کراچی (پی پی آئی)پیپلز پارٹی کے چیئرمین بلاول بھٹو زرداری کی35ویں سالگرہ 21ستمبر کو ملک بھر میں منائی جائے گی۔پی پی آئی کے مطابق پی پی پی سندھ کے صدر نثار کھوڑو نے کہا ہے کہ پیپلز پارٹی کے رہنماوں و کارکنان کی جانب سے سندھ کے تمام اضلاع میں 21ستمبر کو چیئرمین بلاول بھٹو زرداری کی سالگرہ تقریبات میں کیک کاٹے جائینگے-
نیویارک(پی پی آئی)اقوام متحدہ کا ایک بڑا ایونٹ ”ماحولیاتی سربراہی ایکشن“ کے موضوع پر 20ستمبر کو منعقد ہوگا اور سیکرٹری جنرل انتونیو گوئتریس اس کی سربراہی کریں گے۔پی پی آئی کے مطابق اس ایونٹ کا مقصد پیرس ماحولیاتی سمجھوتہ کے مقاصد سے انحراف کو ختم کرنا اور ماحولیاتی تبدیلیوں سے نمٹنے کیلئے نئے سنجیدہ اقدامات میں حکومتوں کی حوصلہ افزائی کرناہے۔پاکستان سمیت 100 سے زائد ممالک کے عہدیدار اجتماع میں شریک ہیں۔
کراچی (پی پی آئی)کے الیکٹرک نے بجلی چوری کے خلاف آپریشن میں کروڑوں روپے کی بجلی کی چوری پکڑلی، 5 ہائیڈرنٹس بجلی کے ساڑھے 3لاکھ یونٹس اور پانی کی چوری میں ملوث تھے۔پی پی آئی کے مطابق کے الیکٹرک کا شہر بھر میں بجلی چوری کے خلاف کریک ڈاون جاری ہے، بجلی چوری کے خلاف آپریشن کے دوران کروڑوں روپے کی بجلی کی چوری پکڑی گئی۔ترجمان کے الیکٹرک نے بتایا کہ ناظم آباد میں 5 غیر قانونی ہائیڈرنس پر کے الیکٹرک، کے ڈبلیو ایس بی اور رینجرز نے مشترکہ آپریشن کیا، ہائیڈرنٹس بجلی کے ساڑھے تین لاکھ یونٹس کی چوری کے ساتھ پانی کی چوری میں ملوث تھے۔ترجمان کا کہنا تھا کہ بجلی کے غیر قانونی کنکشنز منقطع کردیئے گیے ہیں اور رینجرز نے پانچوں غیر قانونی ہائیڈرنٹس کو مسمار کر دیا ہے۔
لاہور (پی پی آئی) پاکستان تحریک انصاف کے صدر چوہدری پرویز الٰہی نے کہا ہے کہ پاکستان کے موجودہ حالات کا ذمہ دار شریف خاندان ہے، عمران خان کے دور میں پیٹرول کی یہ قیمت نہ تھی، پریس کانفرنس ابھی نہیں کرنی۔ تحریک انصاف لاہور میں عالت پیشی کے موقع پر صحافیوں سے غیر رسمی گفتگو کے دوران انہوں نے کہا کہ پاکستان کی عدلیہ اور فوج پر اعتماد ہے، دونوں ہمارے ادارے ہیں ملک کی سلامتی کے ضامن ہیں، چیف جسٹس پاکستان قاضی فائز عیسی کی حلف برداری پر خوشی ہے، جسٹس قاضی فائز عیسی نے پہلے دن سے ہی اچھا آغاز کیا۔سابق وزیراعلیٰ پنجاب نے کہا کہ پاکستان کے موجودہ حالات کا ذمہ دار شریف خاندان ہے، جہاں لوگ خود کشیوں پر اتر آئے ہیں، پی ڈی ایم کے آئی ایم ایف سے ظالمانہ معاہدے کی سزا عوام بھگت رہے ہیں، عمران خان کے آئی ایم ایف سے ایسا کوئی معاہدہ نہیں کیا تھا، پٹرول بجلی گیس اور تمام مہنگائی نواز اور شہباز کی وجہ سے ہے، عمران خان کے دور میں پیٹرول کی یہ قیمت نہ تھی۔