راولپنڈی(پی پی آئی)ہائیکورٹ راولپنڈی بنچ میں لال حویلی قبضہ کیخلاف توہین عدالت درخواست دائر کردی گئی ہے۔پی پی آئی کے مطابق جسٹس جواد حسن جمعہ کو پٹیشن کی سماعت کریں گے،پٹیشن میں کہا گیاہے کہ لال حویلی کیس ہائیکورٹ میں زیرالتوا ہے، جبری قبضہ کرلیاگیا، ملکیتی رجسٹری پراپرٹی کی منسوخی تسلیم کی گئی تو کسی کا گھر محفوظ نہیں۔
ملائیشیا:سلطان جوہرکپ جونئیرہاکی ٹورنامنٹ کے شیڈول کا اعلان
جسقم کی کال پر سندھ کے اکثر اضلاع میں مکمل ،حیدرآباد اور میر پور خاص میں جزوی ہڑتال کی گئی
آسٹریلوی بورڈ کا آزمائشی طور پر ڈے اینڈ نائٹ ٹیسٹ میچز کرانے کا فیصلہ
فٹبال پریمیئر لیگ: لیور پول نے مانچسٹر یونائیٹڈ کو ایک صفر سے ہرا دیا
یو ایس اوپن:نواک جوکووچ اور اینڈی مرے چوتھے راو
ورلڈ چیمپئن جارج لورینزو نے برٹش موٹو جی پی کا ٹائٹل جیت لیا
تازہ ترین خبریں
- April 22, 2026
- April 22, 2026
اشتہار
تازہ ترین
منظو ر وٹو کی بیٹی روبینہ شاہین کے سیاسی فیصلہ سے بھائی خرم جہانگیر کا اظہار لاتعلقی
اسلام آباد (پی پی آئی)خیبر پی کے، سندھ اور پنجاب کے متعدد سیاسی خاندانوں کی طرح سابق وزیر اعلیٰ پنجاب منظور وٹو کی فیملی بھی اختلافات کا شکار ہے۔پی پی آئی کے مطابق منظور وٹو کی بیٹی وپی ٹی آئی کی سابق صوبائی ٹکٹ ہولڈر روبینہ شاہین وٹو نے پیپلز پارٹی میں شمولیت اختیار کی تومنظو ر وٹو کے بیٹے خرم جہانگیر وٹونے بہن کی شمولیت کو ذاتی فیصلہ قرار دے کر ان سے لاتعلقی کا اظہار کر دیا ہے۔
وسطی چین کے جیاؤزو شہر میں بین الاقوامی تائی چی مقابلہ کا انعقاد
جیاوزو، چین، 20 ستمبر 2023ء/سنہوا-ایشیانیٹ/– وسطی چین کے صوبہ ہینان کے شہر جیاؤزو میں 11 ویں چین جیاؤزو بین الاقوامی تائیجیکوان مقابلہ اور 2023 یونتائی ماؤنٹین ٹورازم فیسٹیول کا آغاز 16 ستمبر کو ہوا۔
اس ایونٹ کا مقصد شہر، یونتائی ماؤنٹین کے سیاحتی وسائل اور تائی چی ثقافت کو فروغ دینا ہے، اور کھیلوں کے واقعات، ثقافتی سیاحت، اقتصادی اور تجارتی سرگرمیوں جیسے تائی چی مقابلے، سفری دورے، سرمایہ کاری کے معاہدے اور فورمز کو ضم کرنا ہے.
جیاؤزو تائی چی کا آبائی شہر ہے اور اسے چینی مارشل آرٹس ایسوسی ایشن کی طرف سے “تائی چی کی مقدس سرزمین” کا نام دیا گیا ہے۔ 17 دسمبر، 2020 کو، تائی چی کو یونیسکو کی انسانیت کے ناقابل فہم ثقافتی ورثے کی نمائندہ فہرست میں شامل کیا گیا تھا.
زمین پر ٹاپ فٹنس کھیل کے طور پر، تائی چی پوری دنیا میں مقبول ہے. یہ دنیا بھر کے 150 سے زیادہ ممالک اور خطوں میں پھیل چکا ہے ، جس میں 600 ملین سے زیادہ پریکٹیشنرز ہیں۔
اس کے علاوہ، تائی چی بھی بہترین روایتی چینی ثقافت کی منفرد کشش کے ساتھ ایک علامتی چینی علامت ہے.
