لاہور (پی پی آئی) جماعت اسلامی پاکستان کے امیر سراج الحق کا کہنا ہے کہ پی ڈی ایم حکومت نے مہنگائی کو عروج پر پہنچایا، اب نگران حکومت بھی انہی کے نقش قدم پر چل رہی ہے۔پی پی آئی کے مطابق میڈیا سے گفتگو میں سراج الحق نے کہا کہ ملک اس وقت مشکل وقت سے گزر رہا ہے، غریب مہنگائی سے تنگ ہیں اور خود کشیاں کر رہے ہیں، پی ڈی ایم کی حکومت نے مہنگائی عروج پر پہنچائی، نگرانوں نے بھی سابقہ حکمرانوں کی طرح بجلی کی قیمت میں ہوشربا اضافہ کیا، عوام کے چولہے ٹھنڈے ہو رہے ہیں۔انہوں نے کہا کہ آج سے 3 دن قبل انڈیا نے چاند پر قدم رکھا ان کا مشن چاند کے زمین پر ایک ایسے علاقے میں موجود ہے جہاں پہلے کوئی نہیں پہنچا تھا، ساری دنیا کے اخبارات نے یہ خبر دنیا کے ہر انسان تک پہنچائی کہ بالاخر انڈیا نے چاند کے زمین پر قدم رکھا، دوسری طرف ہمارے حکمران سیاسی انتقام میں لگے ہوئے ہیں۔سراج الحق نے کہا کہ توشہ خانہ کیس اکیلے چیئرمین تحریک انصاف پر نہیں بلکہ اس کے علاوہ بھی جو ہیں ان کو بھی قانون کے دائرے میں لایا جائے، حکمرانوں اور عدلیہ نے عوام کو کوئی انصاف نہیں دیا۔
سری لنکن بیٹسمین تلکارتنے دلشان ان فٹ ، پہلے میچ سے باہر ہو گئے ٰٓٓ
سیہون شریف : کاروکاری کے دوہرے قتل میں ملوث دو ملزمان کو سزائے موت
چمن : پاک افغان سر حد پر خود کش حملہ ،آٹھ جاں بحق ،دو لیویز اہلکار سمیت سولہ افراد زخمی
میرپورخاص : مسافر بس الٹنے سے 22افراد زخمی ،تین کی حالت تشویش ناک
شہداد پور : مختلف واقعات میں دو افراد جاں بحق
جام شورو: جامعہ سندھ میں 16ویں انٹر یونیورسٹی ڈیبیٹ 8اکتوبر سے شروع
تازہ ترین خبریں
- April 25, 2026
- April 23, 2026
- April 22, 2026
- April 24, 2026
- April 07, 2026
اشتہار
تازہ ترین
بھارتی کرکٹ بورڈ کے صدر اور نائب صدر 4 ستمبر کو لاہورپہنچیں گے
لاہور(پی پی آئی)بورڈ آف کنٹرول فار کرکٹ ان انڈیا (بی سی سی آئی) کے صدر راجر بنی اور نائب صدر راجیو شکلا 4 ستمبر کو پاکستان پہنچیں گے۔بھارتی بورڈ کے عہدیداران پاکستان کرکٹ بورڈ (پی سی بی) کی دعوت پر پاکستان آ رہے ہیں۔پی پی آئی کے مطابق بی سی سی آئی صدر راجر بنی اور نائب صدر راجیو شکلا 4 سے 6 ستمبر لاہور میں ہوں گے۔ راجیو شکلا اور راجر بنی گورنر ہاؤس عشائیے میں بھی شریک ہوں گے۔دورے میں پی سی بی اور بی سی سی آئی کے عہدیداران میں ملاقات بھی شیڈولڈ ہے، بی سی سی آئی آفیشلز لاہور میں ایشیا کپ میچز بھی دیکھیں گے اورسات ستمبر کو روانہ ہوجائیں گے۔دونوں عہدیداران سری لنکا میں پاک بھارت میچ دیکھنے کے بعد پھرپاکستان آئیں گے۔
