بارباڈوس:ویسٹ انڈیز کے سابق کرکٹ لیجنڈ سر وی وین رچرڈز کو ویسٹ انڈیز اے ٹیم کا ٹیکنیکل ڈائرکٹر مقرر کردیا گیا۔ ویسٹ انڈیز اے ٹیم اگلے ماہ سری لنکا کا دورہ کرے گی۔ کارلوس بریتھویٹ ٹیم کی قیادت کریں گے جبکہ جیروم بلیک ووڈ،شین شلنگفرڈ اور کرک ایڈورڈ شامل ہوں گے۔ویسٹ انڈیز کرکٹ بورڑ کے اعلامیے کے مطابق سر وی وین رچرڈز کو ویسٹ انڈیز کرکٹ کی ترقی اور تعمیر کے لیے مدد لی گئی ہے اور اے ٹیم کے دورہ سری لنکاکے لیے ٹیکنیکل ڈائرکٹر مقرر کیا گیا ہے۔

بنگلور:بنگلور کی عدالت نے تامل ناڈو کی وزیر اعلی جے للیتا کو اٹھارہ سال پرانے کرپشن کیس میں مجرم قرار دے دیا۔ وزیر اعلی جے للیتا پر 66 کروڑ روپے کی کرپشن کے الزامات ہیں جبکہ ان کے گھر سے کروڑوں روپے مالیت کے زیورات اور نقدی بھی ملی تھی۔ جے للیتا کے خلاف اٹھارہ سال پہلے کرپشن کے الزام کی تحقیقات شروع کی گئیں۔ انھیں غیر قانونی اثاثے رکھنے پر چھ ماہ سے چھ سال تک کی سزا ہو سکتی ہے۔ عدالتی فیصلے کے بعد کرناٹکا میں جے للیتا کی پارٹی کے کارکن مشتعل ہوگئے جبکہ انھیں وزارت اعلیٰ سے مستعفی بھی ہونا پڑ سکتا ہے۔

کوالالمپور: ملائشیا کے شہر کوالالمپور میں 4 روزہ بین لاقوامی بیس جمپنگ مقابلے شروع ہوگئے۔ افتتاحی روز امریکی بیس جمپرز نے برتری ثابت کردی۔ کوالالمپور بیس جمپنگ کے مقابلوں کے افتتاحی روز 19 ممالک سے 111 بیس جمپروں نے حصہ لیا۔ شرکاءنے دنیا کے ساتویں بلند ترین کوالالمپور ٹاور سے چھلانگ لگانے کاعملی مظاہرہ کیا۔ امریکی جمپر مائیلس ڈیشر نے 300 میٹر کی اونچائی سے مہارت کے ساتھ چھلانگ لگائی،ان کے ہم وطن جوناتھن ملر بھی منفرد انداز کے باعث توجہ کا مرکز بنے رہے۔

بارسلونا:ا سپینش گراں پری پریکٹس ریس میں اطالوی رائیڈر اینڈریا ڈووی زوئی سو سر فہرست رہے۔اینڈریا ڈووی زوئی سو نے عمدہ کارکردگی کا مظاہرہ کرتے ہوئے مقررہ فاصلہ 1 منٹ 48 اعشاریہ دو 8 سیکنڈمیں طےکیا اور ریس میں پہلی پوزیشن حاصل کرلی۔ میزبان ملک کے مارک ماکوئیز صفر اعشاریہ صفر چار سیکنڈز کے فرق سے دوسرے نمبر پر رہے۔ا سپین کے ہی ڈینی پیڈروسا نے تیسری پوزیشن حاصل کرلی۔

ڈوڈوما:دنیائے کرکٹ کے اسٹار کھلاڑیوں نے افریقی ملک تنزانیہ کی بلند چوٹی کیلی مانجارو میںکرکٹ میچ کھیل کر ریکارڑ قائم کردیا۔5ہزار7سو 30میٹر اونچی کیلی مانجارو میں کرکٹ میچ کھیلنے والوں میں انگلینڈ کرکٹ ٹیم کے سابق اسپنرایشلے جائلزاور جنوبی افریقا کے سابق فاسٹ بولر مکھایا این تینی بھی شامل تھے۔دنیا کے اونچے مقام میں کھیلا جانے والا ٹی ٹوئنٹی میچ کوبارش کے باعث دس دس اوروںتک محدود کردیا گیا تھا۔سابقہ ریکارڑ2009میں نیپال میں دنیا کی سب سےاونچی چوٹی ماﺅنٹ ایورسٹ کے بیس کیمپ میں5ہزار ایک سو65میٹر اونچائی پر کھیل قائم کیا گیا تھا۔واضح رہے کیلی مانجارو کی کل اونچائی5ہزار8سو95میٹرہے۔

شین ژہن:چین کے صوبے گوانگ ڈانگ کے شہر شین ژہن جاری ٹینس ٹورنامنٹ میں اسپین کے 4سیڈڈ ٹومی روبرٹو نے اینڈریاس سیپی کو شکست دے کر سیمی فائنل میں جگہ بنالی۔ٹومی روبرٹو نے شین ژہن اوپن ٹینس میں اٹلی کے کھلاڑی اینڈریاس سیپی کو4-6، 7-6اور3-6سے شکست دے دی۔دونوں کھلاریوں نے خوبصورت کھیل کا مظاہرہ کیا اور یہ اعصاب شکن مقابلہ 2گھنٹے اور36منٹ جاری رہا۔دوسرے کوارٹر فانل میںسیکنڈڈ اینڈی مرے کا مقابلہ سلووکیہ کے لوکاس لیکو کے درمیان ہورہاہے جبکہ تیسرا کوارٹر فائنل سربیا کے وکٹر ٹروئسکی اورع کولمبیا کے سینٹیاگو گیرالڈو کے درمیان ہو گا۔