اسلام آباد (پی پی آئی)چیئرمین پی ٹی آئی کی پیشی کے موقع پر توڑ پھوڑ سے متعلق کیس کی سماعت میں پرویز الہی کو جوڈیشل ریمانڈ مکمل ہونے پر پیش کیا گیا۔پرویز الہی کی جانب سے اہل خانہ سے ملاقات کے لیے درخواست دائر کر دی گئی۔پی پی آئی کے مطابق اس دوران پرویز الہی روسٹرم پر آگئے اور کہا کہ میرا پیٹ خراب ہے، جج نے کہا اللہ خیر کرے گا،پی پی آئی کے مطابق پرویز الہی نے کہا کہ میرے سیل کے باہر بھی دیوار کھڑی کر دی گئی ہے،تازہ ہوا تک نہیں آتی سیل کے باہر ایک اجنبی کو بٹھایا ہوا ہے۔جج نے استفسار کیا کہ اجنبی کون ہے کیا اس کا نام ہی اجنبی ہے؟ چلیں پتا کرتے ہیں اجنبی کون ہے، عدالت نے 13 اکتوبر تک سماعت ملتوی کردی۔
کرس گیل نے انجری میں قابو پالیا ،کرکٹ کے میدانوں میں واپسی
جنوبی افریقی کرکٹ بورڈ کی زمبابوے کو ٹیسٹ میچ کھیلنے کی پیشکش
غیرملکی کوچز نے ٹیم کو بلندی پر لے جانے میں بھرپور محنت کی: ذکاءاشرف
بھارتی ہاکی ٹیم رواں برس مارچ میں پاکستان کا دورہ کرے گی
ٹور آ ف آسٹریلیا : میزبان ملک کے کیڈل ایونز نے تیسرا مرحلہ جیت لیا
آسٹریلین اوپن: بھارت کی ثانیہ مرزا مسکڈ ڈبلز کے فائنل میں پہنچ گئیں
تازہ ترین خبریں
- April 23, 2026
- April 22, 2026
- April 22, 2026
اشتہار
تازہ ترین
تمام سیاستدانوں کوانتخابات سے قبل حفاظتی ضمانت کروالینی چاہئے: پرویز الہٰی
اسلام آباد (پی پی آئی)سابق وزیراعلیٰ پنجاب اورتحریک انصاف کے صدرچودھری پرویز الہٰی کا کہنا ہے کہ جو حالات ہیں اس میں تمام سیاستدانوں کو انتخابات سے قبل حفاظتی ضمانت کروالینی چاہئیے۔پی پی آئی کے مطابق اسلام آباد کی انسداد دہشت گردی کی عدالت میں چودھری پرویز الہٰی نے صحافیوں سے غیر رسمی گفتگو میں کہا کہ میری رہائی کی بات اللّٰہ تعالیٰ ہی بہتر جانتے ہیں، چیئرمین پی ٹی آئی سے بیک ڈور مذاکرات پر کچھ نہیں کہہ سکتا، چودھری شجاعت حسین سے دوبارہ ملاقات ہوئی۔صحافی کے اس سوال پر کہ بلاول زرداری کا کہنا ہے کہ شیخ رشید اور پرویز الہٰی اندر رہیں یا باہر کوئی فرق نہیں پڑتا، پرویز الہٰی نے جواب دیا کہ بلاول بھٹو کو اپنی سالگرہ خوشی سے منانے دیں۔ان کاکہناتھا کہ جیل کا کھانا دیا جاتا ہے جس سے طبیعت ناساز رہتی ہے، جیل میں پہلے ڈاکٹر کی سہولت میسر تھی، اب ان کو اس میں بھی مسائل نظر آنے لگے ہیں۔پرویز الہٰی نے کہا کہ بجلی مہنگی ہونے کے اصل ذمے دار نواز شریف اور شہباز شریف ہیں، آج مہنگائی سے عام آدمی ختم ہو چکا ہے، عام انتخابات نہ ہونے سے ملک کا نظام رکا ہوا ہے۔صحافی کے سوال پر کہ سننے میں آرہا ہے کہ نواز شریف کی ملک واپسی کی تاریخ بدل رہی ہے ج ان کاکہناتھا کہ نواز شریف خود بھی بدل گئے ہیں۔
تنخواہوں میں مسلسل تاخیر کیخلاف کراچی سٹی، کینٹ اور ڈرگ روڈ اسٹیشن پرریلوے ملازمین کا دھرنا