پاکستان تحریک انصاف کے صدر نے کہا کہ واپسی پر نواز شریف کو مایوسی ہو گی، عوام استقبال کی بجائے ان سے حساب مانگیں گے، نگران حکومت پی ڈی ایم کا تسلسل ہے، نگران حکومت کے پیچھے نوازشریف کا فارمولا ہے، موجودہ کابینہ میں دیکھ لیں سارے ن لیگ کے پسندیدہ لوگ ہیں، الیکشن کا اعلان ہو تب ہی پتہ چلے گا کون کس پوزیشن میں ہے۔ چوہدری پرویز الٰہی کا کہنا ہے کہ موجودہ مقدمہ بھی موٹروے پر میرے خلاف درج کیا گیا، عدلیہ انصاف دے رہی ہے مگر یہ لوگ چھوڑنے کو تیار نہیں، ہم اپنے مقدمات عدالتوں میں لڑ کر سرخرو ہوں گے۔
ہیمبرگ: جرمن فٹ بال لیگ میں بائرن میونخ کی ٹیم نے بروشیا ڈورٹمنڈ کو تین صفر سے ٹھکانے لگا کر اپنی ٹاپ پوزیشن مستحکم بنا لی۔لیور کیوسن کی ٹیم نے ہرتھا برلن کو صفر کے مقابلے میں ایک گول سے زیر کیا،دوسری جانب ڈچ فٹ بال چیمپئن شپ میں آئی ایکس کی ٹیم نے بھی ہیراکلس کو تین صفر سے آوٹ کلاس کر کے اپنی ٹاپ پوزیشن بچا لی۔ادھر یورپین فٹ بال کلبوں نے آٹھ سال کے کلو ڈیو کو سٹار فٹ بالر بنانے پر نظریں جما لیں،ارجنٹائن کے کلب نے کم سن سٹار فٹ بالر سنو میسی کے نام سے مقبول کلاڈیو کے ساتھ معاہدہ کر لیا۔
لاہور: پی سی بی انٹر ڈیپارٹمنٹل ٹی 20 کر کٹ ٹورنامنٹ کا 27 نومبر سے لاہور میں آغاز ہوگا۔ٹورنامنٹ کے میچ قدافی اسٹیڈیم اور ایل سی سی اے میں ہوں گے،ایونٹ میں ملک بھر سے 11 ٹیمیں حصہ لے رہی ہیں ،جن کو 2 گروپوں میں تقسیم کیا گیا ہے۔چیف آپریٹنگ آفیسر کا کہنا تھا کہ شائقین کو اچھے مقابلے دیکھنے کو ملیں گے۔
ساﺅ پالو: فارمولا ون کے ورلڈ چیمپئن سباستین ویٹل نے برازیلین گراں پری ریس میں پول پوزیشن حاصل کر لی۔برازیل کے شہر ساو پالو میں ہونیوالی ریس کے کوالیفائنگ راونڈ میں ڈرائیورز نے بہترین ڈرائیونگ کے مظاہرے دکھائے۔ چار بار کے عالمی چیمپئن جرمن ڈرائیور نے مقررہ لیپس کا فاصلہ ایک منٹ چھبیس اعشاریہ چار سات نو سیکنڈز میں طے کر کے پہلی پوزیشن اپنے نام کی۔ ویٹل کو سیزن کی نویں جبکہ کیریئرکی 45 ویں پول پوزیشن کا اعزاز حاصل ہوا ہے۔ جرمنی ہی کے کی دوسری اور اسپینش ڈرائیور کی تیسری پوزیشن رہی۔
