جموں /مقبوضہ جموں و کشمیر (پی پی آئی)نیشنل کانفرنس کے صدر اور سابق وزیر اعلی فاروق عبداللہ نے کہا ہے کہ اگر جموں و کشمیر میں خون خرابہ بند کرنا ہے تو اس کے لئے بھارت اور پاکستان کے پاس بات چیت کے سوا کوئی چارہ نہیں۔ کوکر ناگ انکاؤنٹر کے دوران تین فوج اور پولیس کے تین افسران کی ہلاکت کا تذکرہ کرتے ہوئے فاروق عبداللہ نے کہا کہ اور اس کے لئے ہندوستان کو پاکستان کے ساتھ بات کرنی چاہئے۔انہوں نے کہا کہ جنگوں سے کبھی معاملات حل نہیں ہوئے ہیں اور نہ کبھی ہونگے بلکہ بات چیت سے ہی ہر مسئلے کا حل نکالا جاسکتا ہے۔ انہوں نے کہا کہ کوکرناگ جیسے واقعات ہوتے رہیں گے جب تک بات چیت کے ذریعے معاملے کا حل نہیں نکالا جائے۔ انہوں نے ہندوستان اور پاکستان کو مشورہ دیا کہ وہ ضد چھوڑ کر مذاکرات کی میز پر آئیں۔
آسٹریلین اوپن کا آغاز میں وینس ولیمزکو اپ سیٹ شکست کا سامنا
پی ٹی آئی کا پنجاب میں یوتھ اسپورٹس فیسٹیول کرانے کا اعلان
اٹلی کے اوماروسنٹن نے اسنوبورڈ کراس فائنل میں کامیابی حاصل کرلی
ڈوپنگ: امریکی بیس بال کھلاڑی ایلکس پر ایک سال کی پابندی عائد
نیوزی لینڈ کا ٹی 20ورلڈ کپ کیلئے بنگلہ دیشن جانے پر تحفظات کااظہار
دبئی ٹیسٹ : جے وردھنے نے 9کیچ پکڑ کر کامران اکمل کا ریکارڈ توڑ دیا
تازہ ترین خبریں
- April 23, 2026
- April 22, 2026
اشتہار
تازہ ترین
پاکستان کی لیبر مارکیٹ مکمل طور پر بحال نہیں ہوسکی،بے روزگار افراد کی تعداد 56 لاکھ تک پہنچنے کا خدشہ
کراچی (پی پی آئی)انٹرنیشنل لیبر آرگنائزیشن (آئی ایل او) نے کہا ہے کہ پاکستان کی لیبر مارکیٹ ابھی تک عالمی وبا کورونا وائرس اور معاشی بحران سے مکمل طور پر بحال نہیں ہوئی اور اس سال بے روزگار افراد کی تعداد 56 لاکھ تک پہنچنے کاخدشہ ہے، جس میں 2021 کے بعد سے 15 لاکھ کا اضافہ ہے۔۔پی پی آئی کے مطابق آئی ایل او کی آؤٹ لک رپورٹ میں کہا کہ یہ تخمینہ آئی ایم ایف کی 2023 میں 8.5 فیصد کی متوقع بے روزگاری کی شرح سے منسلک ہے، جو 2021 کے 6.2 فیصد سے زیادہ ہے۔رپورٹ میں اس بات پر بھی روشنی ڈالی گئی ہے کہ خواتین کی بے روزگاری کی شرح 11.1 فیصد کی بلند ترین سطح تک پہنچ سکتی ہے۔آئی ایل او نے خبردار کیا کہ ملازمتوں میں کمی اور بڑھتی ہوئی بے روزگاری پاکستان کی پیش رفت کو کئی دہائیاں پیچھے دھکیل سکتی ہے۔آئی ایل او کے تخمینے کے مطابق 2023 میں پاکستان کی آبادی سے روزگار کا تناسب 47.6 فیصد پر بحران سے پہلے کے رجحان کی لکیر سے بہت نیچے گر گیا ہے آئی ایل او نے کہا کہ پاکستان کو بہت سارے چیلنجز کا سامنا ہے جو اس کی لیبر مارکیٹ پر نقصانات مرتب کر رہے ہیں۔