‘سائفر مقدمہ حکومت کی ملی بھگت سے درج ہوا:شاہ محمود قریشی، جسمانی ریمانڈ اسلام آباد ہائیکورٹ میں چیلنج
اسلام آباد (پی پی آئی) تحریک انصاف کے وائس چیئرمین شاہ محمود قریشی نے اپنے خلاف درج سائفر مقدمہ وفاقی حکومت کی ملی بھگت قرار دیتے ہوئے اس میں جسمانی ریمانڈ کے احکامات اسلام آباد ہائیکورٹ میں چیلنج کر دیئے۔ پی پی آئی کے مطابق اسلام آباد ہائیکورٹ میں دائر درخواست میں سابق وزیر خارجہ شاہ محمود قریشی نے موقف اختیار کیا کہ سائفر مقدمے میں 20، 21 اور 25 اگست کو جسمانی ریمانڈ کے 3 آرڈرز دیئے گئے، عدالت انہیں کالعدم قرار دے۔ درخواست میں کہا گیا ہے کہ جسمانی ریمانڈ کا آرڈر کالعدم قرار دے کر جوڈیشل ریمانڈ پر بھجوایا جائے، وفاقی حکومت کی ملی بھگت سے مقدمہ درج کیا گیا، آفیشل سیکرٹ ایکٹ کے تحت سیاسی انتقام کا نشانہ بنانے کیلئے مقدمہ درج کیا گیا۔شاہ محمود قریشی کی درخواست میں موقف اختیار کیا گیا کہ ایف آئی اے کے سامنے شامل تفتیش ہوا، حقائق کے باوجود ایف آئی اے نے گرفتار کر لیا، 3 بار جسمانی ریمانڈ لیا۔ ریکارڈ سے ثابت ہوتا ہے سائفر وزارت خارجہ کے پاس ہے۔ پراسیکیوشن کوئی بھی ثبوت سامنے لانے میں ناکام رہی۔ سائفر میں نے لیا نہ اس کا ٹرانسکرپٹ کسی غیر مجاز شخص کو بتایا۔ درخواست میں وفاق اور سیکرٹری داخلہ کو فریق بنایا گیا ہے۔
دنیا بھر میں آباد کشمیری سید علی گیلانی کی دوسری برسی یکم ستمبرکو منائیں گے
سری نگر/مظفر آباد(پی پی آئی)بھارت کے غیر قانونی زیر قبضہ جموں و کشمیر میں تحریک مزاحمت کی علامت سید علی گیلانی کی دوسری برسی دنیا بھراورکنٹرول لائن کے دونوں اطراف آباد کشمیری یکم ستمبرکو منائیں گے۔ پی پی آئی کے مطابق مقبوضہ جموں و کشمیر کے چھوٹے بڑے شہروں اور قصبوں میں پوسٹرچسپاں کیے گئے ہیں جن میں لوگوں سے اپیل کی گئی ہے کہ وہ سید علی گیلانی کو انکی شہادت کی دوسری برسی پر شاندار خراج عقیدت پیش کریں۔ پوسٹروں میں ائمہ مساجد اور خطبا پر زور دیا گیا کہ وہ سید علی گیلانی اور دیگر کشمیری شہداکے درجات کی بلندی کے لیے خصوصی دعائیں کریں۔یاد رہے کہ سید علی گیلانی یکم ستمبر2021 کو سرینگر میں گھر میں دوران نظر بندی وفات پا گئے تھے۔
تلاش کریں
خبریں
سری لنکن بیٹسمین تلکارتنے دلشان ان فٹ ، پہلے میچ سے باہر ہو گئے ٰٓٓ