کراچی: پاکستان کے لیجنڈ کرکٹر اور سابق کپتان عمران خان61برس کے ہوگئے ۔ پاکستان کی تاریخ کے سب سے کامیاب کپتان عمران خان1952میں لاہورمیں پیدا ہوئے۔ انہوں نے اپنے فرسٹ کلاس کیرئیرکا آغازصرف سولہ سال کی عمرمیں کیا۔عمران خان نے اپنا ٹیسٹ ڈیبیوانیس سال کی عمرمیں انگلینڈ کیخلاف برمنگھم میں کیا۔ جبکہ ان کا ون ڈے ڈیبیو تین سال بعد انگلینڈ ہی کیخلاف ہوا۔ عمران خان کا کیرئیردوعشروں پرمحیط رہا۔ انہوں نے اپنے کیرئیرکا آغازبالرکی حیثیت سے کیا اوربہت جلد بیٹسمینوں کیلئے دہشت کی علامت بن گئے۔ عمران نے بیٹنگ میں بھی اپنا لوہا منوایا، ان کا شماردنیا کے بہترین آل راﺅنڈرزمیں ہوتا تھا۔ وہ ٹیسٹ کرکٹ میں تین ہزاررنزاورتین سووکٹیں حاصل کرنے والے دنیا کے آٹھویں آل راﺅنڈرہیں۔1992 کے کرکٹ ورلڈ کپ کی جیت کا سہرا بھی عمران خان کے سرجاتا ہے جنہوں نے زخمی ہونے کے باوجود ٹیم کی کمان سنبھالی اورآسٹریلیا کی سرزمین پرپاکستان کوپہلی بارورلڈ چیمپئن بنوادیا۔عمران نے 175ون ڈے میچزمیں تین ہزارسے زائد رنزبنائے اورایک سوبیاسی کھلاڑیوں کوشکارکیا۔ 1982میں عمران خان نے قومی ٹیم کی قیادت سنبھالی۔ پاکستان نے ان کی قیادت میں اڑتالیس ٹیسٹ کھیلے، چودہ جیتے، آٹھ ہارے جبکہ چھبیس ڈراکئے۔ ان کی قیادت میں کھیلے گئے ایک سوانتالیس ون ڈے میں سے پاکستان نے ستترمیں فتح سمیٹی۔عمران خان کی قیادت میں پاکستان نے ٹیسٹ کرکٹ میں انگلینڈ اوربھارت کی سرزمین پرپہلی بارسیریزجیتیں۔ عمران خان فاسٹ بالرکی حیثیت سے انیس سوبیاسی میں بام عروج پرتھے، اس سال انہوں نے نو ٹیسٹ میچوں میں باسٹھ وکٹیں اپنے نام کیں۔ عمران خان نے پاکستان کوکرکٹ کا عالمی چیمپئن بنواکرایسا کارنامہ انجام دیا جوصدیوں یاد رکھا جائیگا۔
لندن: انگلش بے باز جوناتھن ٹروٹ انجری کے باعث ایشز سیریز کے بقیہ میچوں سے باہر کردیئے گئے ۔ انگلینڈ کرکٹ ٹیم کے ڈائریکٹر اینڈی فلاور کے مطابق ٹروٹ کافی عرصے پٹھوں میں دباﺅ کا شکار تھے ۔ کھلاڑی کو مکمل صحتیاب ہونے کے لئے کھیل سے وقفہ دیا گیا ہے تاکہ وہ اگلی سیریزوں میں اچھی کارکردگی دکھائیں ۔جوناتھن ٹروٹ نے اپنے بیان میں کہا کہ وہ سو فیصد فٹ نہ ہونے کے باوجود اپنی ذمہ داریاں سرانجام دے رہے تھے لیکن اب وہ سمجھتے ہیں کہ ان کو کھیل سے وقفہ لے کر اپنی صحتیابی کی طرف توجہ کرنی چاہیئے ۔
مکاﺅ: عالمی چیمپئن فلپائنی باکسر پیکیاﺅ نے ڈبلیو بی اے ویلٹر ویٹ چیمپئن شپ کا ٹائٹل جیت لیا۔مکاﺅ میں ہونیوالی ڈبلیو بی اے ویلٹر ویٹ چیمپئن شپ کی فائنل مقابلے میں دونوں باکسرز کے درمیان سخت مقابلہ ہوا،جس میں ورلڈ چیمپئن فلپائنی باکسر مینی پیکیاو نے امریکی حریف برینڈن روئس کو شکست دی۔پیکیاو کی فتح کا سکور ایک سو بیس،ایک سو آٹھ، ایک سو انیس ، ایک سو نو ،ایک سو اٹھارہ ، ایک سو دس پوائنٹس رہا،مینی پیکیاو کو باکسنگ کیرئیر میں دسویں بار ویلٹر ویٹ ورلڈ چیمپئن شپ جیتنے کا اعزاز حاصل ہوا۔
