اسلام آباد (پی پی آئی) اسلام آباد کی انسداز دہشتگردی عدالت نے جوڈیشل کمپلیکس توڑ پھوڑ کیس میں مراد سعید، عمر ایوب خان، علی امین گنڈاپور سمیت پاکستان تحریک انصاف (پی ٹی آئی) کے 10 رہنماؤں کے دائمی وارنٹ گرفتاری جاری کردیے۔جوڈیشل کمپلیکس توڑ پھوڑ کیس میں طلبی کے باوجود عدالت سے مسلسل غیر حاضری پر انسداد دہشتگردی عدالت کے جج ابوالحسنات ذوالقرنین نے پی ٹی آئی کے 10 رہنماو?ں کے دائمی وارنٹ گرفتاری جاری کیے جن میں مراد سعید، عمر ایوب خان، علی امین گنڈاپور شامل ہیں۔پی پی آئی کے مطابق دیگر ملزمان میں شبلی فراز، فرخ حبیب، حماد اظہر، علی نواز اعوان، حسان خان نیازی، عمر سلطان اور کرنل محمد عاصم بھی شامل ہیں جن کے دائمی وارنٹ گرفتاری جاری کردیے گئے ہیں۔عدالت کی جانب سے ہدایت دی گئی کہ ملزمان کو اشتہاری قرار دیا جا چکا ہے، جہاں نظر آئیں گرفتار کرکے عدالت میں پیش کیا جائے۔
روزٹیلر کی پاکستان کے خلاف پہلے ٹیسٹ میں شرکت مشکوک
آسٹریا کے سائیکلسٹ میتھیاس برانڈل کا نیا عالمی ریکارڑ
مغربی افریقی ملک برکینافاسوکی پارلیمنٹ کو مشتعل افراد نے آگ لگا دی
جاپانی فٹ بالر ایٹسوٹو اچیدا کی جرمن کلب شالکے سے معاہدے کی توسیع
جمیکن اتھلیٹ ٹریوس کو ممنوعہ ادویات کے استعمال پر دو سالہ پابندی
یورپا لیگ :چیک فٹ بال کلب کو ہنگامہ آرائی پر جرمانہ
تازہ ترین خبریں
- April 23, 2026
- April 22, 2026
اشتہار
تازہ ترین
کوٹ سلطان اسٹیشن پر بروقت اطلاع سے تھل ایکسپریس بڑے حادثے سے بچ گئی
لیہ(پی پی آئی) کوٹ سلطان ریلوے سٹیشن سے 4 کلو میٹر کے فاصلے پر پٹڑی ٹوٹ گئی جس کی بروقت اطلاع سے تھل ایکسپریس بڑے حادثے سے بال بال بچ گئی۔واقعہ اڈا حافظ آباد ریلوے پھاٹک پر پیش آیا جہاں پٹڑی کی باقاعدہ مرمت کی گئی، پی پی آئی کے مطابق تھل ایکسپریس کو حفاظتی اقدامات کر کے پٹڑی سے گزار دیا گیا، ملتان سے آنے والی تھل ایکسپریس راولپنڈی کیلئے روانہ کر دی گئی۔عینی شاہدین کا کہنا ہے کہ پٹڑی صبح سے ٹوٹی ہوئی تھی، ریلوے ملازمین لا علم تھے، ٹوٹی پٹڑی دیکھ کر علاقہ مکینوں نے محکمہ ریلوے کو اطلاع دی جس سے ٹرین حادثے سے بچ گئی۔
ایندھن کی فراہمی معمول پرنہ آسکی، پی آئی اے کی مزید 49 پروازیں منسوخ