پاکستان کے لیے انٹرنیشنل لیبر ا?رگنائزیشن کے کنٹری ڈائریکٹر نے کہا کہ2023 میں ملک میں روزگار کا آبادی کے لحاظ سے تخمینہ 47.6 فیصد ہے جو 2019 کے بحران سے تقریباً 2 فیصد کم ہے۔۔2022 کے تباہ کن سیلاب اور اس وقت سامنے آنے والے مالیاتی بحران کے پیش نظر پاکستان کی معیشت منفی نمو اور افراط زر کے دباؤ کا سامنا کر رہی ہے جو کاروباری اداروں اور لوگوں کے لیے برداشت کرنا مشکل ہو رہا ہے۔
بھارت میں پاکستان پرحملے کے بارے میں قیاس آرائیاں شروع
سری نگر/مقبوضہ جموں و کشمیر،مظفر آباد/آزاد کشمیر(پی پی آئی)بھارت میں پاکستان پرحملے کے بارے میں قیاس آرائیاں شروع ہوگئی ہیں، ان قیاس آرائیوں کا مقصد صرف عوامی حمایت اور ووٹ حاصل کرنا ہے۔یہ ناکام کوشش جعلی ان کاؤنٹر سے شروع ہو کر اپنے ہی فوجیوں کی ہلاکت پر انجام پذیر یاد رہے کہ منی پور اور ہریانہ میں بھی عیسائیوں، مسلمانوں پر تشدد کے حالیہ واقعات رونما ہوئے، بی جے پی ان واقعات کو نسلی زاویہ دیکر انتخابی فوائد حاصل کرنے کی کوشش کر رہی ہے۔ پی پی آئی کے مطابق بھارت مقبوضہ کشمیر کے بارے میں اس وقت ایک متضاد بیانیہ پیش کر رہا ہے، بھارتی فوجیوں کی ہلاکت کا یہ واقعہ وادی میں معمول کے حالات کے دعووں کی صریحاً نفی کر رہا ہے۔
کراچی میں پولیس آپریشن،سٹریٹ کرائمز میں ملوث 3ملزمان گرفتار
کراچی (پی پی آئی)کراچی ایسٹ پولیس نے شہرکے مختلف علاقوں میں تین کارروائیوں کے دوران 3ملزمان گرفتار کرلیے پولیس کے مطابق ملزمان ا سٹریٹ کرائم، کارلفٹنگ، منشیات فروشی اور چھالیہ سپلائی میں ملوث ہیں، گرفتار ملزمان میں صدیق، بصیر اورممتاز علی شامل ہیں۔پی پی آئی کے مطابق پولیس کا کہنا ہے کہ ملزمان سے غیرقانونی اسلحہ،پسٹل وایمونیشن،چوری شدہ کار 1 کلو550 گرام چرس، بھاری مقدار میں چھالیہ بھی برآمدکی گئی ہے، ملزمان کا مجیدلاشاری کے بدنام زمانہ گروہ سے تعلق ہے جو کارچوری کی وارداتوں میں ملوث ہے۔اگرفتار ملزمان کا سابقہ کرمنل رکارڈ چیک کیا جا رہا ہے،تفتیش جاری ہے۔
تلاش کریں
خبریں
آسٹریلین اوپن کا آغاز میں وینس ولیمزکو اپ سیٹ شکست کا سامنا
(January 13, 2014)
