اسلام آباد (پی پی آئی)الیکشن کمیشن نے میڈیا پر قبل اور بعداز انتخابات پولز سروے کرانے پر پابندی لگادی ہے،الیکشن کمیشن نے آئندہ انتخابات کیلئے پرنٹ اور الیکٹرانک میڈیا آؤٹ لیٹس کے آفیشل ڈیجیٹل میڈیا اکاؤنٹس کے ساتھ ساتھ سوشل میڈیا انفلوانسرز پر ووٹ ڈالنے سے متعلق رائے کی تشہیر پر مکمل پابندی عائد کی ہے۔پی پی آئی کے مطابق آئندہ عام انتخابات کیلئے جاری ضابطہ اخلاق میں الیکشن کمیشن نے کسی بھی پولنگ اسٹیشن یا حلقے میں کسی بھی قسم کے ایسے سروے پر مکمل پابندی عائد کر دی ہے جو ممکنہ طور پر ووٹرز کے ووٹ ڈالنے کے آزادانہ انتخاب کو متاثر کر سکتا ہے۔ الیکشن کمیشن کی جانب سے ایگزٹ پول اور انٹری پولز دونوں کی تشہیر پر پابندی عائد کی گئی ہے، ایگزٹ پول پولنگ اسٹیشنوں سے نکلنے والے ووٹرز کی رائے پر مبنی سروے کو کہا جاتا ہے جس میں یہ پوچھا جاتا ہے کہ انہوں نے ووٹ کیسے ڈالا، اسی طرح لوگوں کے ووٹ ڈالنے کے لیے پولنگ اسٹیشنوں میں داخل ہونے سے قبل ان کی ووٹ سے متعلق رائے پوچھنا انٹری پول کہلاتا ہے۔
دانش کنیریا کیس: راشد لطیف کی لاہور میں پی سی بی حکام سے ملاقات
ریڈ ورلڈ اسنوکر چمپیئن شپ:محمد آصف کو مسلسل تیسری شکست کا سامنا
ملائیشیا:سلطان جوہرکپ جونئیرہاکی ٹورنامنٹ کے شیڈول کا اعلان
جسقم کی کال پر سندھ کے اکثر اضلاع میں مکمل ،حیدرآباد اور میر پور خاص میں جزوی ہڑتال کی گئی
آسٹریلوی بورڈ کا آزمائشی طور پر ڈے اینڈ نائٹ ٹیسٹ میچز کرانے کا فیصلہ
فٹبال پریمیئر لیگ: لیور پول نے مانچسٹر یونائیٹڈ کو ایک صفر سے ہرا دیا
تازہ ترین خبریں
اوکاڑہ میں اجتماعات ، شہدائے معرکہ حق کو خراج عقیدت پیش
متعدد ہلاکتوں کے بعد دریائے حب میں سرگرمیوں پر پابندی
- April 23, 2026
- April 22, 2026
اشتہار
تازہ ترین
باتھ آئی لینڈ اور کلفٹن کے پوش علاقہ بھی نشہ کے عادی افراد سے محفوظ نہیں
کراچی (پی پی آئی)کراچی کا پوش علاقہ کلفٹن بھی نشہ کے عادی افراد سے محفوظ نہیں رہا۔ پی پی آئی کے مطابق تین تلوار،شون اور دوتلوا ر چورنگی ہی نہیں عبداللہ شاہ غازیؒ کے مزار کے سامنے برج کے نیچے اور باتھ آئی لینڈ کے پوش علاقہ میں بھی منہ پر چادرڈال کر نشئی نشہ کرنے میں مصروف دکھائی دیتے ہیں۔کلفٹن پولیس اپنی حدود میں نشہ کرنے والوں کے خلاف آپریشن میں ناکام نظر آتی ہے۔
ملک میں نئی موبائل فون سروس ”اونک“ کا چرچا،پی ٹی اینے تردید کردی
کراچی (پی پی آئی) سوشل میڈیا پلیٹ فارمز پر چند ہفتوں سے چہ مگوئیوں میں رہنے والی نئی موبائل فون سروس ”اونک“ متعارف کرا دی گئی ہے۔ مذکورہ کمپنی پی ٹی ایم ایل پاکستان کی پہلی فائیو جی انٹرنیٹ ٹیکنالوجی سے لیس کمپنی ہوگی۔ اونک کو خصوصی طور پر انٹرنیٹ پیکیجز کیلئے متعارف کرایا گیا ہے اور یہ برانڈ خصوصی طور پر انٹرنیٹ ڈیٹا کا کام کرے گا۔ یہ بموجودہ موبائل سمز کی طرح ہوگا اور اس سے کالز بھی کی جا سکیں گی۔پی پی آئی کے مطابق پاکستان ٹیلی کمیونی کیشن اتھارٹی (پی ٹی اے) کا کہنا ہے کہ حکومت پاکستان نے کسی نئی کمپنی کو سیلولر کا لائسنس جاری نہیں کیا۔ پی ٹی اے کا اپنی ٹوئٹ میں کہنا ہے کہ ملک میں ایک نئے آپریٹر اور اس کی نئی سروس ”اونک (ONIC)“ کے حوالے سے عوام اور سوشل میڈیا پر پھیلنے والی افواہیں غلط ہیں، پاکستان میں کسی بھی نئے موبائل آپریٹر کو سیلولر لائسنس نہیں دیا گیا۔