جیاؤزو میں واقع یونتائی ماؤنٹین اپنے انوکھے وادی مناظر کی وجہ سے اندرون و بیرون ملک مشہور ہے۔ یہ پہلے عالمی جیو پارکس میں سے ایک ہے اور قومی 5 اے سطح کے سیاحوں کی توجہ کا مرکز ہے۔
تائی چی مقابلہ اور سیاحتی فیسٹیول 1992 سے اب تک دس سیشنز کے لئے کامیابی سے منعقد کیا گیا ہے ، اور کھیلوں سے متعلق سیاحت میں جنرل ایڈمنسٹریشن اور وزارت ثقافت و سیاحت کی طرف سے اسے ایک بہترین منصوبہ قرار دیا گیا ہے۔
اس ایونٹ نے جیاؤزو اور ہینان کی دلکشی کو مزید ظاہر کیا ہے ، اور بین الاقوامی مارشل آرٹس کے میدان اور چین کے سیاحت کے شعبے میں ایک پائیدار وراثت چھوڑی ہے۔
ماخذ: 11 ویں چین جیاؤزو بین الاقوامی تائیجیکوان مقابلہ اور 2023 یونتائی ماؤنٹین ٹورازم فیسٹیول
تصویری منسلکات لنکس:https://iop.asianetnews.net/view-attachment?attach-id=442304
عوامی مہم شروع کر ر ہے ہیں، پارٹی ہر الیکشن کیلئے تیار ہے:: فردوس عاشق اعوان
سیالکوٹ(پی پی آئی)استحکام پاکستان پارٹی کی رہنما فردوس عاشق کا کہنا ہے کہ دیکھنا پڑے گا عوام پر گرے بجلی کے بلوں کا ذمے دار کون ہے۔ فردوس عاشق اعوان نے کہا کہ استحکام پاکستان پارٹیعوامی مہم شروع کر رہی ہے، استحکام پارٹی ہر الیکشن میں جانے کیلیے تیار ہے۔فردوس عاشق اعوان نے کہا کہ ہم نہیں چاہتے کہ ایک جماعت کو جتوانے کیلئے بنائے گئے ٹیلر میڈ حلقے کو دہرایا جائے۔رہنما استحکام پاکستان پارٹی نے کہا کہ 90 دن میں الیکشن کی طرح نئی مردم شماری بھی بہت ضروری ہے۔
تلاش کریں
خبریں
ملائیشیا:سلطان جوہرکپ جونئیرہاکی ٹورنامنٹ کے شیڈول کا اعلان
(September 3, 2013)
جوہر بار: سلطان جوہرکپ جونئیرہاکی ٹورنامنٹ کے شیڈول کا اعلان کردیا گیا۔ افتتاحی میچ پاکستان اورکوریا کے درمیان کھیلا جائیگا۔ منتظمین کے مطابق ٹورنامنٹ بائیس سے انتیس ستمبرتک ملائیشیا کے شہرجوہربارومیں کھیلا جائیگا۔ ٹورنامنٹ میں میزبان ملائیشیا سمیت پاکستان، کوریا، بھارت، ارجنٹائن اورانگلینڈ کی ٹیمیں حصہ لیں گی۔ افتتاحی میچ پاکستان اورکوریا کے درمیان کھیلا جائیگا۔ قومی جونئیرٹیم تئیس ستمبرکوانگلینڈ، پچیس ستمبرکوبھارت، چھبیس ستمبرکوملائیشیا اوراٹھائیس ستمبرکوارجنٹائن کے مدمقابل آئیگی۔ سنگل لیگ کی بنیاد پرکھیلے جانیوالے ایونٹ کی دوٹاپ ٹیمیں انتیس ستمبرکوفائنل میں مدمقابل آئیں گی۔
جسقم کی کال پر سندھ کے اکثر اضلاع میں مکمل ،حیدرآباد اور میر پور خاص میں جزوی ہڑتال کی گئی
(September 3, 2013)