کراچی(پی پی آئی) قومی ایئر لائن کا مالی بحران جاری ہے اور ایندھن کی فراہمی معمول پر نہ آسکی، بدھ کوبھی پی آئی اے نے مزید 49 پروازیں منسوخ کردیں۔فلائٹ شیڈول کے مطابق کراچی سے لاہور کے لیے پی کے 302، پی کے 303، پی کے 304، پی کے 305، فیصل آباد کے لیے پی کے 340، پی کے 341، اسلام آباد کے لیے پی کے 368، پی کے 369، گوادر کے لیے پی کے 503، پی کے 504، ملتان کے لیے پی کے 330 اور پی کے 331 منسوخ کی گئی ہیں۔پی پی آئی کے مطابق اسلام آباد سے شارجہ کے لیے پی کے 181، پی کے 182، دبئی کے لیے پی کے 233، پی کے 234، گلگت کے لیے پی کے 601، پی کے 602، پی کے 605 اور پی کے 606، ریاض کے لیے پی کے 753، پی کے 754 منسوخ کردی گئیں۔اسی طرح سکردو کے لیے پی کے 451 اور پی کے 452، سکھر کیلئے پی کے 631 اور پی کے 632، دبئی کے لیے پی کے 211، پی کے 234، ابوظہبی کے لیے پی کے 261 اور پی کے 262 اور دمام اسلام آباد کی پرواز پی کے 246 بھی منسوخ کی گئی ہے۔لاہور سے دبئی کی پرواز پی کے 235، پی کے 203، پی کے 204، جدہ کی پی کے 759، ابوظہبی سے لاہور کی پی کے 264 منسوخ ہیں۔سیالکوٹ سے شارجہ کی پرواز پی کے 209، پی کے 210 اور مسقط کی پی کے 281، پی کے 282 اور دبئی سے سیالکوٹ کی پی کے 180 بھی منسوخ کی گئی ہے۔پشاور دبئی کی پرواز پی کے 283، پی کے 284، شارجہ کی پی کے 257، پی کے 258 اور ابوظہبی سے پی کے 218 منسوخ کی گئی ہیں۔دبئی فیصل ا?باد کی پی کے 224، ملتان شارجہ کی پی کے 293 اور دبئی ملتان کی پی کے 222 بھی منسوخ ہیں۔
الیکشن کمیشن: عام انتخابات کے جائزہ کیلئے غیر ملکی میڈیا، مبصرین مدعو
اسلام آباد (پی پی آئی) الیکشن کمیشن پاکستان نے عام انتخابات کے جائزہ کیلئے غیر ملکی میڈیا اور مبصرین کو مدعو کرلیا ہے۔الیکشن کمیشن کے مطابق غیر ملکی میڈیا اور مبصرین کی رجسٹریشن کیلئے اوپن ڈور پالیسی رکھی گئی ہے، کسی بھی سیاسی جماعت سے وابستہ افراد کی بطور مبصر رجسٹریشن نہیں کی جائے گی۔پی پی آئی کے مطابق ہر غیر ملکی صحافی اور مبصر کو تمام کوائف اور دستاویزات جمع کروانا ہوں گے، کسی بھی ادارے سے ملحقہ شخص کی اتھارٹی لیٹر کے بغیر رجسٹریشن نہیں کی جائے گی، ہر غیر ملکی صحافی اور مبصر کو حکومت پاکستان سے سکیورٹی کلیئرنس لازم ہوگا۔
تلاش کریں
خبریں
ملک کے بیشتر علاقوں میں عمومی طور پر گرم اور خشک موسم متوقع
پاک-ترک وزرائے خارجہ کا علاقائی امن کی پیش رفت پر تبادلہ خیال
روزٹیلر کی پاکستان کے خلاف پہلے ٹیسٹ میں شرکت مشکوک
ولنگٹن:نیوزی لینڈ کے تجربہ کار بیٹسمین روز ٹیلرنے پاکستان کے خلاف پہلے ٹیسٹ میں اپنی شرکت کو مشکوک قرار دیا ہے۔ روز ٹیلر کا کہنا ہے کہ میں سو فی صد فٹ نہیں ہوں اور جب 75سے80فی صد فٹ ہوں اور دورے پر جائیں تو یہ کچھ اچھا تاثر نہیں ہوتا۔ ٹیلر نے کہا کہ میں نے بیٹنگ بھی شروع کی ہے اور ممکنہ طور پر پیر کو ہونے والے وارم اپ میچ میں حصہ لوں گا جس کے بعد میڈیکل اسٹاف جو فیصلہ کریں گے اسی حساب سے آگے بڑھیں گے۔ روز ٹیلر 23ستمبر کو کلائی کی انجری کا شکار ہوگئے تھے جس کے بعد جنوبی افریقا کے خلاف ہوم ون ڈے سیریز سے باہر ہوگئے تھے۔
