نیویارک/ اسلام آباد (پی پی آئی)اقوام متحدہ نے خبردار کیا ہے کہ افغانستان، بنگلہ دیش، بھارت، مالدیپ اور پاکستان میں بچے موسمیاتی تبدیلیوں کے اثرات کے ”انتہائی زیادہ خطرات“ کا شکار ہیں۔ اس وقت دنیا بھر میں سب سے بلند درجہ حرارت جنوبی ایشیا کا ہے۔ غیر معمولی حد تک بڑھے ہوئے درجہ حرارت سب سے زیادہ بچوں کو متاثر کر رہا ہے۔ پی پی آئی کے مطابق جنوبی ایشیا میں لاکھوں بچوں کی زندگیوں اور صحت کو گرمی کی لہروں اور بلند درجہ حرارت سے شدید خطرات لاحق ہیں۔‘یہ بچے آنے والے سالوں میں زیادہ اور بار بار اور زیادہ شدید گرمی کی لہروں کا شکار رہیں گے۔“
سوئٹزلینڈ :ہاکی چیمپئنز چیلنج ون2014 کے میچوں کے شیڈول کا اعلان کردیا
صوبائی وزیر صحت و بلدیات کا سول اسپتال ٹھٹھہ کا دورہ،گھارو میں R-O پلانٹ کا افتتاح
یوایس پرو چیلنج سائیکل ریس :امریکہ کے ٹی جے وین نے فائنل مرحلہ جیت لیا
زمبابوین بورڈ 18 ملین ڈالر کا مقروض،ملک میںکرکٹ کے وجود کو خطرہ لاحق
قذافی سٹیڈیم لاہور میں آسٹریلوی طرز کی باﺅنسی وکٹ تیار
سبی:نواب اکبر خان بگٹی کی ساتویں برسی عقیدت سے منائی گئی
تازہ ترین خبریں
- April 23, 2026
اشتہار
تازہ ترین
’سخت آفات‘ کے علاوہ سپلیمنٹری گرانٹس کے اجرا پر پابندی
اسلام آباد (پی پی آئی)نگران حکومت نے مالیاتی پالیسی کو مزید سخت کرتے ہوئے شدید قدرتی آفات کے سواسپلیمنٹری گرانٹس پر پابندی لگا دی ہے اور منتخب حکومت کے برسر اقتدار آنے تک فنڈز کو مختص کردہ مد کے علاوہ دیگر مقاصد کے لیے استعمال کرنے کے حوالے سے سخت شرائط عائد کر دی ہیں۔پی پی آئی کے مطابق وزارت خزانہ نے تمام وزارتوں، ڈویڑنز، متعلقہ محکموں اور اداروں کو جاری کردہ میمورنڈم میں کہا کہ انتخابات کے بعد نئی حکومت کی تشکیل تک کسی شدید قدرتی آفت میں اقدامات کے علاوہ منظور شدہ بجٹ کے اندر رہنے کے لیے موجودہ مالی سال 2024 میں پارلیمان سے منظور شدہ بجٹ کے علاوہ کسی بھی اضافی اخراجات کے لیے کوئی سپلیمنٹری گرانٹس منظور نہیں کی جائیں گی۔اس میں کہا گیا کہ ضمنی گرانٹ شدید قدرتی آفات میں بھی اسی صورت میں منظور کی جائے گی جب کہ اس بات کا جائزہ لے لیا جائے کہ کوئی اور فنڈز دستیاب نہیں ہیں، اس صورت میں بھی ٹیکنیکل سپلیمنٹری گرانٹس منظور کی جائے گی جب کہ متعلقہ ادارے کی قیادت کرنے والا پرنسپل اکاؤنٹنگ افسر ایک سرٹیفکیٹ فراہم کرے گا کہ فنڈز کے حصول کے لیے دیگر تمام راستے طریقے ختم ہو چکے ہیں اور متعلقہ اکاؤنٹنگ آرگنائزیشن سے اس کی تصدیق کی بھی ضرورت ہوگی۔
کرم تنگی آبی منصوبہ کیلئے ایشیائی ترقیاتی بینک سے 30کروڑ ڈالر قرض کی منظوری متوقع
