کراچی (پی پی آئی)دنیا بھر میں اعضا اور ٹشوز عطیہ دینے کا ہفتہ منایا جارہا ہے اس دوران کامیاب آگہی مہم کے باعث صرف اسکاٹ لینڈ میں 53.8 فیصد افرادنے موت کے بعد عطیہ دینے پر رضا مندی ظاہر کی ہے۔اسکاٹ لینڈ کی پبلک ہیلتھ منسٹر جینی مرو نے عوام سے اپیل کی تھی کہ وہ اعضا کا عطیہ دینے کیلئے خود کو زیادہ سے زیادہ تعداد میں رجسٹر کرائیں۔ پی پی آئی کے مطابق اسکاٹ لینڈ میں اعضا اور ٹشوز کا عطیہ دینے کا ہفتہ منایا جارہا ہے۔تازہ ترین اعدادو شمار کے مطابق اب تک 57.1 فیصد عوام نے اپنے اعضا کا عطیہ دینے یا نہ دینے کا فیصلہ درج کرایا ہے۔ ان میں 53.8فیصد نے عطیہ دینے پر اتفاق کیا ہے جب کہ3.3فیصد نے خود کو شامل نہیں کیا، اس کا مطلب ہے کہ42.9فیصد نے ابھی تک اپنا فیصلہ رجسٹریشن کیا۔ اسکاٹش منسٹر کا کہنا تھا کہ ہر فرد اپنے اعضا کا عطیہ دینے یا نہ دینے کا اختیار رکھتا ہے، تاہم اگر کوئی فرد جس کی عمر16سال سے زیاد ہے اور اس نے اپنا عطیہ نہ دینے کا فیصلہ درج نہیں کرایا تو اس کی موت کی صورت میں فرض کرلیا جائے گا کہ اس نے عطیہ دینے پر اتفاق کیا تھا۔ اعضا کا عطیہ دینے سے ایسے بے شمار افراد کی زندزگیاں بدل جاتی ہیں جو اس وقت مہلک بیماریوں کا شکار ہیں۔
شکست کے باوجود نوواک جوکووچ اپنے کوچ بورس بیکر سے مطمئن
کرکٹ ورلڈ کپ 2015کی منصوبہ بندی کیلئے 2رکنی کمیٹی قائم
آسٹریلین اوپن : ثانیہ مرزا نے اعصام الحق کے ہوش اُڑا دیئے
برطانوی اخبار نے مصباح الحق کو معزز ترین کرکٹر قرار دے دیا
وفاقی حکومت نے ذکاءاشرف کی بحالی کو چیلنج کرنے فیصلہ کرلیا
پی سی بی نے ذاکر خان کو ڈائریکٹر انٹرنیشنل کرکٹ مقرر کردیا گیا
تازہ ترین خبریں
- April 23, 2026
- April 22, 2026
اشتہار
تازہ ترین
شہر قائد میں جشن میلادالنبیﷺکی تیاریاں عروج پر،سبز پرچموں کی بہار
کراچی (پی پی آئی) شہر قائد میں جشن میلادالنبیﷺکی تیاریاں عروج پر ہیں جابجاسبز پرچموں کی بہار دکھائی دیتی ہے اور ہرسو درودو سلام کی صدائیں گونج رہی ہیں، شہر و مضافات برقی قمقموں سے جگمگانے لگے ہیں‘ پی پی آئی کے مطابق دعوت اسلامی، جماعت اہلسنت و دیگر دینی تنظیموں کی جانب سے شہر بھر میں سجاوٹ کی جا رہی ہے ۔ماہ میلادالنبی ﷺکے دوران مساجد و خانقاہوں میں محافل ذکر ولادت،جلسہ ہائے میلادالنبی،حسن نعت و قرات کے مقابلوں کیساتھ ساتھ تعلیمی اداروں، بازاروں،سرکاری و غیرسرکاری اداروں،دفاترمیں محافل درودوسلام کا انعقاد شروع ہے۔
جشن عید میلاد النبی پر میر واعظ محمد عمرفاروق کی فوری غیر مشروط رہائی کا مطالبہ
سری نگر/مقبوضہ جموں و کشمیر (پی پی آئی)مقبوضہ جموں و کشمیر ا کی حریت تنظیموں،نجمن اوقاف جامع مسجد سرینگر اور کشمیری عمائدین نے جشن عید میلاد النبی کے موقع پر غیر قانونی طورپر نظربند میر واعظ محمد عمرفاروق کی فوری غیر مشروط رہائی کا مطالبہ دہرایا ہے۔پی پی آئی کے مطابق ان تنظیموں کا کہنا ہے کہ کئی برس سے غیر قانونی طورپر نظربند سربراہ میر واعظ محمد عمرفاروق کی مسلسل اسیری قابض انتظامیہ کے آمرانہ رویے کا مظہر ہے جس کی ہر مکتبہ فکر کی جانب سے شدید مذمت کی جا رہی ہے۔
