کراچی(پی پی آئی)پٹرولیم مصنوعات و بجلی کے بلوں کے آفٹرشاکس اشیائے خوردونوش کی قیمتوں ہی نہیں وکلا اور ڈاکٹروں کی فیسوں میں اضافہ کی صورت میں بھی سامنے آنے لگے ہیں ۔ کراچی کے نجی اسپتالوں میں فزیشنز اور سرجنز ہی نے نہیں بلکہ کنسلٹنٹس نے بھی معاوضہ بڑھا دئیے ہیں۔دلچسپ بات یہ ہے کہ بڑھائی گئی فیسوں کی رسید جاری نہیں کی جاتی اس طرح اس آمدنی پر ٹیکس بھی حکومت کونہیں ملتا اسی طرح وکلاء اور نجی ٹیوشن سینٹرز نے بھی من مانی فیسیں مقرر کر کے کلائنٹس اور والدیں کو پریشان کردیا ہے۔
رائل سی سی کی جانب سے آل کراچی ٹی 20کرکٹ لیگ کا اعلان
پاک انگلینڈ ڈس ایبلڈ کرکٹ سیریز اگلے برس یواے ای میں ہوگی
پاکستان نے کامن ویلتھ ماسٹر ویٹ لفٹنگ چیمپئن شپ میں گولڈ میڈل جیت لیا
شین واٹسن ایشز سیریز کے باعث ڈومیسٹک ایونٹ سے دستبردار ہوگئے
متحدہ عرب امارات سمیت چار ٹیموں نے ٹی 20کرکٹ ورلڈ کپ کیلئے کوالیفائی کر لیا
کبڈی ورلڈ کپ میں شرکت کیلئے قومی ٹیمیں این او سی سے محروم
تازہ ترین خبریں
- April 25, 2026
- April 23, 2026
- April 22, 2026
- April 22, 2026
اشتہار
تازہ ترین
آئندہ انتخابات میں نتائج کی وصولی کیلئے الیکشن مینجمنٹ سسٹم تیار
اسلام آباد(پی پی آئی) الیکشن کمیشن کی جانب سے عام انتخابات سے متعلق تیاریاں جاری ہیں، اس حوالے سے آئندہ عام انتخابات میں نتائج کی وصولی کیلئے الیکشن مینجمنٹ سسٹم تیارکرلیا گیا۔پی پی آئی کے مطابق الیکشن کمیشن نے الیکشن مینجمنٹ سسٹم پر الیکشن عملے کی ٹریننگ کا آغاز کردیا ہے، جبکہ ٹریننگ کے حوالے سے تمام صوبائی الیکشن کمشنرز کو بھی مراسلے لکھ دئیے ہیں۔الیکشن کمیشن کے مطابق ای ایم ایس پر آپریٹرز کو 14تا16 ستمبر تک ٹریننگ دی جائے گی، جبکہ ریجنل،صوبائی اورضلعی الیکشن کمشنرز کو جولائی میں ٹریننگ دی جاچکی ہے۔الیکشن کمیشن آئندہ عام انتخابات میں نتائج کی وصولی کیلئے الیکشن مینجمنٹ سسٹم کا استعمال کریگا۔واضح رہے کہ آئندہ عام انتخابات جنوری 2024 کے آخری ہفتے میں کرانے کا فیصلہ کیا گیا ہے۔
پی پی، ن لیگ کو عوام کے غیض و غضب کا علم ہے اسی لئے قیادت بھاگ گئی: شیخ رشید
راولپنڈی ر(پی پی آئی) عوامی مسلم لیگ کے سربراہ شیخ رشید نے کہا ہے کہ پیپلز پارٹی اور (ن) لیگی قیادت کو عوام کے غیض و غضب کا علم ہے، اسی لئے قیادت ملک چھوڑ کربھاگ گئی۔سماجی رابطے کی ویب سائٹ ٹویٹر پر سابق وفاقی وزیر داخلہ شیخ رشید کا کہنا ہے کہ مولانا فضل الرحمان، پیپلزپارٹی پر اور پیپلز پارٹی، نون لیگ پر ملبہ ڈال رہی ہے جبکہ ان نااہلوں کی وجہ سے سارا ملبہ غریب عوام پر گر گیا ہے۔ اصل مسئلہ غربت اور بیروزگاری ہے جس پر نہ کوئی بات کر رہا ہے نہ کوئی توجہ دے رہا ہے۔انہوں نے کہا کہ شہباز شریف اقتدار میں ہو تو سات سات فنکشن کرتا ہے، اقتدار سے اترتا ہے تو سیدھا لندن جاتا ہے اور بیمار ہو جاتا ہے۔ نواز شریف کو پہلے ہی کئی سالوں سے سیاسی بیماری ہے۔ پیپلز پارٹی کی اہم قیادت اور نون لیگ کی اہم قیادت ملک چھوڑ کر جاچکی ہے، اْنہیں قوم کے جذبات اور عوام کے غیض و غضب کا علم ہے۔پی پی آئی کے مطابق شیخ رشید کا مزید کہنا ہے کہ جو لوگ بجلی کے بلوں اور چینی، آٹا کی مہنگائی پر سڑکوں پر آئے ہیں وہ کسی لیڈر یا پارٹی کے کہنے پر نہیں آئے، اپنی بقاکے لیے سڑکوں پر آئے ہیں۔ لوگ اپنے مسائل کے حل کے لیے کسی کی طرف نہیں دیکھ رہے، آسمان کے فیصلے کی طرف دیکھ رہے ہیں کیونکہ مسلہ اب سیاست نہیں رہا، سنگین معاشی حالات بن گیا ہے۔ غربت اور مہنگائی کے ہاتھوں غریب کا چولہا بھی نہیں جل رہا۔
بلوچستان کے علاقہ ژوب و گردونواح میں زلزلے کے جھٹکوں سے خوف و ہراس
ژوب(پی پی آئی)بلوچستان کے علاقے ژوب و گردونواح میں زلزلے کے جھٹکے محسوس کئے گئے ہیں۔پی پی آئی کے مطابق بلوچستان کا علاقہ ژوب و گردونواح زلزلے سے لرز اٹھا، زلزلے کے جھٹکے محسوس ہونے پر لوگوں میں خوف و ہراس پھیل گیا اور لوگ کلمہ طیبہ کا ورد کرتے ہوئے گھروں سے باہر نکل آئے۔پی پی آئی کے مطابق زلزلہ پیما مرکز کے مطابق ریکٹر سکیل پر زلزلے کی شدت3ریکارڈ کی گئی۔
تلاش کریں
خبریں
رائل سی سی کی جانب سے آل کراچی ٹی 20کرکٹ لیگ کا اعلان
(November 29, 2013)
کراچی: رائل سی سی کے زیراہتمام آل کراچی ٹی 20لیگ آئندہ ماہ آغا خان جیم خانہ گارڈن ویسٹ اور اصغر علی شاہ اسٹیڈیم میںکھیلی جائے گی ۔ آرگنائزنگ سیکریٹری عتیق احمد کے مطابق فاتح ٹیم کو 20ہزار اور رنراپ کو 10ہزار روپے دیے جائیں گے جبکہ ہرمیچ کے مین آف دی میچ کو 500روپنے دیے جائیں گے ۔ ٹورنامنٹ کی انٹری فیس 20ہزار روپے ہوگی ۔ اور ہر ٹیم کم از کم 3لیگ میچ کھیلے گی ۔
پاک انگلینڈ ڈس ایبلڈ کرکٹ سیریز اگلے برس یواے ای میں ہوگی
(November 29, 2013)
لندن: پاکستان اور انگلینڈ کی ڈس ایبلڈ کرکٹ ٹیموں کے درمیان سیریز آئندہ سال مارچ میں متحدہ عرب امارات میںکھیلی جائے گی ۔ سیریز میں تین ون ڈے اور تین ٹی 20میچ کھیلے جائیں گے ۔ سیریز کے انعقاد کا فیصلہ پاکستان ڈس ایبلڈ کرکٹ ایسوسی ایشن اور انگلینڈ اینڈ ویلز کرکٹ بورڈ ڈس ایبلڈ ونگ کے حکام کے درمیان لندن میں ایک ملاقات میں کیا گیا ۔پاکستانی وفد میں ایسوسی ایشن کے صدر سلیم کریم اور اعزازی سیکریٹری امیرالدین انصاری شامل تھے جبکہ انگلینڈ کی نمائندگی ای سی بی ڈس ایبلڈ ونگ کے سربراہ این مارٹن اور ممبر رچرڈ بل نے کی ۔
