آکلینڈ: آکلینڈ ٹیسٹ میں دوسرے دن کے اختتام پر بھارت نے چار وکٹ پر 130 رنز بنا لیے۔ نیوزی لینڈ نے پہلی اننگز میں 503 رنز کا پہاڑ کھڑا کیا۔پہلے ٹیسٹ میچ میں میزبان نیوزی لینڈ کی جانب سے کپتان میکولم کی شاندار ڈبل سنچری کی بدولت ٹیم 503 رنز بنائے۔ کپتان میکولم نے ڈبل سنچری اسکور کرتے ہوئے 224 رنز جوڑے۔ کین ولیمسن بھی جارحانہ بلے بازی کرتے ہوئے 113 رنز کی اننگز کھیلی۔کورے اینڈرسن77 رنز بنا اےشانت شرما کی گیند پر کیچ آوٹ ہوئے۔ بھارت کی جانب سے چھ وکٹیں حاصل کیں۔ بھارت کی پہلی اننگز میں بیٹنگ کا آغاز انتہائی مایوس کن رہا۔ شیکھر دھون کوئی رن بنائے بغیر پویلین لوٹ گئے۔ ویرات کوہلی 4وجے مرلی 26 رنز کا اضافہ کر سکے۔ روہت شرما 67 اوراجنکیا ریحانے 23 رنز کے ساتھ کریز پر موجود ہیں۔ کم روشنی کے باعث کے دن کا اختتام جلد کر دیا گیا۔

کیلیفورنیا: امریکا کے جمی والکر نے فیڈایکس گالف چیمپئن شپ کے پہلے راونڈ میں برتری حاصل کر لی۔امریکی ریاست کیلیفورنیا میں ہونیوالی گالف چیمپئن شپ کے افتتاحی راونڈ میں گالفرز نے شاندار پرفارمنسسز دکھائیں۔ امریکہ کے جمی والکر نے عمدہ کھیل کا مظاہرہ کرتے ہوئے دوا سٹروکس کی برتری حاصل کی۔ لزانیا کے ایڈریو لوپ پہلے راونڈ میں مقابلہ کرتے ہوئے دوسرے نمبر پر رہے۔

لندن: انگلش فٹ بال کلب مانچسٹر یونائیٹڈ نے انٹرنیشنل چیمپئنز کپ کے لئے اپنے دورہ امریکا کی تصدیق کردی ۔ میگا ایونٹ میں دنیا کی آٹھ ٹاپ ڈومیسٹک ٹیمیں شرکت کریں گی جس میں انگلینڈ کی مانچسٹر سٹی اور لیور پول بھی شامل ہیں جبکہ اسپین اور اٹلی کی ریال میڈرڈ ،انٹرمیلان اور اے سی میلان بھی ایکشن میں دکھائی دیں گی ۔ ایونٹ میں شریک آٹھوں ٹیموں کو دو گروپ میں تقسیم کیا گیا ہے ۔

کراچی: قومی کرکٹ ٹیم کے سابق کپتان راشد لطیف کا کہنا ہے کہ بگ تھری منصوبہ اگر فائدہ مند ہے تو پاکستان حمایت کرے۔ اگر منصوبہ سود مند نہیں توپاکستان سری لنکا اور جنوبی افریقہ کے ساتھ مل کر آئی سی سی ایونٹ کا بائیکاٹ کردے۔ ایک انٹرویو کے دوران راشد لطیف کا کہنا تھا کہ پاکستان کرکٹ بورڈ کو بگ تھری مسودے پراسی صورت میں دستخط کرنے چاہئیں جب یہ منصوبہ پاکستانی کرکٹ کے لیے فائدہ مند ہو۔ اگر منصوبہ پاکستان کے مفاد میں نہیں ہے توسری لنکا اور جنوبی افریقہ کے ساتھ مشاورت کے بعد آئی سی سی کے تمام ایونٹس سے بائیکاٹ کر دینا چاہیے۔ راشد لطیف کا مزید کہنا تھا کہ پاکستان ٹیم دنیا کی ایک اہم ترین ٹیم ہے جس کا بگ تھری کوبھی بخوبی اندازہ ہے۔ سابق کپتان کا کہنا تھا کہ سری نواسن کی پاکستان کے ساتھ کھیلنے کی پیشکش پروہ یقین نہیں رکھتے کیونکہ دونوں ملکوں کے کرکٹ روابط کی بحالی بورڈز کے نہیں بلکہ اسٹیبلشمنٹ کے ہاتھ میں ہے۔