میلبورن: سال2014 کے پہلے گرینڈ سلم آسٹریلین اوپن ٹینس ٹورنامنٹ کا آغاز ہوگیا۔ سابق عالمی نمبر ایک امریکہ کی وینس ولیمز پہلے راونڈ میں اپ سیٹ شکست کے بعد ایونٹ سے باہر ہوگئیں۔ میلبورن میں شروع ہونے والے سال کے پہلے گرینڈ سلم میں دنیا کے بہترین کھلاڑی ایکشن میں ہیں۔ایونٹ کا آغاز پہلے بڑے اپ سیٹ کے ساتھ ہوگیا۔ امریکہ کی وینس ولیمز کو روسی کھلاڑی نے ابتدائی مرحلے میں شکست دے کر ایونٹ سے باہر کردیا۔ روس کی کیترینا ماکاروا نے ایک سیٹ کے خسارے میں جانے کے باوجود وینس ولیمز کو زیر کیا۔سات مرتبہ کی گرینڈ سلم ونر وینس کو دو چھ، چھ چار اور چھ چار کے اسکور کے ساتھ ناکامی کا سامنا کرنا پڑا۔ گزشتہ سال بھی آسٹریلین اوپن کے چوتھے راونڈ میں وینس کو روسی کھلاڑی نے مات دی تھی۔
پی ٹی آئی کا پنجاب میں یوتھ اسپورٹس فیسٹیول کرانے کا اعلان
(January 13, 2014)
لاہور: پاکستان تحریک انصاف نے پنجاب یوتھ فیسٹیول کے متوازی پیس اسپورٹس فیسٹیول کرانے کا اعلان کردیا ۔ پی ٹی آئی کی رکن پنجاب اسمبلی سعدیہ سہیل اور اسپورٹس ونگ کے صدر افتخار الٰہی نے لاہور میں پریس کانفرنس کرتے ہوئے کہا کہ اسپورٹس پیس فیسٹیول کے پہلے مرحلے میں آئندہ ماہ رن فار پیس میراتھن کرائی جائے گی۔جس کے لئے لاہور کی ضلعی حکومت نے این او سی دینے سے انکار کردیا ہے۔ جس کے بعد یہ میراتھن کینٹ میں کروانے کے لئے کور کمانڈر لاہور کو درخواست بھیجی ہوئی ہے۔انہوں نے کہا کہ پنجاب یوتھ فیسٹیول پر پنجاب حکومت کے خلاف کارروائی کے لئے الیکشن کمیشن میں جلد ریفرنس دائر کیا جائے گا۔صوبائی حکومت یوتھ فیسٹیول کے لوگو پر شیر کا نشان لگا کر سرکاری خزانہ استعمال کرتے ہوئے سیاسی مہم چلارہی ہے۔
اٹلی کے اوماروسنٹن نے اسنوبورڈ کراس فائنل میں کامیابی حاصل کرلی
(January 13, 2014)
اندورا: اٹلی کے اوماروسنٹن اسنوبورڈ کراس فائنل میں کامیابی حاصل کرتے ہوئے ورلڈ کپ اسٹینڈنگ میں پہلے نمبر پر آگئے۔ کولوراڈو میں ہونے والا ہاف پائپ ایونٹ امریکہ کے ڈیوڈ وائس کے نام رہا۔ اندورا میں ہونے والے اسنو بورڈ کراس فائنل میں اٹلی کے اوماروسنٹن نے شاندار کامیابی حاصل کرتے ہوئے کراس ورلڈ کپ اسٹینڈنگ میں ٹاپ پوزیشن حاصل کرلی۔ اومارہفتے کو تیسرے نمبر پر تھے لیکن انہوں نے اپنے حریفوں کوشکست دے کر ویک اینڈ کا اختتام نمبر ون کی حیثیت سے کیا۔ ویمنزایونٹ میں چیک ری پبلک کی ایواسمکووا پہلے نمبر پر رہیں۔ اوورآل لیڈر کینیڈا کی ڈومینک مالٹائس کودوسری پوزیشن پر اکتفا کرنا پڑا۔ ادھرامریکی ریاست کولوراڈومیں ہونے والاایف آئی ایس فری اسٹائل ورلڈ کپ اسکی ہاف پائپ ایونٹ امریکہ کے ڈیوڈ وائس کے نام رہا۔ وائس نے79پوائنٹس اسکور کر کے سوچی اولمپکس کیلئے امریکی ٹیم میں بھی جگہ بنالی۔ ویمنز ایونٹ میں امریکہ کی میڈی براﺅن پہلے نمبر پر رہیں۔ براﺅن کا اسکور 84 پوائنٹس رہا۔ جاپان کی آیانا اونوزو نے دوسری اور ایمی شی ہان نے تیسری پوزیشن حاصل کی۔
