سیاٹل، 10 ستمبر 2014ء/ پی آرنیوزوائر / ایشیانیٹ پاکستان — بل اینڈ میلنڈا گیٹس فاؤنڈیشن نےآج اعلان کیا ہے کہ وہ مغربی افریقہ میں ایبولا پھوٹ پڑنے کے بعد اسے روکنے اور وائرس کے پھیلنے کو روکنے کی ہنگامی کوششوں کو بڑھانے میں مدد کے لیے 50 ملین ڈالرز کا وعدہ کرتا ہے۔ فاؤنڈیشن اس کام میں شریک اقوام متحدہ کے اداروں اور بین الاقوامی انجمنوں کو فوری طور پر لچکدار فنڈز جاری کرے گا تاکہ انہیں اور قوی حکومتوں کو انتہائی ضروری رسد خریدنے اور متاثرہ ممالک میں ہنگامی کاموں کو بڑھانے میں مدد دینے کے قابل بنا سکے۔  مزید برآں فاؤنڈیشن سرکاری و نجی شعبے کے شراکت داروں کے ساتھ مل کر علاج کے طریقوں، ویکسینز اور تشخیصی  عمل کو بہتر بنانے میں تیزی کے لیے کام کرے گا جو مریضوں کے علاج اور بیماری کو مزید پھیلنے سے روکنے میں موثر ثابت ہوسکتا ہے۔ “ہم اس وقت زندگیاں بچانے اور مہلک مرض کو مزید پھیلنے سے روکنے کے لیے مدد کے موثر ترین طریقے تلاش کرنے میں اپنے شراکت داروں کے ساتھ  کام کررہے ہیں۔” سو ڈیسمنڈ-ہیلمان، سی ای او گیٹس فاؤنڈیشن نے کہا۔ “ہم علاج، ویکسینز اور تشخیصی عمل کو بھی تیز کرنا چاہتا ہے تاکہ اس مرض کے خاتمے میں مدد مل سکے اور مستقبل میں اس کے پھوٹ پڑنے کو روکا جاسکے۔” اب تک گیٹس فاؤنڈیشن ایبولا کے پھوٹنے  کے خلاف جدوجہد کے لیے 10 ملین ڈالرز سے زیادہ کا عہد کرچکا ہے، جس میں ہنگامی آپریشنز اور آر اینڈ ڈی جائزوں کے لیے عالمی ادارہ صحت کے لیے 5 ملین ڈالرز اور لائبیریا، سیرالیون اور گنی میں اہم طبی رسد، جوابی سرگرمیوں میں ہم آہنگی اور خطرے سے دوچار آبادی کو زندگی بچانے والی صحت کی معلومات فرہم کرنے کے لیے امریکی فنڈ برائے یونی سیف کی کوششوں میں مدد کے لیے 5 ملین ڈالرز شامل ہیں۔ فوری طور پر حادثاتی انتظام، علاج کی مدد اور صحت عامہ کے نظام کو مضبوط بنانے کے لیے امراض پر قابو اور تحفظ کے مراکز کو دینے کے لیے اضافی 2 ملین ڈالرز کا بھی عہد کیا گیا ہے۔ اگست میں نائیجیریا نے فاؤنڈیشن اور دانگوتے فاؤنڈیشن کی مدد سے لاگوس میں ایک ایمرجنسی آپریشنز سینٹر (EOC) کا آغاز کرکے موجودہ بحران پر ردعمل ظاہر کیا۔ قومی پولیو پروگرام کے تجربے اور اسباق سے فائدہ اٹھاتے ہوئے ای او سی وفاقی و ریاستوں حکومتوں کی جانب سے وائرس کے پھیلاؤ کو روکنے کے لیے جارحانہ قدم اٹھانے کا مرکز ہے، اور ایک محتاط امید ہے کہ یہ فوری قدم وسیع پیمانے پر پھیلاؤ کو روکنے میں مدد دے گا۔ اضافی مالی امداد ہونے کے ساتھ فاؤنڈیشن میدان عمل میں ہونے والے کاموں اور ایبولا کی ادویات، ویکسینز اور تشخیص  پر تحقیق اور ان کی تیاری  کو مالی امداد  دینے سے وابستگی کی مزید تفصیلات پیش کرے گا۔ بل اینڈ میلنڈا گیٹس فاؤنڈیشن کے بارے میں ہر  زندگی یکساں اہمیت کی حامل ہے، اس یقین کے ذریعے اپنی راہیں متعین کرنے والی بل اینڈ میلنڈا گیٹس فاؤنڈیشن دنیا بھر کے افراد کو صحت مند و بھرپور زندگی

