دبئی: آئی سی سی کی جانب سے جاری کر دہ تازہ ٹی ٹونٹی رینکنگ میں پاکستان تیسرے نمبر براجمان ہے ۔ ورلڈ ٹی ٹوئنٹی میں خراب کار کر دگی کے با وجود پاکستان کر کٹ ٹیم نے آئی سی سی ٹی ٹوئنٹی درجہ بندی میں انڈیا اور سری لنکا کے بعد تیسری پوزیشن حاصل کی ہے۔ آئی سی سی کی جانب سے جاری کر دی درجہ بندی میں انڈیا پہلے، سری لنکا دوسرے، تیسرے نمبر پر پاکستان ،چوتھے پر جنوبی افریقا ،پانچویں پر ویسٹ انڈیز نے پنجے گاڑھے جبکہ آسٹریلیا کی تنزلی کے ساتھ چھٹے نمبرپر آگئی ہے ، نیوزی لینڈ ساتویں ، انگلینڈ آٹھویں ، آئر لینڈ نویں ، بنگلہ دیش دسویں جبکہ افغانستان گیارھویں نمبر موجود ہے ۔ انفرادی کا رکردگی میں ویسٹ انڈیز کے سیموئل بدری بولنگ میں پہلے، ویسٹ اندیز کے ہی سنیل نرائن دوسرے ، سعید اجمل تیسرے ،آسٹریلیا کے مچل اسٹارک چوتھے ، سری لنکا کے سینینائیکے پانچویں اور انڈین اسپنر ایشون چھٹے ، میک کولم ساتویں،نووان کولاسیکارا آٹھویں ، پاکستان آل راﺅنڈر شاہد آفریدی اور کپتان محمد حفیظ مشترکہ طور پر نویں نمبر موجود ہیں۔ بیٹنگ میں آسٹریلیا کے ارون فنچ پہلے ، انگلینڈ کے الیکس ہیلز دوسرے ، انڈیا کے ویرات کوہلی تیسرے ، نیوزی لینڈ کے برینڈن میک کولم چوتھے ، سری لنکا کے پریراپانچویں،انڈیا کے یوراج سنگھ چھٹے ، انڈیا کے سریش رائناساتویں اور جنوبی افریقی ڈومینی اورویسٹ انڈین کرس گیل آٹھویں نمبرپر موجود ہیں، مہیلاجے وردھنے دسویں نمبر پر موجو د ہیں۔پاکستان کی جانب سے احمدشہزاد گیارھویں اور عمر اکمل سولھویں نمبر پر موجو دہیں۔ٹی ٹوئنٹی آل راﺅنڈر میں محمد حفیظ پہلے اور شاہد آفریدی پانچویںنمبر پر براجمان ہیں۔

میرپور: جنوبی افریقی بیٹسمین پا ل ڈومینی کا کہنا ہے کہ ان کی ٹیم انڈین اسپنرز کے حملوں سے نمٹنے کی پو ری صلاحیت رکھتی ہے۔گروپ میچوں میں کا میابی سے ٹیم کا مورال بلند ہے بالخصوص انگلینڈ کے خلاف کامیابی سے ٹیم کے اعتماد میں بے پناہ اضافہ ہواہے تا ہم سیمی فائنل میں کامیابی کے لیے ٹیم کو اچھا کھیل پیش کرنا ہوگا۔ڈومینی کا کہنا تھا کہ سیمی فائنل سے قبل انڈین اسپنرز کے خلاف حکمت عملی تیار کر لی ہے ،انڈیا ایک مشکل حریف ضرور ہے لیکن ہم سیمی فائنل میں اچھی کارکردگی کے لیے پرعزم ہیں۔ان کا کہنا تھا کہ پہلے بھی انڈین اسپننر ز کو کامیابی سے کھیل چکے ہیںاور جانتے ہیں کہ سیمی فائنل میں کامیابی کے لیے اچھا کھیل پیش کرنا ہوگا۔ایونٹ میں انڈین اسپنر امیت مشرا11وکٹوںکے ساتھ سرفہرست ہیں جبکہ پاکستانی نژاد جنوبی افریقی اسپنر عمران طاہر دوسرے نمبر پر موجود ہیں۔

بارباڈوس: قومی کرکٹ ٹیم کے کھلاڑیوں شاہد خان آفریدی ، سعید اجمل اور شعیب ملک کی کیریبئین لیگ میںشرکت کے لیے نیلامی آج ہوگی ۔ فرنچائز کی پاکستانی کھلاڑیوں پر دلچسپی بہت زیادہ ہے ، قومی کرکٹ ٹیم کے اکثر کھلاڑی پہلے ہی کیریبئن لیگ میں شامل ہیں ، لیگ کے دوسرے سیشن کے لیے پاکستانی کھلاڑیوںشاہد آفریدی اور سعید اجمل کے ساتھ ساتھ شعیب ملک کی بولی بھی آج لگے گی۔کریبئن لیگ میں ویسٹ انڈیز کی چھے ٹیمیں حصہ لیںگے ، ٹورنامنٹ رواں سال جولائی میں ہوگا۔

دبئی: آئی سی سی انسداد کرپشن یونٹ نے انکشاف کیا ہے کہ 2011کا ورلڈ کپ فکس تھا۔آئی سی سی اینٹی کرپشن یونٹ کے اس انکشاف نے کہ2011ءکا ورلڈ کپ بھی فکس تھا دنیائے کرکٹ میں نیا بھونچال پیدا کردیا ہے۔آئی سی سی کے انسداد بدعنوانی اور سکیورٹی یونٹ کی 41صفحات پر مشتمل رپورٹ جاری کردی ہے۔ رپورٹ کے مطابق کرکٹ کے بین الاقوامی مقابلوں میں بڑے پیمانے پر کرپشن ہورہی ہے اور ادارے کے پاس اس حوالے سے ٹھوس شواہد موجود ہیں۔ ادارے کے مطابق نہ صرف ورلڈ کپ بلکہ ہر طرح کی کرکٹ میں سٹے بازی اور بدعنوانی کے ثبوت ملے ہیں۔ رپورٹ میں سٹے بازی میں ملوث دو افراد وی جے اور اے ایس کے کی نشاندہی بھی کی گئی ہے جو کھلاڑیوں سے رابطے میں رہتے ہیں۔ آئی سی سی انٹیلی جنس نے کھلاڑیوں اور بکیز کے درمیان گہرے رابطوں کا انکشاف کیا ہے تاہم ان کھلاڑیوں کے نام منظر عام پر نہیں لائے گئے۔ وی جے اور اے ایس کے انٹیلی جنس حکام کی نظروں میں ہیں اور ان کی نگرانی کی جا رہی ہے۔