کراچی : جسقم کے سابق چیئر مین بشیر خان قریشی کی پوسٹ مارٹم کی رپورٹ کیخلاف منگل کے روز ہڑتال کی کال پراندرون سندھ کے اکثر اضلاع میں شٹر بنداور پیہ جام ہڑتال کی گئی ۔ اندرون سندھ کے اضلاع لاڑکانہ ،گھوٹکی ،ٹھٹھہ، بدین،خیرپور،جام شورو،کوٹری اور دیگر اضلاع میں جسقم کے سابق چیئر مین بشیر خان قریشی کی پوسٹ مارٹم رپورٹ کے خلاف مکمل ہڑتال جبکہ حیدرآباد اور میرپور خاص میں جزوی ہڑتال رہی۔ جئے سندھ قومی محاذ کے وائس چیئرمین ڈاکٹر نیاز کالانی کی جانب سے بشیر خان قریشی کی حکومت کی طرف سے جسم کے اجزا کی رپورٹ جھوٹ پر مبنی قرار دیتے ہوئے منگل کے روز ہڑتال کا اعلان کیا گیا تھا جس کی وجہ سے پیر اور منگل کی درمیانی شب سے ہی نامعلوم مسلح افر اد نے حیدرآبادحالی روڈ پر پر ایک ٹرک اور ہٹری کے قریب ایک مسافر وین کو آگ لگادی جبکہ نامعلوم مسلح افراد نے قاسم آباد میں فائرنگ کرکے ایک شخص کو زخمی کردیا، منگل کی صبح قاسم آباد،سٹیزن کالونی،حسین آباد،جامشورو ،کوٹری میں مکمل شٹربند اور پیہ جام ہڑتال کی گئی ان علاقوں میں تمام پیٹرول پمپ ،سی این جی پمپ اوار نجی اسکول بند رہے جبکہ علاقے میں پولیس اور رینجرز کی بھاری نفری تعنیات کی گئی تھی تاہم حیدرآباد اور لطیف آباد کے بڑے بازار کھلے رہے اورٹریفک بھی معمول کے مطابق چلتی رہی جبکہ گل سینٹر اور چاندی بازار بند رہے ،دوسری جانب ہڑتال کے سبب لمس،سندھ یونیورسٹی اور مہران یونیورسٹی کی پوائنٹ بسیں نہیں چل سکی جس کے سبب طلباءجامعات میں نہیں پہنچ سکے اورتدریسی عمل معطل رہا۔ خیرپور میں بھی جزوی ہڑتال کی گئی ،کاروبار ی سرگرمیاںدوپہر بارہ بجے سے بحال ہوگئیں۔ ضلع بدین کے متعدد شہروں میں کاروباری مراکز بند رہے ، سڑک پر پبلک ٹرانسپورٹ بھی نہ ہونے کے برابر رہی ، بعض علاقوں سے فائرنگ اور مشتعل افراد کی جانب سے ٹریفک کو شہر میں داخل ہونے سے روک دیا گیا ،تعلیمی اداروں اور سرکاری محکموں میں طلباءکی حاضری بہت کم رہی ،ٹریفک معطل ہونے سے اندرون سندھ سفر کے معمولات بھی متاثر ہوئے ، حیدرآباد ،بدین ،گلارچی ،مٹھی ،ڈگری اور دیگر مقامی روٹ پر سفر کرنے والے مسافر شدید پریشانی کا شکار رہے ۔ گھوٹکی کے چھوٹے بڑے شہروں ڈھرکی ،اوباڑو،میرپور ماتھیلو و دیگر شہر وں کے چہوٹے بڑے تمام کاروباری مراکز سرکاری و نجی ادارے اور سرکاری و غیر سرکاری اسکولز صبح سے ہی بند رہے ،پیٹرول پمپ اور CNG اسٹیشن بھی بند رہے ۔ کسی بھی ناخوشگوارواقعہ سے نمٹنے کیلئے پولیس کی بھاری نفری تعینات کی گئی تھی، پولیس موبائلیں وقفہ وقفہ سے شہرمیں گشت کرتی نظر آئیں، کوئی ناخوشگوار واقعہ پیش نہیں آیا تاہم ڈھرکی میں دوکانیں بند کرانے پر جسقم کے کارکنوں اور دوکانداروں میں تصادم کے نتیجے میں ایک کارکن رفیق حیدر شر زخمی ہو گیا جس کو سول اسپتال میں داخل کرایا گیا ۔لاڑکانہ میں بھی دوسرے اضلاع کی طرح شٹر بند ہڑتال کی گئی ، مارکیٹیں ،بازاراور پٹرول پمپ بند رہے،ٹریفک کا نظام بھی معطل رہا ،اسکول اور کالج بھی بند رہے ۔ جسقم کے
آسٹریلوی بورڈ کا آزمائشی طور پر ڈے اینڈ نائٹ ٹیسٹ میچز کرانے کا فیصلہ
(September 2, 2013)