کولمبو: سری لنکا کے بیٹسمین تلکارتنے دلشان زخمی ہونے کے باعث ڈومیسٹک سیریز کے پہلے میچ سے باہر ہو گئے ۔ تلکارتنے دلشان پریکٹس کے دوران انگلی پر زخم آنے کے باعث آج سے شروع ہو نے والی سری لنکا کی ڈومیسٹک سہہ فریقی سیریز کے پہلے میچ میں حصہ نہیں لے سکیں گے ، انھیں اگلے میچ میں بورڈ الیون کی حتمی ٹیم میں شامل کرنے کے لئے احتیاطی طور پر بھی آرام دیا جا رہا ہے ، جبکہ وکٹ کیپر بیٹسمین کوشال سلوا کو ڈومیسٹک میں شاندار کار کر دگی کی بنا پر پہلے میچ کے لئے سری لنکا اے سے بورڈ الیون میں شامل کر لیا گیا ہے ، فاسٹ باﺅلر کانشک الویٹیگالا کوڈیولپمنٹ ٹیم سے اے ٹیم میں شامل کر لیا گیا ہے جبکہ ان کی جگہ کوسان ما دوشانکا کو ڈیولپمنٹ ٹیم میں شامل کر لیا گیا ہے ۔ بورڈ الیون اپنا دوسرا میچ 21اکتوبر کو کھیلے گی۔
سیہون شریف : کاروکاری کے دوہرے قتل میں ملوث دو ملزمان کو سزائے موت
سیہون شریف: ایڈیشنل سیشن جج سیہون شریف کی عدالت نے کاروکاری کے دوہرے قتل میں ملوث دو ملزمان کو سزائے موت جبکہ دو ملزمان کو کر دیا ۔ تفصیلات کے مطابق بھان سعید آباد شہر میں دو سال قبل امام الدین چنہ ، نذیر احمد چنہ،محمد صادق چنہ اور محمد عثمان چنہ نے نسیم چنا اور امیر بخش برہمانی کو کاروکاری کے الزام میں قتل کیا تھا ۔ جس کا مقدمہ گزشتہ دو سالوں سے ایڈیشنل جج کی عدالت میں چل رہاتھا،آج عدالت نے فیصلہ سناتے ہوئے دو ملزمان سگے بھائیوں امام الدین چنا اور نذیر احمد چنا کو سزائے موت اور دو لاکھ روپے جرمانہ کی سزا سنائی جبکہ دیگر دو ملزمان محمد صادق اور محمد عثمان چنا کورہا کر نے حکم دیاتاہم جرمانہ ادا نہ کرنے کی صورت میں مزید چھے ماہ کی قید ہو گی ۔
چمن : پاک افغان سر حد پر خود کش حملہ ،آٹھ جاں بحق ،دو لیویز اہلکار سمیت سولہ افراد زخمی
چمن: چمن میںپاک افغان کسٹم ہا ﺅس میں خودکشدھماکے سے 8 افراد جاں بحق جبکہ دو لیویز اہلکاروں سمیت16افراد زخمی ہوگئے۔ لیویز ذرائع کے مطابق پاک افغان کسٹم ہاﺅس کے قریب خودکش حملے کے نتیجے میںآٹھ افراد جاں بحق جبکہ دو لیویز اہلکاروں سمیت سولہ افراد زخمی ہوگئے ،ذرائع کے مطابق جاں بحق ہونے والوں میں دو افغان سیکورٹی اہلکا ر بھی شامل ہیں۔ دھماکا باب دوستی کے قریب افغانستان کی حدود میں ہوا جس کے بعد باب دوستی پر آمدورفت معطل ہو گئی ۔ واقعے میں جاں بحق اور زخمی ہونے والے افرادکو قریب واقع طبی مراکز میں منتقل کیا جا رہا ہے ۔ واضح رہے افغانستان کے لئے نیٹو اور امریکی سپلائی چمن کے راستے سے ہی ہو تی ہے ۔
میرپورخاص : مسافر بس الٹنے سے 22افراد زخمی ،تین کی حالت تشویش ناک
