لاہور(پی پی آئی)مسلم لیگ ن کے رہنماعطا محمد تارڑ کا کہنا ہے کہ چیئرمین پی ٹی آئی نے عالمی عدالت میں جانے کے لیے غیرملکی وکیل جیفری رابرٹسن کو ہائرکیا ہے جو اسلام مخالف ہے۔لاہور میں پریس کانفرنس کرتے ہوئے مسلم لیگ ن کے رہنما عطا تارڑ نے کہا ہے کہ جیفری رابرٹسن کے اسرائیل سے روابط رہے ہیں اور وہ ملعون سلمان رشدی کا وکیل رہا ہے۔ یہ وکیل اسلام مخالف پروپیگنڈے میں بھی شامل رہا ہے۔ جیفری رابرٹسن نے ناصرف ملعون سلمان رشدی کی وکالت کی بلکہ اسے اپنے گھر میں پناہ بھی دی۔رہنما ن لیگ نے کہا کہ چیئرمین پی ٹی آئی کو اپنی وکالت کے لیے ملعون سلمان رشدی کا ہی وکیل ملاہے جس کے ذریعے انسانی حقوق کا مقدمہ بنا کرعالمی عدالت سے مدد لی جا رہی ہے جبکہ عالمی عدالت میں مقدمات دو ممالک کے درمیان تنازعات کے جاتے ہیں۔عطا تارڑ نے کہا کہ مقدمہ عالمی عدالت میں لے جانے کا مقصد پی ٹی آئی ریاست کے خلاف عالمی عدالت جا رہی ہے۔ کوئی اپنی سیاست کی خاطر اس حد تک بھی جا سکتا ہے؟ دشمنوں نے اپنے ٹی وی شوز میں کہا کہ ہمیں چیئرمین پی ٹی آ ٓئی سوٹ کرتا ہے۔رہنمامسلم لیگ ن نے کہا کہ چیئرمین پی ٹی آئی نے ملکی اداروں کے خلاف کام کیا۔ انھوں نے نو مئی کے واقعات، سائفر، توشہ خانہ ملک دشمنوں کوخوش کرنے کے لیے کیے۔ جو کیسز بھگت رہے ہیں یہ آپ کا ہی کیا دھرا ہے۔ توشہ خانہ کی چوری ڈکیتی اربوں روپے میں ہے۔ کیا سائفرکا کیس ہم نے بنایا؟ ہم نے کہا تھا سائفر لہرائیں؟
ٹین پن باﺅلنگ چیمپئن شپ 22اکتوبر سے کراچی میں شروع ہوگی
چین میں منعقد عالمی ا ملٹری پیراشوٹنگ مشقوں میں پاکستان کی شرکت
کریملن کپ : سیمونا ہالیپ نے سمانتھاسٹوسر کو فائنل میں شکست دیدی
پاکستانی اعصام الحق اور بھارتی روہن بوپاراپھر ایک ساتھ ایکشن میں نظر آئیں
پاکستان نے اپنی نظریں جنوبی افریقہ کیخلاف سیریز میں وائٹ واش پر جمادیں
انگلینڈ نے فٹبال ورلڈ کپ کے لئے کوالیفائی کرلیا
تازہ ترین خبریں
- April 23, 2026
اشتہار
تازہ ترین
انسداد دہشتگردی کی لاہور عدالت سے اسد عمر 5 مقدمات میں ڈسچارج
لاہور(پی پی آئی)انسداد دہشت گردی عدالت لاہور نے پی ٹی آئی کے رہنما اسد عمر کو پانچ مقدمات سے ڈسچارج کر دیا۔دورانِ سماعت پولیس نے عدالت کو بتایا کہ اسد عمر 5 مقدمات میں مطلوب نہیں ہیں۔پی پی آئی کے مطابق اسد عمر نے تھانہ سرور روڈ کے تین، تھانہ ریس کورس اور گلبرگ کے ایک ایک مقدمہ میں عبوری ضمانتیں دائر کی تھیں۔مقدمہ نمبر 852/23 ریس کورس، مقدمہ نمبر 1283/23 گلبرگ مقدمہ نمبر 97/23، 103/23، 108/23 سرور روڈ میں درج ہیں جبکہ 5 مقدمات میں نو مئی کو توڑ پھوڑ اور ہنگامہ آرائی کرانے کا الزام تھا۔دوسری جانب انسداد دہشتگردی عدالت میں ماڈل ٹاؤن میں مسلم لیگ ن کا آفس جلانے سے متعلق بھی کیس کی سماعت ہوئی۔