کراچی (پی پی آئی) کراچی سٹی، کینٹ اور ڈرگ روڈ اسٹیشن پرریلوے ملازمین نے تنخواہوں میں مسلسل تاخیر کیخلاف احتجاج اور مظاہرہ کرتے ہوئے دھرنا دیا۔پی پی آئی کے مطابق مظاہرین نے اپنے مطالبات کے حصول کے لئے نعرے بازی کی اور مطالبہ کیا کہ ریلوے کے غریب ملازمین کو فوری تنخواہیں ادا کی جائیں۔
کراچی اور سکھر میں مبینہ پولیس مقابلے، 4 ڈاکو زخمی حالت میں گرفتار، 2 فرار
کراچی/سکھر(پی پی آئی) کراچی اور سکھر میں مبینہ پولیس مقابلوں کے بعد 4 ڈاکوؤں کو زخمی حالت میں گرفتار کر لیا گیا جبکہ 2 فرار ہونے میں کامیاب ہو گئے ہیں۔پی پی آئی کے مطابق کراچی کے علاقے سائٹ سپر ہائی وے بشیر چوک کے قریب ڈاکو لوٹ مار میں مصروف تھے کہ پولیس موقع پر پہنچی تو ملزموں نے فائرنگ شروع کر دی، جوابی کارروائی میں دو ڈاکوؤں کو زخمی حالت میں حراست میں لے لیا گیا، ملزمان کی شناخت شان مختار اور بلال ظہیر کے نام سے ہوئی ہے، ملزموں سے اسلحہ، نقدی، موبائل فونز اور موٹر سائیکل برآمد کر لی گئی۔سکھر میں ریلوے کوارٹرز کے قریب بھی پولیس مقابلے کے بعد دو ڈاکوؤں کو زخمی حالت میں گرفتار کیا گیا ہے جبکہ ان کے دو ساتھی فرار ہونے میں کامیاب ہو گئے، گرفتار ملزم غلام حیدر میرانی اور دلبر اوڈھ پولیس کو سنگین مقدمات میں مطلوب تھے، ملزموں سے اسلحہ بھی برآمد کر لیا۔
تلاش کریں
خبریں
کرس گیل نے انجری میں قابو پالیا ،کرکٹ کے میدانوں میں واپسی
(January 24, 2014)
کنگسٹن: جارح مزاج ویسٹ انڈین بلے باز کرس گیل نے فٹنس مسائل سے چھٹکارا حاصل کرنے کے بعد دوبارہ کرکٹ کے میدانوں میں قدم رکھ دیا ۔ گیل نے آئندہ ہفتے شیڈول سپر ففٹی کرکٹ ٹورنامنٹ کی تیاری کے لئے جمیکن ٹیم کی طرف سے دو وارم اپ میچوں میں حصہ لیا ۔ وہ علاج کے بعد گزشتہ ہفتے آسٹریلیا سے واپس وطن پہنچے تھے ۔ گیل گزشتہ سال نومبر میں دورئہ بھارت کے دوران ہیمسٹرنگ انجری میں مبتلا ہوگئے تھے ۔
جنوبی افریقی کرکٹ بورڈ کی زمبابوے کو ٹیسٹ میچ کھیلنے کی پیشکش
(January 24, 2014)
جوہانسبرگ: جنوبی افریقی کرکٹ بورڈ نے آئندہ ماہ آسٹریلیا کے خلاف سیریز کی میزبانی سے قبل زمبابوے کی ٹیسٹ میچ کھیلنے کی پیشکش کردی ۔ آسٹریلوی ٹیم دورئہ جنوبی افریقا کے دوران ٹیسٹ اور ٹی 20میچوں کی سیریز کھیلے گی اور دونوں ٹیموں کے درمیان سیریز کا آغاز 12فروری کو ہوگا ۔زمبابوین بورڈ نے اس پیشکش کا اب تک جواب نہیں دیا ہے کیوں کہ کھلاڑیوں اور بورڈ کے درمیان تنخواہوں کے حوالے سے تنازع چل رہا ہے ۔
غیرملکی کوچز نے ٹیم کو بلندی پر لے جانے میں بھرپور محنت کی: ذکاءاشرف
(January 24, 2014)