میرپور خاص: میر پور ضاص کے قریب تیز رفتار مسافر بس الٹ جانے سے 22افراد زخمی ہوگئے ۔ میرپور اخاص کے قریب جھلوری لنک روڈ پر واقع گاﺅں امیر خان خاص خیلی کے پاس ایک تیز رفتار مسافر بس ٹائی راڈٹوٹ جانے کی وجہ سے الٹ گئی جس کے نتیجے میں بس میں سوار 22افراد زخمی ہوگئے ، زخمیوں کو میرپو ر خاص اسپتال لایا گیا جہاں فوری طبی امداد مہیا کی گئی ،زخمیوں میں سے تین کی حالت تشویش ناک بتائی جاتی ہے جبکہ چھے زخمیوں کو سرجیکل وارڈ میںداخل کر دیا گیا ہے ،دوسری جانب حادثے کا شکار ہونے والی بس کا ڈرائیور موقع سے فرار ہو گیا۔
شہداد پور : مختلف واقعات میں دو افراد جاں بحق
شہداد پور: شہداد پور میں مختلف واقعات میںدو افراد جاں بحق ہو گئے ۔ تفصیلات کے مطابق شہداد پور کے رہائشی ٹیکسی ڈرائیور 33سالہ محمد سلیم پر اسرار سر پر گولی لگنے سے جاں بحق ہو گئے ،ورثاءکا کہنا ہے کہ گھر میں ریوالور صاف کر تے ہوئے اچانک گولی چلنے سے جاں بحق ہو گئے ،متوفی تین بچوں کے باپ تھے جبکہ شہدا پو رکے نواحی قصبے ڈھڑو شریف میں ابڑو قبیلے کے دو گروہوں میں مسلح تصادم کے نتیجے میں بیس سالہ نوجوان خادم حسین گولی لگنے سے جاں بحق ہوگیا۔دوسری جانب شہداد پور پولیس نے چار روز قبل رہزنی کے واقعے میں جاں بحق ہو نے والے زمیندار علی حسن لھوسو کے قتل کا مقدمہ تین نامعلوم افراد کے خلاف درج کر لیاہے، پولیس نے درجن سے زائد افراد کوگرفتار کر لیا ہے تاہم اصل ملزمان تک نہیں پہنچ سکی ، ایس ایچ او شہداد پو رکا کہنا ہے کہ قاتلوں کو جلد ہی گرفتار کر لیا جائے گا۔
جام شورو: جامعہ سندھ میں 16ویں انٹر یونیورسٹی ڈیبیٹ 8اکتوبر سے شروع
جام شورو: جامعہ سندھ جام شورومیں 16ویں آل پاکستان انٹر یونیورسٹی ڈیبیٹ 8اکتوبر سے شروع ہوں گے ۔ جامعہ سندھ جامشورو کے بیورو آف اسٹئگس کے ایڈوائزر محمد یوسف پردیسی نے جاری کردہ اعلامیہ میںکہا ہے کہ 16ویں آل پاکستان انٹر یونیورسٹی ڈبیٹ مقابلوں میں شرکت کرکے علامہ اقبال شیلڈ 2013 جیتنے کے سلسلے میں انٹر ڈپارٹمینٹل تقریری مقابلہ 2013 رواں ماہ کے 8 تاریخ سے منعقد ہوں گے۔ 8 اکتوبر کو “طاقتور ملک دنیا جی تباہی جو باعث آھے” کے عنوان پر سندھی میں ، 9 اکتوبرکو “کرپشن کا خاتمہ نظام اسلام سے ممکن ہے” کے عنوان پر اردو میںاور “Politics is to Polish Education” کے عنوان پر انگریزی میں 10 اکتوبر کو تقریری مقابلے آرٹس فیکلٹی بلڈنگ کے شیخ ایاز آڈیٹوریم میں منعقد ہونگے۔ تقریری مقابلوں میں حصہ لینے والے ہرایک طالب علم کو 4 منٹ کا وقت دیا جائے گا۔۔