بھارت کے یوم آزادی پر دنیا بھر میں کشمیریوں کا یوم سیاہ,احتجاجی ریلیاں
مظفر آباد/آزاد کشمیر(پی پی آئی) بھارت کے یوم آزادی پر کنٹرول لائن کے دونوں اطراف اور دنیا بھر میں آبادکشمیریوں نے یوم سیاہ منایا،مظفرآباد میں کشمیر لبریشن سیل اور پاسبان حریت جموں کشمیر کے زیر اہتمام یوم سیاہ پر احتجاجی ریلیاں نکالی گئیں۔ پی پی آئی کے مطابق لبریشن سیل کے زیر اہتمام ریلی کی قیادت وزیر حکومت چودھری رشید کر رہے ہیں، ختم نبوت چوک چھتر میں سینکڑوں شہریوں کی یوم سیاہ ریلی میں شرکت،بھارت کے یوم آزادی کو یوم سیاہ کے طور منانے کیلئے شہریوں نے مرکزی شاہراہ پر مارچ کیا، بھارتی فوجی قبضے کیخلاف شدید نعرے بازی کی گئی،”بھارتی غاصبو جموں کشمیر چھوڑ دو“ ”ہندوستانی قابضو کشمیر ہمارا چھوڑ دو“ کے فلک شگاف نعرے لگائے گئے۔ وزیر حکومت چودھری رشید کا کہنا تھا کہ ہندوستان کا یوم آزادی ریاستی عوام کیلئے یوم سیاہ ہے،عْزیر احمد غزالی کا کہنا تھا کہ بھارت کشمیریوں کی آزادی سلب کرکے خود کس منہ سے یوم آزادی منا رہا ہے۔ مقررین کا کہنا تھا کہ بھارت مقبوضہ جموں کشمیر پر قابض، اس کا یوم آزادی کشمیریوں کیلئے یوم احتجاج ہے، ہندوستان نے دس لاکھ قابض فوجیوں کے ذریعے جموں کشمیر پر قبضہ جما رکھا ہے۔
تلاش کریں
خبریں
دانش کنیریا کیس: راشد لطیف کی لاہور میں پی سی بی حکام سے ملاقات
لاہور : قومی کرکٹ ٹیم کے سابق کپتان راشد لطیف نے لاہور میں پی سی بی حکام سے ملاقات کی اور دانیش کنیریا کیس کے حوالے سے مواد بورڈ کو جمع کرا دیا۔پاکستان کرکٹ بورڈ کے مطابق سابق ٹیسٹ کرکٹر چیف آپریٹنگ آفیسر سبحان احمد اور قانونی مشیر تفضل رضوی سے قذافی سٹیڈیم لاہور میں ملاقات کی۔ پی سی بی کا کہنا ہے کہ یہ ملاقات بورڈ کی جانب سے راشد لطیف کو نوٹس بھیجنے کی روشنی میں رکھی گئی تھی۔ پی سی بی کا کہنا ہے کہ راشد لطیف نے دانیش کنیریا کیس کے حوالے سے کچھ مواد بورڈ کو دیا ہے جن کا بغور معائنہ کیا جا رہا ہے جس کے بعد مزید میٹنگز بھی رکھی جائے گی۔
ریڈ ورلڈ اسنوکر چمپیئن شپ:محمد آصف کو مسلسل تیسری شکست کا سامنا
بنکاک : عالمی چیمپئن محمد آصف سام سنگ سکس ریڈ ورلڈ اسنوکر چمپیئن شپ میں مسلسل تیسرا میچ ہارگئے۔ ماجد علی کوبھی اپنے دوسر ے میچ میں شکست کا سامنا کرنا پڑا۔تھائی لینڈ کے شہربنکاک میں جاری ایونٹ میں پاکستانی کیوئیسٹس اب تک فتح سے محروم ہیں۔ ایونٹ کے دوسرے روزمحمد آصف کو تیسرے میچ میں انگلینڈ کے بیری ہاکنزنے پانچ دوفریمزسے شکست دی۔ انگلش کیوئیسٹ کی فتح کا اسکورپینسٹھ صفر، پینسٹھ ایک، تریپن چھ، صفرچھیاسٹھ، چھ بیالیس، سینتیس تیرہ اورچوالیس چاررہا۔ آصف کوٹورنامنٹ کے پہلے روز تھائی لینڈ کے جیمزوٹانا اورانگلینڈ کیرکی والڈن کیخلاف بھی شکست ہوئی تھی۔ پاکستان کے دوسرے کیوئیسٹ محمد ماجد علی بھی دوسرے میچ میں آئرلینڈ کے کین ڈوہرتی سے ہارگئے۔ ڈوہرتی نے ماجد کوپانچ ایک فریمزسے زیر کیا۔
