لندن: انگلینڈ کرکٹ ٹیم رواں سال نومبر ،دسمبر میں سات ون ڈے میچوں پر مشتمل دو طرفہ سیریز کھیلنے کے لیے سری لنکا کا دورہ کر ے گی۔سیریزکے تما م میچ کولمبو ، پالی کیلے اور ہمبنٹوٹا میں کھیلے جائیں گے،چار ون ڈے ڈے اینڈ نائٹ کھیلے جائیں گے۔فیوچر ٹور پلان کے مطابق پانچ ون ڈے اور دو ٹی ٹوئنٹی میچ کھیلے جانے تھے لیکن دونوں ٹی ٹوئنٹی میچوں کو ون ڈے میں بدل میں دیا گیا ۔سیریز کا آغاز 26نومبر کو ہوگا جبکہ آخری میچ 16دسمبر کوکھیلا جائے گا۔

ریوڈی جینرو: ارجنٹائن کی ٹیم نے پہلے وارم اپ میچ میں ٹرینڈاڈ اینڈ ٹوباگو کی ٹیم کو 2-0کی واضح برتری سے شکست دے دی ، بیونس آئرس میں کھیلے گئے میچ میں ارجنٹائن کی ٹیم اسٹار کھلاڑی لیونل میسی کے بغیر میدان میں اتری لیکن بارسلونا کے چمپیئن کھلاڑیوںنے ٹرینڈاڈ اینڈ ٹو باگوکو ناکوں چنے چبوائے ، ارجنٹائن کی جانب سے پلیسیو نے گول کیے۔یوروگوائے نے ورلڈ کپ فٹ بال سے قبل آخری وارم اپ میچ میں سلوینیا کو 2-0سے جیت کر ورلڈ کپ کی تیاریاں مکمل کرلی۔اسٹار کھلاڑی لوئس سویز کی غیر موجودگی میں ایڈیسن کاوانی اور کرسچین سٹوانی نے ایک ایک گول کے ذریعے اپنی برتری دکھلا دی۔کورٹ ڈی آئیوری نے کپتان ڈیڈلرڈریگوبا کے شاندار گول کے باعث ایل سلواڈور کے خلاف وارم اپ میچ میں 2-1سے فتح حاصل کرلی،کورٹ ڈی آئیوری کی جانب سے دوسرا گول گریوینو نے میچ کے نویں منٹ میں کیا جبکہ میچ کے 75ویں منٹ میں ایل سلوڈور کی جانب سے پنالٹی پر آرٹورو آلویریز نے گول داغ دیا ۔جبکہ چلی کی ٹیم نے اپنے آخری وارم اپ میچ میں سنسنی خیز مقابلے کے بعد شمالی آئر لینڈ کو 2-0سے شکست دے دی ۔

ساﺅ پاﺅلو: ورلڈ کپ فٹ بال میں حصہ لینے والی 32 ٹیموں کے کوچز کی جانب سے اعلان کر دہ ٹیموں کے حتمی دستوں کی توثیق کر دی گئی ، 12جون سے 13جولائی تک 736کھلاڑی اپنے اپنے ممالک کی ٹیموں کی نمائندگی کریں گے ۔ورلڈ کپ 2014برازیل کی انتظامیہ برازیل کے شہر ساﺅ پاﺅ لو میں انتظامات کو حتمی شکل دے دی جس میں کھلاڑیوںکی انجریز اور فٹنس مسائل کو زیر بحث لایا گیا اور ٹیموں کے اعلان کر دہ دستوںکی توثیق کی گئی ،الجیریا سے لے کر امریکا تک تمام ٹیموں نے اپنے حتمی کھلاڑیوں اور انتظامات کو حتمی شکل دے دے کر ورلڈ کپ میں بہترین کارکردگی دکھانے کے لیے پر عزم ہیں۔بڑے بڑے نام حتمی ٹیم میں جگہ بنانے میں ناکام رہے ہیں۔کولمبیا کے ریڈمیل فیلساﺅ،امریکی کھلاڑی لینڈن ڈونووان اور کئی اسٹار کھلاڑی ورلڈ کپ میں ایکشن میں نظر نہیں آئیں گے۔s