اسلام آباد (پی پی آئی)پاکستان نے کرم تنگی انٹیگریٹڈ واٹر ریسوس ڈیولپمنٹ منصوبے کے لیے ایشیائی ترقیاتی بینک (اے ڈی بی) کو 30 کروڑ ڈالر قرض فراہم کرنے کی درخواست کی ہے، ایشیائی ترقیاتی بینک کی جانب سے منصوبے کی جاری دستاویزات کے مطابق اے ڈی بی سے 2024 میں قرضے کی منظوری متوقع ہے۔ پی پی آئی کے مطابق منصوبے کا مقصد دریائے کرم پر 1,480 ملین کیوبک میٹر (ایم 3) پانی ذخیرہ کرنے کی گنجائش کے ساتھ 95 میٹر اونچا ڈیم بنانا؛ 65 میگاواٹ پن بجلی کی پیداوار کے لیے 3 چھوٹے ہائیڈرو الیکٹرک پاور ہاؤسز کی تعمیر،نئے کمانڈ ایریا کے 27 ہزار 400 ہیکٹرکی سیرابی؛ اور موجودہ ایک لاکھ 55 ہزار 444 ہیکٹر کمانڈ ایریا کو آبپاشی کے لیے پانی کی فراہمی ہے کرم تنگی منصوبہ آبپاشی کے بنیادی ڈھانچے کو بہتر بنائے گا جبکہ 5 لاکھ کلومیٹر طویل آبپاشی کی نہروں اور واٹر کورسز کی تعمیر کی جائے گی۔
ستلج کا بند ٹوٹنے سے بہاولپور و ملحقہ علاقوں میں خوف و ہراس
بہاولپور(پی پی آئی) اپنی مدد آپ کے تحت بنائے گئے حفاظتی پشتوں کی بڑی تعداد دریائے ستلج میں پانی کے تیز بہاؤ کو برداشت نہیں کر سکی جس کی وجہ سے شہر کے گرد و نواح میں تین اہم گاؤں زیر آب آگئے اور بہاولپور شہر و ملحقہ علاقوں میں خوف و ہراس پھیل گیا۔پی پی آئی کے مطابق ایمپریس پْل پر ستلج میں سب سے زیادہ اخراج ایک لاکھ 30 ہزار کیوسک تھا جس سے ویسلان، سہلان اور لال دے گوٹھ کی بستیاں زیر آب آگئیں، بند ٹوٹنے سے قبل ہی شہریوں کو ان کے مویشیوں سمیت متاثرہ علاقوں سے نکال لیا گیا تھا لیکن سیلاب کے باعث بڑے رقبے پر ان کی کھڑی فصلیں زیر آب آگئیں۔
تلاش کریں
خبریں
ملک کے بیشتر علاقوں میں عمومی طور پر گرم اور خشک موسم متوقع
(June 15, 2026)
پاک-ترک وزرائے خارجہ کا علاقائی امن کی پیش رفت پر تبادلہ خیال
(June 14, 2026)
سوئٹزلینڈ :ہاکی چیمپئنز چیلنج ون2014 کے میچوں کے شیڈول کا اعلان کردیا
(August 29, 2013)
لوزانے( پی پی آئی )انٹرنیشنل ہاکی فیڈریشن نے ہاکی چیمپئنز چیلنج ون2014 کے میچوں کے شیڈول کا اعلان کردیا ۔مینز اور ویمنز ایونٹ کے مقابلے ملائیشین ہاکی کنفیڈریشن اور اسکاٹش ہاکی کو دیئے گئے ہیں ۔ہاکی کا یہ انٹرنیشنل ایونٹ ہر دوسال بعد منعقد کیا جاتا ہے ۔ مینز ایونٹ کے مقابلے 26اپریل سے 4مئی تک کھیلے جائیں گے جبکہ ویمنز ایونٹ کے مقابلے بھی 4مئی کو ہی اختتام پذیر ہونگے ۔مینز مقابلوں میں نیوزی لینڈ ، اسپین ،کوریا ،جنوبی افریقہ ، ملائیشیا ، کینیڈا ، آئر لینڈ اور جاپان کی ٹیمیں حصہ لیں گی جبکہ ویمنز مقابلوں میں کوریا ، امریکا ، جنوبی افریقہ ،انڈیا ، بیلجیئم، اسپین ، آئر لینڈ اور اسکاٹ لینڈ کی ٹیمیں شرکت کریں گی ۔
صوبائی وزیر صحت و بلدیات کا سول اسپتال ٹھٹھہ کا دورہ،گھارو میں R-O پلانٹ کا افتتاح
(August 29, 2013)