پاک فضائیہ کے جے ایف-17 تھنڈر طیاروں کی مصر میں بین الاقوامی فضائی مشق میں شرکت
قاہرہ (پی پی آئی)پاک فضائیہ کے جے ایف-17 تھنڈر طیارے مصر میں بین الاقوامی فضائی مشق میں شرکت کیلئے ان دنوں مصر میں ہیں۔ترجمان پاک فضائیہ کے مطابق مصر کے محمد نجیب ملٹری بیس میں بین الاقوامی فضائی مشق“برائٹ اسٹار 2023”کا آغاز ہو گیا، مشق میں حصہ لینے والے پاک فضائیہ کے دستے میں ہنرمند ایئر و گراؤنڈ عملہ اپنی غیر معمولی صلاحیتوں کے جوہر دکھائے گا۔پاک فضائیہ کے ترجمان کے مطابق برائٹ اسٹار مشق، 1977کے کیمپ ڈیوڈ معاہدے کے نتیجے میں امریکہ اور مصر کے درمیان دو طرفہ تربیتی پروگرام کے طور پر شروع ہوئی، برائٹ اسٹار مشق ایک اہم بین الاقوامی مشق کی حیثیت سے جانی جاتی ہے،پی پی آئی کے مطابق 1995 کے بعد سے دنیا بھر سے مختلف ممالک کو اس مشق میں شرکت کے لیے مدعو کرنے کا سلسلہ شروع ہوا۔برائٹ اسٹار عالمی سطح پر منعقد کی جانے والی سب سے بڑی اور سب سے پیچیدہ مشترکہ فضائی مشقوں میں سے ایک ہے، مشق کا مقصد شریک ممالک کے مابین باہمی تعاون کو فروغ دینے کے ساتھ ساتھ مشترکہ تربیت کے بہترین مواقع فراہم کرنا ہے، مشق حقیقت پسندانہ فضائی جنگ کی صورتحال کی سیمولیشن کے لیے ڈیزائن کی گئی ہے، فضائی مشق شریک ممالک کی فضائی افواج کو اپنی حقیقی آپریشنل تیاریوں کو جانچنے کا موقع فراہم کرے گی۔ترجمان پاک فضائیہ نے کہا کہ فضائی مشق دو ہفتوں تک جاری رہے گی، مشق کے دوران شریک ممالک مصر کے شمال مغربی علاقے، قاہرہ کے صحرائی خطہ میں اپنے فضائی، بحری اور بری اثاثوں کے ساتھ حصہ لیں گے۔
حلیم عادل شیخ 3 روز ہ جسمانی ریمانڈ پر پولیس کے سپرد
کراچی (پی پی آئی)کراچی کی انسداد دہشت گردی عدالت کے احاطے میں سابق اپوزیشن لیڈرحلیم عادل شیخ اور اسپیکر سندھ اسمبلی آغا سراج درانی کے درمیان ملاقات ہوئی۔اس موقع پر گفتگو کرتے ہوئے آغا سراج درانی نے کہا کہ آپ ویسے ہی سندھی ٹوپی پہنتے تھے آج یہ کیپ پہنی ہے، جس پر حلیم عادل شیخ نے جواب دیا کہ سر غلطی ہو گئی۔پی پی آئی کے مطابق حلیم عادل شیخ نے مزید کہا کہ آغا صاحب آپ کے مہمان ہیں اس لیے اس ٹوپی میں ہیں، گھر سے آتا تو سندھی ٹوپی میں آتا۔آغا سراج درانی نے کہا کہ آپ اسمبلی میں ہوتے تو میرے مہمان ہوتے، یہاں نہیں۔حلیم عادل شیخ نے آغا سراج درانی سے سوال کیا کہ آپ خیریت سے ہیں، جس پر انہوں نے جواب دیا کہ مجھے کیا ہو گا، میں بالکل خیریت سے ہوں۔واضح رہے کہ انسدادِ دہشت گردی عدالت نے حلیم عادل شیخ کو 3 روز کے جسمانی ریمانڈ پر پولیس کے حوالے کر دیا ہے۔