پاکستان نے کامن ویلتھ ماسٹر ویٹ لفٹنگ چیمپئن شپ میں گولڈ میڈل جیت لیا
(November 29, 2013)
لاہور: پاکستان کے امجد امین بٹ نے ملائیشیا میں جاری کامن ویلتھ ماسٹر ویٹ لفٹنگ چیمپئن شپ میں پاکستان کے لئے گولڈمیڈل حاصل کر لیا ۔ امجد امین بٹ نے 50 سے 54 سال کیٹگری کی 64 کلوگرام کلاس میں سب سے زیادہ وزن اٹھا کر گولڈ میڈل اپنے نام کر لیا۔ پاکستان کے دوسرے ویٹ لفٹر الیاس بٹ 40 سے 44 سال کی کلاس میں آج اپنے فن کا مظاہرہ کرینگے۔ واضح رہے کہ پاکستان پہلی مرتبہ ماسٹر کلاس میں شرکت کر رہا ہے۔
شین واٹسن ایشز سیریز کے باعث ڈومیسٹک ایونٹ سے دستبردار ہوگئے
(November 29, 2013)
سڈنی: آسٹریلوی آل راﺅنڈر شین واٹسن انگلینڈ کے خلاف جاری ایشز سیریز کے باعث ڈومیسٹک ٹورنامنٹ شیفلڈ شیلڈ سے دستبردار ہوگئے ۔ آسٹریلیا کو ایشز سیریز کے پانچ ٹیسٹ میچوں کی سیریز میں 0-1کی برتری حاصل ہے ۔آسٹریلوی کرکٹ بورڈ کی جانب سے ایشز سیریز میں شامل تمام کھلاڑیوں کو یکم دسمبر کو دوسرے ٹیسٹ سے قبل ایڈیلیڈ پہنچنے کی ہدایت کی گئی ہے ، کھلاڑیوں کوکسی بھی دومیسٹک ٹورنامنٹ میں شرکت سے منع کیا گیا ہے ۔ آسٹریلوی کوچ ڈیرن لی مین نے واٹسن کو تمام توجہ اپنی فٹنس پرموکوز رکھنے کی ہدایت کی ہے۔
متحدہ عرب امارات سمیت چار ٹیموں نے ٹی 20کرکٹ ورلڈ کپ کیلئے کوالیفائی کر لیا
(November 28, 2013)
دبئی: ٹی 20 ورلڈ کپ 2014کے لیے متحدہ عرب امارات سمیت چار ٹیموں نے کوالیفائی کر لیا۔ دبئی میںجاری ٹی 20 ورلڈ کپ کا کوالیفائنگ راونڈ اپنے اختتام کو پہنچ گیا۔ نیپال، یو اے ای ، آئر لینڈ اور افغانستان بھی میگا ایونٹ کے لیے کوالیفائی کرنے والی ٹیموں میں شامل ہیں۔ ٹی 20 ورلڈ کپ 2014 بنگلا دیش میں کھیلا جائے گا۔
کبڈی ورلڈ کپ میں شرکت کیلئے قومی ٹیمیں این او سی سے محروم
(November 28, 2013)
اسلام آباد: کبڈی ورلڈ کپ میں مردوں اور خواتین قومی ٹیم کی شرکت مشکوک ہو گئی۔ بھارتی پنجاب میں ہونے والے کبڈی ورلڈ کپ میں مردوں اور خواتین کی قومی ٹیم نے شرکت کے لیے جمعہ کو روانہ ہونا تھا لیکن بھارتی حکومت کی جانب سے تاحال کھلاڑیوں کے این او سی جاری نہیں کیے گئے۔ ایونٹ میں قومی ویمن ٹیم پہلی بار شرکت کرے گی۔ کبڈی مقابلے یکم دسمبر سے 14 دسمبر تک بھارت میں شیڈول ہیں۔