ٹھٹھہ: صوبائی وزیر صحت و بلدیات سید اویس مظفر نے ٹھٹھہ سول اسپتال کا دورہ ، گھارو میں آر او پلانٹ کا افتتاح کر لیا۔صوبائی وزیر صحت نے ٹھٹھہ سول اسپتال کو اچانک دورہ کیا اور طبی سہولیات کی عدم دستیابی اورصفائی ستھرائی کی صورت حال پر شدید برہمی کا اظہار کرتے ہوئے سیکرٹری صحت اور میڈیکل سپرینڈنٹ کو شعبہ حادثات اور ایمرجنسی کو ایک ہفتہ کے اندر مکمل طور پر فعال کرنے کی ہدایت کی ہے۔صوبائی وزیر صحت و بلدیات نے کہا کہ مراکز صحت عوام کو بہتر علاج و معالجے کی فراہمی کے لئے بنائے جاتے ہیں اور اگر ان میں سہولیات دستیاب نہ ہوں تو ان کا کیا فائدہ ۔صوبائی وزیر صحت نے کہا کہ فرائض سے غفلت اور لاپرواہی کسی بھی صورت میں برداشت نہیں کی جائے گی اور جو ڈاکٹر اپنے فرائض کی ادائیگی میں غفلت کا مرتکب پایا گیا اس کے خلاف سخت کاروائی کی جائے گی ۔صوبائی وزیر صحت و بلدیات نے گھارو کے شہریوں کو پینے کا صاف پانی کی فراہمی کے لئے R-O پلانٹ کا بھی افتتاح کیا ،اس موقع پر انھوں نے وہاں موجود عوام سے بات چیت کرتے ہوئے کہا کہ موجودہ جمہوری حکومت عوام کو تمام تر بنیادی سہولیات کی فراہمی کے لئے کوشاں ہے۔ انھوں نے مزید کہا کہ تمام محکموں کے سربراہوں کو ہدایت کر دی گئی ہے کہ ترقیاتی منصوبے بروقت مکمل کئے جائیں تا کہ عوام ان سے بھرپور فائدہ اٹھا سکیں۔ صوبائی وزیر نے اس موقع پر ٹھٹھہ شہر کے ترقیاتی منصوبوں کے حوالے سے ایک اجلاس کی صدارت بھی کی اور ان پر پیش رفت کا تفصیلی جائزہ لیا۔ بعد ازاں صوبائی وزیر نے ٹھٹھہ کے مختلف علاقوں کادورہ کیا اور عوام سے ان کے مسائل معلوم کئے۔ وہاں موجود عوام نے صوبائی وزیر کو آگاہ کیا کہ شہر میں رہزنی اور لوٹ مار کی وارداتوں میں بہت زیادہ اضافہ ہو گیا ہے جس پر قابو پانے کی اشد ضرروت ہے۔صوبائی وزیر صحت و بلدیات نے ڈی پی او ٹھٹھہ کو ہدایت کی کہ شہر کے مختلف علاقوں میں پولیس کی پٹرولنگ بڑھائی جائے اور اس قسم کی وارداتوں میںملوث مجرمان کو گرفتار کر کے قانوں کے کہٹرے میں لایا جائے۔ انھوں نے خبردار کیا کہ اس ضمن میں ایک ہفتہ کے اندر نمایاں بہتری آنی چاہیے وہ ایک ہفتہ بعد دوبارہ ٹھٹھہ کا دورہ کر کے ذاتی طور پر صورتحال کا جائزہ لیں گے۔
یوایس پرو چیلنج سائیکل ریس :امریکہ کے ٹی جے وین نے فائنل مرحلہ جیت لیا
(August 26, 2013)
کولراڈو( پی پی آئی )امریکہ کے ٹی جے وین نے یو ایس پرو چیلنج سائیکل ریس کا فائنل مرحلہ جیت لیا،آخری مرحلے میں حادثے کا شکار ہونیوالے دو رائیڈرز کو ریٹائر بھی ہونا پڑا۔امریکی ریاست کولراڈو میں ہونیوالی ریس کا فائنل مرحلہ چودہ کلو میٹر کے فاصلے پر مشتمل تھا جس میں رائیڈرز کے ٹکرانے سے ہونیوالے حادثے میں دو سائیکلسٹ زخمی ہو کر ریٹائر بھی ہوئے۔آخری مرحلے میں سلواکیہ کے پیٹر ساگان نے کامیابی حاصل کی لیکن ایونٹ میں مجموعی طور پر میدان مارنے والے امریکی سائیکلسٹ ٹی جے وین نے ییلو جرسی پر قبضہ برقرار رکھا اور ایونٹ میں سب سے زیادہ پوائنٹس کے ساتھ سائیکل ریس کا ٹائٹل اپنے نام کیا،سوئزرلینڈ کے میتھیاس فرینک کی دوسری اور امریکہ کے ٹوم ڈینیل سن کی تیسری پوزیشن رہی۔