لاہور: پاکستان کرکٹ بورڈ کے چیئرمین ذکاءاشرف کا کہنا ہے کہ کوچ ڈیو واٹمور نے پاکستان کرکٹ کے لیئے بہترین کام کیا۔ جب کہ پاک بھارت کرکٹ سیریز کی بحالی کے لیئے بھارتی بورڈ سے بات چیت جاری ہے۔ نیشنل کرکٹ اکیڈمی لاہور میں پی سی بی چیئرمین ذکاءاشرف نے غیر ملکی کوچ ڈیوواٹمور اور فیلڈنگ کوچ جولین فاونٹین سے ملاقات کی اور انکی کرکٹ کیلئے خدمات کا اعتراف کرتے ہوئے تحائف دیئے۔ میڈیا سے گفتگو کرتے ہوئے ذکاءاشرف نے کہا کہ دونوں غیرملکی کوچز نے قومی ٹیم کو بلندی پر لے جانے میں بھرپور محنت کی۔ ذکاءاشرف کا کہنا تھا کہ28 جنوری کو دبئی میں شروع ہونے والی آئی سی سی میٹنگ میں بھارتی کرکٹ بورڈ سربراہ سری نواسن سے ملاقات بھی ہو گی جس میں پاک بھارت کرکٹ سیریز کی بحالی میں پیش رفت پر بات چیت کریں گے۔ آخری بار2013 میں پاکستان نے بھارت کا دور کیا تھا اور اب روایتی حریف کی پاکستان آنے کی باری ہے۔
بھارتی ہاکی ٹیم رواں برس مارچ میں پاکستان کا دورہ کرے گی
(January 24, 2014)
لاہور: بھارتی ہاکی فیڈریشن (بی ایچ ایف) نے مارچ میں پاکستان کے دورے کی حامی بھر لی۔ تین میچوں کی پاک بھارت سیریز مارچ میں ہوگی۔ ذرائع کے مطابق پاکستان ہاکی فیڈریشن کے سیکرٹری رانا مجاہد نے جمعہ کو اپنے بھارتی ہم منصب نریندرا پترا سے ٹیلیفونک گفتگو کی۔ پاکستان ہاکی فیڈریشن کے سیکرٹری رانا مجاہد نے گفتگو کے بعد یہ دعویٰ کیا ہے کہ بھارتی ہاکی فیڈریشن نے مارچ میں پاکستان کا دورہ کرنے کی یقین دہانی کراتے ہوئے اس بات کی حامی بھری ہے کہ بھارتی ہاکی ٹیم حکومت کی اجازت کے بعد مارچ میں پاکستان کا دورہ کرے گی۔ انہوں نے کہا کہ تین میچوں کی پاک بھارت سیریز مارچ میں ہوگی۔ سیریز کے تمام میچ ایک ہی شہر میں ہوں گے تاہم تاریخ اور وقت کا فیصلہ نہیں کیا گیا۔
ٹور آ ف آسٹریلیا : میزبان ملک کے کیڈل ایونز نے تیسرا مرحلہ جیت لیا
(January 24, 2014)
لاہور: آسٹریلیا کے کیڈل ایونز نے ٹور ڈاﺅن انڈر سائیکل ریس کا تیسرا مرحلہ جیت لیا ۔ آسٹریلیا کے مضافات میں ہونے والی ریس کا تیسرا مرحہ 145کلو میٹر طویل تھا ۔ میزبا ن رائیڈر ایونز نے ابتدا ءسے ہی حریفوں پر اپنی برتری قائم رکھی اور مقررہ فاصلہ 3گھنٹے 34منٹ ، 5سیکنڈز میں سب سے پہلے طے کیا ۔ ایونز کے ہم وطن نیتھن ہاس 15سیکنڈز کے فرق کے ساتھ دوسرے نمبر پر رہے ۔ ریس کے چوتھے مرحلے میں سائیکلسٹس 148.5کلومیٹر کا فاصلہ طے کریں گے ۔
آسٹریلین اوپن: بھارت کی ثانیہ مرزا مسکڈ ڈبلز کے فائنل میں پہنچ گئیں
(January 24, 2014)
میلبورن: بھارت کی ثانیہ مرزا نے اپنے پارٹنر ہوریا ٹیکاﺅکے ہمراہ آسٹریلین اوپن کے مکسڈ ڈبلز فائنل میں جگہ بنالی۔ میلبورن میں جاری سال کے پہلے گرینڈ سلم ایونٹ کے مکسڈ ڈبلز سیمی فائنل میں بھارتی ٹینس اسٹار ثانیہ مرزا اور ہوریا ٹیکاﺅکی جوڑی نے ایک سیٹ کے خسارے میں جانے کے باوجود آسٹریلیا کے میتھیوایبڈن اور جارمیلا گاجدوسووا کو شکست دی۔ ثانیہ اور ٹیکاو نے آسٹریلین جوڑی کے خلاف عمدہ کھیل پیش کیا اور73منٹ میں پہلے سیٹ میں دوچھ سے ناکامی کے بعد اگلے دو سیٹس میں چھ تین اوردس دوسے فتح سمیٹ کر فائنل کیلئے کوالیفائی کرلیا۔ ثانیہ اور ٹیکاو نے کوارٹرفائنل میں پاکستان کے اعصام الحق اور یولیا گورجیس کے پیئرکوہرایا تھا۔