کراچی: کراچی ایئر پورٹ کی سیکورٹی کلیرنس کے بعدپی آئی اے کی پروازوںکی آمدورفت پیر شام 4 بجے سے شروع کردی گئی۔ وزیر اعظم پاکستان کے معاون خصوصی برائے ایوی ایشن شجاعت عظیم نے کہا ہے کہ وزیراعظم میاں محمد نواز شریف نے جناح انٹرنیشنل ایئر پورٹ پر ہونے والے دہشت گردوں کے حملے کا کامیابی سے دفاع کرنے پر سیکورٹی فورسز کی بہادری کی تعریف کی ہے ۔ انھوں نے اس سانحہ میں جاں بحق ہونے والوں کی فرض شناسی کو بھی بے حد سراہا۔شجاعت عظیم نے جناح ایئر پورٹ کا تفصیلی دورہ کیا اور فلائٹ آپریشن دوبارہ سے اپنی نگرانی میں شروع کرایا، اس دوران ڈائریکٹر جنرل سول ایوی ایشن اتھارٹی ایئر مارشل ریٹائرڈ محمد یوسف اور ڈائریکٹر جنرل اے ایس ایف بریگیڈیئر محمد اعظم ٹوانہ بھی ان کے ہمراہ تھے۔پی آئی اے کے چار ملازمین اس سانحہ میں جاں بحق ہوئے جبکہ چار ہی ملازم زخمی ہوئے۔ شجاعت عظیم نے دوران ڈیوٹی جاں بحق ہونے والے پی آئی اے انجینئروں کے اہل خانہ سے اظہار ہمدردی کی ۔ انھوں نے کہا کہ پی آئی اے کے تمام ملازمین اپنے 4 ساتھیوں فاخر لغاری، ایس ایم الیاس، تنویر اے خان اور فضل زبیری کی شہادت پر انتہائی سوگ کی کیفیت میں ہیں، ہماری دعا ہے کہ اس سانحہ میںزخمی ہونے والے جلد از جلد صحت یاب ہوں۔ انھوں نے کہا کہ ہم اس کارروائی کے دوران مسافروں کی جانب سے کئے جانے والے تعاون کے بھی انتہائی مشکور ہیں جن کے تعاون سے اس آپریشن کو کامیابی سے مکمل کیا گیا۔ دہشت گردی کی کارروائی کی وجہ سے پی آئی اے کی 20 پروازیں متاثر ہوئیںجبکہ ایک پرواز کا رخ نواب شاہ کی جانب موڑا گیا اور 3 بین الاقوامی پروازوں کو لاہور اتارا گیا۔ پاکستان کے تمام ایئر پورٹس پر سیکورٹی انتہائی سخت کر دی گئی۔

حیدرآباد: صوبائی وزیر جیل خانہ جات ، اینٹی کرپشن ، انکوائیریز اور معدنیات منظور حسین وسان نے ڈپٹی کمشنر آفس ٹنڈو محمد خان میں ایک کھلی کچہری منعقد کی ۔اس موقع پر انھوں نے کہا کہ پارٹی کے شریک چیئرمین کی ہدایت کے تحت ہر ضلع میں صوبائی وزرا کھلی کچہریاں منعقد کرکے عوام کے مسائل کے حل کے لیے رپورٹ پیش کریں گے تاکہ عوام کے مسائل بلا تاخیر ان کی دہلیز پر حل ہو ں ۔انھوں نے کہا کہ یہاں پر مسائل ضرور ہیں لیکن بے روز گاری سب سے بڑا مسئلہ ہے اور بہت جلد یو سی سطح پر اہل بے روز گار افراد کو روز گار دیا جائے گا ۔ انھوں نے کہا کہ ضلع ٹنڈو محمد خان میں نکاسی وفراہمی آب کے مسائل جلد حل کیے جائے گے ۔اس موقع پر انھوں نے ٹنڈو محمد خان ضلع میں جیل کے قیام کااعلان کیا ۔ صوبائی وزیر نے کہا کہ ضلع ٹنڈو محمد خان کے صحافیوں نے عوامی مسائل کو بہت اچھے طریقے سے پیش کیا ہے ، اس لیے ٹنڈو محمد خان میں ایک صحافی کالونی کے قیام کا اعلان کیا اور امید ظاہر کی کہ صحافی مستقبل میں بھی حکومت کے سامنے مسائل پیش کرتے رہیں گے ۔قبل ازیں پی پی ضلع ٹنڈو محمد خان کے صدر حاجی محمد امین لاکھو ، اراکین صوبائی اسمبلی عبدالکریم سومرو ، اعجاز حسین شاہ بخاری ،محمد نواز چانڈیو و دیگر رہنما ں و کارکنان نے صوبائی وزیر کو ضلع ٹنڈو محمد خان کے مسائل سے تفصیلی آگاہ کیا ، جن کے حل کے لیے صوبائی وزیر نے یقین دہانی کراتے ہوئے کہا کہ مذکورہ مسائل کے حل کے لیے بہت جلد ایک جامع رپورٹ اعلیٰ حکام کو پیش کی جائے گی ۔