رواں مالی سال پاکستان کی اکانومی کی گروتھ 1.9فیصد رہنے کی پیش گوئی
کراچی (پی پی آئی)ایشیائی ترقیاتی بینک (اے ڈی بی)نے پاکستانی معیشت سے متعلق رپورٹ جاری کردی ہے۔پی پی آئی کے مطابق ایشین ڈویلپمنٹ بینک کا اپنی رپورٹ میں کہنا ہے کہ رواں مالی سال الیکشن ہونے سے پاکستان کی معیشت سنبھل سکتی ہے،مالی سال 2024کے دوران الیکشن سے پاکستان کی معیشت کو اعتماد ملے گا،پی پی آئی کے مطابق اے ڈی بی نے رواں مالی سال پاکستان کی اکانومی کی گروتھ 1.9فیصد رہنے کی پیش گوئی کی ہے۔ایشیائی ترقیاتی بینک کا کہنا ہے کہ معاشی شرح نمو میں گروتھ کیلئے اصلاحاتی ایجنڈے پر عملدرآمد ناگزیر ہے، مہنگائی کی مجموعی شرح 25فیصد تک رہنے کی پیش گوئی کی گئی ہے، پی پی آئی کے مطابق رپورٹ میں کہا گیا ہے کہ مالی نظم و نسق، ایکچینج ریٹ، پاور سیکٹر میں اصلاحات کی ضرورت ہے، معاشی گروتھ کیلئے حکومتی ملکیتی اداروں میں اصلاحات ضروری ہیں۔
تلاش کریں
خبریں
ملک کے بیشتر علاقوں میں عمومی طور پر گرم اور خشک موسم متوقع
پاک-ترک وزرائے خارجہ کا علاقائی امن کی پیش رفت پر تبادلہ خیال
شکست کے باوجود نوواک جوکووچ اپنے کوچ بورس بیکر سے مطمئن
میلبورن: سابق عالمی نمبر ایک سربین ٹینس اسٹار نوواک جوکووچ نے آسٹریلین اوپن کے کوارٹر فائنل میں شکست کے باوجود اپنے نئے کوچ بورس بیکر پر مکمل اعتماد کا اظہار کیا ہے ۔ جوکووچ کو آسٹریلین اوپن کے کوارٹر فائنل مقابلے میں سویڈن کے اسٹان اسلاس داورنیکا نے اپ سیٹ شکست سے دوچار کیا تھا ۔
کرکٹ ورلڈ کپ 2015کی منصوبہ بندی کیلئے 2رکنی کمیٹی قائم
لاہور: کرکٹ ورلڈ کپ 2015ءکے پلان کے لیے پاکستان کرکٹ بورڈ نے 2 رکنی کمیٹی بنا دی۔پی سی بی حکام کا کہنا تھا کہ 2 رکنی کمیٹی میں انتخاب عالم اور جاوید میاں داد شامل ہیں۔ پی سی بی کا مزید کہنا تھا کہ ورلڈ کپ 2015 کے سلسلے میں منصوبہ بندی کرے گی۔ کمیٹی ورلڈ کپ 92 کے فاتح کھلاڑیوں سے تجاویز لے گی اور بہتر حکمت عملی بنانے میں اہم کردار ادا کرے گی۔ ڈی جی کرکٹ جاوید میانداد کا اس موقع پر کہنا تھا کہ 13 ماہ پہلے تیاری کے آغاز سے ٹیم پر مثبت اثر پڑے گا۔
آسٹریلین اوپن : ثانیہ مرزا نے اعصام الحق کے ہوش اُڑا دیئے
میلبورن: آسٹریلین اوپن کے مکسڈ ڈبلز میں پاکستانی ٹینس اسٹار اعصام الحق کی جوڑی کو ثانیہ مرزا کی جوڑی سے شکست ہو گئی۔ چین کی لی نا اور سلواکیہ کی چیبکووا ڈومنیکاویمنز فائنل میں پہنچ گئیں۔سیزن کے پہلے گرینڈ سلیم کے مکسڈ ڈبلز کوارٹر فائنل میں اعصام الحق جرمن پارٹنر جولیا گارجیس کے ساتھ ثانیہ مرزا اور رومانیہ کے ہوریا ٹیکاﺅکے مد مقابل ہوئے۔ پاک جرمن جوڑی کو بھارت اور رومانیہ کے کھلاڑیوں سے دلچسپ مقابلے کے بعد شکست کا سامنا ہوا۔ ثانیہ مرزا کی جوڑی کی فتح کا اسکور چھ تین اور چھ چار رہا۔ مکسڈ ڈبلز کے سیمی فائنل میں کوالیفائی کرنے پر بھارتی ٹینس کوئین ثانیہ مرزا کا کہنا تھا کہ اعصام الحق کی جوڑی نے عمدہ کھیل کا مظاہرہ کیا لیکن میچ میں قسمت ان کے ساتھ تھی۔ خواتین کے سنگلز ایونٹ کے سیمی فائنل میں سلواکیہ کی ڈومینیکا نے پولینڈ کی رڈوانسکا آگنیسکاکو اپ سیٹ شکست دی۔ سلواکین کھلاڑی ٹینس کیریر میں پہلی بار گرینڈ سلیم کے فائنل میں پہنچیں۔ اس سے پہلے کھیلے گئے سیمی فائنل میں چین کی لی نا نے کینیڈا کی یوگینی بوچرڈ کوا سٹریٹ سیٹس میں شکست دی تھی۔