جوہانسبرگ: کرکٹ جنوبی افریقا نے ہاشم آملہ کو ٹیسٹ ٹیم کا نیاکپتان بنا دیا ۔ جنوبی افریقا کرکٹ بورڑ حکام نے پریس کانفرنس میں ہاشم آملہ کو ٹیسٹ ٹیم کا نیا کپتان مقرر کیے جانے کا اعلان کیا ،سابق کپتان گراہم اسمتھ کی جانب سے ٹیسٹ کرکٹ سے ریٹائر منٹ کے بعد کپتانی کے لیے اے بی ڈی ولیئرز کو مضبوط امیدوارسمجھا جا رہا تھا لیکن آملہ کو ڈی ولیئر زپر ترجیح دی گئی ۔آملہ نے سماجی رابطے کی ویب سائٹ پر اپنے پیغام میں گراہم اسمتھ کو خراج تحسین پیش کرتے ہوئے کہا ہے کہ ا نھوں نے دس سال تک ہماری قیادت کی ، آملہ کا کہنا ہے کہ گزشتہ کئی سال سے میں ٹیم کا حصہ ہوں ،میں ٹیم کے کپتان بنائے جانے پر مشکور ہوں اور بورڑ کی جانب سے مجھے یہ موقع ملنا عزت کی بات ہے اور میں اس اعتما د پر پورا اترنے کی کوشش کروں گا۔اسے قبل کہا جارہا تھا کہ سلیکٹر اپنی ترجیحات بورڑ کو پیش کریں گے اور کپتان کا باقاعدہ تقرر بورڑ خود کرے گا ۔ نئے کپتان کا پہلا امتحان جولائی میں سری لنکا کے خلاف دوٹیسٹ کی صورت میںشروع ہوگا۔ آملہ اسے قبل 2002میں نیوزی لینڈ میں منعقدہ انڈر 19ورلڈ کپ میں ٹیم کی قیا دت کر چکے ہیں،جبکہ ڈومیسٹک سیزن میں ڈولفن کے کپتان رہ چکے ہیںتاہم ایک سیزن کے بعد اپنی بیٹنگ پر توجہ دینے کے لیے کپتانی سے مستعفی ہو گئے تھے۔ آملہ ون ڈے کرکٹ میں اے بی ڈی ولیئر زکے نائب کی حیثیت سے 2011میں مقرر ہوئے تھے اس دوران تین میچوں میں کپتانی بھی کی تاہم گزشتہ سال ان کی ذمہ داری ختم ہوگئی لیکن آملہ نے ٹیسٹ ٹیم کی کپتانی میں دلچسپی کا اظہار کیا تھا جس کے بعد انھیں کپتان بنا دیا گیا ۔

سنگا پور: کرکٹ لیجنڈ سچن ٹنڈولکر نے کہا ہے کہ حالیہ کرکٹ کرپشن کی تفتیش بہت خطر نا ک ہے ،مداح صاف شفاف مقابلے دیکھنا چاہتے ہیں۔سچن ٹنڈولکر پروموشنل دورے پر سنگا پور میں موجود ہیں ان کا کہنا ہے کہ کرپشن پر کی جانے والی تفتیش کھیل کے لیے خطرناک ہے۔ انھوں نے کہا کہ میرے خیال میں متعلقہ افراد اس معاملے پر اپنی ذمہ داری بھر پور نبھا رہے ہیں۔ٹنڈولکر پروموشنل دورے پر سنگا پور میں موجود ہیں اور ریٹائر منٹ کے بعد پہلی دفعہ کرکٹ بیٹ خریدنے پر بہت پر جوش بھی تھے ، ٹنڈولکر سابق ویسٹ انڈین اسٹا ر برائن لارا کے ساتھ رواں برس 5جولائی کو میلبورن کرکٹ کلب کی200ویں تقریب پر نمائشی میچ میں حصہ لیں گے۔

لندن: جنوبی افریقی کرکٹ ٹیم کے بیٹسمین ہاشم آملہ انگلش کاﺅنٹی سرے میں گراہم اسمتھ کی جگہ لیں گے۔سابق پروٹیز کپتان اور سرے کے کھلاڑی گراہم اسمتھ زخمی ہوکر کاﺅنٹی کے باقی میچوں سے باہر ہوگئے تھے جس کے بعدان کے ہم وطن کھلاڑی ہاشم آملہ کو ان کی جگہ ٹیم میں شامل کیا گیا ہے۔ اسمتھ 2012سے انجریز سے چھٹکارا پانے میں ناکام ہیں جس کے با عث وہ بین الاقوامی کرکٹ سے بھی ریٹائر ہوگئے تھے۔سرے کاﺅنٹی کے کرکٹ ڈائرکٹر ایلک اسٹورٹ کا کہنا ہے کہ ہم نے اسمتھ کو کسی صورت ٹیم میں رکھنے کی کوشش کی لیکن انجری اتنی شدید ہے کہ ہمیں مایوسی ہوئی جس کے بعد ہمیں فوری طور پر ہاشم آملہ کو بلا نا پڑا اور کرکٹ جنوبی افریقا نے اس معاملے میں بہترین تعاون کیا۔اسٹورٹ کا کہنا تھا کہ آملہ جون میں ہونے والے تمام میچوں میں شرکت کریں گے اس کے بعد وقت کے مطابق دیکھا جائے گا۔