کراچی: صوبہ ہزارہ الائنس پاکستان کے جنرل سیکرٹری سردار احمد خان نے وفاقی حکومت ا ور خیبر پختون خواہ کی صوبائی حکومت سے مطالبہ کیا ہے کہ وہ بلدیاتی انتخابات سے قبل صوبہ ہزارہ کے قیام کی منظوری دیں۔ان کا کہنا تھا کہ خیبر پختون خواہ کی سابقہ حکومت نے 12اپریل2010میںہزارہ تحریک کو ر یاستی دہشت گردی و جبرکے ساتھ کچلنے کی انتہاکر دی تھی ،آج ان شہداکی چوتھی برسی ملک بھر میں منائی جارہی ہے۔سردار احمد نواز نے کہا کہ نواز شریف ،عمران خان سمیت تمام سیاسی جماعتوں نے 2013کے عام انتخابات کے دوران نہ صرف صوبہ ہزارہ کی حمایت کی بلکہ اقتدار میں آنے کے بعد صوبہ ہزارہ کے قیام کا وعدہ بھی کیاتھا۔انھوں نے مزید کہا کہ اگر اب بھی صوبہ ہزارہ کے قیام کے لئے ریفرنڈم کروایا جائے تواکثریت ہزارہ صوبے کے حق میں ووٹ دے گی۔ان کا کہنا تھا کہ صوبہ ہزارہ ایک الگ خطے کا درجہ رکھتا ہے جبکہ صوبہ ہزارہ کی تحریک 1905میںشروع کی گئی تھی تاہم صوبہ سرحد کا نام تبدیل ہونے کے بعد یہ تحریک ایک بار پھرابھر کر سامنے آئی۔اس موقع پر ان کے ہمراہ کوآرڈینیٹر حاجی خورشید،مرکزی سیکرٹری اطلاعات منیرعباسی ایڈو وکیٹ و دیگر موجود تھے۔

میر پور خاص: میر پور خاص میں غیر اعلانیہ طویل لوڈ شیڈنگ سے معاملہ سنگین صور ت حال اختیار کر گیا۔حیسکو میرپورخاص کی جانب سے جاری اعلامئے میں کہاگیا ہے کہ 13 اپریل کو ہالا روڈ پر 220کے وی لائن کی مرمت کی جائے گی جس کی وجہ سے میرپورخاص شہر میںآج اتوار کو صبح 7 بجے بجلی بند کر دی جائے گی جو کام مکمل ہونے کے بعد کھولی جائے گی، دوسری جانب شہر کے تاجر حلقوں کا کہنا ہے کہ بجلی کی لوڈ شیڈنگ کے باعث کاروباری سر گرمیاں ٹھپ ہو کر رہ گئی ہیں، عوام کاکہنا ہے کہ ہم بل کی ادائیگیاں بھی وقت پر کرتے ہیں جبکہ بل کی ادائیگی میں تاخیر پر حیسکو کی جانب سے جرمانے کا پہاڑ توڑ دیا جاتا ،ان کا مزید کہنا تھا کہ میرپورخاص واپڈا مکمل طور پر ناکام ہو چکی ہے ،شہریوں کو دونوں ہاتھوں سے لوٹا جارہا ہے اور حکمران تماشا دیکھنے میں مصروف عمل ہیں ،انھوں نے مطالبہ کیا کہ خدارا میرپورخاص شہر کی عوام کے مسائل حل کئے جائیں اور بجلی کے نظام کو درست کیا جائے تاکہ میرپورخاص کی عوام میں پھیلی بے چینی دور ہو سکے ۔

میرپورخاص: نامعلوم افراد کی فائرنگ سے جاں بحق ہونے والی خاتون کے قتل کا مقدمہ پولیس اہلکار سمیت 4 افراد کے خلاف مقتولہ کے شوہر کی مدعیت میںٹاﺅن پولیس نے درج کرلیا۔گزشتہ روز ٹاﺅن تھانے کی حدود میں کمشنر ہاﺅس کے قریب نا معلوم مسلح افراد نے رکشہ پر سوار کوٹ غلام محمد کی رہائشی 55 سالہ خاتون نصیبہ چانڈیو کو فائرنگ کر کے قتل کر دیا تھا،ٹاﺅن پولیس نے مقتولہ نصیبہ کے شوہر کانسٹیبل محمد عثمان چانڈیو کی مدعیت میں سنگین جرائم کے الزامات میں محکمہ پولیس سے برطرف اہلکار ذوالفقار عرف کالا ،زبیر بھٹی ،پولیس اہلکار میرحسن اور غلام علی کے خلاف مقدمہ درج کر کے ملزم پولیس اہلکار میر حسن کو گرفتار کر لیاگیا ،جبکہ ایک ملزم ذوالفقار عرف کالا اس سے قبل بھی لوگوں کو بلیک میل کرنے ،اغواءکرنے اور نجی ٹارچر سیلوں جیسے سنگین نوعیت کے الزامات کے تحت محکمہ پولیس سے برطرف کیا جاچکا ہے اور اب بھی وہ میرپورخاص کی انسداد دہشت گردی کی عدالت سے روپوش ہے ۔