آسٹریا کے سائیکلسٹ میتھیاس برانڈل کا نیا عالمی ریکارڑ
زیورخ:آسٹریا کے سائیکلسٹ میتھیاس برانڈل نے سائیکلنگ میں نیا عالمی ریکارڈ بنا دیا۔ سوئٹزر لینڈ کے ورلڈ سائیکلنگ سنٹر میں شاندار کارکردگی کا مظاہرہ کرتے ہوئے میتھیاس برانڈل نے عالمی ریکارڑ قائم کیا ۔ 24 سالہ سائیکلسٹ میتھیاس برانڈل نے51.85کلومیٹر کا فاصلہ ایک گھنٹے میں مکمل کر کے نیا عالمی ریکارڈ بنایا۔ ان سے پہلے جرمنی کے جینز ووئیگٹ نے.101 51 کلومیٹر کا فاصلہ ایک گھنٹے میں طے کر کے ورلڈ ریکارڈ بنایا تھا۔ میتھیاس برانڈل نے آسٹریا کی قومی چمپینز شپ میں تین دفعہ چمپین رہ چکے ہیں۔
مغربی افریقی ملک برکینافاسوکی پارلیمنٹ کو مشتعل افراد نے آگ لگا دی
اواگیڈوگو: برکینا فاسو میں صدر بلیسو کمپاﺅرے کی جانب سے اپنی حکومت کی مدت میں اضافے کے منصوبے کے خلاف ہزاروں مظاہرین سڑکوں پر نکل آئے اور انھوں نے پارلیمنٹ کی عمارت کو آگ لگا دی جبکہ سکیورٹی فورسز کی فائرنگ سے 3 افراد جاں بحق اور متعدد زخمی ہو گئے۔ اطلاعات کے مطابق مغربی افریقا کے ملک برکینا فاسومیں ہزاروں مظاہرین نے سخت سیکورٹی کا حصار توڑتے ہوئے پارلیمنٹ کی عمارت پر دھاوا بول دیا اور اسے آگ لگا دی جبکہ اس کے بعد مظاہرین نے سرکاری ٹی وی کی عمارت پر بھی حملہ کر کے عمارت میں توڑ پھوڑ کی، مقامی میڈیا کے مطابق مظاہرین نے پارلیمنٹ کی عمارت کو آگ لگانے سے پہلے اس میں موجود کمپیوٹر اور دیگر قیمتی سامان لوٹ لیا ۔ دوسری جانب برکینا فاسو کے صدربلیسو کمپاﺅرے نے اپنی حکومت کی مدت میں توسیع کے منصوبے کو منسوخ کرنے کا اعلان کر دیا ہے لیکن مظاہرین کا مطالبہ ہے صدر فوری طور پر مستعفی ہو جائیں۔ واضح رہے کہ برکینافاسو پارلیمنٹ میں کل موجودہ حکومت کی مدت میں توسیع کے حوالے سے ووٹنگ ہونا تھی جس میں فوجی بغاوت کے نتیجے میں 1987 سے اقتدار پر قابض صدر کو مزید توسیع دینے کے لیے آئین میں ترمیم کرنے کا امکان تھا تاکہ صدر آئندہ انتخابات میں بھی حصہ لے سکیں، صدر بلیز کمپا ؤرے نے ملک میں ایمرجنسی نافذ کرنے کے اعلان کے کچھ ہی گھنٹوں بعد اپنا فیصلہ واپس لیتے ہوئے27سالہ اقتدار چھوڑنے سے انکار کر دیا ہے،تاہم انھوں نے کہا کہ وہ جمہوری طور پر منتخب کردہ صدر کی تقرری تک کے لیے عبوری حکومت کے دورپر بات چیت کرنے کے لیے آمادہ ہیں۔