تلاش کریں
خبریں
ٹین پن باﺅلنگ چیمپئن شپ 22اکتوبر سے کراچی میں شروع ہوگی
اسلام آباد: پاکستان ٹین پن باﺅلنگ فیڈریشن کے زیراہتمام ٹین پی باﺅلنگ چیمپئن شپ 22اکتوبر سے کراچی میں شروع ہوگی ۔ ایونٹ میں ملک بھر کے 300سے زائد کھلاڑی مختلف کیٹگریز کے مقابلوں میں حصہ لیں گے ۔ کھلاڑیوں کے بابین سنگلز، ڈبلز امیجور، ٹیم کیٹگریز اور ماسٹرز کے مقابلے ہوں گے ۔ ایونٹ کے لئے دس لاکھ روپے کی انعامی رقم رکھی گئی ہے ۔سات روزہ چیمپئن شپ کے فائنل مقابلے 27اکتوبر کو کھیلیں جائیں گے ۔
چین میں منعقد عالمی ا ملٹری پیراشوٹنگ مشقوں میں پاکستان کی شرکت
بیجنگ: چین میں پیراشوٹ سے چھلانگ لگانے کے بین الاقوامی میلے میں پاکستانی ٹیم بھی اپنے جوہر دکھائے گی ۔ لیفٹیننٹ کرنل آصف زمان ان مشقوں میں سات رکنی پاکستانی دستے کی قیادت کررہے ہیں ۔ 37ویں عالمی ملٹری پیرا شوٹنگ چیمپئن شپ چین کے صوبہ سچوان کے علاقے شیاﺅن گلائی میں منعقد ہورہی ہے ۔چیمپئن شپ میں چین کے ساتھ ساتھ متحدہ عرب امارات ،فرانس ، انڈونیشیا ، نیدرلینڈ ، روس ،سلوانیا ، سری لنکا، چاڈ ،جمہوریہ چیک ،زمبابوے ،پاکستان اور آسٹریلیا سمیت دنیا بھر سے 31ممالک کے 370شرکاءحصہ لیں گے ۔
کریملن کپ : سیمونا ہالیپ نے سمانتھاسٹوسر کو فائنل میں شکست دیدی
ماسکو: رومانیہ کی سیمونا ہالیپ نے سمانتھاسٹوسر کو کریملن کپ کے فائنل میں ہرا کر ٹائٹل اپنے نام کرلیا ۔ سیمونا ہالیپ نے اپنے ٹینس سیزن کا یہ پانچوں ٹائٹل جیتا ہے ۔ روس کے شہر ماسکو میں جاری کریملن کپ کے فائنل میں سیمونا ہالیپ کا مقابلہ سابقہ یوایس اوپن چیمپئن سمانتھا سٹوسر کے ساتھ ہوا ۔ سیمونا نے سٹوسر کو دو اسٹریٹ سیٹس میں شکست دیدی ۔ سیمونا کی فتح کا اسکور 7-6(1)اور6-2رہا ۔سیمونا نے اپنی کامیابی پر انتہائی خوشی کا اظہار کرتے ہوئے آئندہ بھی بہترین کارکردگی کے عزم کا اظہار کیا۔
پاکستانی اعصام الحق اور بھارتی روہن بوپاراپھر ایک ساتھ ایکشن میں نظر آئیں
