اسلام آباد: سینیٹر انور بیگ کو وزیر اعظم نے بےنظیر انکم سپورٹ پروگرام کا چیئر مین مقرر کر دیا ۔ چیئر مین بےنظیر انکم سپورٹ پروگرام کا درجہ وفاقی وزیر کے برابرہوگا، سینٹر انور بیگ نے کہا کہ میں اس ادارے کو سیاست کی نذر نہیں ہو نے دوں گا ، سیاسی کارکنوں کے مددگار بنانے کے بجائے ملک کے غریب لوگوں کا مددگار ادارہ بنانے کے لیے کام کروں گا،جبکہ ماضی میں ہونے والی کرپشن کی تحقیقات بھی کی جائیںگی ،انھوں نے کہا کہ اگر ادارے کو مالی طور پر مستحکم کر نے کے لیے عالمی مالیاتی اداروں کے پاس جانا پڑ ا تو ان کے پاس چلے جائیںگے۔

بدین: آل پاکستان کلرک ایسوسی ایشن صحت کھاتہ یونٹ بدین کے انتخابات میںبلا مقابلہ عہدیداران کا انتخاب کیا گیا۔ منتخب ہونے والوں میں حاجی اللہ بچایو انڑ صدر، بابو شاہدجٹ کو سینئر نائب صدر، کارو ، احمد جگسی،عامر آرائیں جبکہ جنرل سیکریٹری کے لئے عبدالرسول اور ڈپٹی جنرل سیکریٹری عنایت اللہ پاٹولی، فنانس سیکریٹی اکبر علی مندھرو پریس سیکریٹری ادریس نہڑیو کاانتخاب بلا مقابلہ عمل میں لایا گیا۔

حیدرآباد: حیدرآباد چیمبر آف کامرس اینڈ انڈسٹری کے سینئر نائب صدر تراب علی خوجہ نے وفاقی وزیر خزانہ سے مطالبہ کیا کہ فو ری طو رپر حیدرآباد تا کراچی M9مو ٹر وے کی تعمیر ات کے لئے فنڈ جا ری کرےں۔مو ٹر وے کی تعمیر میں تاخیر سے تاجر برادری کو سپر ہائی وے کے ذریعے در آمدی و بر آمدی مال کی ترسیل اور آمدو رفت میں مشکلات اورحادثات کی وجہ سے عوام سخت پریشان ہےں، حیدرآباد تا کرا چی M9مو ٹر وے کی تعمیر کے لئے فنڈز جا ری نہ کرنا صوبہ سندھ کے عوام کے ساتھ سو تیلی ماں جیسا سلوک کرنے کے مترادف ہے ، وفاقی حکومت اور نیشنل ہائی وے اتھا رٹی سپر ہائی وے ٹول ٹیکس سے اربوں روپے وصول کر کے صوبہ پنجاب میں مو ٹر وے کی تعمیرات پر خرچ کئے جارہے ہیں ، سندھ کے عوام نیشنل ہائی وے اتھا رٹی سے نالاں ہیں ، تاجر و صنعتکا ر حیدرآباد سے درآمدی حجم 81ملین امریکی ڈالر ہے اور تاجر و صنعتکا ر FBRکلکٹریٹ حیدرآباد کو 22بلین روپے انکم ٹیکس ، سیلز ٹیکس اور ایکسائز ڈیو ٹی کی مد میں ادا کر رہے ہیں،8سالوں کے طویل عرصہ گزرنے کے بعد تا حال سپر ہائی وے کی پیچ ورک اور کارپیٹنگ نہیں کرائی ، جس کے باعث سپر ہائی وے زبوں حالی کا شکار ہے اور تاجروں و صنعتکا روں کو بھا ری مالی نقصان بر داشت کرنا پڑ رہا ہے ۔

کراچی: پاکستان پیرا میڈیکل اسٹاف ایسوسی ایشن کے مرکزی صدر نیاز حسین بھٹو نے بینظیر آباد کے ویکسینٹرز پر ہونے والے ظلم اور زیادتی کی شدید مذمت کرتے ہوئے پر زور مطالبہ کیا ہے کہ ملازمین کی تنخواہیںفی الفور جاری کی جائیں ۔انھوںنے کہاکہ کسی آفیسر کو یہ حق نہیں کہ بغیر کسی سبب اور گناہ اور بغیر کسی وضاحت اور شو کاز نوٹس کے کسی ملازم کی تنخواہ بند کردے، نیازحسین بھٹو نے بتاےاکہ ڈسٹرکٹ ہیلتھ آفیسر ضلع بینظیر آباد ڈاکٹر بہادر خان کھیڑو نے غریب ویکسینٹروں کی تنخواہ دو ماہ سے بغیر کسی خطا اور گناہ کے بند کر دی ہے،جس کے باعث ملازمین احتجاج کر نے پر مجبورہیں،انھوں نے کہاکہ ڈاکٹر بہادر خان کھیڑو سیاسی اثر و رسوخ اور سپورٹ کی وجہ سے ہیلتھ ڈپارٹمنٹ بینظیر آباد کا بے تاج بادشاہ بنا ہوا ہے، انھوں نے سیکر ٹیری صحت اور ڈائریکٹرجنرل ہیلتھ سروسز سے مطالبہ کیا ہے کہ فی الفور ویکسنیٹروںکی تنخواہیں ریلیزکر نے کے احکامات جاری کریں ایسا نہ ہوکہ پاکستان پیرا میڈیکل اسٹاف ایسوسی ایشن ڈاکٹر بہادر خان کے اس ظالمانہ عمل کے خلاف سندھ کے تمام اضلاع میں احتجاج کرنے پر مجبور ہوجائے۔

جام شورو: جامعہ سندھ جامشورو کے کنٹرولر امتحانات (اینوئل) ڈاکٹر نعیم طارق ناریجو نے کہا ہے کہ بی ایڈ/ایم ایڈ نان فارمل پرگرام سالانہ امتحان 2012 اور ایم اے (پریویس) انگلش/اکنامکس، ڈسٹینس ایجوکیشن پروگرام 2013 کے امتحانات کا شیڈیول جاری کردیا گیا ہے۔ اعلامیے کے مطابق امتحانی فارم ایلسا قاضی کیمپس (اولڈکیمپس) حیدرآباد میں ڈائریکٹر ڈسٹینس ایجوکیشن کے دفتر میں 18 نومبر تک جمع کرا ئے جاسکتے ہیں، امیدوارں کو ایڈمٹ کارڈ 16 دسمبر کو جاری کیے جائیں گے جبکہ امتحانات 21 دسمبرکو ہوں گے، خواہش مند امیدواروں کو ہدایت کی گئی ہے کہ وہ مزید معلومات کے لیے ڈائریکٹر ڈسٹنس ایجوکیشن کی آفس واقع ایلسا قاضی کیمپس (اول کیمپس) حیدرآباد سے رابطہ کریں۔