کراچی (پی پی آئی)بابائے جمہوریت نوابزادہ نصر اللہ خان کی 20ویں برسی ملک بھر میں منائی گئی۔نواب زادہ نصر اللہ خان 1918 میں خانگڑھ میں پیدا ہوئے،انھوں نے اپنی عملی سیاست کا آغاز 1933 میں مجلس احرار سے کیا،70 سال تک بہترین جمہوری جدوجہد کرنے والے نوابزادہ نصراللہ خان نے اپنی سیاست جماعت پاکستان جمہوری پارٹی بھی بنائی، نوابزادہ نصر اللہ خان 26 ستمبر 2003کو 85برس کی عمر میں انتقال کرگئے تھے۔پی پی آئی کے مطابق کراچی میں ان کے ساتھیوں نے قرآن خوانی کا اہتمام کیا اور ان کی جمہوری خدمات کو سراہا اور خراج عقیدت پیش کیا۔
ن لیگ سندھ میںاختلافات بڑھ گئے ، کئی رہنماﺅں کی علیحدگی کا خدشہ
آسٹریلیا کیخلاف ون ڈے سیریز ، کرس ووکس انگلش ٹیم میں شامل
ارجنٹائن ڈاکار ریلی: دوسرے مرحلہ پیٹر ہانسل اور سنڈرلینڈ کے نام رہا
آئی سی سی کے بورڈ ایگزیکٹیو کا اجلاس 9جنوری کو دبئی میں ہوگا
اسپینش لالیگا فٹبال لیگ:ریال میڈرڈ نے سیلٹا ڈی ویگو کوشکست دیدی
ون ڈے کرکٹ کے آغاز کو 44برس بیت گئے، پاکستان کی نمایاں کارکردگی
تازہ ترین خبریں
- April 22, 2026
اشتہار
تازہ ترین
آشوب چشم سے متاثرہ تعلیمی اداروں میں چھٹیوں پرغور
کراچی (پی پی آئی) شہرقائد سمیت صوبہ میں آشوب چشم کے بڑھتے ہوئے کیسزسے اسکول کالجز کے طالبعلموں سمیت عام شہریوں کی ایک بڑی تعداد متاثر ہو چکی ہے محکمہ صحت کے ذرائع کیمطابق ہائی الرٹ احکامات جاری کر دیئے گئے ہیں۔پی پی آئی کے مطابق محک تعلیم اور صحت کے محکموں نے طالبعلموں کو وائرس سے بچانے کیلئے تعلیمی اداروں میں چھٹیوں کے حوالے سے غور شروع کر دیا ہے۔
پاکستان میں 29 ہزار فارما سسٹس بے روزگار، 95 فیصد میڈیکل ا سٹورز پر فارماسسٹ موجود نہیں
کراچی(پی پی آئی)اچی فارماسسٹ فورم کی سیکرٹری مدحت فاطمہ خان نے کہا ہے کہ فارماسسٹس کی اہمیت سے کسی بھی صورت انکار نہیں کیا جا سکتا کیونکہ فارماسسٹ شعبہ طب میں ریڑھ کی ہڈی کی حیثیت رکھتے ہیں۔پی پی آئی کے مطابق مدحت فاطمہ خان نے کہاکہ پاکستان میں 29 ہزار فارماسسٹ بے روزگار ہیں۔ پاکستان دنیا کے چند ممالک میں شامل ہے جہاں پر اسسٹنٹ بی کیٹیگری میٹرک پاس افراد کو بھی میڈیکل سٹور کا لائسنس جاری کیا جاتا ہے، 95 فیصد میڈیکل سٹوروں پر فارماسسٹ موجود نہیں ہوتے۔
سندھ میں خالی عمومی و مخصوص بلدیاتی نشستوں پر انتخاب کیلئے شیڈول جاری
کراچی (پی پی آئی)الیکشن کمیشن نے سندھ کے مختلف اضلاع میں خالی عمومی و مخصوص نشستوں پر انتخاب کیلئے شیڈول جاری کر دیا ہے، پولنگ 5 نومبر کو ہو گی۔ الیکشن کمیشن کیجاری نوٹیفکیشن کے مطابق جیکب آباد، کشمور، شکارپور، لاڑکانہ، قمبر شہداد کوٹ، گھوٹکی، سکھر، خیرپور، نوشہرو فیروز، شہید بے نظیر آباد، سانگھڑ، میرپور خاص، عمرکوٹ، تھرپارکر، مٹیاری، ٹنڈو الہٰ یار، حیدرآباد، ٹنڈو محمد خان، جامشورو، دادو، بدین، سجاول، ٹھٹھہ ملیر، کورنگی کراچی، کراچی ایسٹ، کراچی ساوتھ، کراچی ویسٹ، کراچی سنٹرل اور کیماڑی کراچی میں مختلف خالی ان ڈائریکٹ نشستوں پر انتخابات کا شیڈول جاری کیا ہے۔ پی پی آئی کے مطابق یہ نشستیں الیکشن کمیشن کی جانب سے 25 ستمبر کو کئے جانے والے عمومی و مخصوص نشستوں کے حوالے سے نوٹیفکیشن کی مد میں خالی ہوئی ہیں۔ الیکشن کمیشن کی جانب سے ان ڈائریکٹ نشستوں کے جاری شیڈول کے مطابق امیدواروں کی ترجیحی فہرست 4 اکتوبر سے 7 اکتوبر جبکہ ان کی جانچ پڑتال 9 اکتوبر سے 11 اکتوبر جبکہ کاغذات نامزدگی منظور یا مسترد کئے جانے کے خلاف اپیلیں 12 سے 14 اکتوبر تک دائر کی جا سکیں گی۔
تلاش کریں
خبریں
ن لیگ سندھ میںاختلافات بڑھ گئے ، کئی رہنماﺅں کی علیحدگی کا خدشہ
(January 7, 2014)
کراچی: سندھ سے تعلق رکھنے والے پاکستان مسلم لیگ ن کے کئی رہنماﺅں کے مرکزی قیادت سے اختلافات انتہائی شدت اختیار کرگئے ہیں جس کی وجہ سے لیاقت جتوئی اورممتاز بھٹو سمیت کئی رہنماﺅں کی طرف سے پارٹی سے جلد علیحدگی کا اعلان متوقع ہے۔ پارٹی کے اندورنی باوثوق ذرائع نے پی پی آئی کو بتایا کہ دوہفتے قبل پارٹی کے مرکزی رہنما سردار ممتاز بھٹو کی کراچی میں واقع رہائش گاہ پران کی صدارت میں ایک اہم اجلاس ہوا جس میں لیاقت علی جتوئی، شیرازی برادران، اسلم ابڑو، اسماعیل راہو ، عرفان اللہ مروت، شفیق جاموٹ، زین انصاری، الٰہی بخش سومرو، حکیم بلوچ اوردیگر نے شرکت کی اور مرکزی قیادت کے رویے پر شدید مایوسی کااظہار کیا۔ ذرائع کے مطابق ان رہنماﺅں کا کہنا ہے کہ سندھ میں پیپلز پارٹی کی حکومت ان کو انتقامی کارروائیوں کا نشانہ بنا رہی ہے لیکن مرکزی قیادت بار بار کی درخواستوں کے باوجود اس کا نوٹس نہیں لے رہی ہے اورسندھ میں پارٹی کو لاوارٹ چھوڑا دیاگیا ہے۔ ذرائع کے مطابق یہ رہنما مسلم لیگ ن کی حکومت کو آٹھ ماہ کر عرصہ گزرنے کے باوجود گورنر سندھ کو تبدیل نہ کرنے پر بھی پارٹی کی مرکزی قیادت سے ناراض ہیں جب موجود چیف سیکرٹری سندھ اورآئی جی سندھ کے رویے پربھی تحفظات رکھتے ہیں اور ان کی تبدیلی چاہتے ہیں۔ ذرائع کے مطابق ان رہنماﺅں کا یہ بھی کہنا ہے کہ وزیراعظم میاں نواز شریف سندھ اورکراچی کے دورے کے دوران مخالف جماعتوں کے رہنماﺅں سے تو ملتے ہیں لیکن اپنی پارٹی کے رہنماﺅں سے ملاقات کیلئے ان کے پاس وقت نہیں ہوتا۔ ذرائع کے مطابق اس اہم اجلاس میں شریک تمام رہنماﺅں کی جانب سے میاں نواز شریف کو ایک مشترکہ خط لکھا گیا تھا لیکن دوہفتے گزرنے کے باوجود اس خط کاکوئی جوا ب نہیں ملا جس کی وجہ سے ان رہنماﺅں کی مایوسی اورتحفظات میں مزید اضافہ ہوگیا ہے اور آئندہ چند دنوں میں متعدد رہنماﺅں کی جانب سے پارٹی سے اپنی راہیں الگ کرنے کا اعلان کیا جاسکتا ہے۔ ذرائع کے مطابق دودن قبل دادو میں لیاقت جتوئی اوران کے ساتھی رہنماﺅں کاا جلاس بھی ہوا جس میں ایک چاررکنی کمیٹی بھی تشکیل دی گئی ہے جو آئندہ کے لائحہ عمل کا فیصلہ کرے گی ۔ ذرائع کے مطابق کمیٹی مرکزی قیادت سے دوٹوک انداز میں بات کرکے یہ وضاحت طلب کرے گی کہ اگر ان کا سندھ میں پیپلزپارٹی سے مفاہمت ہوگیا ہے اور وہ پارٹی رہنماﺅں کیخلاف انتقامی کارروائیاں روکنے سے قاصر ہیں تو اسے بتایا جائے تاکہ وہ پارٹی میں رہنے یا نہ رہنے کا فیصلہ کرے۔ دوسری جانب ذرائع کے مطابق ممتاز بھٹو پر بھی اپنے ساتھیوں کی جانب سے دباﺅ بڑھ گیا ہے کہ وہ فوری طورپر ن لیگ چھوڑ کر اپنی سابقہ جماعت سندھ نیشنل فرنٹ کو بحال کریں۔ اس سلسلے میںاس سابقہ جماعت کے سابق سینئر وائس چیئرمین اللہ وارایو سومرو نے ممتاز بھٹو کو ایک خط بھی لکھا ہے جس میں ان سے پارٹی کی بحالی کا مطالبہ کرتے ہوئے کہاگیا ہے کہ ن لیگ نے ان سے جو
آسٹریلیا کیخلاف ون ڈے سیریز ، کرس ووکس انگلش ٹیم میں شامل
(January 7, 2014)
میلبورن: آل راﺅنڈر کرس ووکس کو آسٹریلیا کے خلاف ون ڈے اور ٹی 20سیریز کے لئے انگلینڈ کی ٹیم میں شامل کرلیا گیا ۔24سالہ ووکس انگلینڈ کی جانب سے اب تک 13ون ڈے میچ کھیل چکے ہیں ۔ ووکس کو گزشتہ سال جون میں نیوزی لینڈ کے خلاف ناقص کارکردگی پر ٹیم سے ڈراپ کیا گیا تھا ۔ انگلینڈ کی ٹیم انتظامیہ نے آل راﺅنڈ ر کو آسٹریلیا کے خلاف محدود اوورز میں ایک اور موقع دینے کا فیصلہ کیا گیا ہے ۔انگلینڈ اور آسٹریلیا کے مابین پانچ ون ڈے میچوں پر مشتمل سیریز کا پہلا میچ 12جنوری کو میلبورن میں ہوگا۔
ارجنٹائن ڈاکار ریلی: دوسرے مرحلہ پیٹر ہانسل اور سنڈرلینڈ کے نام رہا
(January 7, 2014)
بیونس آئرس: ارجنٹائن ڈاکار ریلی کے کار ایونٹ میں دفاعی چیمپئن پیٹر ہانسل اور بائیک میں برطانیہ کے سنڈرلینڈ نے دوسرا مرحلہ جیت لیا۔ارجنٹائن کے صحراوں میں جاری ڈاکار ریلی میں ڈرائیورز اور بائیک رائیڈرز کے درمیان سنسنی خیز مقابلوں کا سلسلہ جاری ہے۔ کار ریس میں دفاعی چیمپئن جرمنی کے پیٹر ہانسل نے شاندار ڈرائیونگ کرتے ہوئے پہلی پوزیشن اپنے نام کی۔ وہ مقررہ فاصلہ تین گھنٹے تریپن منٹ اور پانچ سیکنڈز میں طے کر کے سرفہرست رہے۔ سپین کے کارلوس کی دوسری اور جنوبی افریقہ کے جینئل ڈویلیئرز کی تیسری پوزیشن رہی۔ موٹر بائیک رائیڈرز نے بھی کچے راستوں پر خوب مہارت دکھاتے ہوئے بہترین رائیڈنگ پیش کی۔ کئی رائیڈر کو دشوار گزار رستے میں پتھروں کے باعث اپنا سفر روکنا پڑا۔ برطانیہ کے سنڈرلینڈ نے ہمت دکھاتے ہوئے اپنا سفر تیز ترین مدت میں مکمل کر کے پہلی پوزیشن حاصل کی۔ چلی کے فرانسسکو لوپز دوسرے اور سپینش رائیڈرجون بریڈاتیسرے نمبر پر رہے۔
آئی سی سی کے بورڈ ایگزیکٹیو کا اجلاس 9جنوری کو دبئی میں ہوگا
(January 7, 2014)