ڈوپنگ: امریکی بیس بال کھلاڑی ایلکس پر ایک سال کی پابندی عائد
(January 13, 2014)
نیویارک: نیویارک سے تعلق رکھنے والے دنیا کے مہنگے ترین معروف امریکی بیس بال کھلاڑی ایلکس روڈریگز کی ڈوپ ٹیسٹ رپورٹ مثبت آنے پر ایک سال کی پابندی عائد کردی گئی۔پابندی کے تحت وہ رواں سال 2014 کے میجر لیگ بیس بال سیزن کا کوئی میچ نہیں کھیل سکیں گے۔ ایلکس نے اپنی معطلی کے فیصلے پر نظر ثانی کی درخواست دائر کی تھی جسے انتظامیہ نے مسترد کر دیا ہے۔ ایلکس کو اس سے قبل بھی منشیات کے استعمال کی وجہ کئی میچوں میں معطلی کا سامنا رہا ہے۔
نیوزی لینڈ کا ٹی 20ورلڈ کپ کیلئے بنگلہ دیشن جانے پر تحفظات کااظہار
(January 13, 2014)
ڈھاکا: بنگلہ دیش کے لئے ورلڈکپ ٹی ٹوئنٹی کا انعقاد امتحان بن گیا۔ بی سی بی نے پاکستان کے خدشات دور کئے تو نیوزی لینڈ نے سکیورٹی پر تحفظات کا اظہار کردیا۔ورلڈ ٹی ٹوئنٹی کا انعقاد بنگلہ دیش کیلئے لوہے کے چنے چبانے کے مترادف بنتا جارہا ہے۔ گزشتہ کئی ماہ سے بنگلہ دیش میں سیکورٹی کی صورتحال خراب ہے جس کے باعث ایشیائی ٹیموں کے بعد اب غیر ایشیائی ٹیمیں بھی وہاں کھیلنے پرتحفظات کا اظہار کررہی ہیں۔ نیوزی لینڈ کرکٹ بورڈ نے بھی بنگلہ دیش کی سیکورٹی صورتحال پر تشویش کا اظہارکیا ہے۔ کیوی کرکٹ کے چیف ایگزیکٹیوڈیوڈ وائٹ کا کہنا ہے کہ گزشتہ ہفتے آئی سی سی چیف ایگزیکٹیوکمیٹی کی میٹنگ میں بنگلہ دیش کی سیکورٹی صورتحال پربحث ہوئی ہے اوربیس جنوری کواس معاملے پرایک اورسیکورٹی میٹنگ ہوگی۔ دوسری جانب پلیئرز ایسوسی ایشن کے ایگزیکٹیو چیئرمین پال مارش کا کہنا ہے کہ بنگلہ دیش میں الیکشن کے بعد سے حالات کشیدہ ہیں۔ ورلڈ ٹی ٹوئنٹی میں کافی وقت ہے اسلئے پلیئرزایسوسی ایشن روزانہ کی بنیاد پرحالات کا جائزہ لے رہی ہے۔ انہوں نے کہا کہ اگرکھلاڑیوں کی سیکورٹی کوخطرات لاحق ہوئے توانہیں بنگلہ دیش نہ جانیکا مشورہ دیں گے۔
دبئی ٹیسٹ : جے وردھنے نے 9کیچ پکڑ کر کامران اکمل کا ریکارڈ توڑ دیا
(January 13, 2014)
دبئی: سری لنکن کرکٹ ٹیم کے وکٹ کیپر پرسنا جے وردھنے نے دبئی ٹیسٹ میں پاکستان کے خلاف میچ میں 9کیچ لے کر پاکستانی وکٹ کیپر کامران اکمل کا ریکارڈ توڑ دیا ۔جے وردھنے نے پہلی اننگز میں چاراور دوسری اننگز میں 5کیچ پکڑے ۔ اس سے قبل پاکستانی وکٹ کیپر کامران اکمل نے 2009میں گال ٹیسٹ میں 7کیچ اور ایک اسٹیمپڈ سمیت آٹھ کھلاڑیوں کو آﺅٹ کرکے ریکارڈ قائم کیا تھا ۔