برطانوی اخبار نے مصباح الحق کو معزز ترین کرکٹر قرار دے دیا
لندن: برطانوی اخبار نے پاکستانی کرکٹ ٹیم کے کپتان مصباح الحق کو دورِ حاضر کی کرکٹ کا ذہین و مضبوط ترین اعصاب کا مالک اور دنیا کا سب سے باعزت کرکٹر قرار دیدیا۔ برطانوی اخبار ٹیلی گراف کی رپورٹ میں شارجہ ٹیسٹ میں سری لنکا کے خلاف فتح میں اہم کردار ادا کرنے پر پاکستانی کپتان کو دنیا کا سب سے عزت دار کرکٹر قرار دیا گیا ہے۔ اس لسٹ میں آسٹریلوی کپتان مائیکل کلارک اور ویسٹ انڈین بلے باز شیونارائن چندرپال کا نام بھی شامل تھا، مصباح دور جدید کی کرکٹ کے ذہین اور مضبوط اعصاب والے کرکٹر ہیں۔ رپورٹ میں کہا گیا ہے کہ مصباح الحق نے سری لنکن ٹیم پر حملے اور پھر3 پاکستانی کھلاڑیوں پر اسپاٹ فکسنگ اسکینڈل کے الزام کے بعد بدترین حالات میں جس طرح ٹیم کی قیادت کی اگر لیجنڈ کرکٹر عمران خان بھی ہوتے توان کے لئے بھی پاکستانی ٹیم کی قیادت آسان نہ ہوتی، مصباح مشکل ترین ہدف کو حاصل کرنے کی صلاحیت بھی رکھتے ہیں اور سری لنکا کے خلاف 302 رنز کا ہدف حاصل کرنے کے لئے ان کی اظہر علی کے ساتھ 109 رنز کی شراکت نے اہم کردار ادا کیا۔
وفاقی حکومت نے ذکاءاشرف کی بحالی کو چیلنج کرنے فیصلہ کرلیا
اسلام آباد: وفاقی حکومت نے پاکستان کرکٹ بورڈ کے چیئرمین چوہدری محمد ذکاءاشرف کی بحالی کے خلاف سپریم کورٹ میں اپیل کرنے کا فیصلہ کرلیا ۔ بین الصوبائی رابطہ کمیٹی کے قانونی مشیر کے مطابق ذکاءاشرف کی بحالی کو چیلنج کرنے کا فیصلہ نجم سیٹھی اور وزیراعظم کے درمیان ہونے والی ملاقات کے بعد کیا گیا ۔وفاقی حکومت نے اس سے قبل عدالت کے احکامات پر عمل در آمد کرنے کے عزم کا اظہار کیا تھا تاہم دو روز قبل نجم سیٹھی کی وزیراعظم سے ملاقات کے بعد بین الصوبائی رابطہ کمیٹی کو اسلام آباد ہائی کورٹ کے فیصلے کو سپریم کورٹ میں چیلنج کرنے کے احکامات ملے ہیں ۔اٹھارویں ترمیم کے بعد اب صدرمملکت کی جگہ وزیراعظم پی سی بی کے سرپرست اعلیٰ ہیں ۔ وزیراعظم کے احکامات پر ہی نجم سیٹھی کو پی سی بی کی عبوری کمیٹی کا چیئرمین مقرر کیا گیا تھا ۔
پی سی بی نے ذاکر خان کو ڈائریکٹر انٹرنیشنل کرکٹ مقرر کردیا گیا
لاہور: پاکستان کرکٹ بورڈ نے ذاکر خان کو ڈائریکٹر انٹرنیشنل کرکٹ مقرر کردیا جبکہ انتخاب عالم ڈائریکٹر ڈومیسٹک کی ذمہ داری نبھائیں گے۔ پی سی بی ترجمان کے مطابق ذاکر خان کو عالمی سطح پر کرکٹ کے امور دیکھنے کیلئے ڈائریکٹر انٹرنیشنل مقرر کیا گیا ہے، اس سے پہلے یہ اضافی چارج انتخاب عالم کے پاس تھا۔ترجمان کے مطابق انتخاب عالم کو ڈائریکٹر گیم ڈیولپمنٹ کے ساتھ ڈائریکٹر ڈومیسٹک کرکٹ آپریشنز کی ذمہ داری بھی سونپی گئی ہے۔