹی ورلڈکپ کےلئے ہانگ کانگ اسکواڈ میں شامل
ٹی ٹوئنٹی ورلڈ کپ کیلئے 14رکنی سری لنکن ویمن اسکواڈ کا اعلان
تازہ ترین خبریں
- April 22, 2026
اشتہار
تازہ ترین
دنیابھرکے بدھ اور جین و سکھ یاتریوں کیلئے سندھ میں سیاحتی پروگرام شروع کرنے کا فیصلہ
کراچی (پی پی آئی) محکمہ سیاحت سندھ نے دنیا بھر میں آباد بدھ اور جین و سکھ مت کے یاتریوں کے لیے سندھ میں بین الاقومی ٹورازم پروگرام شروع کرنے کا فیصلہ کیا ہے،پی پی آئی کے مطابق اس پروگرام کے تحت کینیڈا، امریکہ، برطانیہ اور یورپ کے بدھ اور جین و سکھ یاتریوں کو عبادت گاہوں کی زیارتوں کے لیے خصوصی پیکج دیا جائے گا۔
ن لیگ اور دیگر سیاسی جماعتیں آج یوم سیا ہ منا ئیں گی
کراچی (پی پی آئی)مسلم لیگ ن سمیت دیگر سیاسی جماعتوں کی جانب سے12اکتوبر کو یوم سیا ہ منانے کا اعلان کیا گیا ہے۔پی پی آئی کے مطابق12اکتوبر1999کو جنرل (ر)پرویز مشرف کی جانب سے منتخب وزیراعظم میاں نواز شریف کی حکومت کا تختہ الٹ کر اقتدار پر قبضہ کرنے کے واقعہ کے خلاف مسلم لیگ (ن) اوردیگر سیاسی جماعتیں یوم سیاہ منائیں گی۔ اس حوالے سے سمیت ملک بھر میں تقریبات منعقد ہوں گی، پارٹی دفاتر پر سیاہ جھنڈے لہرائے جائیں گے اورسیاسی کارکن بازوؤں پر سیاہ پٹیاں باندھ کر ریلیاں اور مظاہرے اور احتجاج کریں گے۔
دسمبر31 کو ختم ہونے والی سہ ماہی کیلئے نیلامی کا ہدف جاری
کراچی(پی پی آئی) اسٹیٹ بینک آف پاکستان نے 31 دسمبر 2023 کو ختم ہونے والی سہ ماہی کے لیے نیلامی کا ہدف جاری کر دیا ہے۔اس مدت کے لیے سات نیلامیوں کا ہدف 7905 ارب روپے رکھا گیا ہے۔پی پی آئی کے مطابق بتایا گیا ہے کہ یہ رقم 3 ماہ، 6 ماہ اور ایک سال کے ٹریژری بلوں کی فروخت سے حاصل کی جائے گی۔اس مدت کے دوران میچور ہونے والی رقم 8948 ارب روپے ہے۔ 18 اکتوبر کو ہونے والی دوسری نیلامی کا ہدف 900 ارب روپے ہے۔
تلاش کریں
خبریں
فٹبال کی عالمی رینکنگ، پاکستان کی 7 درجے ترقی، 165واں نمبر
(February 15, 2014)
زیورخ: فٹبال کی عالمی رینکنگ میں پاکستان 7 درجے ترقی کر کے 165 ویں نمبر پر آ گیا۔ فٹبال کی عالمی تنظیم فیفاکی طرف سے جاری رینکنگ کے مطابق پاکستان اب 165ویں نمبر پر پہنچ گیا۔ گزشتہ ماہ گرین شرٹس کا نمبر 172 واں تھا۔ ایشیائی زون میں پاکستان انہی سات پوائنٹس کی ترقی کے ساتھ36ویں نمبر پر آ گیا ہے۔ بنگلہ دیش کی 35 پوزیشن ہے جبکہ تین درجے پار کرنے والے نیپال کا 37 واں نمبر ہے۔ عالمی رینکنگ میں ورلڈ کپ چیمپئن اسپین کا پہلا نمبر ہے۔ جرمنی دوسرے اور ارجنٹائن تیسرے نمبر پر ہے۔
پی سی بی کی موجودہ مینجمنٹ کمیٹی غیر آئینی ہے : عامر سہیل
(February 15, 2014)