نئی دہلی: دوسال کی علیحدگی کے بعد پاکستان ٹینس سٹار اعصام الحق اور بھارتی ٹینس سٹار روہن بوپارا ایک ساتھ ایکشن میں نظر آئیں ۔حریف ملکوں کے دونوں کھلاڑی 2014کا سیزن ایک ساتھ کھیلیں گے ۔ دونوں کھلاڑیوں کی جوڑی 2011گیارہ میں اُس وقت ٹوٹ گئی جب روہن بوپارہ نے اعصام الحق سے علیحدگی کا فیصلہ کرتے ہوئے اپنے ہم وطن مہیش بوپتی کے ساتھ جوڑی بنانے فیصلہ کیا۔اعصام الحق اور پوبارا کی جوڑی نے آخری مرتبہ اے ٹی پی ورلڈ ٹورز فائنلز کے ایونٹ میں حصہ لیا تھا ۔روہن بوپارا نے اعصام الحق کے ساتھ دوبارہ جوڑی بنانے پر انتہائی مسرت کا اظہار کرتے ہوئے کہا ہے کہ مجھے اعصام جیسے ساتھی کی ضرورت ہمیشہ محسوس ہوئی ہے اور میں سمجھتا ہوں کہ ہماری جوڑی آسانی کے ساتھ کامیابی حاصل کرسکتی ہے ۔بوپارا اے ٹی پی کی عالمی رینکنگ میں اس وقت پانچویں پوزیشن پر براجمان ہیں ۔اعصام الحق نے اپنے سیزن ڈچ کھلاڑی جولین روجر کے ساتھ کھیلے لیکن سوائے میامی ماسٹرز کے یہ جوڑی اچھی کارکردگی نہ دکھا سکی۔
پاکستان نے اپنی نظریں جنوبی افریقہ کیخلاف سیریز میں وائٹ واش پر جمادیں
دبئی: دنیا کی نمبر ون ٹیم جنوبی افریقہ کوپہلے ٹیسٹ میں پچھاڑنے کے بعد قومی ٹیم کی نظریں دوسرے ٹیسٹ پرجم گئیں۔ پاکستان نے جنوبی افریقہ کو ابوظہبی ٹیسٹ میں سات وکٹوں سے شکست دے کرسیریز میں ایک صفر کی برتری حاصل کرلی تھی۔ پاکستان نے میچ چار دن میں ہی ختم کردیا تھا۔ پاکستان اور جنوبی افریقہ کی ٹیموں نے ابوظہبی سے دبئی پہنچ کر پریکٹس کا آغاز کردیا۔ پروٹیز بلے باز ہاشم آملہ نجی مصروفیات کے سبب جنوبی افریقہ روانہ ہوگئے ہیں ان کی دوسرے ٹیسٹ میں شرکت مشکوک ہے۔ پاکستان اور جنوبی افریقہ کے درمیان دوسرا اور آخری ٹیسٹ ت23 اکتوبرسے دبئی میں کھیلا جائے گا۔ سیریز میں برتری کے بعد قومی ٹیم کی نظریں دنیا کی نمبرون ٹیم کے خلاف وائٹ واش پر لگی ہوئی ہیں۔ پروٹیز کے خلاف سیریز میں کامیابی پاکستان کوٹیسٹ رینکنگ میں چھٹی سے چوتھی پوزیشن پر پہنچا دے گی۔
انگلینڈ نے فٹبال ورلڈ کپ کے لئے کوالیفائی کرلیا
لندن: انگلینڈ نے برازیل میں کھیلے جانے والے فٹبال ورلڈکپ کےلئے کوالیفائی کرلیا ۔ انگلش کپتان اسٹیفن جیراڈ اور وین رونی نے پولینڈ کے خلاف گول کرکے ورلڈ کپ کے لئے جگہ پکی کرلی ۔ ویمبلے میں کھیلے گئے میچ کا آغاز تیز رفتاری سے ہوا اور دونوں ٹیموں نے مخالف ٹیم کے گول پر حملے کیے تاہم ہاف ٹائم سے چند منٹ قبل مانچسٹر یونائیٹڈ کے وین رونی نے انگلینڈ کو ایک صفر کی برتری دلادی ۔ میچ ختم ہونے سے دو منٹ قبل انگلش کپتان اسٹیفن جیراڈ نے فٹبال کو جال میں پہنچا کر برتری ڈبل کردی ۔واضح رہے انگلینڈ ورلڈ کپ کوالیفائنگ راﺅنڈ میں اب تک ناقابل شکست ہے۔