دبئی: انٹرنیشنل کرکٹ کونسل کا بورڈ ایگزیکٹیو اجلاس 9جنوری کو آئی سی سی ہیڈ کوارٹرز دبئی میں ہوگا ۔اجلاس کی صدارت آئی سی سی کے چیف ڈیورچرڈ سن کریں گے ۔اجلا س میں تمام مستقل رکن ممالک کے بورڈ سربراہان ،ایفلی ایٹ اور ایسوسی ایٹ ممالک کے حکام شرکت کریں گے ۔اجلا س میں آئی سی سی ٹی 20ورلڈکپ اور کرکٹ ورلڈ کپ 2015سمیت دیگر کرکٹ امور پر غور کیا جائے گا ۔خصوصی اجلاس میں بنگلہ دیش کی مخدوش صورتحال کے پیش نظر ایشیا کے کپ کے انعقاد کے حوالے سے بھی غور کیا جائے گا۔
اسپینش لالیگا فٹبال لیگ:ریال میڈرڈ نے سیلٹا ڈی ویگو کوشکست دیدی
(January 7, 2014)
میڈرڈ: اسپینش لالیگا لیگ میں ریال میڈرڈ نے سیلٹا ڈی ویگو کو تین صفر سے شکست دے دی۔ اسٹار کھلاڑی کرسٹیانو رونالڈو نے کیرئیر میں گولز کی چار سنچریاں مکمل کرلیں۔ برناباو اسٹیڈیم میں کھیلے جانے والے میچ میں پہلے ہاف میں کوئی ٹیم گیند کو جال میں پہنچانے میں کامیاب نہ ہوسکی۔دوسرے ہاف میں ریال میڈرڈ نے 66ویں منٹ میں بینزیما کے گول کی بدولت برتری حاصل کی۔ 82ویں منٹ میں پرتگال کے اسٹار کھلاڑی کرسٹیانو رونالڈو نے گول کرکے ٹیم کی برتری کو دگنا کردیا۔میچ کے آخری لمحات میں رونالڈو نے دوسرا گول کرکے ٹیم کو تین صفر سے جیت دلادی۔ حریف ٹیم میچ میں کوئی بھی گول کرنے میں کامیاب نہ ہوسکی۔ کرسٹیانو رونالڈو نے کیرئیر میں گولز کی چار سنچریاں مکمل کرلی ہیں۔لالیگا لیگ میں ریال میڈرڈ کی ٹیم چوالیس پوائنٹس کے ساتھ تیسرے نمبر پر ہیں۔ بارسلونا کی ٹیم49پوائنٹس کے ساتھ لیڈ کررہی ہے۔
ون ڈے کرکٹ کے آغاز کو 44برس بیت گئے، پاکستان کی نمایاں کارکردگی
(January 7, 2014)
کراچی: آزمائشی طورپرشروع ہونے والی ایک روزہ کرکٹ کے آغاز کو 44 سال بیت گئے۔ون ڈے کرکٹ میں اب تک3457 ون ڈے میچزکھیلے جاچکے ہیں۔ کرکٹ کی تاریخ صدیوں پرانی ہے۔ جینٹل مین گیم کی ابتدا برطانیہ سے ہوئی لیکن اس وقت تک اس کھیل سے گورے ہی واقف تھے۔وقت بدلتا گیا۔ کھیل میں جدت آتی رہی اور پھر کرکٹ دنیا بھر میں کھیلی جانے لگی،اس کھیل کے شیدائی بڑھ گئے اور پھرفٹبال کے بعد یہ دنیا کا سب سے زیادہ پسند کیا جانے والا کھیل بن گیا۔ ٹیسٹ کرکٹ کے بعد پانچ جنوری 1971کو ایک روزہ کرکٹ کا آزمائشی طور پرانعقاد ہوا جس کو شائقین کرکٹ نے دنیا بھر میں عالمی سطح کی اونچائیو ں پر پہنچا دیا۔ون ڈے کرکٹ کی روزافزا مقبولیت کا یہ عالم ہوا کہ44سال کے دوران اس طرز کی کرکٹ کے دس عالمی کپ منعقد ہوچکے ہیں، دنیاکی 25 ٹیموں کے درمیان مجموعی طور پر3457 ون ڈے میچزکھیلے جاچکے ہیں۔بھارتی ٹیم نے سب سے زیادہ844 ایک روزہ میچزکھیلے پاکستان نے 812 ایک روزہ میچز میں 434میں کامیابیاں سمیٹیں۔ ایک روزہ کرکٹ میں پاکستان نے کئی کارنامے بھی انجام دیئے۔عمران خان کی قیادت میں 1992 میں عالمی کپ کا اعزاز اپنے نام کیا۔ وسیم اکرم اور وقار یونس جیسے عظیم بولرز پیدا کئے اور ون ڈے میں کئی منفرد ریکارڈز آج بھی پاکستان ہی کے پاس ہیں۔