لاہور: قومی کرکٹ ٹیم کے سابق کپتان عامر سہیل نے نجم سیٹھی کی سربراہی میں قائم پی سی بی کی مینجمنٹ کمیٹی کو غیر آئینی قرار دیتے ہوئے کہا ہے کہ معزول چیئرمین ذکاءاشرف سمیت تحلیل ہونے والے گورننگ بورڈ کے ارکان اس اقدام کو جلد چیلنج کریں گے۔ خصوصی بات چیت کرتے ہوئے عامر سہیل نے کہا کہ انہیں معزول چیئرمین ذکاءاشرف نے چیف سلیکٹر اور گیمز اینڈ ڈیویلپمنٹ کے عہدوں پر تعینات کیا تھا۔نجم سیٹھی اینڈ کمپنی نے انہیں ان عہدوں سے ہٹانے کیلئے غلط بیانی سے کام لیا کہ ان کی تقرری کا نوٹیفکیشن ہی نہیں ہوا تھا۔ سابق کپتان نے کہا کہ وہ ان کے ساتھ کام کرنے کو ہی تیار نہیں تھے کیونکہ نجم سیٹھی کی سربراہی میں قائم مینجمنٹ کمیٹی غیر آئینی ہے۔ عامر سہیل کا کہنا تھا کہ ذکاءاشرف کو معزول کئے جانے کے اقدام کو پہلے ہی چیلنج کیا جاچکا ہے اور معزول چیئرمین اور گورننگ باڈی کے ارکان بھی اسے چیلنج کرنے کیلئے قانونی مشاورت کررہے ہیں۔
چار ماہ تک پی سی بی کا چیئرمین رہوں گا :نجم سیٹھی
(February 15, 2014)
لاہور: چیئرمین پی سی بی نجم سیٹھی نے کہا ہے کہ وہ چار ماہ تک اپنے عہدے کو سنبھالیں گے ۔ ایک خصوصی انٹرویو میں نجم سیٹھی کا کہنا تھا کہ سابق چیئرمین ذکاءاشرف نے رات کے اندھیرے میں اپنی مرضی کا آئین بنایا لیکن ہمارا آئین سپریم کورٹ کے تین ججز بنائیں گے ۔اپنے اوپر تنقید کے حوالے سے ان کاکہنا تھا کہ جو لوگ ان کے خلاف الزامات لگارہے ہیں ان کو وہ لیگل نوٹس بھجوانے کے لئے اپنے وکیل سے مشاورت کررہے ہیں ۔35پنکچر کے معاملے پر ان کا کہنا تھا کہ اگر عمران خان وہ ٹیپ منظر عام پر لے آئیں تو وہ خودکشی کرلیں گے ورنہ عمران خان خود کشی کرلیں اور اگر یہ نہ کرسکیں تو معافی مانگ لیں ۔
مچل جانسن کو ٹیسٹ کیرئیر کی 250وکٹوں کی تکمیل کیلئے ایک وکٹ درکار
(February 15, 2014)
سینچورین: آسٹریلوی فاسٹ بولر مچل جانسن کو ٹیسٹ کیرئیر میں 250وکٹیں حاصل کرنے کے لئے صر ف ایک وکٹ کی ضرورت ہے ۔جانسن یہ اعزاز حاصل کرنے والے ساتویں آسٹریلوی بولر بن جائیں گے ۔مچل جانسن نے 2007میں اپنے ٹیسٹ کیرئیر کا آغاز کیا تھا ۔
نجیب عامر ٹی ٹوئنٹی ورلڈکپ کےلئے ہانگ کانگ اسکواڈ میں شامل
(February 15, 2014)
ہانگ کانگ: کرکٹر نجیب عامر کو آئی سی سی ٹی ٹوئنٹی ورلڈکپ کے لئے دوبارہ ہانگ کانگ کی ٹیم میں طلب کرلیا گیا ۔ نوجوان فاسٹ بولر احسن نواز بھی 15رکنی اسکواڈ میں جگہ بنانے میںکامیاب ہوگئے ۔ نجیب نے 2004میں ہانگ کانگ کی طرف سے ڈیبیو کیا تھا۔میگا ایونٹ میں شرکت کی تیاری کے حوالے سے ہانگ کانگ کی ٹیم سری لنکا میں تربیت حاصل کرے گی ۔
ٹی ٹوئنٹی ورلڈ کپ کیلئے 14رکنی سری لنکن ویمن اسکواڈ کا اعلان
(February 15, 2014)
کولمبو: سری لنکن کرکٹ ٹیم کی سلیکشن کمیٹی نے آئی سی سی ویمن ٹی ٹوئنٹی ورلڈ کپ کے لئے 14رکنی اسکواڈ کا اعلان کردیا ۔سشیکا لاسروردھنے ٹیم کی قیادت کریں گی جبکہ چماری اتاپتو نائب کپتا ن ہوں گی ۔ سری لنکن ٹیم کو گروپ بی میں انگلینڈ ،ویسٹ انڈیز اور بھارت کے ساتھ رکھا گیا ہے اور وہ 24مارچ کو بھارت کے خلاف میچ سے اپنی مہم کا آغاز کریں گی ۔