زمبابوین بورڈ 18 ملین ڈالر کا مقروض،ملک میںکرکٹ کے وجود کو خطرہ لاحق
(August 26, 2013)
ہرارے ( پی پی آئی )زمبابوے میں کرکٹ کا وجود خطرے میں پڑگیا، قرضوں میں گھرے کرکٹ بورڈ کیلئے معاملات چلانا مشکل ہوگیا۔ سابق وزیر کھیل ڈیوڈ کولٹارٹ نے کہا ہے کہ اس وقت زمبابوین کرکٹ بورڈ 15 سے 18 ملین ڈالر کا مقروض ہے اور ملک میں کھیل کی صورتحال انتہائی دگرگوں ہے۔ انہوں نے بتایا کہ غیر ملکی ٹورز کم ہونے کی وجہ سے صورتحال مزید پیچیدہ ہوچکی ہے۔ ہمیں بہت کم ٹیموں کی میزبانی سے منافع حاصل ہوتا ہے۔ انہوں کہا کہ پاکستان سے سیریز کے بعد شاید تمام کھلاڑی کرکٹ کھیلنا ہی بند کر دیں۔
قذافی سٹیڈیم لاہور میں آسٹریلوی طرز کی باﺅنسی وکٹ تیار
(August 26, 2013)
لاہور ( پی پی آئی )ڈومیسٹک سیزن کیلئے قذافی سٹیڈیم میں 16 وکٹیں پرانی طرز پر بنائی گئی ہیں جبکہ ایک وکٹ آسٹریلوی طرز پر باﺅنسی بنائی گئی ہے۔ اس کی تیاری کیلئے لوہے اور بجری کے کنکریٹ تیار کر کے اس کے اوپر مٹی ڈال دی گئی ہے اس طرح کی وکٹوں سے باﺅلرز کو گیند کو اٹھانے اور تیز کرنے میں مدد ملتی ہے۔ وکٹوں کے بعد گراﺅنڈ میں گھاس کی کٹائی کا کام بھی جاری ہے۔
سبی:نواب اکبر خان بگٹی کی ساتویں برسی عقیدت سے منائی گئی
(August 26, 2013)
سبی(پی پی آئی)نواب اکبر خان کی ساتویں برسی کے موقع پر سبی سمیت دیگر علاقوںمیں مکمل شٹر ڈاﺅن اور پہیہ جام ہڑتال کی گئی جبکہ مختلف علاقوںمےںقرآن خوانی اور لنگر تقسیم کیا گیا۔تفصیلا ت کے مطابق نواب اکبرخان بگٹی کی ساتویں برسی سبی سمےت بلوچستان بھر مےںعقےدت واحترام سے منائی گئی ،اس موقع پر سبی ،بختےار آباد ، لہڑی ، نوتال ،ڈھاڈر ، مچھ ، کولپورسمےت بلوچستان بھر مےں بی آر پی ، بی اےن اےف اور جے ڈبلےو پی کی کال پر مکمل شٹر ڈاو¿ن اور پہےہ جام ہرتال کی گئی ، نواب اکبرخان بگٹی کی برسی کے موقع پر تمام چھوٹے بڑے شہروں مےں ہر قسم کا کاروبار مکمل طور پر بند رہا جبکہ سٹرکوں پر ٹریفک جزوی طور پر بحال رہی ،نواب اکبر خان بگٹی کی برسی کے موقع پر چھوٹے بڑے شہر و گاو¿ں مےں قرآن خوانی اور روح کے اےصال ثواب کے لئے فاتحہ خوانی بھی کی گئی بعدازاں لنگر بھی تقسےم کےا گےا۔ نواب اکبر خان بگٹی کو سات سال قبل 26اگست 2006کو کوہلو اور ڈےرہ بگٹی کے درمیانی علاقہ تراتانی کے پہاڑوں مےں فورسز نے بڑے آپرےشن مےں قتل کےا گےا تھا،سبی مےں شہےدنواب اکبرخان بگٹی کی برسی کے موقع پر ڈپٹی کمشنر سبی کی جانب سے موٹر سائےکل پر پابندی بھی عائد کی گئی ۔