ملائیشیا:سلطان جوہرکپ جونئیرہاکی ٹورنامنٹ کے شیڈول کا اعلان
جوہر بار: سلطان جوہرکپ جونئیرہاکی ٹورنامنٹ کے شیڈول کا اعلان کردیا گیا۔ افتتاحی میچ پاکستان اورکوریا کے درمیان کھیلا جائیگا۔ منتظمین کے مطابق ٹورنامنٹ بائیس سے انتیس ستمبرتک ملائیشیا کے شہرجوہربارومیں کھیلا جائیگا۔ ٹورنامنٹ میں میزبان ملائیشیا سمیت پاکستان، کوریا، بھارت، ارجنٹائن اورانگلینڈ کی ٹیمیں حصہ لیں گی۔ افتتاحی میچ پاکستان اورکوریا کے درمیان کھیلا جائیگا۔ قومی جونئیرٹیم تئیس ستمبرکوانگلینڈ، پچیس ستمبرکوبھارت، چھبیس ستمبرکوملائیشیا اوراٹھائیس ستمبرکوارجنٹائن کے مدمقابل آئیگی۔ سنگل لیگ کی بنیاد پرکھیلے جانیوالے ایونٹ کی دوٹاپ ٹیمیں انتیس ستمبرکوفائنل میں مدمقابل آئیں گی۔
جسقم کی کال پر سندھ کے اکثر اضلاع میں مکمل ،حیدرآباد اور میر پور خاص میں جزوی ہڑتال کی گئی
کراچی : جسقم کے سابق چیئر مین بشیر خان قریشی کی پوسٹ مارٹم کی رپورٹ کیخلاف منگل کے روز ہڑتال کی کال پراندرون سندھ کے اکثر اضلاع میں شٹر بنداور پیہ جام ہڑتال کی گئی ۔ اندرون سندھ کے اضلاع لاڑکانہ ،گھوٹکی ،ٹھٹھہ، بدین،خیرپور،جام شورو،کوٹری اور دیگر اضلاع میں جسقم کے سابق چیئر مین بشیر خان قریشی کی پوسٹ مارٹم رپورٹ کے خلاف مکمل ہڑتال جبکہ حیدرآباد اور میرپور خاص میں جزوی ہڑتال رہی۔ جئے سندھ قومی محاذ کے وائس چیئرمین ڈاکٹر نیاز کالانی کی جانب سے بشیر خان قریشی کی حکومت کی طرف سے جسم کے اجزا کی رپورٹ جھوٹ پر مبنی قرار دیتے ہوئے منگل کے روز ہڑتال کا اعلان کیا گیا تھا جس کی وجہ سے پیر اور منگل کی درمیانی شب سے ہی نامعلوم مسلح افر اد نے حیدرآبادحالی روڈ پر پر ایک ٹرک اور ہٹری کے قریب ایک مسافر وین کو آگ لگادی جبکہ نامعلوم مسلح افراد نے قاسم آباد میں فائرنگ کرکے ایک شخص کو زخمی کردیا، منگل کی صبح قاسم آباد،سٹیزن کالونی،حسین آباد،جامشورو ،کوٹری میں مکمل شٹربند اور پیہ جام ہڑتال کی گئی ان علاقوں میں تمام پیٹرول پمپ ،سی این جی پمپ اوار نجی اسکول بند رہے جبکہ علاقے میں پولیس اور رینجرز کی بھاری نفری تعنیات کی گئی تھی تاہم حیدرآباد اور لطیف آباد کے بڑے بازار کھلے رہے اورٹریفک بھی معمول کے مطابق چلتی رہی جبکہ گل سینٹر اور چاندی بازار بند رہے ،دوسری جانب ہڑتال کے سبب لمس،سندھ یونیورسٹی اور مہران یونیورسٹی کی پوائنٹ بسیں نہیں چل سکی جس کے سبب طلباءجامعات میں نہیں پہنچ سکے اورتدریسی عمل معطل رہا۔ خیرپور میں بھی جزوی ہڑتال کی گئی ،کاروبار ی سرگرمیاںدوپہر بارہ بجے سے بحال ہوگئیں۔ ضلع بدین کے متعدد شہروں میں کاروباری مراکز بند رہے ، سڑک پر پبلک ٹرانسپورٹ بھی نہ ہونے کے برابر رہی ، بعض علاقوں سے فائرنگ اور مشتعل افراد کی جانب سے ٹریفک کو شہر میں داخل ہونے سے روک دیا گیا ،تعلیمی اداروں اور سرکاری محکموں میں طلباءکی حاضری بہت کم رہی ،ٹریفک معطل ہونے سے اندرون سندھ سفر کے معمولات بھی متاثر ہوئے ، حیدرآباد ،بدین ،گلارچی ،مٹھی ،ڈگری اور دیگر مقامی روٹ پر سفر کرنے والے مسافر شدید پریشانی کا شکار رہے ۔ گھوٹکی کے چھوٹے بڑے شہروں ڈھرکی ،اوباڑو،میرپور ماتھیلو و دیگر شہر وں کے چہوٹے بڑے تمام کاروباری مراکز سرکاری و نجی ادارے اور سرکاری و غیر سرکاری اسکولز صبح سے ہی بند رہے ،پیٹرول پمپ اور CNG اسٹیشن بھی بند رہے ۔ کسی بھی ناخوشگوارواقعہ سے نمٹنے کیلئے پولیس کی بھاری نفری تعینات کی گئی تھی، پولیس موبائلیں وقفہ وقفہ سے شہرمیں گشت کرتی نظر آئیں، کوئی ناخوشگوار واقعہ پیش نہیں آیا تاہم ڈھرکی میں دوکانیں بند کرانے پر جسقم کے کارکنوں اور دوکانداروں میں تصادم کے نتیجے میں ایک کارکن رفیق حیدر شر زخمی ہو گیا جس کو سول اسپتال میں داخل کرایا گیا ۔لاڑکانہ میں بھی دوسرے اضلاع کی طرح شٹر بند ہڑتال کی گئی ، مارکیٹیں ،بازاراور پٹرول پمپ بند رہے،ٹریفک کا نظام بھی معطل رہا ،اسکول اور کالج بھی بند رہے ۔ جسقم کے
آسٹریلوی بورڈ کا آزمائشی طور پر ڈے اینڈ نائٹ ٹیسٹ میچز کرانے کا فیصلہ
سڈنی: آسٹریلوی کرکٹ بورڈ نے آئندہ سیزن میں 12 فرسٹ کلاس آزمائشی ڈے اینڈ نائٹ ٹیسٹ کو مصنوعی روشنیوں میں کرانے کا اعلان کر دیا۔پاکستان کے بعد اب آسٹریلیا آزمائشی طور پر ڈے اینڈ نائٹ ٹیسٹ میچز منعقد کرائے گا۔ تفصیلات کے مطابق آسٹریلوی کرکٹرز یونین نے فاسٹ ٹیسٹ میچز کو حقیقت کا روپ دینے کیلئے شیفلڈ شیلڈ مقابلوں کو آزمائشی طور پر مصنوعی روشنی میں منعقد کرانے کی حمایت کر دی ہے۔ اب آسٹریلوی بورڈ کرکٹرز نے رائے بھی لے گا۔ آسٹریلوی بورڈ 2015ءمیں نیوزی لینڈ سے ڈے اینڈ نائٹ ٹیسٹ کا منصوبہ بنا رہے ہیں۔ دونوں بورڈز ایونٹ سے قبل اپنے کھلاڑیوں کی رائے لیں گے۔ آسٹریلوی بورڈ نے آنے والے سیزن میں 12 فرسٹ کلاس میچز کو آزمائشی طور پر مصنوعی روشنی میں کرانے کا بھی اعلان کر دیا ہے۔
فٹبال پریمیئر لیگ: لیور پول نے مانچسٹر یونائیٹڈ کو ایک صفر سے ہرا دیا
لندن: فٹبال پریمیئر لیگ میں لیور پول نے مانچسٹر یونائیٹڈ کو ایک صفر سے ہرا دیا۔ سوانسی اور آرسنل نے اپنے میچ جیت لیے۔دنیا کے ہر دلعزیز کھیل فٹبال میں دلچسپ مقابلے ہوئے اینفیلڈ میں لیور پول نے مانچسٹر یونائیٹڈ کا سارا غرور خاک میں ملا دیا۔ ایک صفر کی جیت کے ساتھ انہوں نے انیس سو چورانوے پچانوے کے بعد لیگ سیزن کا شاندار آغاز کیا ہے۔ دوسرے میچ میں سوانسی نے ویسٹ بروم کو دو صفر کی شکست سے دوچار کیا۔ پہلے ہاف میں فاتح ٹیم کو ایک صفر کی برتری حاصل تھی۔ ادھر آرسنل کا پہلے ہاف میں کیا ہوا گول ٹوٹنہم کے خلاف فیصلہ کن ثابت ہوا۔