حیدرآباد: آل پاکستان واپڈا ہائیڈرو الیکٹرک ورکرز یونین سی بی اے کا واپڈا واٹر ونگز کے ملازمین کے مسائل کے حل کیلئے جنرل مینجر واپڈا سے میٹنگ کا انعقاد کیا۔ اس موقع پر یونین کی جانب سے صدر یونین عبداللطیف نظامانی ، صوبائی سیکریٹری اقبال احمد قائمخانی ، اقبال احمد خان، دریا خان، ممتاز بیگ، یوسف پنھور، محبوب الرحمن ، سلیم سیال نے شرکت کی جبکہ انتظامیہ کی جانب سے جی ایم ساﺅتھ ریاض مغل، چیف انجینئرز مجید شیخ، ڈپٹی ڈائریکٹر ایڈمن مولا بخش ٹانوری موجود تھے۔ اس موقع پر یونین کی جانب سے ایجنڈا پیش کیاگیا جس میں کچھ پر فوری احکامات اور کچھ بالا اتھارٹی لاہور کو بھیج دیئے گئے ۔ جن میں واپڈا ڈسپنسری کا لطیف آباد میں قیام، ہیڈ کوارٹر الاﺅنس، رات کی ڈیوٹی کرنے والوں کیلئے شفٹ الاﺅنس، دوران ملازمت انتقال کرنے والے ملازمین کیلئے نوکریوں کے احکامات، حب ڈیم کالونی کی مرمت ، لاڑکانہ کے ملازمین کیلئے ہاﺅس رینٹ 45%اور کنوینس الاﺅنس، حب بلوچستان کو ڈیزرٹ الاﺅنس ، واپڈا اسپتال حیدرآباد میں ادویات کی فراہمی و مسائل اور دیگر پوائنٹس زیر بحث آئے۔ وریں اثناءحیسکو انتظامیہ سے بھی میٹنگ کی گئی جس میں 81ڈیلی ویجز ملازمین مختلف کٹیگریز (ALM,B.D,M.R, LDC, ASSA)وغیرہ کو ریگولر کرانے کے احکامات کا اجراءکرایا گیا جبکہ 7، MS-Iکو MRSSمیں ترقیاں دلوائی گئیں۔اس موقع پر قائد مزدور عبداللطیف نظامانی نے کہا کہ یونین نام ہے جدوجہد کا جو محنت کشوں کی طاقت کے سر چشمے کے باعث ملازمین کے مسائل کیلئے شب روز کو شاں ہیں ۔

حیدرآباد: چیئرمین تعلیمی بورڈ حیدرآباد پروفیسر انجینئر عبد العلیم خانزادہ نے تعلیمی بورڈ حیدرآباد کے تحت ہونے والے نویں اوردسویں جماعت جماعت کے امتحانات مکمل ہونے کے بعدویجیلینس ٹیموں اورتعلیمی بورڈ حیدرآباد کے افسران کے اجلاس سے خطاب کرتے ہوئے کہا کہ ہے کہ اس سال پورے سندھ میں نویں اوردسویں جماعت کے امتحانات کا 2 اپریل سے آغاز ہو ا ،ہڑتال بھی ہوئی، لیکن تعلیمی بورڈ حیدرآباد نے امتحان کا انعقاد یقینی بنایا ۔ صوبائی حکومت ،اسٹئرنگ کمیٹی،انسپیکشن انکوائری ایمپلی مینشن ٹیم ،کمشنر حیدرآباد ، ڈی ،آئی،جی ، 10 اضلاع کے ڈپٹی کمیشنر ز ، حیسکو کے افسران، تعلیمی افسران اور پولیس کے اعلیٰ حکام ،ڈائریکٹرز کالجز ، اسکولز، پرائیوٹ انسٹیٹیوشن نے مکمل تعاون کیا ، حساس مقامات پر بھی پرامن ماحول میں امتحان کا انعقاد ہوا، لوڈ شیڈنگ کے اوقات میں بھی تبدیلی کو یقینی بنایا گیا ،گرمی کے موسم کو مدِ نظر رکھتے ہوئے بورڈ نے 10 اضلاع میں قائم تمام امتحانی مراکز کو ٹھنڈا پانی بھی فراہم کیا ، طلبہ و طالبات کو کسی قسم کی دشواری نہیں ہوئی ، حیدرآباد تعلیمی بورڈ کے تحت 10 اضلاع ضلع سجاول ، بدین، حیدرآباد، دادو، جامشورو، نواب شاہ، مٹیاری ، ٹھٹھہ ، ٹنڈو محمد خان اور ٹنڈو الہیار میں کل 208 امتحانی مراکز قائم کئے گئے تھے ، حےدر آباد تعلےمی بورڈ کی حدود مےں واقع دس اضلاع،سے تعلق رکھنے والے طالب علموں مےں سے نوےں کے طلباءو طالبات65ہزار اسی اور دسوےں کے طلباءوطالبات کی تعداد62ہزار8 سو دو کل طلباءو طالبات کی تعداداےک لاکھ27ہزار8 سو82 تھی ۔انویجلیٹر ، انٹرنل، ایکسٹرنل ، ویجیلنس ٹیموں، اساتذہ تنظیموںاور تعلیمی بورڈ کے ہر ذمہ دارنے اپنی ذمہ داریوں کو پورا کیا، ہر ضلع کی انتظامیہ نے بھی امتحانی مراکز کے دورے کئے، امتحانی مراکز جو حساس تھے اُن کے باہر بھی ایس ایس پیز نے اضافی نفری کوتعینات کرایا ۔ 45 ویجیلنس ٹیموں نے نقل کی روک تھام کے لئے ہر ممکن کوشش کی1128امیدواروں سے نقل کا مواد برآمد کیا 187متبادل امیدوار پکڑے گئے جبکہ 10امتحانی عملے کو غفلت پر فارغ کیا ۔ سیکریٹری بورڈ عامر شفیق شیروانی نے کہا کہ ویجیلینس ٹیم امتحانی مرکز جاکر بغیرکاپی کیس واپس آسکتے تھے امتحانات اور پرامن ماحول میں گزر جاتے لیکن تمام ٹیموں نے اپنی ذمہ داری پوری کی،ہمارے ایک ساتھی کو نقل مافیا نے ضلع مٹیاری اڈیرولال کے اسکول میں دوران امتحان شہید بھی کیا ، کنٹرولر امتحانات عبدالغنی شیخ نے کہا کہ نقل کی روک تھام کی ذمہ داری نہ صرف ہماری ہے بلکہ یہ ذمہ داری والدین، سول سوسائٹی کی بھی تھی کہ وہ اپنے بچوں کو موبائل فون ، نقل کے مواد کے ہمراہ امتحانی مراکز نہ بھیجتے ، لیکن سول سوسائٹی اور والدین کی غیرذ مہ داری کی وجہ سے اُن کے بچوں کو مشکلات آئی ہیں ، مانیٹرنگ ٹیم نے ہر ضلع میں بینکوں سے پیپر کے اوقات چیک کئے تمام پیپر کو امتحانی اوقات میں پہنچایا کوئی پیر آﺅٹ نہیں ہوا ،تعلیمی بورڈ کے ہر عملہ ،ویجیلنس ٹیم کا بھی امتحان تھا میں ان کو بھی مبارکباد پیش کرتا ہوں، ہم نے میڈیا کی مثبت تنقید پر

لاہور: قومی کرکٹ ٹیم کے نوجوان کھلاڑی عمر اکمل اپنی شادی پر بہت خوش ہیں ، ہنی مون پرعمرے کی سعادت حاصل کر نا چاہتے ہیں۔عمر اکمل کا کہنا ہے کہ ان کی شادی گھر والوں کی مرضی سے ہورہی ہے اور یہ شادیہ ارینجڈ میرج ہے جس پر وہ خوش ہیں۔ انھوں نے کہا کہ اس خوشی کے موقع پر عمرے کی سعادت حاصل کرنے کے لیے اللہ کے گھر جاﺅں گا۔ انھوں نے کہا کہ ان کی شادی کے تمام معاملات ان کے والد نے طے کئے ہیں ۔ عمر اکمل اپنے بڑے بھائیوں کی شادیوں میں جی بھر کے ناچے ہیں اب دیکھنا ہے کہ وہ اپنی شادی پر کیسا ناچتے ہیں۔