جاپانی فٹ بالر ایٹسوٹو اچیدا کی جرمن کلب شالکے سے معاہدے کی توسیع
برلن:جاپان کے مشہور فٹ بالر ایٹسو ٹو اچیدا جرمن کلب شالکے کے ساتھ اپنے معاہدے کی توسیع کے لیے تیار ہوگئے ہیں۔ اچیدا اور شالکے کے درمیان رواں سیزن کے اختتام پر پرانامعاہدے کی میعادختم ہوگی تاہم دونوں کے درمیان جون2018تک تین سال کے لیے تجدیدی معاہدہ ہوگا۔ 26سالہ دفاعی کھلاڑی نے کاشیما اینٹلرز سے شالکے میں شمولیت کی تھی، انھوں نے اب تک 132میچ کھیلے ہیں اور ایک گول کرنے میں بھی کامیاب ہوئے ہیں۔ اچیدا 2008سے جاپان کی قومی فٹ بال ٹیم کا مستقل رکن ہیں ،انھوں نے جاپان کے لیے 71بین الاقوامی میچ کھیلے ہیں۔شالکے جرمن فٹ بال لیگ کے رواں سیزن میں 12ویں پوزیشن پر موجود ہے۔
جمیکن اتھلیٹ ٹریوس کو ممنوعہ ادویات کے استعمال پر دو سالہ پابندی
موناکو:انٹرنیشنل ایسو سی ایشن آف اتھلیٹکس فیڈریشن نے جمیکن آہنی اتھلیٹ ٹریوس اسمیکل کو ممنوعہ ادویات کے استعمال پر دو سال کے لیے معطل کرنے کا اعلان کردیا۔ جمیکا کے تھروور ٹریوس اسمیکل نے نے لندن اولمپک2012کے مقابلوں میں حصہ لیا تھا۔ انٹرنیشنل ایسو سی ایشن آف اتھلیٹکس کا کہنا ہے کہٹریوس اسمیکل کی سزا کا آغاز گزشتہ سال جمیکن نیشنل چمپینز شپ میں جب ٹیسٹ مثبت آیا تھا تب سے ہوگا اور اگلے سال جب تک سزا پوری نہیں ہوتی کسی بھی مقابلے میں حصہ نہیں لے سکیں گے۔جمیکن نیشنل چمپینز شپ میں ٹریوس اسمیکل سمیت کئی کھلاڑیوں کے ٹیسٹ مثبت آگئے تھے جس میں اسافا پاﺅل اور شیرون سیمپسن بھی شامل تھے، کھیلوں کی ثالثی عدالت نے پاﺅل اور سمپسن کی18ماہ کی پابندی کو کم کرکے چھے مہینے کردی تھی۔
یورپا لیگ :چیک فٹ بال کلب کو ہنگامہ آرائی پر جرمانہ
پیراگو:یورپین فٹ بال ایسوسی ایشن نے چیک ری پبلک کے کلب اسپارٹا پیراگو کوسلووان بریٹسیلوا کے خلاف یورپا لیگ کے میچ کے دوران میدان میں شورشرابہ کرنے پر جرمانہ کردیا۔یورپین ایسو سی ایشن نے اسپارٹا پر80ہزار یورو جبکہ سلووان پر50ہزار یورو جرمانہ عائد کردیا۔ چیک فٹ بال کلب اسپارٹا کے مداحوں نے ایک ہفتہ قبل سلووان بریٹسیلواکے خلاف میچ میں مخالف کلب اور ان کے درمیان لگائے گئے رکاوٹوں کو توڑدیا تھا اور ہنگامہ آرائی کی تھی جبکہ یہ میچ اسپارٹا نے 0-3سے جیت لیا تھا۔ اسپارٹا نے دعویٰ کیا تھا کہ سلووان کے مداحوں کی جانب سے اکسائے جانے پر ہنگامہ آرائی ہوئی ، یورپین فٹ بال ایسو سی ایشن نے سلووان کو50ہزار کا جرمانہ عائد کردیا۔ یورپا لیگ کا اگلا میچ اگلے ہفتے پیراگو میں ہی کھیلاجائے گا۔