سڈنی: آسٹریلوی کرکٹ بورڈ نے آئندہ سیزن میں 12 فرسٹ کلاس آزمائشی ڈے اینڈ نائٹ ٹیسٹ کو مصنوعی روشنیوں میں کرانے کا اعلان کر دیا۔پاکستان کے بعد اب آسٹریلیا آزمائشی طور پر ڈے اینڈ نائٹ ٹیسٹ میچز منعقد کرائے گا۔ تفصیلات کے مطابق آسٹریلوی کرکٹرز یونین نے فاسٹ ٹیسٹ میچز کو حقیقت کا روپ دینے کیلئے شیفلڈ شیلڈ مقابلوں کو آزمائشی طور پر مصنوعی روشنی میں منعقد کرانے کی حمایت کر دی ہے۔ اب آسٹریلوی بورڈ کرکٹرز نے رائے بھی لے گا۔ آسٹریلوی بورڈ 2015ءمیں نیوزی لینڈ سے ڈے اینڈ نائٹ ٹیسٹ کا منصوبہ بنا رہے ہیں۔ دونوں بورڈز ایونٹ سے قبل اپنے کھلاڑیوں کی رائے لیں گے۔ آسٹریلوی بورڈ نے آنے والے سیزن میں 12 فرسٹ کلاس میچز کو آزمائشی طور پر مصنوعی روشنی میں کرانے کا بھی اعلان کر دیا ہے۔
فٹبال پریمیئر لیگ: لیور پول نے مانچسٹر یونائیٹڈ کو ایک صفر سے ہرا دیا
(September 2, 2013)
لندن: فٹبال پریمیئر لیگ میں لیور پول نے مانچسٹر یونائیٹڈ کو ایک صفر سے ہرا دیا۔ سوانسی اور آرسنل نے اپنے میچ جیت لیے۔دنیا کے ہر دلعزیز کھیل فٹبال میں دلچسپ مقابلے ہوئے اینفیلڈ میں لیور پول نے مانچسٹر یونائیٹڈ کا سارا غرور خاک میں ملا دیا۔ ایک صفر کی جیت کے ساتھ انہوں نے انیس سو چورانوے پچانوے کے بعد لیگ سیزن کا شاندار آغاز کیا ہے۔ دوسرے میچ میں سوانسی نے ویسٹ بروم کو دو صفر کی شکست سے دوچار کیا۔ پہلے ہاف میں فاتح ٹیم کو ایک صفر کی برتری حاصل تھی۔ ادھر آرسنل کا پہلے ہاف میں کیا ہوا گول ٹوٹنہم کے خلاف فیصلہ کن ثابت ہوا۔
یو ایس اوپن:نواک جوکووچ اور اینڈی مرے چوتھے راو
(September 2, 2013)
نیویارک: یو ایس اوپن میں عالمی نمبر ایک نواک جوکووچ اور اینڈی مرے چوتھے راو¿نڈ میں پہنچ گئے جبکہ سرینا ولیمز نے کوارٹر فائنل میں سیٹ پکی کر لی۔ٹینس سیزن کے چوتھے اور آخری گرینڈ سلیم میں زبردست مقابلے جاری ہیں۔ ٹاپ سیڈ نواک جوکووچ نے پرتگالی حریف کو اسٹریٹ سیٹ میں شکست دی۔ جوکووچ چھ صفر، چھ دو اور چھ دو سے جیت کر چوتھے راو¿نڈ میں پہنچ گئے۔ برطانوی ٹینس اسٹار اینڈی مرے نے جرمن مدمقابل کو زیر کیا۔ ویمن سنگلز میں عالمی نمبر ایک سرینا ولیمز نے برتری دکھاتے ہوئے اپنی ہی ہموطن امریکی کھلاڑی کو زیر کر دیا۔ دفاعی چیمپئن سرینا ولیمز نے چھ چار اور چھ ایک سے کامیابی اپنے نام کر کے کوارٹر فائنل میں جگہ بنا لی۔
ورلڈ چیمپئن جارج لورینزو نے برٹش موٹو جی پی کا ٹائٹل جیت لیا
(September 2, 2013)
لندن( پی پی آئی ) برٹش موٹو جی پی بائیک ریس میں سپین کے رائیڈرز نے میدان مار لیا۔ موٹو جی پی کا ٹائٹل ورلڈ چیمپئن جارج لورینزو نے اپنے نام کیا۔برطانیہ میںسلور اسٹون سرکٹ پر ہونے والی موٹو جی پی ریس کے فائنل میں دلچسپ مقابلہ دیکھنے کو ملا۔ جس میں شائقین کی بڑی تعداد نے شرکت کی۔ عالمی چیمپئن سپینش رائیڈرجارج لورینزومقررہ فاصلہ چالیس منٹ 52 سیکنڈ میں طے کرکے تیز ترین رائیڈر قرار پائے۔ ریس میں سپین ہی کے مارک مارکیوزدوسری اورڈینی پیڈروسا تیسری پوزیشن پر رہے۔