کراچی(پی پی آئی)پی ٹی سی ایل گروپ (پی ٹی سی ایل اور یوفون4G) نے ملازمین کی بہتری اوراپنی ملازمت کے حوالے سے اطمینان کے فروغ پر مرکوز اپنے مثالی ادارہ جاتی کلچر کی بدولت ’ٹیکنالوجی و ٹیلی کام کے شعبے میں ملازمت کے لیے بہترین ادارہ برائے سال 2023‘ کا ایوارڈ حاصل کرلیا ہے۔ پی پی آئی کے مطابق ایوارڈز کا انعقاد پاکستان سوسائٹی آف ہیومن ریسورس مینجمنٹ (پی ایس ایچ آر ایم) اور انگیج کنسلٹنگ نے کیا تھا۔ پی ٹی سی ایل اور یوفون 4G کے گروپ چیف پیپل آفیسر شعیب بیگ کا کہنا تھا، ”اس اعزاز کے حصول سے پی ٹی سی ایل گروپ کا مقام انڈسٹری میں مزید بلند اور مستحکم ہوا ہے۔ یہ ایوارڈز پاکستان میں کام کرنے والی بہترین کمپنیوں کا ایک معیار مقرر کرتا ہے۔ اس کے علاوہ یہ ایوارڈپی ٹی سی ایل گروپ کے مثبت ادارہ جاتی کلچر کے ساتھ ساتھ معاشرے کی بہتری کے لیے اس کے مسلسل عزم کا بھی ثبوت ہے۔
ٹی ٹوئنٹی :لاستھ ملنگا کا سب سے زیادہ وکٹیںحاصل کرنے کا اعزاز
ضلع تھر پارکر کی نو سالہ بچی نامعلوم گولی کا شکار
سچن ٹنڈولکر بحرین گراں پر ی ریس دیکھنے جائیں گے
نیند ، ورزش اور اچھی غذا کے ذریعے ذہنی بیماریوں سے بچا جا سکتا ہے : ہیلتھ آوئرنس سیمینارز سے ماہرین کا خطاب
مارک مارکوئز نے قطر گراں پری جیت لی
میامی ماسٹر ٹینس: اعصام اور بوپننا کو شکست
تازہ ترین خبریں
- April 23, 2026
- April 22, 2026
اشتہار
تازہ ترین
عالمی برادری خصوصا سلامتی کونسل اسرائیلی جارحیت بند کرائے:او آئی سی
ریاض(پی پی آئی) او آئی سی جنرل سیکرٹریٹ نے غزہ میں اسرائیلی فوج کی جارحیت کی مذمت کا اعادہ کیا ہے جس میں سینکڑوں فلسطینی شہید اور زخمی ہوچکے ہیں۔او آئی سی نے اسرائیل کو بین الاقوامی قراردادوں کو نظر انداز کرنے کا ذمہ دار ٹھہرایا ہے،او آئی سی نے عالمی برادری خصوصا اقوام متحدہ کی سلامتی کونسل سے اپیل کی کہ وہ اسرائیلی جارحیت بند کرائے۔فلسطینی عوام کو بین الاقوامی تحفظ فراہم کرنے اور اسرائیل کا غاصبانہ قبضہ ختم کرانے کے لیے ٹھوس کردار ادا کرے اور خود مختار فلسطینی ریاست کے قیام اور مشرقی القدس کو اس کا دارالحکومت بنانے کے سلسلے میں اقدامات کیے جائیں۔او آئی سی نے سلامتی کونسل سے کہا کہ وہ عرب امن فارمولے اور بین الاقوامی قرارداوں کے مطابق دو ریاستی حل کے تصور کی بنیاد پر جامع اورمنصفانہ امن قائم کرائے۔
دنیابھرکے بدھ اور جین و سکھ یاتریوں کیلئے سندھ میں سیاحتی پروگرام شروع کرنے کا فیصلہ
کراچی (پی پی آئی) محکمہ سیاحت سندھ نے دنیا بھر میں آباد بدھ اور جین و سکھ مت کے یاتریوں کے لیے سندھ میں بین الاقومی ٹورازم پروگرام شروع کرنے کا فیصلہ کیا ہے،پی پی آئی کے مطابق اس پروگرام کے تحت کینیڈا، امریکہ، برطانیہ اور یورپ کے بدھ اور جین و سکھ یاتریوں کو عبادت گاہوں کی زیارتوں کے لیے خصوصی پیکج دیا جائے گا۔
ن لیگ اور دیگر سیاسی جماعتیں آج یوم سیا ہ منا ئیں گی
کراچی (پی پی آئی)مسلم لیگ ن سمیت دیگر سیاسی جماعتوں کی جانب سے12اکتوبر کو یوم سیا ہ منانے کا اعلان کیا گیا ہے۔پی پی آئی کے مطابق12اکتوبر1999کو جنرل (ر)پرویز مشرف کی جانب سے منتخب وزیراعظم میاں نواز شریف کی حکومت کا تختہ الٹ کر اقتدار پر قبضہ کرنے کے واقعہ کے خلاف مسلم لیگ (ن) اوردیگر سیاسی جماعتیں یوم سیاہ منائیں گی۔ اس حوالے سے سمیت ملک بھر میں تقریبات منعقد ہوں گی، پارٹی دفاتر پر سیاہ جھنڈے لہرائے جائیں گے اورسیاسی کارکن بازوؤں پر سیاہ پٹیاں باندھ کر ریلیاں اور مظاہرے اور احتجاج کریں گے۔
تلاش کریں
خبریں
ٹی ٹوئنٹی :لاستھ ملنگا کا سب سے زیادہ وکٹیںحاصل کرنے کا اعزاز
چٹاگانگ: ٹی ٹوئنٹی کر کٹ فارمیٹ میں سری لنکا کے فاسٹ بولر لستھ ملنگا اور اسپنر اجنتھا مینڈس نے سب سے زیادہ وکٹیں حاصل کر نے کی دوڑ میں سعید اجمل کو پیچھے چھوڑ دیا۔نیدر لینڈ کے خلاف شاندا ر کار کر دگی کے بعد لسیتھ ملنگا اور مینڈس نے سعید اجمل کو پیچھے چھوڑ دیا اسے قبل سعید اجمل سب سے زیادہ وکٹیں حاصل کر کے سر فہرست تھے۔ لاستھ ملنگا 36وکٹوں کے ساتھ پہلے ، اجنتھا مینڈس 35کے ساتھ دوسرے ، سعید اجمل 34وکٹوں کے ساتھ تیسرے ، شاہد آفریدی 33اور عمر گل 32وکٹوں کے ساتھ چوتھے اور پانچویں نمبر پر براجمان ہیں۔
ضلع تھر پارکر کی نو سالہ بچی نامعلوم گولی کا شکار
میرپورخاص: ضلع تھر پارکرکے گوٹھ چھاچھرو سے نقل مکانی کر کے آنے والی کمسن 9سالہ بچی پر اسرار طور پر گولی لگنے سے جاں بحق ہو گئی۔میرپورخاص کے علاقے بلوچ آباد کے نزدیک گوٹھ محمد علی میں رہائش پذیر گل محمد کھوسہ کی 9 سالہ بیٹی رحیماںپراسرار طور پر گولی لگنے سے جاں بحق ہو گئی ،جسے پولیس نے سول اسپتال پنچا دیا جہاں قانونی کاروائی کے بعد لاش ورثا کے حوالے کر دی گئی ۔متاثرہ خاندان نے غذائی قلت کے باعث چھاچھرو سے نکل مکانی کی تھی ، اس موقع پر بچی کے والد گل محمد کھوسہ کا کہنا تھا کہ ضلع تھر پارکر میں بھوک اور بیماریوں سے بچنے کیلئے میرپورخاص آکر مزدوری کر رہے تھے ،گزشتہ شب نا معلوم گولی لگنے کے باعث میری بیٹی رحمیاں جاں بحق ہو ئی ، ٹاﺅن پولیس نے بھی واقعے کو حادثہ قرار دہے، پولیس نے کہا کہ ابھی تک ایف آئی آر درج کروانے کے لیے نہیں آیا ہے ۔
سچن ٹنڈولکر بحرین گراں پر ی ریس دیکھنے جائیں گے
دبئی: سچن ٹنڈولکر بحرین گراں پری ریس دیکھنے بحرین جائیںگے ۔بحرین فارمولا ون نائٹ ریس بحرین انٹر نیشنل سرکٹ ساخر میں 4سے 6اپریل تک منعقد ہوگی۔بحرین کے شہزادے پرنس سلمان بن حماد الخلیفہ کی دعوت پر کر کٹ لیجنڈ سچن ٹنڈولکر اپنے خاندان کے ہمراہ مانا ما جائیںگے ۔ سچن ٹنڈولکر کے دوست اور بحرین کے معروف کاروباری شخصیت محمد دادابھائی نے سچن ٹنڈولکر کی آمد کی تصدیق کر دی ہے۔ دادابھائی کاکہنا تھا کہ ٹنڈولکر کی بحرین پری گراں ریس کے دوران آمد بہت بڑی خبر ہے جس سے انڈیا اور بحرین کو قریب آنے میں بہت مدد ملے گی۔ ان کا کہنا تھا کہ اس میں کوئی شک نہیں ہے کہ ٹنڈولکر اپنے خاندان کے ہمراہ بحرین کے اس بڑے ایونٹ کو دیکھنے آرہے ہیں اور ہمیں بہت بڑی خوشی ہے کہ دنیا کے عظیم کر کٹر بحرین کے دورے پر آرہے ہیں۔
نیند ، ورزش اور اچھی غذا کے ذریعے ذہنی بیماریوں سے بچا جا سکتا ہے : ہیلتھ آوئرنس سیمینارز سے ماہرین کا خطاب
کراچی: محکمہ امور نوجوانا ن وسندھ کے زیر اہتما م یوتھ ہیلتھ آوئرنس پروگرام کے سلسلے میں ذہنی و دماغی صحت کے موضوع پر کراچی ، سجا ول ، حیدر آباد ، ٹھٹھہ ، ٹنڈو باگو سمیت سندھ بھر کے کالجوں میں سیمینارز منعقد کئے گئے ۔ اس موقع پرخطاب کر تے ہوئے ممتاز معالج ڈاکٹر نسیم اختر نے کہا کہ بھر پور نیند ، بہترین غذا اور ورزش سے ذہنی بیماریوں سے بچا جا سکتاہے ۔ ملک میں ذہنی بیما ریوں میں اضافہ باعث تشویش ہے ، پروجیکٹ ڈائرکٹر سلیم احمد صدیقی نے کہا کہ وقتی سکون کے لیے سگریٹ نوشی مختلف ذہنی بیماریوں کا باعث بن جاتی ہے، نوجوانو ں کو سگریٹ نوشی سے گریز کر نا چاہیے، پروگرام کوارڈینیٹر مس ذکیہ نے کہا کہ عبادت ، اور یو گا سے ہی ذہنی سکون حاصل کیا جا سکتا ہے ، ذہنی بیماریوں سے نوجوانوں کو بچائیں گے۔
مارک مارکوئز نے قطر گراں پری جیت لی
دوحا: موٹو جی پی کے عالمی چیمپئین مارک مارکوئز نے سیزن کا افتتاحی مقابلہ قطر گراں پری جیت لیا۔ دوحا کے انٹرنیشنل اسپیڈ وے پر ہونے والی قطر گراں پری کے لئے سارے ہی بڑے نام صف آرا ہوئے۔تاہم اعزاز کی جنگ میں بازی عالمی چیمپئین مارک مارکوئز کے نام رہی جنھوں نے فنش لائن سب سے پہلے عبور کی، قریب ترین حریف اٹلی کے ویلنٹینو روسی دوسرے نمبر پر رہے،جب کہ اسپین ہی کے ڈانی پیڈروسا نے تیسری پوزیشن حاصل کی۔ آگے بڑھنے کی دھن میں دوبار کے عالمی چیمپئن لورینزو بائیک پر قابو نہ رکھ سکے اور نتیجے میں مقابلے سے دستبرداری ہوگئے۔ برطانیہ کے بریڈلے اسمتھ اسپیڈ کے ساتھ کنٹرول کے مظاہرے میںنا کام رہنے کے بعد حادثے کا شکار ہوئے۔
میامی ماسٹر ٹینس: اعصام اور بوپننا کو شکست
میامی: پاکستانی ٹینس اسٹاراعصام الحق اوربھارت کے روہن بوپننا کی جوڑی کومیامی ماسٹرزٹینس ٹورنامنٹ کے مینزڈبلزایونٹ میں شکست کا سامنا کرنا پڑا۔ دفاعی چیمپئین اینڈی مرے، راجرفیڈرراورڈیوڈ فیررمینزسنگلزکے پری کوارٹرفائنل میں پہنچ گئے۔ میامی میں جاری ماسٹرزایونٹ کیمینزڈبلزکے پری کوارٹرفائنل میں اعصام الحق اورروہن بوپننا کوکولمبیا کے یوآن سباستین اوررابرٹ فارا کے پئیرنے اسٹریٹ سیٹس میں 6-2اور6-4سے شکست دی۔مینزسنگلزکے تیسرے راﺅنڈ میں دفاعی چیمپئین اینڈی مرے اسپین کے فلیسیانولوپیزکواسٹریٹ سیٹس میں 6-4اور6-1 سے مات دی۔ ومبلڈن چیمپئین نے اسپینش حریف کوصرف نوے منٹ میں زیرکرلیا۔سترہ مرتبہ کے گرینڈ سلم ونرراجرفیڈررنے ہالینڈ کے تھیموڈی بیکرکوشکست دیکرآخری سولہ کھلاڑیوں میں جگہ بنالی۔ سوئس کھلاڑی کی فتح کا اسکور6-3 اور6-3 رہا۔تیسرے راﺅنڈ کے ایک اورمیچ میں فورتھ سیڈ اسپین کے ڈیوڈ فیررنے اٹلی کے آندرے سیپی کیخلاف باآسانی 6-3 اور6-2سے کامیابی حاصل کی۔